 |
|
||||||
| مدونات الأعضاء قسم خاص يستطيع العضو انشاء مدونة خاصة به يكتب فيها مايشاء حسب قوانين الملتقى. |
 |
|
|
أدوات الموضوع |
2011- 10- 11
|
#21 |
|
أكـاديـمـي ألـمـاسـي
|
برنامج ( حديث البراطم ) تقديم : درويش أبو الليل .. إخراج : بحااار ..
سلامو عليكو  مِن على أكبر حصاتـ(ن) عندنا بالديره .. ومع هبّات النسيم وريح المزارع أحدثكم أنا ( درويش أبو الليل ) في برنامجنا الجديد وعلى الهواء مُباشره ( حديث البراطم ) .. الطاقم اليوم كلّه مستعد .. بدءً من أطلق مصوّر عندنا بالديره أخونا ( حَمَد الحنش ) ومسؤول المكياج والصنفره وتقشير الوجه وتلميع الركبه ( سالم ولد الصابونه ) ونهايةً بمُخرجنا الكبير ( بحاااار قاهر البطات  ) الله يجعله ذخر لاهل الديره ويخليه لاميمته واخوه طلوو واخته اللي ماودي أقول إسمها على الهواء مُباشره ثم نروح في " سين جيم " ومشاكل ماتسوى ! هذا البرنامج " مِنُكم وإليكُم " .. يعني أنتم اللي بتحسون فيه يا إخواننا المُشاهدين والمشاهدات .. واحنا اللي بنسمع .. والكلمه اللي بتقولونها يمكن تقرشعنا بعنبر " خمسه " وانتم مبسوطين ومتسدحين في بيوتكم .. ويادار مادخلك شرّ .. ! يعني لو تكرّمتم ... خلوا مشاركاتكم مُختصره وبلاش هرج زايد واتركوا عنّا " أحبك يامدحت " و " سلمني على ضنايا " .. والا " أهدي سلامي للمعازيب بالشام " .. رجاءً : اختصروا الله يعافيكم .. واضبطوا حتسيكم ولاتنشبونّا مع " المسعولين " ! سمينا البرنامج " حديث البراطم " لأنه أقرب للواقع اللي جالسين نشوفه .. يعني لو قلنا " حديث الألسُن " أو " حديث المواطنين والمواطنات " فهذا ماهو صحيح .. لأن البعض يتكلم بلسان الغير .. فحرصنا أننا نترك " البرطم " من نفسه يعطينا اللي عنده ونعرف وش علمه ونحاول نوصله للي بيدّه حل أو قرار . برنامجنا اليوم راح تكون حلقته مُهمّه للغايه .. وموضوعها حسّاس للغايه ويُعاني منه شريحة كبيره في المجتمع ... الشباب اللي متسدحين في بيوتهم وعلى الأرصفه ومقاهي الشيشه وكباين التلفون ، وأيضاً البنات اللي مالهم شغل إلا الحوسه في مطابخ بيوتهم أو " القرقه " الزايده بالتلفون بين " عشاوين " و قُبيل النوم " !  موضوعنا راح يكون عن / البطاله السايبه وراح يكون هُناك فاصل إعلاني لمُدة دقيقه ونصف عشان نعطيكم نَفَس ونخلي اللي يبغى " يبتسي " ياخذ راحته شوي ويمش خشمه بأقرب فاين والشكوى لله .. وراح أيضاً نجيب تقرير بسيط عن موضوع الحلقه .. خلوكم معنا أخوي المُخرج : بحااار .. يصيح علي في أذني من عشر دقايق ويقول ( الإتصالات إنهالت علينا من قلت عنوان الحلقه .. يالله أخلص وابد في استقبال أوّل مُكالمه معنا اتصال من أمريكا اللاتينيه : روبورت بيلي .. تفضّل روبورت : هواريو درويش أبو الليل : هاه ؟ روبورت : هواريو مستر درويش أفندي درويش أبو الليل : مدري وش تقول .. الصوت مهوب واضح << عاش مصرّف  روبورت : آيام ربورت ذا سبجيكت از سنسيتف اند اي ونت تو جوين اف يو درويش أبو الليل : ياخي أحتس عربي ولاتحرجني مع جماعتي اللي يشوفوني على الهوا .. (( من ورا المايك أعطي إشاره للمُخرج .. صرّف الرجال وفكّني منه الله يقلعه )) . (( بحااار يصرّف الرجال ... ويتعذّر درويش بأن الخط أنقطع ووجهه صايرن أحمر تقولون " قوطي صلصه منتهي صلاحيته " .. )) درويش أبو الليل : معانا إتصال آخر درويش أبو الليل : الأخت / مريم من حارة الزلايب . مريم : - بصوت مُنخفض - السلاامو عليكووم درويش أبو الليل : عليكم السلام .. أرفعي الصوت أختي مريم .. ولو تكرّمتي قصّري على صوت الثلاجه واسمعينا مع بطنك قصدي مع السماعه  ! مريم : أوكي أولاً : أحب أشكركم على البرنامج الصريح واللي صراحه الجميع يحتاج أنه يتكلم عنه وأشكر المُخرج " بحااار قاهر البطات " اللي دايم يجيب لنا مصايب تضيّق الصدر .. بس في نفس الوقت تتكلم عن واقع كئيب .. بس المُشكلة عندنا في الإعلام اللي " جاحده " و " معطيه الخامس " ولاهم معبّرينه ودايم يقولون له أنت ( تتهمنا ) والخير على ( أفا من يشيل ) بحااار  من ورى الكواليس : يتنحنح وينبسط وودّه أن حتسيها ماينتهيدرويش أبو الليل : - يقطع حتسيها من باب أنه بدى ( يغار ) - يا أخت تكلمي ترى فيه سرى وراك ... أخلصي علينا وعطينا اللي عندك ؟ مريم : أنا بنت تخرّجت من كُلية الإداره الفنيّه بالقطاع الخاصّ .. كنت صراحه أُمنيّ نفسي بأني راح أتوضّف وأتزوج وأعول أُسره وأربي أجيال وأكدّ على نفسي بدل ماأطلب من الوالده كل شوي " خمسه ريال " عشان زميلاتي اللي بقابلهم في حديقة المعيبر يوم الجمعه وش دخّلنا فيكم أنتم وحديقتكم <<< لاتصيرين عازمتنا بس !  مريم : - تكمّل كلامها وشكلها بدت تبسي وتناهتز - أنا بنت حُرِمت الوضيفة وتوضّف عليها غيري من ذوي المستويات المُتدنيه وكلها لأجل عيون الواسطه - الله يرزقنا من فضلها - وانا الآن في مصافّ " البطاله السايبه - .. لاولد ولاتلد .. ولاحتى ريحة وضيفةً أكرش نفسي فيها وأعيّن من وراها خير . درويش أبو الليل : شكراً أختي : مريم .. ورسالتك وصلت .. والله يزوّجك ويوضّفك وتعينين خير وتعزمونا في حديقة " المعيبر  " ! درويش أبو الليل : فاصل .. ونعود إليكُم مرّة أخرة .. - يطلّع منديل ذاوي من جيبه الايسر ويمسح به على جبهته وعلى باله مجتهد - != = = فاصل إعلاني : عزيزي العضو سجل معنا في ملتقى طلاب وطالبات جامعة الملك فيصل وستجد مايسرك ... يطلع واحد معه عصا .. اقول ياأخ زائر والله ماجيت هنا غير من الفضاوة الي براسك بس سجل ولا ترفست في بطنك الي كنه حصالتي في اول ابتدائي  عدنا = = = درويش أبو الليل : مرحباً بِكُم من جديد في برنامجنا وحلقتنا هذا اليوم ( البطاله السايبه ) .. صراحه ماتوقعت أن فيه بطاله كبيره بهالشكل .. خاصّه بعد الإتصالات اللي انهالت علينا ! معنا اتصال من الأخ : سراج رقدني .. تفضل أخوي : سراج سراج : سلام درويش أبو الليل : سلامين .. أحلى مايك معاك << الأخ : درويش مُدمن " شات صوتي " وغنم نعيمي ! سراج : بشكركم على البرنامج .. وأشكر الضيوف الكِرام << وين الضيوف يادلخ .. فشّلتنا ! درويش أبو الليل : مافيه ضيوف ياخي .. وش فيك أنت ؟ سراج : ماعليش .. بس حبيت أقول حاجه .. أنا عاطل من زمان وابحث عن وضيفه ومالقيت وضيفه لحد اليوم مع أني شريت من تخرّجت من الثانويه ( 43 ) ملف علاقي أخضر وقدّمت على كل الوزارات .. ومالقيت حاجه .. وآلحين صُرت أسرق وأنهب ولما أشوف الواحد يكلّم بالجوال في الشارع أخطفوا من يدو .. يعني أنا حرامي وأعترف بهذا الشي على الهوا مُباشره .. وكُل هذا من البطاله السايبه اللي عملت عمايلها فينا .. لاوضيفه ولاحتى عمل ولاحتى " سكورتي على بوّابة بنك " ! شوفو لي حل .. ولو توضفوني عندكم في القناة مافيه مشكله .. حتى لو تحطوني مع بحاااار في وظيفة الإخراج واستضافة الضيوف . طوط .. طوط .. طوط ! - لوورد يقطع الخط .. ويصرّف الموضوع .. لأن حتسي سراج ماصلح له ! - درويش أبو الليل : ماعليش أخوي سراج .. انت قلّ أدبك مع المُخرج وعشان كذا قطعنا الخط عليك .. نأكد دايماً وفي كُل برنامج بأن الواحد لازم ينضبط ويفكّنا من الحديث عن المسؤولين << أمش يابحاااار  .. منت سهل والله ! درويش أبو الليل : نترككم مع هالتقرير .. إبقوا معنا ؟ = = = صورة سريعه على مقهى شيشه .. متسدّحـ(ن) فيه مجموعة شباب .. واحد منهم يشبه دحيّم الاحول .. وجالس يلعب بسبحه في يدّه اليسار ! ثم تمرّ الكاميرا بسرعه على شارع التحليه وتورينا منظر لثلاثه من الشباب يلاحقون لهم بنت في سيارة ليموزين وهي تشّر لهم وتقول ( تراي من سريلانكا وهاربه من كفيلي  ) !ثم بشكل سريع تمرّ الكاميرا على أحد الأرصفه وتورينا منظر لشابين في مُقتبل العُمُر وهم يدخنون ومطولين على صوت الأغاني .. لاحياء ولا أدب للناس المارّه على الطريق ! أخيراً تخرج لنا كلمة وبالبنط العريض : [ البطالة السايبه تولّد الإنفجار .. وحلُها بأيدي المسؤولين ! ] = = = نهاية البرنامج موضوعي هذا سيتبعُهُ غيره من المواضيع الدراميه وبنفس النمط ومن خلال البحث عن حلّ لبعض المشاكل القائمه ، ومن أراد المُشاركه بطرح رأيه " فكل ماعليه هو ان يترك ملفه مع صورتين شخصيه مع سيرة ذاتيه من ولادته حتى وفاته  " .برنامج ( حديث البراطم ) راح تكون حلقته القادمه بعنوان # ( المشاكل الزوجيه بين المدام وابو العيال  )سلامو .gif "(269)") |
|
|
2011- 10- 14
|
#22 |
|
أكـاديـمـي ألـمـاسـي
|
رد: مدونتي مجرد سووووووووالفـ ....
|
|
|
|
2011- 10- 17
|
#23 |
|
أكـاديـمـي ألـمـاسـي
|
رد: مدونتي مجرد سووووووووالفـ ....
|
|
|
|
2011- 10- 17
|
#24 |
|
أكـاديـمـي ألـمـاسـي
|
رد: مدونتي مجرد سووووووووالفـ ....
