مقالي ام موضوعي .. نريد بالصوت الواحد الاختبارات موضوعية فقط ..!!

[أنيقاع ذووق]

المشاركة الأصلية كتبت بواسطة حفيدة عبدالله

اذا انت شايفه بسيط كان خذته

لا تقارن الابتدائي الي على قولتك تجيب فيه درجه كامله لكتب الجامعه

انت مستحقر هذا القسم الي مافي ملك او او ر ئيس دوله الا ويدرس تاريخ

اذا انت مانت فاهم معنى معاناتنا لا تتكلم لو سمحت دامك مبسوط بقسمك وتذاكر اسئلة السنوات الماضيه ويجيك منها فلو سمحت لا تتكلم ولا تشارك معنا لانك مابتفهم معناتنا

احنا ندرس الملزمه من الجله للجلده ونسمع المحاضرات كامله ونروح الاختبار واحنا على وجهنا وغيرنا عنده ملزمات لاختبارات السنوات الماضيه يذاكرونها وتجيهم نصها واحنا مانعرف شي من اختبار السنوات الماضيه وعندنا علم عميق بالماده يعني فعلا نتاسس صح حتى المفروض يدخلونا ندرس لاتخرجنا لانحنا كل شي نحفظه الملزمه كلها

هذا فيه ظلم لنا وتميزعن غير بالجامعه اما كلنا الطلاب بالجامعه مقالي او كلنا موضوعي مايصير ناس وناس

انا مع انكم ماتحبون يكون فرق بينك وبين غيرك من التخصصات نعم وهالشي من حققكم
لكن بوضح شي ترا مو كل الناس تذاكر الملزمه اللي تقولين عنها اغلب اللي اعرفهم يذاكرون وانا منهم من الملزمه العاديه زيكم
ونذاكر ونتعب وناخذ فكره عن اساله العام وبالحض بعد تتكرر ىالكثير تكون اساله جديده فا حتى حنا نتعب زيكم
وبالعكس انا انقد على اللي يعتمد على هالملازم انت جاي تستفيد وتتعلم ولا بس اذقرا اي شي وانجح لو عالحافه واسم شهاده بدون تعب ولا مجهود منك غلط

[أمورة نجد]

اللي اعرفه وسمعته من الفريدان بنفسه ان الامر عائد للدكتور وليس للعماده ان كانت رغبته باختبار مقالي يكون الاختبار مقالي اة العكس وغالبا اذا العدد اكثر من 100 يعتمدوا الموضوعي

[منال ام غيداء]

السلام عليكم ورحمه وبركاته
اتوقع الاختبارات لازم تكون موضوعي لان التصحيح الكتروني في التعليم عن بعد

[صدقني]

من فاضي يصحح اختبار مقالي لمئات الطلاب ويفك خط بعض الناس اللي ما ينفهم ؟!!
ومن قال انه بتصير مقالي اصلاً ابي واحد يجيبلي مصدر رسمي من الجامعة او من الفريدان يفيد بهالكلام
مانبي فتاوي الله يرحم والديكم لأننا تعودنا على نظام معين ما نبي نغيره

[ابوعبدالله1557]

نحن معكم قلبا وقالبا .. نعم للموضوعي لا للمقالي

بجد حسيت فيكم وربي .. الله لايجيب ذا المقالي لنا والله راح نفحط ..

عطونا الهاشتاق الي نرفع فيه اصواتنا لانو هنا محد لمنا

[جغرافي1]

المشاركة الأصلية كتبت بواسطة الطموح0599

هالحين أنت تخصصك تاريخ أنا بعرف وين الصعوبة مقالي أو موضوعي يا حبيبي أنا في التاريخ من رابع ابتدائي حتى خلصت الثانوية ماعمري جبت أقل من الدرجة الكاملة تبي من الآخر تخصص كلية الآداب ما ينفع لها إلا تشكيلة مرة مقالي ومرة موضوعي على حسب المادة .. وتقبل تقديري واحترامي

تفكير عقيم و اسلوب غير محترم وهجوم على كلية الآداب

منتب عاقل يا تخصص علم الذرة ،،،، انت تذاكر من الاسئلة و تجيك نسخ لصق ، مسوي فيها تخصص نادر هههههه

انا بالامكان اكتب صفحتين كلها عيوب بتخصصك لكن ........

للاسف كلامك فيه استهزاء و تقليل من الآخرين واستغرب عدم حذفه من قبل المشرفين فتم الرد من قبلنا

[منتسبه 2013]

المدارس صار موضوعي اختبارها وجامعتنا الطيبه لسى مقالي

[A7HMED]

المشاركة الأصلية كتبت بواسطة المحترمه

وعليكم السلام ورحمة الله وبركاته

من الظلم والإجحاف أن يكون هناك مقالي للبعض
الموضوعي حق مشروع للجميع ولم يكون من
ضمن بنود الجامعه منذ التسجيل حتى يكون
الطالب على بيّنة من أمره .. أرى تفعيل الهاشتاق
خير من الإستطلاعات وخلافه بحكم أنها الفيصل
في تحقيق المطالب .. أعانكم الله وحقق مآلكم

بالتوفيق

اهلا اختي ..

انا فعلت هاشتاق .. وراسلت اكثر من واحد بالتوتر بس لا بد

اننا نتعاون لكي يصل الصوت

من الضلم غيرنا يختبر مقالي ويجيب نتائج جيده

واشخاص يخبرون موضوعي ونتائجهم عاليه

لتتم المسواه بيننا وبينهم .. في كل شيء

الهاشتاق بعنوان


#جامعة_الملك_فيصل_انتساب_نريد_الاختبارات_موضوعية

[A7HMED]

المشاركة الأصلية كتبت بواسطة • شَـچـوڼ ♪

.





وعليك السلام والرحمه
الله يعين بجد الحين مقالي بتخسف بدرجاتنا
ع الاقل الموضوعي تفكر بكل الاجابات *

.





انا معاكم
والافضل هاشتاق بس حسابي بتويتر قفلته ^_^

اهلا اختي شجون ..

هذا الهاشتاق

#جامعة_الملك_فيصل_انتساب_نريد_الاختبارات_موضوعية


لابد من التعادل بيننا وبين الموضوعي ..

وللامانه ..

والله ما عمري اختبرت مقالي ..

بس واحد من اخوياي اختبر .. نفس مادتي الترم الماضي اللي انا اختبرتها موضعيه

والمسكين اختبرها هالسنه مقالي ..

[A7HMED]

المشاركة الأصلية كتبت بواسطة خالد بن وليد

هنا محد حولكم نهائياً عندكم تويتر ومراسلة الجامعة فقط بالتوفقيك للجميع

اهلا اخي .. خالد بن الوليد .. عندك سلف

طيب عالاقل حق الترم الجاي ..

عموما اخي ..

هذا الهاشتاق ..

#جامعة_الملك_فيصل_انتساب_نريد_الاختبارات_موضوعية

اتمنى يتفعل ..

وشكرا ..