__g__ هـَـــمـْـــسْ الــحــُــــــرُوف ْ __m__

[SaD HeArT]

[ALIGN=CENTER][TABLE1="width:100%;background-image:url('http://www.creativecow.net/articles/chao_joe/firefly/4_sky.jpg');"][CELL="filter:;"][ALIGN=center]

قــَــبـــــــــل الــسـّـــفــَــــــــر ْ ..!!

http://www.m5zn.com/uploads2/2011/8/...25gwajuti4.jpg





السلام عليكم و رحمة الله وبركاته ..


بــ البدايه ..

الحمدلله اللي يسّـر لنـا العمـره في رمضـان , و عسى أن يتقبـلها قبولا حسنـا , و يكرمنا بـ كرمه و عطفه و رحمته ..


الحمدلله ع السلامـه ..

أقولها لـ " المصرقعين " نـوّاف & مصلط , و أيضا لــ نفسي ..


و تسلمـون ..

أقولها لكل اللي أرسل و تمنـّى سلامتنا في الروحه و الرجعه , و كذلك للي تمنـّت الله يعين السيـّاره ..


مدري شقول عن الروحـه ..

السوالف واجد و المواقف أيضا واجد ,

إن شاءالله راح أكتب عنهـا في مشاركات قادمـه .





ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ




الصوره اللي في المشاركـه ..

صورة عمـّال وزارة الكهـرباء و هم يصلحـّون كيبـل الكهرباء اللي عند بيتنـا ,


كان المفروض نمشي للعمره يوم الإثنيـن , و لكن لأن مراجعه عندي ما خلصت إضطرينـا نأجل الروحه إلى يوم الثلاثـاء ,

يوم الثلاثـاء ضبطنـّا كل شيء .. مو باقي إلا نحطّ الأغراض في السيـّاره و نتوكلّ على الله و نمشي ,

بعد صلاة العشـاء و توني طالع من المسجد إلا محمد أخوي داق علـيّ ,

محمد أخوي الله يصلحه و يخليه أغلب إتصالاته يكون وراها مصيبـه ,

أوّل ما أشوف رقمـه .. أتعـوّذ من الشيطان و اقول يـ الله تستر ..

لمـّا رديت كلمنـّي و قالي تعال بسرعه .. بيتنـا يحترق !!!

إختبصت .. مدري شصار فيني , نسيت كل اللي حواليني و ركضه للبيت ..

وصلت للبيت و إلا ناس واجد عنده , و أغلبهم من جيرانـّا , و ليتـات البيت اللي ع الشارع طافيه على غير العاده !!

دخلت البيت أدوّر بـ الظلمه و إلا ما فيه أحد .. طلعت أدوّر واحد من إخواني عشان يطمّني بس ما لقيت أحد !!

كان فيه واحد لابس " بنجابي " .. إستغربت منـّه , أشوفه يدخل البيت و يطلع .. ما دققت فيه عدل ,

كل اللي موجودين عند البيت لابسين دشاديش إلا هذا , و كلهم واقفين برّا إلا هذا ..

يدخل و يطلع من الباب الثاني للبيت !!

الوضع كان ظلمـه , صعبه أشوف ملامح أحد إلا لمـّا أقـرّب عنده أو أسمع صوته ,

جيت للي لابس " بنجاني " لأن وضعه غريب , الناس معتفسه و هذا داش و طالع على راحته ,

مسكته من رقبته و قلت أنت منو و شنو تسوي هني ؟ طالعني و قالي غانم شفيك ؟ انا نـوّاف أخوك !!

[ بعدين راح تعرفون سالفة البنجابي و المواقف اللي صارت حق نـوّاف بسبّته ]

ما صدّقت ع الله لقيت أحد من أهلي .. سألته وين أمي و الحريم ؟ عسى ما فيهم شيء !!

قالي الحمدلله كلّهم بخير و طيبين , وديتهم عند بيت عمّي لأن كهرباء بيتنا طفت ,

و بعدها عرفت إن كيبـل الكهرباء اللي عند بيتنـا و اللي موجود تحت الأرض إحترق , و صارت النار تطلع من الأرض ,

و نـوّاف و إثنين من جيرانا لحقوا عليها بسرعه و طفـّوها قبل لا تكبر و تحرق السيارات اللي بـرّا البيت ,

بعد 5 دقايق إلا سيارات المطافي واقفـه عند البيت , أثاري واحد من الجيران جزاه الله خير داق عليهم ,

الساعه وقتهـا كانت قريب الـ 9 , المطافي طمنونـا إن النار خمدت , ما فيه مجال توّلع مرّه ثانيه ,

إتصلنـا بعدها على طواريء الكهربـاء , و ما جونا إلا الساعه 10 ونص , و على ما فحصوا المكان و عرفوا المشكله ,

ما إشتغلوا إلا قريب الساعه 12 , و خلصوا الساعه 3 الفجـر , الكيبـل اللي إحترق كيبـل الوزارة ,

و هـ الكيبـل يوصّل الكهرباء حق بيتنـا + 7 بيـوت من جيرانـّا , بدايته من عندنـا إلين سابع جـار ,

و من الساعه 9 حتى خلصوّا العمـّال من شغلهم كانت كل البيوت طافيـه , و الشارع ظلمـه ,

كسروا خاطري حريم و عيال جيرانـّا , لا كهرباء و لا مكيـّف , حنـّا الشباب ما علينا خوف ,

أكثر شباب جيرانـّا تجمعـّوا عند بيتنـا , منها جمعه و سوالف , و منها يتابعون شغل العمـّال ,

بعد ما خلـّصوا العمـّال و إشتغلت الكهرباء قررّنـا نأجل روحـة العمـره و نشوف الوضع بكره (يوم الأربعاء) ,

إذا الأمور زينـه و ما فيه أي مشكله بــ الكهربـاء نروح , و هذا اللي صار , و الحمدلله رحنـا و رجعنـا .






ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ




همـســـه :


نضحـك و نمـزح و كـلّ(ن) داخلــه عبـــره ..

يا عـيــد لا تخـدعــك ضـجـّـة تهانـيـنــا !!


حـنــّـا نهـنـّي عشـان النـاس ما تـشــره ..

و إلا الوجـع يـبطـي و هو فـيـنــا !!

[/ALIGN][/CELL][/TABLE1][/ALIGN]

[SaD HeArT]

[ALIGN=CENTER][TABLE1="width:100%;background-image:url('http://www.creativecow.net/articles/chao_joe/firefly/4_sky.jpg');"][CELL="filter:;"][ALIGN=center]

عــِـيــدْكــُــــــم ْ مـْـبــــــــارَك ْ ..

http://www.m5zn.com/uploads2/2011/8/...et68iahds3.jpg



قال رسول الله صلـّى الله عليه و سلـّم :

{ الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ } .


