[ مذاكرة جماعية ] : هذا فهمي للاحصاء

[ام ميورره]

الله يسعدك نووف والله اول مره افهم الاحصاااء يقهرني مادبر فيه شي


كملي حبي لك والقلب داعي لك

[*سوسن *]

يااااااااااااازينك**

[نوف بنت سعود]

فيه ملاحظة.......المنوال اسرع في تحديده من الوسط والوسيط
وغير كذا المنوال نقدر نحدده سواء كانت البيانات منفصلة متقطعة اونوعية فولوا ليش نوعية؟؟؟؟؟؟؟؟لاننا بس بنطلع الاكثر تكرار
لكن الوسط ماتصلح فيه النوعية لاننا مانقدر نجمع كلمات ونقسمها مو الوسط قلنا نجمع المتغير ونقسمه على عددهم
حتى الوسيط ماتصلح فيه النوعية لو كان زوجي ليه؟؟؟ مثال ....مقبول ضعيف جيد جيد جيد جدا ممتاز.........كيف بنطلع الوسيط اذا كان كذا .......المفروض نجمع اللي في الوسط ونقسمهم بس هذا كلام كيف ينجمع ويقسم..........
مفهووووووووووم....

[مريوشه]

مفهوم يااستاذه نوف
الله ينور طريقك كملي تراني متوهقه بهالماده
الله يخارجناااااااا

[نوف بنت سعود]

ملاحظة..........
المدى مايصلح في البيانات المفتوحة.....لان المدى نطرح اقل قيمة من اكبر قيمة
فاذا كانت اكبر قيمة 18 واصغر قيمة كانت مفتوحة في الجدول >x فكيف اطرح 18 من عدد مجهول ومفتوح
او اكبر قيمة >x واصغر قيمة <x فهذا مفتوح من الاعلى والاسفل

[نوف بنت سعود]

الحين خلصنا من مقاييس التشتت المدى والانحراف المتوسط
نجي الان للتباين.......اللي هو متوسط مربعات الانحرافات عن الوسط الحسابي والجذر حق التباين هو الانحراف المعياري.......
يعني لو عطونا اي جدول على طول نعرف ان حرف x هو المتغير وحرف n هو عددهم وحرف d قيمة مطلقة
.........وش نسوي في هالحالة ......نطلع الوسط الحسابي نجمع كل الارقام اللي تحت خانة x ونقسمهم على عددهم اللي هو n وفي الجدول طلع الرقم بعد الجمع 143 وعددهم 10 فقسمنا 143على 10 =14.3

الخطوة الثانية .....
اطرح كل متغير من الناتج الثابت اللي طلع عندي 14.3
مثال
16_14.3=1.7
14_14.3= _0.3
وهكذا
بعض الاجوبة قبلها علامة سالب عادي

الخطوة الاخيرة واللي هي الخانة الاخيرة من الجدول ........
الناتج اللي طلع عندي اضربه في نفسه ويطلع لي الجواب في الخانة الاخيرة
مثال
كان الجواب الاول اذا تذكرون ( 1.7) اضربه في نفسه = 2.89
والجواب الثاني كان (0.3_) اضربه في نفسه يطلع =0.09
وهكذا الى نهاية الجدول

اذن الخانة الاولى n المتغير
الخانة الثانية ......d=x_x طبعا الاكس الثانية فوقها شرطة بس ماعرفت احطها
الخانة الثالثة اللي هي مدري وشلون شكلها كانها كرفته او حرف اف ملتف ( المهم هذي الخانة هي حاصل ضرب الناتج في نفسه )

[نوف بنت سعود]

اللي يعرف يسوي جدول يسويه وانا اشرح عليه

[الأب ووليد]

وين التكملة

[نوف بنت سعود]

الان المحاضرة الخامسة.....الفروض الاحصائية

ويمكن ترتكب خطأين فيهم................
الاول ترفض الفرض الصحيحa
الثاني تقبل الفرض الخاطئءb

وفيه جدول مهم ركز الدكتور عليه........
الاول فرضية صحيحة ............ونتيجة العينة تؤيد هالكلام قبول الصواب
الثاني فرضية صحيحة ............ونتيجة العينة غير مؤيدة لصحتها ...........وهي رفض صواب ..........وهذ مثل النوع الاولa

الثالث فرضية خاطئة.........نتيجة العينة تؤيده............قبول الخطأ.....وهذا مثل النوع الثانيb
الرابع فرضية خاطئة......غير مؤيدة لصحتها............رفض خطأ

[نوف بنت سعود]

الفروق البحثية لها 4 انواع.................
اولا الفروض العلاقية..........وفيه منه (موجه/ وغير موجه/ وصفري.).
الثاني الفروض الفارقة ............ونفس الكلام فوق
الفروض التنبؤية ..............ونفس الانواع فوق
الفروض السببية .................مثلهم.....


الحين نجي نفرق بين الموجه والغير موجه والصفري
اذا شفتوا كلمة صفري معناها لاتوجد علاقة ابدن
اذا شفتوا كلمة موجه معناها توجد علاقة موجهة ومحددة لصالح شئ معين وتعطيك حملة كاملة ومفيدة
اذا شفتوا كلمة غير موجه معناها فيه علاقة بس ماهي موجهه لاحد وغير كذا تكون الجملة ناقصة وماهي مفهومة
مثال .....توجد فروق ذات دلالة احصائية بين متوسطي درجات الذكور والاناث في الذكاء الوجداني
هذا غير موجه وعير صفري؟؟؟؟؟؟؟ليه لانه توجد علاقة بس ماكملوا الجملة قالوا توجد فروق بين الذكور والاناث بس ماندري لصالح مين..؟؟
لكن الجملة اللي بعدها كاتبين نفس الجملة وفي الاخير كاتبين لصالح الذكور .......هذا موجه......

فهمتواااا.........................