تجميع المنتقل الى مستوى ثاني علم اجتماع

[طالبه علم الاجتماع]

ايه اخوي نزل

[خالدعبدالعزيز]

صباح الخير
اختي فجر
ابي منك افضل جدول لمستوى ثاني علم اجتماع
وياليت توضحي اي المواد اللي تتعارض مع بعض لان اتمنى اخذ المواد كامله
انتظرك وشكرا لك

[のя•Fάĵr]

المشاركة الأصلية كتبت بواسطة خالدعبدالعزيز

صباح الخير
اختي فجر
ابي منك افضل جدول لمستوى ثاني علم اجتماع
وياليت توضحي اي المواد اللي تتعارض مع بعض لان اتمنى اخذ المواد كامله
انتظرك وشكرا لك

صباح النور
أخوي كل طالب له هدف يختلف عن الآخر . ماقدر أرتب لك جدول وأقول هذا أفضل جدول للكل
أنا مثلاً , مايهم إذا تأخرت بالتخرج الي يهمني المعدل يكون ممتاز ولذلك ماراح أسجل مواد بمستوى ثاني تنزل معدلي لأن المستويات الأولى تعتبر تثبيت للمعدل :)

الجدول للترم الجاي نزل ويوجد فيه تعارض باليوم السادس لمادتين (مبادئ علم إجتماع , إنجليزي كتابه )
بما إن تخصصك علم إجتماع .فالأفضل أن تسجل مبادئ علم الإجتماع
العفو ~

[غرآم]

السلام عليكم ورحمة الله

طلب مني من احد الاعضاء عن طريقة تسجيل مواد المستوى الثاني بس ما عرفة اشلون اوصل المعلومات واخيرا لقيت الموضوع المناسب واتمني يستفيد الكل

افضل المواد واسهلها

1- علم الاجتماع ** مجبورين تاخذونها وخاصة الللي تخصص علم الاجتماع وهي اول مادة تخصص والمادة سهلة وامتحانها كان حلو

2-القراءة والمحادثة ** ايضا المادة هذي خوذوها وانتو مغمضين سهلة حيل بالبداية الدكتور حاسنا بسالفة الكتب بعدين اعتمد على المحتوى فقط يعني لا تخافون من كلامة انه بيجيب من برا (( وامتحانه كان روعة))

3-النحــــو2** طبعا المادة هذي نفس دكتور نحو 1 والدكتور امتحانه كان سهل وكله من الملخص اللي نزلة اخر المستوى راح انزلة لكم وتدرسون منه اول باول لا فية اشياء مخذوفة واجد

4-الحواسيب المكتبية ** المادة عملية يبي لها وقت علشان تتستوعب وتحفظ الخطوات بس انا ما كنت اطبق مع الدكتور واجد واكلتها بالامتحان ونزل معدلي من سبتها مو يعني ما تاخذونها والامتحان كله كان عن القوائم
وراح انزلكم شغلات راح تستفيدون منها

5- فقة السيرة ** هذا المادة انسحبة من المستوى اللي طاف عن جميع الطلبة لا ن فيها شبهات وان شاء الله يتعدل الحال وناخذها جميعا (( يعني سجلو هل المادة))

6-التذوق الادبي مااخذتها <<<< ما اعرف عنها شئ<< باخذها معاكم ان شاء الله ويمدحون هل المادة

7-خذو وحدة من الانجليزيات كتابة او قراءة بس ديرو بالكم تكون تعارض في تاريخ الامتحان واحسلكم تاخذون وحدة بس بالنسبة لي الانجليزي ازمه

8- اللي يبي ياخذ من مستوى الثالث ** انصحه ياخذ الاخلاق الاسلامية دكتورها حلو شرحة والمادة سهلة والامتحان هم حلو

9-واللي يبي ياخذ من مستوى الرابع ** العلاقات العامة بالبداية حسيتها صعبة بس اطلعت حلوة حيل بس فيها كم من الحفظ والدكتور شرحة لهالمادة عجيب

10- التجويــــــــــد*** احلى مادة واسهل مادة واخذت فيها 100% والكل راح يجيب هالدرجة سهلة بشكل وفي ملخص كامل لها

تنبيـه >>> يمكن يغيرون التواريخ للمواد المستوي الجاي ان الله احيانا اول شئ تاكد ان الجدول المنزل لسنه هذي واكتب كل المواد اللي تبي مع كتابة التواريخ وطابقها وشوف في تعارض والا لا

نصيحة اخيره &&&& حاول تاخذ كل مادة بيوم بروحها راح ترتاح وقت الامتحانات وتحصل اعلى معدل

طولتها عليكـــــم بس حبيت اوضح الصورة على اكمل وجه *** ولا تحاتون الملخصات موجودة

الله يوفقكــــــــم جميعـــــــــــا

[ضد الإرهاب]

علم إجتماع المستوى الثاني

لا حد يستعجل

[خالدعبدالعزيز]

مساء الخير
شكرا اختي فجر لردك واهتمامك دمتي بخير وسعاده
شكرا للغاليه غرام معلومات قيمه واستفدت منها والله يعينك علي بداية الدراسه بزعجك بالملخصات اللي قلتي
اخوي ضد الارهاب مشكور على الجدول واسال الله التوفيق للجميع
لكم مني

[نورالزهراء]

فجر ولا عليك امر حط لي رابط تجمع دراسه العنجليزي

[のя•Fάĵr]

المشاركة الأصلية كتبت بواسطة نورالزهراء

فجر ولا عليك امر حط لي رابط تجمع دراسه العنجليزي

أبشري . بس دراسه شو بالضبط ؟

تقصدي تجمع دفعتنا مستوى ثاني تخصص انجليزي ؟

[ضد الإرهاب]

مجرد فكرة

ودي آخذ الجدول كامل

بس المشكلة في التعارض ( مدري وش قصد الجامعة من هذا التعارض )

فكرت أعوض بمادة من المستوى الثالث

تحياتي ...

[أبن خلدون]

سوال اشوف الاخوان يتكلمون عن انهم يقدرون

اخذ مواد من مستوى ثالث هل هو متاح وكيف الطريقه