و قال أيضـا :

{ مَنْ صَامَ رَمَضَانَ ثُمَّ أَتْبَعَهُ سِتًّا مِنْ شَوَّالٍ كَانَ كَصِيَامِ الدَّهْرِ } .


عيدكم مبـارك و عساكم من العايدين الفايزين بـ رضى الله و مغفرته ,

أدعي الله يتقبـّل من الجميع صالح أعمالهـم في شهر رمضان المبـارك ,

و أن يعيده ع الكـلّ و هم بــ أفضل حال و صحـّه في السنه الجايه و السنوات اللي وراهـا ..




ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ



على أنّ العيـد يمثـّل فرحـه و بهجـه عند الكثيريـن ,

إلا أنه يشكـّل في نفس الوقت أمرا عكسيـا عند البعض !!

و هذا الأمر العكسي قد يصل في بعض الأحيـان و الظروف إلى حالات الحزن و الضيق !!


بـ النسبة لي ..

فرحة العيـد أقصى مدى لهـا هو ظهـر أوّل يوم من أيـّام العيد , لا تتعـدّى أكثر من ذلك الوقت !!

منذ سنـوات و العيد هو نفس العيد , الروتين نفسه يتكرّر في كل مرّه ,

يختلف الأمر قليلا بين عيد الفطر و عيد الأضحى لأن الأخير فيه " ذبح و صلخ " ,

و لكن إجمالا العيدين بينهمـا تشابه كبير , من ناحية الرتابـه و الكـآبـه !!

فــ الفرحه في العيد أراها لــلأطفال أكثر منها للـكبـار ,

و إدخال البسمه على وجه طفل أعتقد أنها تخفـّف أي ضيق من الممكن أن يعكـّر الإحساس و الشعور !!





ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ



الطفليـن " التحفـه " اللي بــ الصوره فوق من عيال شارعنـا (حارتنـا) , بس سالفتهم سااااالفه !!

بعد ما رجعنا من الصلاه قعدنا بـ الصاله قعده عائلية و تقهوينـا و سولفنا شويء ,

و بعدها رحنا حنـّا الشباب للديوانيـه , و توني فاتح باب البيت اللي يدّخـل ع الديوانيه إلا هذولا جاييني ركض ,

و يسلمون و يعايدون و كل واحد منهم يطلـّع بوكه .. يعني عطنـا عيديه ,

سألتهم : أنتم منو ؟

اللي ع اليمين قال إسمي أحمد , و اللي ع اليسار قال إسمي بدر ,

قلت أنتم من عياله ؟ أبوكم شسمه ؟

قال اللي ع اليسار .. افا ما عرفتنـا , حنـّا جيناكم بالقرقيعان و غنينـا حق " الورع " اللي عندكم و اسمه خالد !!

عطيت كل واحد عيديتـه , و طلـّعت تلفوني أبي أصوّرهم .. يحليله أحمـد رفع راسه و طالعني ,

أما " الملسون بـدر " كان مشغول , مو فاضي للتصوير .. يبي يحطّ الفلوس بسرعه في بوكـه ,

قلت له : الدينار ما يبيك رجـّعه لي , قالي بس أنا أبيه , إنسى أرجعّه لك !!

[/ALIGN][/CELL][/TABLE1][/ALIGN]

[SaD HeArT]

[ALIGN=CENTER][TABLE1="width:100%;background-image:url('http://www.creativecow.net/articles/chao_joe/firefly/4_sky.jpg');"][CELL="filter:;"][ALIGN=center]

لــِـيـــلـَـــــة ْ 27 رمــضـــــان ْ ..

http://www.m5zn.com/uploads2/2011/8/...e66mf1vwik.jpg
قبل صلاة القيـام بـ 5 دقايـق حسب توقيت ساعة مكـة




أحسـن حدث صار في روحـة العمـرة إننا صادفنـا صلاة التراويح و القيـام في مكـة في ليلـة 27 رمضـان ,

و أسوأ حدث لمّا صدمنا مصري بــ السيّاره بعد صلاة القيام و حنـّا راجعين للفندق !!

الفندق اللي سكنـّا فيه كان في العزيزيه , إسمه "مكارم البيت" و الخدمات اللي نحتاجها قريبه منـّه ,

دوّرنا فندق قريب من الحرم بس لـلآسف أغلب الفنادق يا فـُل , يا أسعارها جنونيه !!

تركنـا سيـّارتنا عند الفندق و أخذنا تاكسي للحـرم .. لأننا ما ندّل الطريق عدل + ما راح نلاقي مكان قريب نوقفها فيه .




ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ



زَحـْـمــَــــة ْ الـحـَــــرَم ْ ..

http://www.m5zn.com/uploads2/2011/8/...l30gs6klho.jpg
مطـّارة القهوة و الشاي و علبة التمـر في الحـرم بعد صلاة المغرب



الوصول للحرم في ذاك اليوم كان صعب جدا , لأن عدد الناس كان مهول جدا جدا , فما بالكم في الدخول للحرم !!

نـوّاف و مصلط سبق لهم الحجّ .. و قالوا لي إن هــ العدد و هــ الزحمه ما شافوها حتى في الحجّ !!

ذاك اليوم سوينـا قهوتنا في الفندق و أخذناها معانا عشان نفطر في الحرم , و نقعد هناك إلين صلاة القيام ,

وصلنا الحرم و كان باقي 5 دقايق على آذان المغرب , و بسرعه بسرعه دخلنا للحرم و ناوين نجلس في السطح ,

و حنـّا صاعدين في السلّم الكهربائي و يـأذّن المغرب ,

طلـّينا ع السطح و إلا " أم الزحمه " , رجعنا بعدها داخل عند السلالم , المكان كان شبه فاضي ,

ما كان فيه إلا ثلاثتنـا + 7 عسكر سعوديين كانوا يفطرون ,

فرشنا و جلسنا و طلـّعنا فطورنا و قهوتنا و شاهينا , ما مرّت دقيقه إلا إلتموا علينـا كذا واحد ,

اللي يقول عطوني قهوه , و اللي يقول عطوني شاي , حتى العسكر طلبوا بعد ,

كلهم كانوا محترمين و هو يطلبون اللي يبون , ما عدا واحد مصري مدري من وين طلع لنـا !!!

نـوّاف يومها كان لابس " بنجابي " و كان ماسك مطـّارة الشاي ويصب للي يطلب ,

و جاء واحد مصري و قال (صبولي شاي) بـ نفس خايسه و صوت عالي !!

