[ اسئلة اختبارات ] : تعليق الدكتور ملفي على سوال الانثى و الدبلوم اللي جاء في اختبار الاحصاء

[صالح أبو عايض]

مع احترامي مشكله اذا الشخص يعلق وهو مو فاهم

بخصوص كلامي عن ان الشخص يقدر يكون رسام لكن مو شرط يكون فنان رسم كلامي ينطبق على ملفي وغيرره يقدر يكون دكتور لكن مو شرط يكون شخص متقن في مادته من الشرح والفهم ...الخ

وملفي ( بدون دكتور ) :) يقصد بالمصيده والفخ انطباع المسبق للدفعه السابقه عن الاسئله ويقصد مصيده وفخ لنا " طبعآ تخريف " مصيده وفخ !

اما من ناحية صعوبة الاسئله ماشفت احد ذكر ان فيها صعوبه بس البعض الله يهديه يفهم الكلام معكوس وخوفي انه كذا حتى في الاختبارات يعكس الإجابه :)

[حزم و عزم]

ملفي الرشيدي الله يبيض وجهك والله ماقصرت يا طلاب ما مقصدكم فهم الماده وشروحاتها كل هم الطلبه النجاح

[des_FaHoD]

مدري ليش فيه ناس تتضايق من شكر العالم لدكتور..
احقاقا للحق.. الدكتور شرحه جيد وهو يتعامل معاك على اساس انك خذيت الاساسيات من مقرر الرياضيات اللي في المستوى الاول وصرت جاهز

لكن مشكلتنا اننا كلنا خذينا الرياضيات عند الدكتور احمد فرحان
واسلوب الدكتور احمد كان يعتمد على انو.. يقولك انا راح اجيب لك السوال هذا بالطريقة هذي في الاختبار وانت عليك انك تحل بطريقة هذي في الاختبار علشان تمضن الدرجة.. صح هالسلوب حلو وسهل .. لكن المعلومة ماترسخ فعقلك.. وراح تنساها بعد اسبوع من الاختبار..
وانت اصلا راح تحتاجها في سمسترات متقدمه ومقررات جايه في الطريق

فا اذا بنلوم احد ما نلوم الدكتور ملفي .. نلوم انفسنا او نلوم دكتور احمد فرحان
ام ملفي فا بالعكس هو مو مجبور انه يعلمك اساسيات الرياضيات من جديد اللي انت خذيتها في المستوى الاول

[ibrahem911]

أولاً قبل كل شيء الشكر لله سبحانه
ثانياً الشكر للدكتور ملفي وأم جهاد وابن عيده كلهم ماقصروا
وإذا كنا بنقول الدكتور ملفي يستاهل الشكر وإلا لا نعم يستاهل الشكر من يتعاون مع الطلاب ويسهل لهم يستاهل الشكر
وإذا على الشرح ومدحكم للدكتور أحمد فرحان فهو اللي مايستاهل المدح وش فايدة من يشرح زين مثل ماتقولون ويلعن أبو شكلي في الإختبار وكلنا ماننسى إختبار الرياضيات اللي أغلب دفعتنا أشتكت منه وتظلمت وأعتقد دفونا فيها ولاننسى كلامة الطريقة السحرية وبيجيب لكم الأسئلة اللي بتحبوها ولاشفنا منها شيء فأنا وش بيفيدني شرحة الزين في هاللحظة !!
نعم نشكر الدكتور ملفي لوضوحه في الأسئلة وفي تكرار أسئلة الأعوام السابقة وإلا بمقدوره مايكرر الأسئلة ويورينا الإحصاء على أصولة ونجلس نشتكي ونتظلم

[ملحوس خلقه]

طيب يا اخوان الحين لو افترضنا ان تبويب ام جهاد وباقي التبويبات ماهي موجوده راح يكون انطباعكم عن الاختبار نفس الانطباع صدوقوني راح تكون الاجابة ب لا وانا اولكم
لان التوبيبات سلسه وتقوم بايصال المعلومه في وقت قياسي وشكل افضل من اي دكتور

اللي ابي اوصل له هنا طلاب وطالبات مجتهدين بعمل شروحات كانت كفيله لنا ولي تحديدا بفهم الماده في اقل من ثلاث ساعات وكان هناك دكتور المحاضرة الواحدة ما يقارب الساعه والنصف واثناء متابعتها ضياع للوقت دون اي فائدة

[صالح أبو عايض]

المشاركة الأصلية كتبت بواسطة des_FaHoD

مدري ليش فيه ناس تتضايق من شكر العالم لدكتور..
احقاقا للحق.. الدكتور شرحه جيد وهو يتعامل معاك على اساس انك خذيت الاساسيات من مقرر الرياضيات اللي في المستوى الاول وصرت جاهز