 << يعطي تحذير للي يصعب الاسئلة << والله ماعندك سالفة بس اهجد 
|
|
|
|
2011- 10- 19
|
#25 |
|
أكـاديـمـي ألـمـاسـي
|
هذا غزل لكن نكهه جديدهـ ...
البارحـه النفـس باتـت وحـيـده إشتقت والإحساس سهـران مابـات حطيت راسي فوق صـدر القصيـده وأخذتهـا مابيـن حضـن الملـذات قبلتهـا بشويـش قبـلـه فـريـده وسحبتها مابيـن ذرعانـي وجـات مطيعـة ٍ تنصـاع لـلـي اريــده وعشنا بجو عناق نشوه مـعَ آهـات مجنون في سمنته وبعـرض جيـده أثر الحنان العـذب عنـد المتينـات على فـراش الليـل فرصـه سعيـده بين الشموع وبيـن كثـر المخـدات وفواحتين بعطر وإيـدي فـي إيـده وضحكة خجل واحراج مني بنظـرات فيهـا حيـاة لقـب ناشـف وريـده قضى العمر مابين ضيقه وحسـرات هـذا غـزل لكـن نكهـه جـديـدة عـزّاب ويحـق لـه يغـازل ابيـات محـروم والحرمـان نفسـه عنيـده قلت أعسف الأوهام وأطغى على الذات جريء ..!!أدري بس شعري أجيـده قبل أتكلم معك متقـن للإنصـات .؟؟ قصيدتي عـن فهـم عقلـك بعيـده يللي تفسرها علـى عشـر حـالات |
|
|
|
2011- 10- 19
|
#26 |
|
أكـاديـمـي ألـمـاسـي
|
يــآإآرب خل لنــا البنــات ]~
يــآإآرب خل لنــا البنــات ]~
ممكن اعشق وبـ مزاجي وممكن اخون بـ مزاجي وكل شي بالدنيا ممكن يا زمان اهل المزاج .. ما بقى ومضة امل ...؟! ما بقى حبة علاج...؟! ما بقى كلمة غلا ...؟! وين عذبات المشاعر ...؟! وين احاسيس البنات ...؟! وين " احبك " اللي تسبقها دمــوووع ~ وحشرجة بين الظلوع وبلع ريق ...؟! وما اطيق واللي يعقبها سهر وليلها طوله دهر...!! وتاليتها ينتهي كل [ الغلا ]~ والله يا انه قهر " كلها ماتت جميع مابقى منها شعرة ...؟! " وين ذاك الوجد ... والحب العفيف ...؟! ضــآآآآآآع كله ...؟! يا عسى ربي يعوضه صار حب اليوم " موضة " وصار نزوة وصار تقليد ~ بعد ماكان الهوى يحسب حسابه انقلب ]] " من مصخرة في مصخرة ...!! " وهذا هو حال الرجال " كلهم نفس الحكاية ... والرواية ... والموديل حب كشخة وحُب يعنني [[ احــب ]] وآخرتها .. " كم يوم وبكرة نلقى غيرها ...!! " ليش يعني ... هي من تكون ...؟! آخرتها بس حي الله بنية عقب ماكانت غلاآآهـ وحلم عمر وآخر آمآله وكان يسهر ليل ويبكي ليل وكان يهذي ويحلف انها " اغلى البشر " وان غلاها يبقى في قلبه الى يوم الحشر وفجأة يصحى ويكتشف ما فيه حُب بس نزوة وانتهت ...!! وما صار شي يكفي انه قد تسلى فيها ايــــآآم ومضت ومات ذاك الحب راح وين ...؟! " راح المقبرة " ليش مات الحب بقلوب البنات ؟! ليش ذاب الصدق بقلوب الرجال ؟! ليش انا قبل الزواج كنت اناديها " الغلا " وكنت اناديها " الغرام " و " بعد أُمي وابوي " و " ضحكتي ... وابتساماتي ... وبلسم جرحي المفتوح وجروحي " وعقب ما ربي جمعنا ...