[ التجمع الخاص قبل الإعلان عن النتائج النهائية ] إستفسارات .. نقاش .. حوآر

[Dark Chocolate]

المشاركة الأصلية كتبت بواسطة ssuper cclever

بعد احنا ندفع فلوس للجامعة و احنا ما ندرس مجان احنا هنا اشبه ب " عملاء " ما دمنا ندفع فلوس ، .. و دخل الجامعة من ورى الانتساب بمئات الملايين ... ما طلبنا شي كثير ... قلنا بس يوظفون ناس كفايه تمشي امور العمادة و هالعدد الضخم ( اللي يدر ملايين على الجامعة ) ... و القصة مستفادة انك كمنشأة ملتزمة بعقد ضمني او مكتوب مع شخص او جهة
لازم تكون بقدر المسؤولية و بقدر ما تحصل عليه من اتعاب و مقابل .
الجامعة منشأة حكومية
ككل المنشآت الحكومية فيها بيروقراطية و بطئ مميت
تغيير هذي الثقافة
مو لازم تبدأ من الدولة
قد تبدأ من كل إدارة او منشأة على حدة
بعدها ترتفع ثقافة المجتمع و تتطور امور حياتنا

طيب بكم حجزت هالليالي في الفندق وكم تدفع للجامعة بكل سمستر ؟؟!!

لا نقعد نسوي مقارنات غير متكافئة

الفريدان و الشباب اللي معه هم مستقبل التعليم عن بعد في الجامعة ياليت تفكونا من نقدكم السلبي

[New LiFe]

ملاحظة بسيطة ,,

عن تجربة لسنتين ,, نتائج الفصل الاول تطلع أسرع من الثاني
والسبب اجازة بين الفصلين تكون اقصر ,,

عموماً ,, حتى الآن تأخر النتائج طبيعي ( مقارنة بالسنوات الماضية )
والفريدان ذكر انه راح يكون فيه حل لتأخر النتائج ,, أولها طبعاً الغاء
الاختبارات المقالية وهذا تم ,, حلول ثانية ماذكرها الفريدان نشوف وش بيصير

الله يوفق الجميع

[بوح نبضي]

ياليت .الوااحد مايجلس يدافع عن الجامعه والفريدان وحزبه!!


لان كل جامعات المسسسسلمين طلعت نتايجهم الا .احنا !! لييييه


يعني هم زايدين عنا بيد ولا رجل .ولا .ع روسسسسهم ريششششه

[alqahtani fahad]

والله الظاهر الفريدان ما درى عنااا تلقووونه يتفنجل ولا مسكر باب المكتب عليه اهو واثنين وطاقينها سوالف وحنا هنا ياما واحد قال الساعه وحده ولا جت وحده قال ثلاث وعلى هالمواااااااال خخخخخخخ يالله هانت تصبرووووا يالاجاويد جرها موووال خخخخخ

[بوح نبضي]

هههههههههههه كل فترة تجي فصله من فصلات النتايج خلصنا من الشعر


جاااااء وقت الموووووووواووويل

[اهات صفوى]

انا اقول احسن ما سوو التعليم المطور والحمدلله ان الامور ماشيه للامام وفيه تحسينات ....والامور تتحس يوم بعد يوم الى ان تكتمل والكمال لوجه الله......ورده لكل من يسعى للتطور والتقدم بشتى المجالاتوبقس من اقوى ملاكم للتخلف والرجعيه والانحلال

[New LiFe]

انا ماني بحزب الفريدان ولا حزب النجار ولا حزب فلان وعلان
لكن كلمة حق يجب أن تُقال ,, وضع الجامعة يتطور افضل من السنوات الماضية
وحلوا بعض المشكلات اللي تواجه الطلبة ,, طبعاً مو كلها لكن بالمستقبل نتعشم
خير ,, موضوع يا تمدح طول الوقت او تسب طول الوقت شي مو منطقي ابداً ,,

حسب قراءتي لتطورات الوضع من ايام النجار ووصولاً للفريدان ,, واضح جداً محاولات
الفريدان لتطوير الوضع ,, ابتدئها بمحاولة تحسين جداول الاختبارات ولحقها تنظيم مراكز
الاختبارات خصوصاً لطلاب الرياض وهذا واضح للجميـع ,, ايضاً تطبيق الفصل الصيفي ,,
الفريدان حسب وجهة نظري يحتاج وقت ,, ومستحيل يطور منظومة تشمل اكثر من 100 الف طالب بشكل كامل خلال سنة او سنتين ,, الموضوع اكبر من كذا ,, نتعشم خير وننتظر تطويرات افضل بالاترام القادمه ,,

[الريم القحطاني]

يا ليت الواحد يذكر ربه ابرك له .. لا فلان و لا علان
هذا فيه و هذا ما فيه.. و الله ما بناخذ شي غير الذنوب على ظهورنا

استغفر الله و اتوب اليه

[SSuper CClever]

المشاركة الأصلية كتبت بواسطة dark chocolate

طيب بكم حجزت هالليالي في الفندق وكم تدفع للجامعة بكل سمستر ؟؟!!

لا نقعد نسوي مقارنات غير متكافئة

الفريدان و الشباب اللي معه هم مستقبل التعليم عن بعد في الجامعة ياليت تفكونا من نقدكم السلبي

اقامتي في الفندق اقل من رسوم الجامعة الفصلية
يعني الجامعة ماخذه مبلغ اعلى المفروض خدمتها احسن
الفريدان و غيره انا ماهمني شخص الرجل بسلامة عمره
انا احكم على شغله
بما انه هو العميد فاللي حاصل تأخير لا مبرر له
حتى لو كان اعلن سابقا عن موعد صدور النتايج ... بكيفه هو ؟
المفروض الواحد يكون عنده شوية منطق
3 اسابيع انتظار للي مخلصين اخر يوم اختبار
4 اسابيع للي مخلصين اختباراتهم من الاسبوع الاول
توووومااااتشششش
بالنسبة لمستقبل التعليم عن بعد فالكلام اللي قلتيه قالوه قبلك للنجار
و العالم ماشي ما يوقف على احد

[alqahtani fahad]

لا تلومنييي يوم امووووول منحاش من الدوام على اني ابحصل شي والظاهر ابنتطر الين الصلاة وانام الين المغرب عشان اذا حصل شي يكون بغيابي الي هي الصدمات والحزن عل بعضنا يعني افرررررك من جو الحزن بالنوم خخخخخخخ