[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[مــنى]

**



لك الحمدُ يارب إن فآض دمعي ..
وأصبحتُ رهناً لضيق المدى ،
لك الحمدُ إن هدنّي طولُ صمتي
وبتُّ أواصلُ فيك آلرجا ..
إذا أنت يارب لم تعف عني
وضآعت عليّ آلحياةُ سُدى ،
فمن لي سواك أُعلقُ فيه
رجآئي ، وحُبي ، وكل آلمنى ؟!



**

[2COOL]

بعض الغياب يمرّ في القلب عادي

يطري على الخفّاق لحظات ويفوت

وبعضه لو أنّه مرّ في القلب هادي

يشبه ونين الروح في سكرة الموت

[2COOL]

مدري وش اللّي غيّر الناس وش صار

ليش الأوادم ظنّهم دوم سيء

ماسلم منهم مسلمٍ غضّ الأبصار

ولاسلم منهم ميّت القبر والحيّ

[2COOL]

يارب لي مثل ماللنّاس عثرات

أجبرني أكون للعثرات جابر

أنا لو أقدر أكابر بعض الأوقات

في كلّ الأوقات ماأقدر أكابر

[2COOL]

أحيان تتفاجأ بأنّك للأسف (طيب كثير )

وفي وقتها ماتسعفك ضيقتك حتى للندم

والكلمة اللّي توجع الخفاق وتخجّ الضمير

مثل الفقير اللّي بنى بيته بيده .. وأنهدم

قولوا له إنّي بدون حسبة زايلة أبقى كبير

وقولوا له أنّ الناس ماهي عند رغباته خدم

إما نصير لبعضنا أقراب .. ولاّ مانصير

موكلّ ماجينا نعالج صدمة نرجع ننصدم

[2COOL]

يالله دخيلك من الضيقات والحكرة

إلى إنكسر خاطر الغالي .. ولا جبّر

لاضاق صدر الحزين وشاف مايكره

لاإحتال يصبر على الضيقة ولا صبّر

[2COOL]

البارحة حلّق بي الهمّ تحليق

لين أعلن الصبح السعيد إنغلاقه

أسجّ وأغفى وأسرح أشوي وأفيق

وأروق ولو ماني بصوب الرواقة

وأن جيت أبكشف ماتكنّ المعاليق

تحكمني سلوم العرب واللباقة

[2COOL]

من يشتري قلبٍ همومه ملايين

ويبيعني قلبٍ من الهمّ خالي

عجزت أعدّل مايلات الموازين

إذا إعتدل ميزان ميزان مالي

[2COOL]

تراني على حدّ البكاء .. لا تبكّيني

يغيّم سماي ووسعة الصدر معدومة

إن كانك صديقٍ لي ودينك على ديني

دخيلك تخلّي ضايق الصدر وهمومه

[سعدي عبدالرحمن]

جامل زمانك لو زمانك تحداك.



واصبر على مر الليالي وكدرها.


لا تشتكي للناس عن كل ماجاك.


وسرك حذاري لا يعرفه بشرها.


حتى تعرف اللي مع الدرب خاواك.


وتظهر حقايق ناس تخفي صورها.