قلت له راح نعطي العسكر و بعدين نعطيك , العسكر يستاهلون لأنهم حماة الوطـن و الحرم ,

و إلا يرّد عليّ و هو معصّب : الله حامي الوطن و الحرم مش دول !!

قلت له : أنت جاي تشحذنا و تهاوشنـا في حلالنـا ,

سمعني نـوّاف و إلتفت عليه و قاله وهو يستعبط عليه توّكل على الله ما فيه شاي ,

المصري عصّب زياده و قال والله مش حشرب الشاي بتاعكم , و راح و دخل السطح !!

و جاء بعدها شايب مغربي و نوّاف كان في يده كوب فيه قهوه , و ياخذ الكوب من يد نوّاف و يروح بسرعه للسطح !!

بعد 10 دقايق و يجي نفس الشايب و يتأسف من نوّاف , قال انا أخذت كوبك و ما قلت لك , سامحني يا إبني ,

و بعد ما أفطرنا و تقهوينـا و صلّـينا و عينـّا خير دخلنـا للسطح عشان نقعد ,

أخذنا لفـّه ع السطح و حنـّا ندوّر لنا مكان بس ما لقينـا !!

صعدنا بعدها للسطح الجديد , اللي موجود عند باب الفتح فوق البنيـان الجديد اللي فوق المسعى ,

و الحمدلله لقينا لنا مكان بعد جهد جهيد , و صليـّنا هناك العشاء و التراويـح و القيام ,

سبحان الله مع أن الفترة طويله و لكن ما حسّينا في الوقت , تقريبا 6 ساعات مرّت كأنهـا ساعه وحده ,

الجوّ هناك بس كان عجيب و جميل , الأغلبيه مبتسمين و نفسهم حلوه و يساعدون بعض .




ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ



صـَـدْمــَــــة ْ الـمـَـصـْــــــري ..


http://www.m5zn.com/uploads2/2011/8/...8445ps6hxq.jpg
صورة الكعـبــه بعد صلاة القيـام من السطح الجديد


http://www.m5zn.com/uploads2/2011/8/...nnnpykzwks.jpg
الزحمـه اللي كانت في " الصحـن " عند الكعبـه بعد صلاة القيام



بعد صلاة القيـام قررّنا نطلـع و نروح للفندق , و إذا سمحت لنـا الظروف نرجع للحـرم ,

الطلعة من الحرم كانت صعبه , الزحمة كانت كبيره , و ناس واجد تبي تطلع في نفس الوقت !!

الله ستر علينا و طلعنـا , و مشينا مع أمواج الناس اللي تمشي ,

الحصول على أي سيـّاره توصلّك للمكان اللي تبي كان أشبه بـالمعجزه !!

مشينا تقريبا 4 كيلـو من غير ما نلاقي سيّـاره فاضيه أو صاحبها عنده إستعداد يوصـّلنا للمكان اللي نبيـه ..

كنـّا نمشي مع بعض و فجـأه تفـّرقنـا , إلتفت وراي أدور مصلط و نوّاف و لكني ما لقيت أحد منهم !!

شويء إلا مصلط مار علينا و كان راكب مع واحد في سيـّارته , وقـّف عندي و ركبت , مشينا شويء ونلقى نوّاف و يركب معانا ,

راعي السيـّاره طلع عتيبـي من أهل الطايـف , جاي لـ مكه عشان يصلي القيام و يرجع لأهلـه ,

الفرحـه كانت كبيره لأننا أخيرا لقينا سيـّاره توصّـلنا للفندق , و اللي أصلا كان باقي له أقل من 5 كيلو و نوصله ,

بس يا فرحــه ما تمـّت ..

ما أمدانا نمشي نص كيلو و إلا هذاك المصري اللي يركض يبي يعبر الشارع ,

حاول العتيبي يوخـّر عنـّه و لكن قضاء الله كان أسرع ,

المصري الله يهديه كان يركض و من حسن حظـّه إن الصدمه جت في رجوله و هو معطينا ظهره ,

و الحمدلله إن جسمه طاح على كبـّوت السيـّاره و صفق راسه في جامة السيـّاره ,

و بعدها طاح على ظهره في الشارع , أشوى ما طاح على راسه ,

الحادث كان مثل الحوادث اللي تصير في الأفلام !! شيء مخيف حيييييل اللي شفناه و اللي صار !!

نزلنا نشوف المصري , و أشوى كان واعي , بس كان خايف و مو مستوعب اللي حصل له ,

شويء إلا يجون 3 مصريين و طلعوا أصحاب المصري المصدوم , و شلناه معاهم علشان نبعده عن الشارع ,

بعد كم دقيقه طاح غشيان و فقد الوعي , و إلتموا الناس , و إنكتم النفس و صارت ضيقه ,

و نهاوشهم و نبعدهم علشان يجي هواء حق هالمسكين , و حقنا حنـّا بعد , لأننا ما قدرنا نتفـّس !!

أشوى إنه صحى مرّه ثانيه , واحد من اللي معاه صار يصارخ علينا , و يقول وين الشرطه ؟ وين الإسعاف ؟!

العتيبي كان ملتزم (مطوّع) , وكان واقف بعيد و يتـّصل ع الدفاع المدني علشان يرسلون إسعاف من أوّل ما صار الحادث ,

واحد من المصريين كان يحسبه يبي ينحاش , بس الرجـّال كان أجودي و ماسك تلفونه و يحنّ ع الدفاع المدني عشان الإسعاف ,

بعد تقريبا 10 دقايق صار المصري المصدوم يهاوش أصحابه , و يقولهم انا ما فيني شيء , خلونا نروح للسكن عشان أرتاح !!

المصريين قالوا للعتيبي وصّـلنا للفندق , و العتيبي ما يقدر يقول لأ , لأن الموقف ما يسمح ,

أخذهم العتيبي معاه في سيـّارته و تعـذّر منـّا لأنـّه ما يقدر يوصّلنـا , و راح معاهم و ما ندري بعدها شنو صار له !!

صحيح ما كنـّا ندري منو كان المنحوس ؟؟ حنـّا اللي مشينا 4 كيلو و لما لقينا سيـّاره صار فيها حادث ؟!!

أو العتيبي راعي السيـّاره اللي حب يعمل الخير و يكسب الأجر و ركـّب له ناس منحوسين و صدم له مصري ؟!!

أو المصري اللي توه مخلـّص عمرته و إحرامه فوقه و طالع من الحرم و صدمته سيـّاره ؟!!

