[ مذاكرة جماعية ] : اجتماعنا الديناميكي للأدب الأمريكي

[نسيم*]

مراااحب

هذي آخر ماده لي في الجامعة وان شاء الله اعديها ويكون ختامها مسك و اتخرج بإذن الله والفال للباقين
الهمة ، الهمة يارفاااااق

[غلا مثايل]

يعطيكم العافيه جميعا الوعد بكره مع هالماده الي جابت لي الكابه

[وزيرة]

تامرين أمر yas
بس آيش قصة القلب !؟
قصدج مالاردا اللي مريضة باالقلب ؟

[blanka]

المشاركة الأصلية كتبت بواسطة وزيرة

تامرين أمر yas
بس آيش قصة القلب !؟
قصدج مالاردا اللي مريضة باالقلب ؟

القلب اللي ينبض حق الشايب ابو عين نسر يخرب بيتهم على هيك قصص

[روائع انسان]

السلام عليكم


ياليت يااختي الحبيبة بلانكا وهذا طلب ماهو امر انتي او اي احد فاهم المادة

يسدح لنا اسئلة الاعوام مع شرحها علشان ترسخ المعلومة اكثررررررر

وهذي الطريقة احبها علشان ماامن ذاكره


الله يحسن الخاتمة

[ساري5]

رجعت لكم بعد صراع مع ماده مهارات التحدث توووي داخل البيت، اخر ماده هالامريكي،سوالين على السريع هل الدكتور هوو حق الترم الماضي ثانيا مافينا حيل نذاكر خلووونا على اسئله الاترام الماضيه وش هوو افضلها

[blanka]

المشاركة الأصلية كتبت بواسطة روائع انسان

السلام عليكم


ياليت يااختي الحبيبة بلانكا وهذا طلب ماهو امر انتي او اي احد فاهم المادة

يسدح لنا اسئلة الاعوام مع شرحها علشان ترسخ المعلومة اكثررررررر

وهذي الطريقة احبها علشان ماامن ذاكره


الله يحسن الخاتمة

ان شاء الله

[blanka]

المشاركة الأصلية كتبت بواسطة ساري5

رجعت لكم بعد صراع مع ماده مهارات التحدث توووي داخل البيت، اخر ماده هالامريكي،سوالين على السريع هل الدكتور هوو حق الترم الماضي ثانيا مافينا حيل نذاكر خلووونا على اسئله الاترام الماضيه وش هوو افضلها

الدكتور هو نفسه بسام ابو زيد

فيه اسئلة السنة الماضية للفصل الأول والفصل الثاني كلها موجودة بالمرفقات بالتجمع

[blanka]

اللي عنده اسئلة الاختبارات مكتوبة ياليت يرفقها

اللي عندي كلها صور ومافيني اكتب ابيها مكتوبة عشان انسخ والصق

[وزيرة]

قمندة قصـة أبو قلب
اللي فهمته من قرايتهـا
أن الراوي واحد مستخف ومجنون متخرع من شايب الشايب هذا عينـه فيهـا زروقه تشبـه النسر
الرواي المستخف من كثر مـاهو متخرع من الشايب راح دخل عليـه بيته والشايب متسدح مسكين لا له ولا عليـه
الرواي المجنون بعد عدة محاولات و7 ليالي لجس النبض يعني يبي يعرف متى يرقد الشايب وكـذا
قام آخذ فانوس وحـاول يفتح الباب بككككككل هدوء وحرص في الليلـة الـثامنـه
إلا الشايب تخرع ونقز
هـاا ه مين موجود !؟ مين من
إلا ذاك الراوي المجنون زبن من الخوف لمدة سـاعة كاملـه وقام يكلم نفسـه
على أعتبار أنه متأكد بأن الصوت اللي سمعه الشايب مب صوت فتحة الباب
فقام يكلم الراوي نفسه آجل شاللي سمعه هاالشايب ! فار يمكن ، ولا خطفة هوا "عاصفه" ولا الكريكت
عاد شنو الكريكت الله أعلم :/
المهم إلا الراوي سلط الفانوس وطاح الضوء في عين الشايب الشايب تخرع وصررررخ
ذاك قام غطـاه بألواح مدري لحفـه
شوي يسمـع دقات قلبه إلا الشايب في ذمـة الله
الراوي المجنون يقول شعرت باالنصر قدرت أقتله من دون لاينزف دم ولا تعال خبي جريمتك ولا لا تخلي لك آثر ولا عوار راس
اليوم الثاني صحى على دقات باب فتح إلا رجال من الشرطـه عددهم 3
هـا شعندكم ؟
قالوا والله جانا بلاغ من أحد الجيران أنه سمع صرخـه < حسيت مسلسل كويتي المهم
كأنهم ينحزون بأن الجريمـة فعل فاعل
عاد الرواي المجنون يقول بقلبه أنـا ليش أخـاف مـافي ممسك علي أبتسمت وعين الله علي
طبعاً هو قال لهم أن الصرخـه من الشايب لأنه شاف حلم وتخرع وصرخ وأنجلط
قالوا يبون يفتشون المكان لزووم الإجراءات وكذا قلت لهم آخذوا راحتكم
ولا بعد من زود الثقة قمت أفرجهم على أغراض الشايب بعد
المهم يقول كأني بعدين حسيت أنهم أقتنعوا أن الجريمة مب فعل فاعل
وسحبت كرسي لي ودردشت معاهم وعين الله علي
شوي إلا والشرطـة قاعدين يدردشون مع بعضهم حسيت في شي في راسي زي الرنيييييين كل مـاله ويزيد ويزيد أطالع العساكر إلا هم مب حولي يعني الصوت وااااضح بس اللي قاعد أشوفه أنهم مايسمعونه ؟؟؟؟؟؟
شوي إلا يزيد الصوت يزيد يقول أنـا أستخفيت قمت أروح وأجي
قلت لاااا خلاص هذي مايبي لهـا واحد أثنين ترا أهم عارفين القمندة وعارفين أنك قاتل وجالسين يسلكون لك ياالهطفـه
عاد هنـا صرخت وبطيت الجربـه وقلت لهم ياأوقاد أجل تطقطقون علي هـاااه وقمت خريت الأكو والماكوا وأعترفت لهم وآشر لهم على نبضات قلب الشايب
يعني زي اللي أستخف كأنه يقول أناللي قتلته أنـا أعترف اللي جنيت على نفسي < تحمست

مـاأدري هذا اللي فهمته
اللي أبي أنبهكم عليه حفظوا التفاصيل الواضحـه
عدد رجال الشرطـه ؟
الساعه كم طقوا عليه الباب ؟
هاالتفاصيل هذي يعني

ونشوفكم في قمندة لاحقة