مسمى شهادة التخرج - التعليم عن بعد

[dosre]

السلام عليكم ورحمة الله وبركاته

انا من المؤيدين لكلامك

والواقع يتحدث

اخوي وكثير من الزملاء الي اعرفهم تخرجو انتساب من جامعة الملك عبدالعزيز

تخرجو وماكملو كم شهر الا تعينو بوظائف مرموقه

شهادة الانتساب افضل من شهادة التعليم عن بعد

وشكرا

[فهد 2012]

التعليم عن بعد افضل من الانتساب بكل الدول ويعتبر مشابهه للانتظام بنسبة 85% .

اللي درس انتساب تقليدي واللي درس تعليم عن بعد نفس المعاملة بنظر الجميع . اللي هو اختبار نهائي فقط .

اما التعليم عن بعد في واجبات ومناقشات وحوارات ومحاضرات مباشره واختبارات نهائية وتطبيق ميداني . هنا يكون وجهة النظر تختلف .

اما من ناحية الاعتماد يقولوا ان الانتساب معتمد بالاسم فقط والواقع محد يقبلك لا دراسات علياء ولا وظيفة بقطاع خاص ولا عام .

فالافضل التعليم عن بعد ومستقبله واعد والآن اتجاه التعليم العالي والخدمة لاعتماد التعليم عن بعد .

بالتوفيق للجميع

[فهد 2012]

هل يوجد خريج بتخصص تعليمي او اداري توظف ؟؟


اللي توظفوا هم خريجي ادارة مستشفيات في المجال الصحي . للتوضيح طريقة التوظيف .

هما كانوا موظفين بوزارة الصحة ودرسوا انتساب ادارة مستشفيات وتم تحسين وضعهم .

لكن لايوجد خريج توظف عن طريق الخدمة المدنية .

اما من ناحية بعض الشركات فتقبل القليل ورواتب قليلة ما تناسب المؤهل كانما متوظف بالثانوي

[ايووت]

أولا اول ماسجلنا بأسم انتساب واﻻوراق تثبت
ليش اللحين تبوها تعليم عن بعد

[منتسبه 2013]

كتر القيل والقال ضريبة تاخر النتيجة يا جامعتنا الطييبه

الا متى النتيجة !!

[✶ جُمان ✶]

المشاركة الأصلية كتبت بواسطة hamad788

اخواني واخواتي الاعزاء

السلام عليكم ورحمة الله وبركاته

كما تعلمون باننا ندرس بنظام التعليم عن بعد في مرحلة البكالوريوس من جامعتنا، ولكن المفاجاءة بان الخريج يتفاجاء بمسى الشهادة باسم (إنتساب)

مع العلم بان جامعة الملك عبدالعزيز تذكر في شهادتها ( التعليم عن بعد) وللعلم أيضا بان جميع البيانات والسجل الاكاديمي الخاص بنا بموقع الجامعة مذكور ( التعليم عن بعد)

فاليوم وجدة معلومة تفيد بألتزام الجامعة بذكر شهادة (التعليم عن بعد) في لائحة التعليم عن بعد المعلنة في بوابة الجامعة في المادة الثانية عشر - فقرة رقم 4 تنص:

يثبت في السجل الاكاديمي ووثيقة التخرج لخريج برنامج التعليم عن بعد، ما يفيد بأن دراسة الطالب تمت بالتعليم عن بعد.

http://www.kfu.edu.sa/ar/deans/e-learning/documents/e-learning%20main%20page/dl_bylaws.pdf

ارجو التكاتف لتغير مسمى شهادة الجامعة وارسال طلب للعميد بذلك.

مرفق لائحة التعليم عن بعد.

من صالحنا أنه شهادتنا ( إنتساب )

لأنه حسب قوانين الخدمة المدنية لم يقر بعد التعليم عن بُعــــد بالمملكة )

[Student Taste]

مساء الخير جميعاً ...
وش الفرق بين التعليم عن بُعد والانتساب كلها نفس الدراسة احنا في بداية الدراسة والتسجيل تم تسجيلنا طلاب انتساب ، وانا اشوف تسجيل ( انتساب ) افضل من ( عن بُعد ) ، لذا يا اخوان اشوف انا لا نشغل انفسنا باشياء مالها داعي في الاخير انت تحمل شهادة باكالوريوس ومعدلك هو الأهم .
تحياتي للجميع وفالنا جميعاً التوفيق يارب ....

[Bandar75]

الانتساب افضل اذا اعترفه بالتعليم عن بعد تروح تعديل الشهادة وانتهاء الموضوع

[Elmo English]

عين العقل كلام صحيح ولكن لا حياة لمن تنادي.

المشاركة الأصلية كتبت بواسطة rooz musk

.
.

انتوا ايش فيكم ؟؟
ترى شهادة الانتساب افضل من التعليم عن بعد .. بدليل لو تقدم عالماجستير بشهادة
إنتساب راح يقبلونك اما تعليم عن بعد مافي احد يقبلهاا ؟؟
وأعرف ناس كثير انتساب وكملوا الماستر بشهايدهم والان على وجه تخرج ..

اما اللي يقول مستقبل التعليم عن بعد مضمون نوعا ما ... انا اقولكم إحنا علينا بالحاضر
محد يفضل التعليم عن بعد بسبب سمعته وفيه شركات تشوف ان شهادته غير جديه وفيها محاباه ومجاملات ؟؟

رجـــــــــــــــــاء اتركوا هذي المواضيع على جنب
لأن محد يعلم الغيب ..
وصدقوني .. إنتساب افضل من تعليم عن بعد .. ولا تنسون كمان ان احنا برنامجنا حق التعليم إنتسااااب مطور

[نوفييي]

الحين لين واحد ياخذ دورة حاسب او انجلش عن بعد هذي ماتفيده بشي بس اللي يدرس انتساب فيه جامعه او في مدرسه هذا شي معتمد من الوزاره وكله معتمد انتساب وانتظام لان يتبع للوزاره مو لتعليم الخاص والاهلي والله فيه مواضيع المفروض ماتشغلوننا فيها 💔
لاتستنقصون انفسكم ولا شهاداتكم انتوا تدرسون بجامعه معتمده من كل النواحي