بس الأكيـد إن اللي صار كلـّه من بعد ما طلعنا من صلاة القيـام ,

و شكل المصري و السيـّاره تصدمه و يطيح ع الكبـّوت و بعدها ينفرش جسمه ع الشارع .. موقف و منظر لا يمكن أنسـاهم ,

و بعد ما راح العتيبي مع المصريين مشينا شويء , و إلا يوقـّف لنا واحد من عائلة الشهري و نركب معاه ,

مصلط الله يهديه من كثر ما يقعد مع الشيـّاب تأثّر فيهم و صار يسأل اللي يقابله أنت وش أنت (يعني شنو أصلك) !!

أوّل ما مشي قلناه لا تسرع و إلا ترى راح ننزل , تونـّا راكبين مع واحد و صدم له مصري , دير بالك لا يصير لك مثلـه !!

و الحمدلله وصلنـا الفندق على خير , و هونـّا من الرجعة للحـرم بعد كل اللي صار , و صلينا الفجر في المسجد اللي جنب الفندق ..





ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ



إذا أحيانا الله ..

في المشاركـه الجايـّه بـ قولكم سالفة نـّواف & مصلط لمـّا راحوا يشترون ماي زمزم ..

و سالفة إسم " الرشيـدي " ..

و بعض الصور حق فطورنـا و حنـّا في الطريق و راجعين للكويت ..

[/ALIGN][/CELL][/TABLE1][/ALIGN]

[SaD HeArT]

[ALIGN=CENTER][TABLE1="width:100%;background-image:url('http://www.creativecow.net/articles/chao_joe/firefly/4_sky.jpg');"][CELL="filter:;"][ALIGN=center]

الـرّشــيــــدي و مـــاي ْ زَمــْــــــزَم ْ ..

http://www.m5zn.com/uploads2/2011/8/...fz2xy2hbzj.jpg
جناطنـا و جنطة العزبـة مع جراكل ماي زمزم أوّل ما وصلنـا البيـت




مـَـصـْــنـَـــــع ْ زَمـْــــــــــزَم ْ ..

إكمـالا للمشاركـة السابقة ..



بعد ما صلـّينا الفجر قـرّر مصلط و نـوّاف إنهم يشترون ماي زمزم ,

الساعه وقتهـا كانت 5 و نص الفجر , و الصبح توّه طالع ,

سألنـا موظف الرسبشن اللي بـالفندق و قال لنـا إذا تبون شيء مضمون مالكم إلا تروحون مصنع الملك عبدالله ,

قلت لهم خلـّونا نرقد و نرتاح , و إذا قعدنا على خير نروح المصنع و نشتري الماي من هنـاك ..

فصل نـّواف و قال أبي أروح الحين !!

و صار جدال كبير ع الروحـه .. بغضّ النظر إننا تعابى , الوقت حيييل مبكـّر و أكيد المصنع مسكـّر ,

و نـوّاف أخوي أعرفه زين , إقناعه صعب و إذا حطّ شيء في راسه يسوّيه يسوّيه مهما كانت النتائج و الخسائر ,

في الأخير راح هو مع مصلـط للمصنع , و قفـّوا لهم تاكسي و تركوا السيـّاره لأنهم ما يدّلون مكان المصنع ,

حسب ما قالولي .. لمـّا وصلوا المصنع كان مسكـّر و لكن كان فيه ناس كثيره واقفه تنتظره يفتح ,

هم وصلوا هناك ع الساعه 6 , و المصنع يفتح الساعه 7 أو 8 (ماني متأكد بـالضبط , المهم إنها بعد الـ 7) ,

فيه واحد الله يجزاه خير قالهم إذا أنتم مسافرين و منتم من أهل مكـّه روحوا كلـّموا المسؤول ,

و هذا اللي صـار ..

دخلوا داخل المصنع و لقوا لهم واحد عتيبـي ( مدري شسالفة العتبان معانا في هالسفره ) , وطلع هو المسؤول ,

و المطـران و العتبـان يعتبرون من أقرب القبائل حق بعض , و بينهم أمور كثيره مشتركه و علاقات و نسب ,

جدتي (أم أمي) الله يرحمها عتيبيـه , و مصلط خالته متزوجه عتيبي من أهل عفيـف ,

طبعا مصلط تخصصه السوالف هاذي , و قعد يقول للعتيبي أنت بناخينا و لا تقصّر معانا ,

و الشهاده لله إبن الحـلال ما قصـّر في شيء , في البدايـه شك في نـوّاف لأنه لابس بنجابي ,

و لكن بعد ما شاف البطاقه المدنية تأكـّد إنه كويتي , مو باكستاني مثل ما كان يعتقد ,

دخلـّهم معاه داخل و أخذ بطاقاتهم علشان يسجّل لهم طلب شراء ,

كل شخص يشتري من المصنع يطلع له 5 جراكل ماي , و سعر الجركل الواحد 5 ريـال (برّا ينباع على 15 ريال!!) ,

و لكن العتيبي شكله تأّثر من كلام مصلط عن التاريخ المشترك بين مطير و عتيبه .. و سألهم كم تبون ؟

قالوا له نبي 40 جركل (14 لي , و 14 لـ نوّاف , و 10 لـ مصلط) ,

و جركلين عطوهم سوّاق التاكسي المصري اللي راح معاهم , و ساعدهم في تحميل الماي ,

لمـّا أخذوا جراكل المـاي و هم طالعين من المصنع تجمـّعوا حولهم النـاس اللي برّا ..

الناس شافوا الجراكل واجد قالوا أكيد هذولا يبون يبيعونهـا , و جاهم كذا واحد يسألهم إذا يبي يبيعون ؟

مصلط من زود العباطـه قالهم سوموا !!

و بعض اللي كانوا هناك ما صدّق على الله , و صار بعضهم يقول انا كلمّتهم قبلك , و شويء و يتهاوشون !!

مصلط جاز له الوضع , الكلّ يناديه و يقوله كلام حلو .. نـوّاف هو ويـّا بنجابيّه حب يهديء الوضع و قالهم ما حنـّا بايعين أحد ,

و نطّ واحد و قاله إسكت يا صديق .. الكلام مع الـلحيه الغانمه هذا (يقصد مصلط) مو معاك ,

عصّب نـوّاف و قال انت والله الصديق , الماي مو للبيـع و ما حنـّا بايعين أحد , و ينادي راعي التاكسي علشان يشيل ويـّاه ,

مصلط وقتهـا كان يساوم الناس , و قاعد يسولف معاهم , و مطنـّش نوّاف و مخلـّيه يشيل الماي مع المصري لحالهم ..