لكن مشكلتنا اننا كلنا خذينا الرياضيات عند الدكتور احمد فرحان
واسلوب الدكتور احمد كان يعتمد على انو.. يقولك انا راح اجيب لك السوال هذا بالطريقة هذي في الاختبار وانت عليك انك تحل بطريقة هذي في الاختبار علشان تمضن الدرجة.. صح هالسلوب حلو وسهل .. لكن المعلومة ماترسخ فعقلك.. وراح تنساها بعد اسبوع من الاختبار..
وانت اصلا راح تحتاجها في سمسترات متقدمه ومقررات جايه في الطريق

فا اذا بنلوم احد ما نلوم الدكتور ملفي .. نلوم انفسنا او نلوم دكتور احمد فرحان
ام ملفي فا بالعكس هو مو مجبور انه يعلمك اساسيات الرياضيات من جديد اللي انت خذيتها في المستوى الاول

بحكم اني ممن كتبت عن الدكتور واتوقع الكلام موجه لي من ضمنهم تحمل كثر تعليقي :)

ليه تحط في ذمتك هالكلام !!! ليش فيه ناس تتضايق من شكر العالم للدكتور ؟ وانت الي انعرف عنك الكلام الجميل ولم تدخل في ناويا الناس وانا كثير قريت تعليقاتك وهل لما الشخص يقول الحق يكون متضايق ترى هذا اتهام شديد ياخوي ان فيه ناس تتضايق لما يشكر الشخص وخاصه ملفي ترا ماعندي شي شخصي معه وانا مستعد نسوي استبيان او تصويب سمه الي تسميه ونشوف كلام الكل عن شرح ملفي وطريقة حتى القائه وايصاله للمعلومه
انا ماختلف معك قلت ياخي شاكرين له على اسئلته لكن اننا نحطه ملاك عشان كرر اسئله انا ماعندي مشكله اشرح زين وفهمني وحط الي تبي في الاسئله ماراح يجيب كل شي صعب اذا فاهم ممكن كم سؤال بيقدر يعقدك فيه اما مستحيل يطلع خارج المنهج - انت بالله عليك تشوف شرحه مناسب وطريقته وبروده في المحاضرات والفاره الي يحركه وصدعت رأسنا ؟
يعني اذا شكرنا الشخص خلاص ننسى كل عيوبه ؟ طيب بالله عليك وانا تحدى اي شخص يجاوب محاضرة pss فهمت شي منها ؟ وهل كل شي شرحه ملفي اخذناه في مبادئ الرياضيات ؟

واحيان يقول هالشي اخذتوه في الثانوي وبسيط طيب عده ذكرنا فيه كم لنا متخرجين ؟ وهل كل شخص يكون تخصصه علمي ؟

بعدين تشوف هذا رد دكتور ؟؟ بطبيعة الانثى محيره ... طيب رد فيه جواب في الخيارات او لا وبعدين ليه الذم للانثى وعلى اساس نحن معشر الرجال مانحير والله يافيه رجال يحير ابليس معه حتى ورده على انطباع الدفعه السابقه وش مصيده وفخ ياخي حسسني حنا في الحد الجنوبي --- بعدين شفت النموذج الي منزله على اساس يساعدنا تدري كم خطأ فيه وهو منزله محلول مين حله تتوقع ؟ اكيد هو طيب كيف دكتور تنزل نموذج فيه كثير من الاخطاء .....

اقدر ارد عليك بنفس الصيغه ليه فيه ناس تتضايق لما الشخص يقول الحق ؟؟؟ وليه لازم اذا مانت معي ومع رأئي انت ضدي او ماتفهم او تتضايق اذا احد شكر احد معليش نرتقي شوي الله يعطيك العافيه ترا كل شخص حر يكتب رأيه ووجهة نظره مو لازم الكل معك او معي وحتى شخص يشوف رأئي خطأ براحته بس مو لازم اقوله انت عشان اسئلة الدكتور سهله وذاكرت نماذج الاعوام خلاص تشوف الكل على خطأ

بالعكس اصلا بعد الله ثم احمد فرحان فهمت وبعد الاخوان والاخوات الي ماقصروا

والسؤال لو ماكرر ملفي الاسئله وش بيكون ردك ورد غيرك راح تقولون نفس كلامي وتقولون الاختبار صعب وتطلعون كل شي والسؤال الثاني لو الله ثم بعض المجتهدين امثال ام جهاد وغيرها واسئله صعبه بعد وش بيكون الوضع وحتى لو اسئلته نفس الي جتنا طيب لو الله ثم الي استعان باحمد فرحان وفهم منه او من ام جهاد جزاها الله خير كان كيف الوضع شرحه كان بيكون كافي عندك وعندنا ؟ رأئي ومازلت عليه انسان بارد وشرحه عقيم وممل ويجيب الهم والنوم في المحاضرات ولا يعرف يشرح ابدآآآ حتى مايخلي الشخص يتحمس معه من طريقته وبروده وعندي ام جهاد افضل منه بالف مره وهذا الحق وبراحة الجميع طالبه مجتهده تفهم وتشرح افضل منه ..... والكلام ماهو عن ملفي وبس كل مسمى دكتور امثال عادل عثمان وحق محاسبه ٢ وغيرهم دكاتره اخذتوها شهاده فقط لكن شرح وطريقه عقيمه جدآ ،، تحياتي