~ واجتمعنا وصرنا أُسرة وصرت انا واياها جميع نصحى وننام ونشرب بكاس الغرام ويوم اناديها تجيني ما تأخر وتقول " ســم ...! " و " لبي قلبك يا بعد قلبي انا " صرت اناديها عقب ذاك الغلا " هيه... وينك يامره ...؟!" ليش انا قبل الزواج كنت اكلمها واسولف واقضى ساعات وزمان واحتريها وحتى لو تأخرت ... او اخلفت ميعادها ما ازعل عليها لاآآآآ ولا حتى اعاتبها شوي وكنت اشوف عيوبها بعيني جمال ونقصها بعيوني هو معنى الكمال ويوم صرنا مع بعضنا لو حكت لي كلمتين او سولفت ... او مازحتني وضحكت قلت : كافي ... بس ... ما ابي قلة ادب " واعتقد يكفي كلام وبربرة ...!! " يااااااااااااااااااااااهـ !! بعد ماكان الحكي بشفاهها ينقط عسل صار بتاليها حكي...؟! لآآآ وليته حكي ... صار اسمه " بربرة ... أو ثرثرة ...!! " ليش اراضيها منوّل يوم تزعل وما آتحمل بس لو لحظة زعل وكنت ادللها واموت بضحكها واقول " آسف يا غلاي " واكتب [ اجمل بيت شعر ] لعينها لين ترضى وعقب ما ربي جمعنا من تزاعلني اقول لها " في بليس ... طقي راسك بالجدار أنتي حي الله بقرة ...!! " وربي احنا صدق [[ مرضى عشق ]] واشواق ومشاعر وعشقنا من دحدرة في دحدرة ماعرفنا وش معنى البنت ~ ولا عرفنا قدرها ولا وفاها بصدرها وما حكينا عن غلاها ولا صفاها ولا هواها ولا دفاها بس نتكلم على ثرثرتها وبربرتها وحكيها السامج ما نخاف الله يعاقبنا وهي عطر دنيانا وهوانا ~ بدونها تظلم سمانا ... بدرنا في خدها ~ وصبحنا في قدها ~ وشمسنا بكفوفها ~ وربي وردة ... يا سعد من شمها ~ وغيمةٍ تمطر حنان ... والحلا في دمها ~ وشكل بسمتها جنان ... والكرز في فمها ~ وبن عمتها المطر ... وغيمة الشوق أُمها ~ و ولد خالتها الربيع ... والزهر هو عمها ~ وخصرها دنيا لحاله ... حظ صدرٍ ضمها ~ وريقها نكهة عسل ... والعطر في كمها ~ وشهي الدنيا اذا مابه بنات ...؟! رجال ماتضحك ابد ! وصحراء مافيها ربيع ! وعيون كاسيها الوجل ! و وجيه ما فيها امان ! وطفل يبكي ! وشيخ يشكي ! ودنيا مافيها رفيق ! وصحبة ما فيها وفاء ! وقلوب ما فيها حنان ! وما احدٍ يرحم احد ! برحمتك يارب ... " خل لنا البنات " بضحكهم وهبالهم وخبالهم ودموعهم وشموعهم ويا حلو تدليعهم ويا حلو تدليلهم رحمتك يارب ... " خل لنا البنات " × × × |
|
|
|
2011- 10- 22
|
#27 |
|
أكـاديـمـي ألـمـاسـي
|
مات الخير بموت سلطان .. 22/10/2011
أحد بموته ضيق وأحد عوافي
الفرق واضح يفهمه أي انسان البارحة فرحة لموت القذافي واليوم ياحزني ع موت سلطان  |
|
|
|
2011- 10- 22
|
#28 |
|
أكـاديـمـي ألـمـاسـي
|
رد: مدونتي مجرد سووووووووالفـ ....