الحمدلله مشى الحال و رجعوا الفندق ع الساعه 7 و كانوا مستانسين حييييل , و طار عنهم النوم ..

و قرّرنـا نطلع من الفندق , و في الطريق نمـرّ المدينه المنوّره و نصلي فيها و حنـّا اللي رادين للكويـت .





ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ



الـرّشـيــــــدي مــــــــول ْ ..


http://www.m5zn.com/uploads2/2011/8/...jsbbx4sbvy.jpg
الرشيـدي مول .. المحل صغير مدري ( المول ) وينها رايحـه !!


و النعـم في الجميـع ..

و لا قصور في أحد ..

بس بعد مطيـر فيه 3 قبائـل لهم مكانه خاصـّه في قلبي .. العتبـان و الرشايـده و العـوزام ,

لمـّا طلعنا من الفنـدق كان المفروض نروح من الشارع اللي فيه نفق السليمانية , و لكن بالغلط دخلنا الشارع اللي قبله ,

الشارع هذا كان ضيـّق و كلـّه محلات و زحمه , و الطريق موقـّف و السيـّارات يالله تمشي ,

و أنا أتلفـتّ أشوف المحلات و أقرأ أساميهـا و تطيح عيني على محل إسمه المطيري و جنبه الرشيدي مول ,

قلت في نفسي .. سبحان اللي جمعّهم مع بعض , و في أطهر بقاع الأرض

فتحت الكاميرا أبي أصوّر المحلين و لمـّا قريت الإسم عدل و إلا يطلـع المطـري مو المطيـري !!

بس من حب الزايد للقبيله قريتها المطيري و ما دقـقّت زين بالإسم

و صوّرت بس محل الرشيدي .. شنو لي في المطري بعد ما طلع مو مطيري !!




ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ



فــُـطــُـــور ْ الـسـّــعــَــــــه ْ ..


http://www.m5zn.com/uploads2/2011/8/...md0qsl7sev.jpg
أغراض العزبـه قبل الحوسـه , يا حلو الترتيب بس


http://www.m5zn.com/uploads2/2011/8/...z66bg6d3et.jpg
قبل الفطـور بـ 5 دقايق .. أحلى ما في الزوليـّه لونهـا الأزرق



بعد ما طلعنا من مكـّه مرّينـا المدينه و صلّينا في مسجد قبـاء و طلعنا منهـا و العصر يأذن و مسكنا خط القصيـم ,

الطريق من المدينـه للقصيم تقول طريق مقطوع و مهجور يا دافع البلاء !!

طريق مسافته فوق 450 كيلو و عدد محطّاته ينعدّ ع الأصابع ,

وكل المحطـّات لازم ( نهزع ) و ندخل لهـا , و لا محطّه تجي مباشره ع الشارع الرئيسي !!!


الساعه 6 مرّينا محطـّه علشان نشتري أكل للفطور ,

قبل الفطور الواحد تجيه شفاحه , و يبي ياكل كل شيء ,

داخل البقـّالة مصلط ما بقى ككـّاو إلا و شراه , و نـوّاف جمـّع كل الفطاير اللي في البقـاله !!

لمّـا خلصنا تعدّينـا المحطه بـ كم كيلو و وقفنا علشان نسوي قهوه و شاي و نفطر ,

الفطـور في البـرّ شيء غيييييييير ,

تجهيز القهوه و الشاي ,

الجلسه ع الزوليـة ,

الجوّ الحلو و الهواء ,

يا زيييييين هذيك القعده ,

من زود ما كنـّا مستانسين قعدنا إلين ظلـّم الـليل و بعدها مشينـا ..






ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ




تــَــفــْــتــيـــش ْ الــكــُــويــَــــت ْ ..


http://www.m5zn.com/uploads2/2011/9/...rk9kshx65y.jpg
جراكل ماي زمـزم في صالة بيتنـا


مركز الكويـت الحدودي فاهمين التفتيش غلط ..

أغلب الدول ترحّب تستقبل اللي يدخلون أراضيها بـ الورود , بـ الإبتسامـه , بـ أهلا وسهلا ..

و لكن في مركز السالمي حاطين الله يعزكم كلاب تفتيش في مدخل المركز و بـ شكل واضح و الكلّ يقدر يشوفها !!

تفتيش الكلاب موجود في أغلب مراكز الحدود و لكن له قسم خاص بعيد عن مدخل السيـّارات علشان ما يشوفونها الناس ..


المهمـ ..

دخلنا المركز الساعه 3 ونص الفجر , باقي أقلّ من نص ساعه و يأذن الفجر حسب توقيت الكويت ,

المفتش اللي مستلم وقتهـا كان أسمـر , و أي سيـّاره تمرّه على طول يحولّها على تفتيش الكلاب ,

قلنا له حنـّا جايين من العمره و معانا مصاحف و سجـّادات صلاة و ماي زمزم , و الكلب نجس و يمكن ينجّس أغراضنا ,

قال لنا طلعوا أغراضكم اللي خايفين عليها علشان يدخل الكلب داخل السيـّاره و يفتش على راحته !!!!!

لما فتحنا بيبان الجيب اللي وراء و شاف جراكل الماي إنصدم .. قال شنو هذا كلـّه , جايبين بضاعه أنتم ؟!!

قعدنا نشرح له إن الماي هذا أكثره هدايا حق أهلنا و جيرانـّا , و لكنـّه قال معاكم تصريح من مركز السعوديه !!

يا ليل الــليل .. من وين طلعت لنـا يا أبو سمـره !!

الكلب و قلنا مو مشكله , إجراء إحترازي و أمني .. بس التصريح حق شنو ؟!! ما معانا إلا ماي زمزم و كم سجّادة !!

قال ابو سمره : يمكن جايبين الماي عشان تبيعونه ؟

قلت له من صجـّك أنت ؟ أروح مكـّه و أسافر أكثر من ألفين كيلو عشان أجيب لي كم جركل ماي و أتاجر فيهم !!!

سكت أبو سمره و قام يطالع الكلاب لمـّا خلصـّوا و بعدها ختم و رقتنا و قالنا حمدلله ع السلامه .


بس جدّ مدري شلون فاهم الوضع هــ الأسمراني الله يهديه .. أوكي قلنا شاد حيلك و لكن أحسن الظنّ بـ غيرك ..

إمحق تجاره اللي تخليني أسافر فوق ألفين كيلو بــالسيّاره , و كلّـها تعب و مخاطر , و فوق هذا ما وراها أي فايده !!