[صالح أبو عايض]

المشاركة الأصلية كتبت بواسطة ملحوس خلقه

طيب يا اخوان الحين لو افترضنا ان تبويب ام جهاد وباقي التبويبات ماهي موجوده راح يكون انطباعكم عن الاختبار نفس الانطباع صدوقوني راح تكون الاجابة ب لا وانا اولكم
لان التوبيبات سلسه وتقوم بايصال المعلومه في وقت قياسي وشكل افضل من اي دكتور

اللي ابي اوصل له هنا طلاب وطالبات مجتهدين بعمل شروحات كانت كفيله لنا ولي تحديدا بفهم الماده في اقل من ثلاث ساعات وكان هناك دكتور المحاضرة الواحدة ما يقارب الساعه والنصف واثناء متابعتها ضياع للوقت دون اي فائدة

ياخي نفس ما اقوله واتكلم بس للاسف البعض الله يهديه انا عندي مثلا ام جهاد تشرح وفاهمه افضل من هالدكتور بس سبحان الله جاب اسئله سهله ومكرره الكل حطه انه بطل وشهم وماقصر سبحان الله مانختلف اكرر يشكر انه جاب اسئله سهله وانا الي يشوف تعليقاتي قبل كنت اقول يشفع بس شي واحد اذا كرر صيغ اسئلة الاعوام وحتى لو غير الارقام كلها يشفع له لكن غيره لا

[صالح أبو عايض]

وبعدين انت تحط موضوع مثل هذا تعليق ملفي وتبي الكل يشاركك في التعليق وووو يعني مفروض ماتكون ضد اي شخص يكتب تعليق حتى لو مانت معه ترا الموضوع بسيط انت تشوف شي وانا اشوف شي والاختلاف في الرأي لا يفسد ان شاء الله نجاحنا :)

لكن للاسف البعض يبي ينجح وبس مو كل شخص يبي النجاح وبس البعض يبي يفهم ويحتاج يطبق امور في حياته سوا العمليه او الخاصه وهذا اخر تعليق عن ملفي وامثاله مثل عادل عثمان وغيره ( بدون دكتور ) الي يبي يفهم يفهم والي مايبي براحته والي معي معي والي ضد رأي مافيه مشكله الموضوع بسيط مو مستاهل نكثر كلام ... تحياتي

[أبوأماسي]

المشاركة الأصلية كتبت بواسطة MS-REEM

الأسئلة ممتعه جداً وما قصر مدرس الماده الدكتور ملفي بخصوص السؤال المحير وألي يقول ما يقدر يرسم جدول بالعكس انا رسمت وحليت يا ربي لك الحمد مع أني فاهم الماده وجالس احل وانتهى النص الأول من الفتره ولم أخلص وفيه ناس طلعت من قاعة الأختبار معقوه خلصت الأسئله كلها بحل صحيح مستحيل ثم يجيك هنا ويقول يعاتب الدكتور الماده سهله جداً والأسئله يعطيه العافيه الدكتور ملفي يعلم الله أني ما امدحه عشان اختباري زين ولكن هو محترم بأسئلته وأختبرت عنده في كذا ماده تمنياتي بالتوفيق للجميع اكرر وأقول مستوى 3 غير متفاعل مثل باقي المستويات في الملتقى

صحيح امس لاحظت كم واحد قبل انتهاء النصف الاول من الوقت خرج وانا اللي عشان اطلع الاجوبه الصحيحه جلست الى نصف الوقت الثاني عشان المعادلات وحلها

الا الله يجزاه خير ويوفقه

اذا عشان سؤال الانثى والدبلوم الفقر الثانيه الاجابة موجوه لكن الفقره الاولى تاخذ الاقرب وهذا تكنيك من بعض الدكاتره مثل ماقال الدكتور السهلاوي

على العموم الله يوفق الجميع

[momajed]

السلام عليكم
يا اخواني الكرام
تعوذو من الشيطان الرجيم
كلنا اخوان و لا يحتاج كل هذه الردود و التعصب

الاختبارات انتهت و الحمدالله
و ان شاءالله النجاج حليف الجميع