|
|
|
|
2011- 10- 23
|
#29 |
|
أكـاديـمـي ألـمـاسـي
|
:: حقاً إنها القناعات لكن تباً للمستحيل ::
:: حقاً إنها القناعات لكن تباً للمستحيل :: أم طه .. امرأة في السبعين من عمرها لا تجيد القراءة والكتابة .. تمنت ذات يوم أن تكتب بيدها اسم الله حتى لا تموت وهي لا تعرف كتابة (الله) فتعلمت الكتابة والقراءة ثم قررت أن تحفظ كتاب الله .. وخلال سنتين (استطاعت) ام طه الكبيرة في السن أن تحفظ كتاب الله عز وجل كاملاً .. لم يمنعها كبرها ولا ضعفها لان لها هدف واضح .. في حين أن الكثير يتعذر ويقول: أنا ذاكرتي ضعيفة وحفظي بطيء وهو في عز شبابه... حقاً إنها القناعات أحد الطلاب في إحدى الجامعات في كولومبيا حضر أحد الطلاب محاضرة مادة الرياضيات .. وجلس في آخر القاعة (ونام بهدوء).. وفي نهاية المحاضرة استيقظ على أصوات الطلاب .. ونظر إلى السبورة فوجد أن الدكتور كتب عليها مسألتين فنقلهما بسرعة وخرج من القاعة وعندما رجع البيت بدء يفكر في حل هذه المسألتين .. كانت المسألتين صعبة فذهب إلى مكتبة الجامعة وأخذ المراجع اللازمة .. وبعد أربعة أيام استطاع أن يحل المسألة الأولى .. وهو ناقم على الدكتور الذي أعطاهم هذا الواجب الصعب !! وفي محاضرة الرياضيات اللاحقة استغرب أن الدكتور لم يطلب منهم الواجب .. فذهب إليه وقال له : يا دكتور لقد استغرقت في حل المسألة الأولى أربعة أيام وحللتها في أربعة أوراق تعجب الدكتور وقال للطالب : ولكني لم أعطيكم أي واجب !! والمسألتين التي كتبتهما على السبورة هي أمثلة كتبتها للطلاب للمسائل التي عجز العلم عن حلها ..!! ان هذه القناعة السلبية جعلت الكثير من العلماء لا يفكرون حتى في محاولة حل هذه المسألة .. ولو كان هذا الطالب مستيقظا وسمع شرح الدكتور لما فكرفي حل المسألة . ولكن رب نومة نافعة ... ومازالت هذه المسألة بورقاتها الأربعة معروضة في تلك الجامعة حقاً إنها القناعات اعتقاد بين رياضي الجري قبل خمسين عام كان هناك اعتقاد بين رياضي الجري .. أن الإنسان لا يستطيع أن يقطع ميل في اقل من أربعة دقائق .. وان أي شخص يحاول كسر الرقم سوف ينفجر قلبه !! ولكن أحد الرياضيين سأل هل هناك شخص حاول وانفجر قلبه , فجاءته الإجابة بالنفي !! فبدأ بالتمرن حتى استطاع أن يكسر الرقم ويقطع مسافة ميل في اقل من أربعة دقائق .. في البداية ظن العالم أنه مجنون أو أن ساعته غير صحيحة لكن بعد أن رأوه صدقوا الأمر واستطاع في نفس العام أكثر من100رياضي .. أن يكسر ذلك الرقم !! بالطبع القناعة السلبية هي التي منعتهم أن يحاولوا من قبل .. فلما زالت القناعة استطاعوا أن يبدعوا .. حقاً إنها القناعات .. أخواني أخواتي في حياتنا توجد كثير من القناعات السلبية التي نجعلها (شماعة للفشل) .. فكثيراً ما نسمع كلمة :مستحيل, صعب, لا أستطيع... وهذه ليست إلا قناعات سالبة ليس لها من الحقيقة شيء .. والإنسان(الجاد) , (المتوكل على الله ) يستطيع التخلص منها بسهولة...  فلماذا لانكسر تلك القناعات السالبة بإرادة من حديد نشق من خلالها طريقنا إلى "القمة "
|
|
|
|
2011- 10- 23
|
#30 |
|
أكـاديـمـي ألـمـاسـي
|
رد: مدونتي مجرد سووووووووالفـ ....