[/ALIGN][/CELL][/TABLE1][/ALIGN]

[SaD HeArT]

[ALIGN=CENTER][TABLE1="width:100%;background-image:url('http://www.up.qatarw.com/get-11-2009-6e46b2st.jpg');"][CELL="filter:;"][ALIGN=center]

أمــْــــثــَــــــــال ْ بــَـــدوُيــّــــــــه ْ ..

http://www.alkaabi.org/vb/uploaded/76665_1248985672.jpg





بــصراحه ..

بعض الأمثال البدويـه تثير الغرابـة و التي تقود للسخريـة في بعض الأحيـان ,


مثلا ..

( إذا جاعت أم العيـال أبشـر بــ العشاء )

طيـّب و إذا ما جاعت أم العيـال ؟!!

ما لهـا خلق تسوّي عشاء ,

مريضه ,

تعبانـه ,

إذا جاعت في وقت ما كان فيه أحد جوعان إلا هي ؟!

يموت أهل البيت جوع يعني !!




ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ



مثل آخر ..

( من شـاور ما عطـى )


والله صـج ؟!!

قل قسـم ؟!!

الحين القرآن الكريم و الدين الإسلامي يحثـّوننا على المـَشُورة ,

بينما يرفضهـا البعض من منطلق غريب للغايه !!

يصل الإعتقاد عند البعض أن مشاورة الشخص هي نوع من الشحّ و البخـل !!

و هو إعتقاد خاطيء بكل آسف و لا يتفـّق إطلاقا مع القصد المنشود من المـَشُورة ,

و آرى شخصيا أن مشاورة الشخص و معرفة ما يرغب به أمر واجب و لازم , و لا يخرج عن العادات و الأعراف ,

مثلا .. إثنيـن طالعين مع بعض و مرّوا لهم مطعم أو كفي .. المفروض واحد منهم يسأل الثاني شنو تبي ؟؟

لأنه من غير المقبول أن يقوم الأول بـ طلب شيء للثاني و هو ما يدري إذا كان راح ياكله أو يشربه من باب من شاور ما عطى !!

يمكن هــ الشخص ما يبي الشيء اللي إنطلب له ؟!!

يمكن نفسه ما تتقبلـّه ؟!!

يمكن معاه حساسيـّه من الأكله أو المشروب اللي راح يطلبه له الشخص الأول ؟!!





ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ




مثل آخر ..

( إذا بغيت تضمـّهـا .. إسـأل عن أمّهـا )

اوكي ..

كلام جميل ما أختلف معاه ..

بس ليش نربط الأمور في بعضها البعض و نتسبّب في إلحاق الضرر بــ الآخرين ؟!!

يمكن الأم تطلع قشراء و مشكلجيه و لسانها فالت و البنت إسم الله عليها صفاتها و طبايعها تختلف عن أمّها ,

و يكون الإنطبـاع غير الجيـّد عن الأمّ سبب في تعاسة حظّ البنت أو كثير من البنـات !!

و إذا عكسنـا الأمر ســ نجد النتيجه واحده و متقاربه إلى حد بعيـد ..

الأمّ لمـّا تكون طيـّبه و حبيبه و " تنحط على الجرح و يبرى " ,

و لكن بنتها عوبـه و نفسيه و ملسونه و أخلاقها " مش و لا بد " !!

في هــ الحاله راح نكون أمام تناقض واضح بين الأمّ و بنتهـا ,

و ممكن اللي خطب و ناوي يتـزوّج يتفاجيء و ينصدم بعد الزواج بــ الواقع اللي ما كان متوقـّع يواجهـه !!

و لــلأمانه و بدون مبالغه ..

فـ هذا الأمر حاصل في كثير من مجتمعاتنا الخليجية في الوقت الحالي , و نتائجه في أحيان كثيره تكون سلبيه !!

يتم خطبـة البنت بناء ً على سمعة أمّهـا .. إذا الأمّ سمعتها زينـه بناتها ما يطـوّلون عندها ,

إعتقادا من بعض الحريم إن بنات هــ الحرمه هاذي طالعين عليها و زينات مثلهـا !!

و إذا سمعة الأمّ " مو ذاك الزود " فــ بناتهـا مسكينات .. ممكن يعنـّسـون عندها !!

مع إنهـنّ من أروع و أميـز البنـات في نواحي كثيره .. سواء ً كان جمالا و أدبا و أخلاقا و " شغل بيت " .



كـونــوا بـخـيـــــــر ..

[/ALIGN][/CELL][/TABLE1][/ALIGN]

[SaD HeArT]

[ALIGN=CENTER][TABLE1="width:100%;background-image:url('http://www.up.qatarw.com/get-11-2009-6e46b2st.jpg');"][CELL="filter:;"][ALIGN=center]

حــَــفــْـــــــــلات ْ الــعــِـــــــــــرْس ْ ..

http://sub3.rofof.com/img3/010slrex9.jpg







الله يذكـرك بــ الخير يا شهر رمضـان ,

ما أحلاك و ما أحلى أيـّامـك و لياليـك ..


من الأمور الجميلـه التي تناسبني كثيرا في رمضـان ..

عدم وجود مناسبات عـرس !!

الله يجزاه خير رمضـان أراحنـا من عنـاء ٍ و هم ٍ كبير ,

و لكن الحال لا يستمر على ما نريد ..

فــ لم نكد نفرغ من المباركـات و التهانـي بــ العيد ,

حتى وجدنا أنفسنا نبارك و نهنيء للمعرسين في زواجاتهـم ..!!

ثالث أيام العيـد (يوم الخميس) كان عرس واحد من الجماعه ,

و يوم الجمعـه كان Off ما فيه عرس , و لكن كان فيه عشاء في مكان بعيد عن بيتنـا .. يعني مشوار طويل ,

و ليلة أمـس (السبـت) كان فيه عرس واحد من عيال عمّي القريبيـن ,

و اليوم أيضا عرس واحد مطيــري ما يقرب لنـا و لكنـّه عازمنـّا ,

و بكره فيه عرس واحد مطيـري من أصدقاء أخوي نـّواف و دايم يجينـا و يستاهل اللي يحضر عرسه ,

هذا غير العرس اللي كان في الدمـّام في ثاني أيام العيـد , و ما قدرت أسافر له !!


مشكلة الحضور للعرس إنه ممكن يخـرّب كل برنامج اليوم من مشاغل و من مواعيد ,

إلى جانب إن الشخص يضطر يرّتب شكله و يروح للصالون و يحلـّق لحيته أو يضبـّط شكلها ,

على أن واقعنـا نحن الشبـاب يهون كثيرا عند واقع البنات في حضور حفلات العـرس ..