يازينك ساكت حينما تجهل ماذا تقول يازينك ساكت حينما تدخل في مواضيع ومتاهات لست اهلا لها يازينك ساكت حينما يكون السكوت هو سيد الموقف والراحه هي عنوان المكان يازينك ساكت حينما يكون كلامك كثير وجميل ومسطر بأروع الحروف ولكن .... لامعنى له يازينك ساكت حينما يكون ايصالك للكلام يمر بالف باب وسور معطره بوسائل اللف والدوران يازينك ساكت حينما ترى من هو اكبر منك يتحدث وبدون مقدمات تقاطعه بصوتك الحسن الجميل الشجي يازينك ساكت حينما لايكون في قاموسك اسس بل مبادئ الحوار العقلاني يازينك ساكت حينما يكون احترام الشخص او الاشخاص الذين تتبادل معهم حديثك معدوما يازينك ساكت حينما يكون همك الوحيد ابداء رأيك دون النظر للآخرين حتى لو كان رأيك هو احسن الآراء يازينك ساكت حينما يكون كلامك الجميل مثل عدمه يازينك ساكت حينما تخاطب الاخرين في عيوبهم واخطائهم وتطالبهم بتصحيح ماهم عليه .. والاخطاء تخرج من نافذة منزلك من كثرتها يازينك ساكت حينما ينطق لسانك باروع عبارات النصح والارشاد في امور الدين و انت لاتعرف طريق المسجد يازينك ساكت حينما تكون التهمه واضحه عليك كوضوح الشمس وتحاول المراوغه لإزالة التهمه عنك ولكن !!!! يازينك ساكت حينما تكون المجامله عنوانك في كل الاوقات !!!! يازينك ساكت حينما يكون الحسد والحقد والكراهيه متغلغله في نفسك محاولا تقليل مايصنعه الاخرون من النجاحات وفي الاخير يا زينكم يوم تـتابعون مدونتي .gif) .gif) << ترا ماعرفهم .gif) |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| سجلت في الكليه بس مدري اذا انقبلت ولا لآ ؟ | ليته يحس | منتدى كلية التمريض بالأحساء | 3 | 2012- 7- 5 04:43 AM |
| [ جميع التخصصات ] : مدري وش تخصصي وش لون اسجل جدولي ؟؟؟؟ الله يوفكم ساعدوني | هنودهـ | منتدى كلية الآداب بالدمام | 2 | 2011- 8- 21 09:08 PM |
| [ جميع الأقسام ] التحويل من جامعه الملك فيصل الى جامعه أخرى . | MEO | منتدى كلية الآداب بالأحساء | 3 | 2011- 8- 4 10:15 PM |
| [ اكاديمي عام ] : قبلوني الدمام ...وانتظر نتيجة جامعة أخرى ما الحل | حلمي قريب | منتدى ماقبل الجامعه والاستفسارات الأكاديمية العامة للطلاب المنتظمين | 0 | 2011- 7- 25 04:57 PM |
| هل بعد السنة التحضيرية ندخل في التخصص اللي سجلناه؟؟ | أميرة الوادي | ملتقى طلاب التعليم عن بعد جامعة الملك فيصل | 1 | 2011- 1- 6 02:49 PM |