أتعاطف كثيرا مع البنات , و هي من المرات النادرة التي أتعاطف بها معهـنّ ,

فــ البنات في يوم العرس " يتشحططن " آخر شحططه ,

من البيـت للصـالون ( أستغربت لما قريت البعض يسميه المشغل !!) , و من الصالون للبيت , و بعدها للصاله ,

و في الصاله لازم البنت تكون أكشخ وحده بين البنات .. و إلا ما ترتاح و تقعد توسوس ( مو الكل طبعا) ,

و في العرس لازم ترقص .. و إلا تفشـّل أهلهـا , و بعدين يطيح حظـّها و محد يخطبهـا <--- تفكير العجايز !!

و العشاء ما يقلّطونه إلا ع الساعه 12 بــالـليل .. و أهل العرس ما يرجعون بيتهم إلا الساعه 1 أو 2 الفجر !!

و اللي معاها ورعان الله يعينهـا .. يتولّجونها طول العرس .. مأساه عرس الحريم !!

يا زين عرس الرياجيـل , لا رقص و لا يحزنون , و العشاء أقصاه أقصاه الساعه 10 .. و كلّن يسري لأهلـه .



كونـــوا بـخـيــــــر ..

[/ALIGN][/CELL][/TABLE1][/ALIGN]

[SaD HeArT]

[ALIGN=CENTER][TABLE1="width:100%;background-image:url('http://www.creativecow.net/articles/chao_joe/firefly/4_sky.jpg');"][CELL="filter:;"][ALIGN=center]

وَجــْـــــــــــه ْ الـــخــِـــــيـــــــــــــــــــر ْ ..









قال أحدهـم :

( السعادة في الحياة ليست سوى فترات إستراحة من الألم ) !!

و آرى نفسي أتفـّق و بــ نسبة كبيييييره معه فيما ذكره و قاله .




ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ




من نعم الله عز ّ و جـل ّ علينـا أنه رزقنـا بعض النـاس الذين نتفاءل بهم ,

و نعتبرهم " وجه خير " علينـا ,

نبتسـم عندما نذكرهـم و نتذكـّر مواقفهم و أحاديثهم ,

و نشتاق إليهـم و نتمنّـى لقاءهم و لقياهـم ..

هؤلاء النـاس .. ( بـُـعــْــدُهـُــم ْ ) يجلب الضيق و الآسى !!

و ( بــَــعــْــدُهــُــم ْ ) قد يقـلّ عدد من يكون له بصمة فرح و تفاؤل في حياتك !!

لأنه أو لأنهـم ( بـَـعـَـدْهـُــم ) .. و ( بـَـعـَـدْهـُــم ) كلـّهم ..





ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ




اليوم كان جميـلا ..

لم أتوقـّع إطلاقا أن يسير مثلما سـار ..

لله الحمد و الشكر أن كل مراجعاتي تمـّت على خير ,

و أحسن من اللي كنت مخطّط له !!


أجمل أحداث اليوم ..

أن " خلوودي النتفـه " صار عنده بطاقه مدنيـة عليها إسمه و إسمي موجود جنب إسمه http://www.ckfu.org/vb/images/icons/icon21.gif ..

!! Ohhh My GoooD .. I Cant Believe It

أوّل ما إستلمت البطاقه و شفتها جتني قشعريره , حسّيت بــ فرحه مدري شلون أوصفهـا !!



و اليوم أيضا إستلمت تقرير أشعـّة الرنيـن اللي عملتهـا قبل إسبوعين على ركبتـي ,

و الحمدلله الركبـه سليمـه , و الأربطـه الخارجيه و الداخليه سليمـه , و الغضاريف سليمـه ,

بس قالولي إن ركبتي فيها إلتهاب بسيط و زيادة ماي نتيجة شدّ حصل لهـا ,

و طمـّني الدكتور إن هــ الإلتهاب طبيعي و إني أقدر أمارس كل اللي أبي من غير خوف ,

سألتـه .. أقدر ألعـب كوره ؟

قالي : روح إلعب و إذا فيه مكان عندكم نادني عشان ألعب معاكم ..

يحليله الدكتـور وجهه بشوش , و نفسه حلوه , و لحيته الطويله تخلّي اللي يدخل عليه يرتاح و يتطمـّن ..





ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ



توأمـي العزيز ..

وجـه الخـيــر ..

من القلـب .. شكــرا ً على وجودك و دعواتك http://www.ckfu.org/vb/images/icons/icon21.gif .

[/ALIGN][/CELL][/TABLE1][/ALIGN]

[SaD HeArT]

[ALIGN=CENTER][TABLE1="width:100%;background-image:url('http://www.creativecow.net/articles/chao_joe/firefly/4_sky.jpg');"][CELL="filter:;"][ALIGN=center]

جــَــــوْدَتْ & سـِــيــــــلا .. وِلــْــكـــَــم ْ بــَــــــــاك ْ ..

http://www.dizifilm.com/fotogaleri/d.../sila_76_1.jpg





قبل شهـر رمضان المبـارك ..

عرضـت قنـاة Mbc1 آخر حلقـة من المسلسل التركي " سـيـــلا " ,

و النهاية كانت دراماتيكيـة و غريبه و غامضـه !!

الآغـا جودت يقتل ولد عمه جهـاد " الشرير " , و سيـلا تسافر إلى سويسـرا !!

طيـّب و بعدين ...؟!!

و بعد النهاية وضحـّت القنـاة أن هناك جزء ثان ِ للمسلسل سـ يُعرض قريبا !!

و قبل أمس ( السبـت ) بدأ عرض الجزء الثانـي ..



حسب وجهة نظري .. المسلسل أحداثه مشوّقـه و قصـّته هادفه مع بعض التحفظ على بعضها ,

المسلسل فيه خليط و تداخل جميل بين أمور كثيره ..

فيه حـبّ و رومانسيـّه و عشـق ..

فيه شهامـه و شجاعـه و تضحيـه ..

فيه طيبـه و حنـّيـّه و عاطفه ..

فيه " عناد و عوابة حريم " ..

فيه هيبـه و إحتـرام لــ " الآغا " و كلمته و قراراته ..

فيه لـؤم و شـرّ و حقـد ( الله يكفينا و إياكم شرّهم ) ..

فيه مناظـر طبيعيّه جميلة و خلّابـة لـ مدينة مارديـن التركية التي تنحدر منها أصول المطربة فيـــروز ..



المسلسل يُعرض يوم السبـت و الأحد و الإثنيـن و الثلاثـاء و الأربعـاء .. الخميس و الجمعه Off ,

العرض الرئيسي : الساعـه 4 العصـر بــ توقيت مكـّه ,

الإعـادة الأولــى : الساعه 1 الفجـر بعد برنامج صدى الملاعب ,

الإعـادة الثانيـة : الساعه 10 الصبـح ,

و يوم الخميـس الفجـر ع الساعه 1 أو 2 تنعاد جميع الحلقات اللي إنعرضت خلال الإسبوع ..



كـونــوا بـخـيــــــــر ..

[/ALIGN][/CELL][/TABLE1][/ALIGN]

[SaD HeArT]

[ALIGN=CENTER][TABLE1="width:100%;background-image:url('http://www.up.qatarw.com/get-11-2009-6e46b2st.jpg');"][CELL="filter:;"][ALIGN=center]

تـَــحــَــجــّــــــر ْ الــقــُــلــُــــــوب ْ ..
http://www.herkesdinlesin.com/images...a2_432cly9.jpg








من الجميـل أن نحترم العادات و التقاليد التي كبرنـا و نحن نراها و نعتاد عليهـا ,

و لكن بعض العادات تكون غارقة في القبـح , و غاطسـه في الوحـل , و تثير الإشمئزاز !!

و المحزن في الأمر .. أن بعض القلوب أمام ظلم وجبروت هذه العادات تكون متحجـّرة و قاسيه .. لا ترحـم و لا تـرأف !!





ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ




نسيبي (خال ولدي خالد ) رزقه الله قبل كم يوم في بـنـت ,

و عساها إن شـاءالله من مواليد الفرح و الهناء , و يطرح فيها البركه و الصلاح , و تكون بـارّه في أمها و أبوها ,

و من العادات الغريبه و التي أعتبرهـا " متخلـّفـه " وصلني كلام إن البنت تم تحجيرهـا حق خالـد !!

و التحجير عادة قبيحه و ظالمه كانت تـُمارس في السابق و لا زال البعض متمسـّـكـا ً بها حتى أيـّامنا الحاليه ,

و هــ العاده يتم فيها إجبـار البنت على الزواج من ولد عمـّها أو أحد أقاربهـا , و تمنع من الزواج من غيره !!

و الوضع لا يختلف بـالنسبة للشبـاب ..

حيث أن الشاب لا يستطيع الزواج ممّن يرغب ما دامت بنت عمـّه غير مرتبطه و لم تتزوّج !!

و مخطيء من يعتقد أن هذه العاده حكر على البدو دون غيرهم ,

لأن الحضر أيضا يمارسون التحجير ,

و الغرب أيضا يمارسونه و ليس العرب فقط !!



طبعـا الأمور عندنا بـالنسبة لـ خالد و بنت خاله الجديدة كانت كلـّها من باب المزح ..

لأني ضدّ هذه الأفكار و العادات اللي ما لها أي أساس ديني و لا شرعي و لا عقلاني !!

و ضدّ ربط مصير أحد كائنا من كان في أمر من الممكن أن يشكّل خطرا أو تأثيرا سلبيا عليه و على حياته ,

و لكنّي تذّكرت كلّ من مورس بـ حقـّه و حقـّها " التحجيـر " ..

و تذكّرت حجم الظلم الكبير و الإضطهاد البالغ الذي وقع عليهـم !!

و القاسي في الموضوع ..

أن البعض رغم التطوّر و التقـدّم في شتّى المجالات يستمر في ممارسـة مثل هذه الأمور !!

من دون إستفادة من التجارب .. أو بــ الآحرى من المآسي التي وقعت في السابق !!

و عدم وجود رادع أو قناعة في ضرره سـ يجعل البعض ينقل هذا " الإرث المتخلـّف " إلى الأجيال القادمه !!

و يتناسى و يتجاهل كم القلوب التي تفرّقت و تقطـّعت بسبب هذه العادات البغيضه ..!!

و كم من بنت إنظلمـت نتيجة إستمرار أهلهـا في تحجيرهـا ..!!

و كم من بنت عاشت مع من حـُجـّرت له فترة ثم عادت إلى بيت أبوهـا مطلـّقه ..!!

و كم من شاب عانى المراره و الضيق و الألـم لـ خشيته من غضب والديه و أهله ..!!

و كم من شاب تحطمـّت آماله و أحلامه لأنهم حرموه من الإرتباط بـمن يريد .!!

و كم من عائلة تشرذمت بسبب هيمنة البعض على مصيرها ..!!

و كم من أسـره تشتـّتْ بسب خوفها من مقولة " شنو يقولون عنـّا الناس " ..!!

و الأمثلـه لــلآسف كثيره ,

و عسى الله أن يهدي الجميـع لكلّ ما فيه الخير و الصلاح و الفلاح .

[/ALIGN][/CELL][/TABLE1][/ALIGN]

[SaD HeArT]

[ALIGN=CENTER][TABLE1="width:100%;background-image:url('http://www.creativecow.net/articles/chao_joe/firefly/4_sky.jpg');"][CELL="filter:;"][ALIGN=center]

حــِـــــيـــــــــــــــــرَه ْ ..!!

[BIMG]http://www.wm-wm.com/vb/imgcache/51129.imgcache.jpg[/BIMG]






قال رسـول الله صلـّى الله عليه و سلـّم :

{ تـَـهـَـادُوا تـَحـَابـُوا } .





ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ




صاحبي " بــدر " وفـّقه الله و نجـح في إختباراته و تخـرّج من إحدى جامعات مصر , تخصّص نظم معلومـات ,

كنت أعتقد إن جامعتنـا هي اللي تتأخـّر في إعلان نتائج الإختبارات ..

و لكني حمدت الله إن تأخيرنا مدتـه شهر فقط , في مصر التأخير يصل إلى شهريـن و أكثر !!


المهمـ ..

إحترت شنو أجيب له هـديـّه !!

صارلي إسبوع أفكـّر في شيء مميـّز علشان أقدّمـه له .. و لحد الحين ما وصلت إلى نتيجـه !!

المشكلـه أن الهديـّه لــ شاب و نطاق هدايـا الشباب محدود , أو هكـذا آراه !!

عكس البنـات .. السوق مليان في هدايا البنات , لو كانت الهديـّه لــ بنت كانت الأمور مقدور عليها ,

و لكن الشباب مساكيـن هداياهم و أغراضهم في السوق لــلآسف محدوده !!


اللي يقدر يساعدني أو تساعدني أتمنى ما يقصـّرون ,

و اللي من البنات عندهـا خبره , و سبق لها و قدّمت هديه حق والدها أو أخوها أو زوجها هم لا تقصـّر بعد ..

و ســ أكون لكم من الشاكريـن الممنونيــن .

[/ALIGN][/CELL][/TABLE1][/ALIGN]