اللي يحس فيه ذرة رجوله ونخوة يدخل ,(نجد العرب) تنخاكم

[مآشيه بالمعكوس]

ياقلبي انتي والله يابنت نجد من جد كلامك خطير وكثير اللي يشتكون لاكن مين مين مين يسمع:no2:
حسبي الله عليهم الله يوفقك ياقلبي ويارب تجيبين نتيجه حلووهـ وعني اناشوفتك منيحه مآرآبالانجليزي<<المقصود بيور
بس الله يهديهم بس:011::011:
دعواتي لك بنت نجد حيآتي
والله مايضيع تعب احدفديتك شدي حيلك!

[Galaxy-sa]

يا هلابك ياختي نجد العرب ..

انتي انتخيتي فينا ..

وانا أقولك والله ثم والله ثم والله أن لو بأيدي شي اقدر اساعدك فيه ما اقصر <<< استريح انت منو طلب منك الحين :011:

>> والله مدري منو طلب مني :011:

بس كلامك والله مؤثر .. طالع من القلب ..

يا بنت الحلال انا أدرس بكلية المجتمع بالحفر والدكاتره عندنا كلهم أمريكان وأجانب مافيه عرب نهائي ..

صحيح ياختي انهم متشدديين شوي ..

لكن للأمانه ورب البيت أنهم ما يعطون الطالب إلا حقه ..

ولو أني أتهاوش مع أي دكتور وتصير علاقتي انا وياه بالحضيض ..

يتركون كل هالأمور على جنب والدراسه على جنب ثاني ..

حنا يالطلاب كنا ننقهر من هالشي .. يعني نبي منهم مساعده أكثر وتعاون معنا ..

لكن يوم أني قريت موضوعك هذا ..

وربي إني حمدت ربي على الدكاترة اللي عندنا ..

دكتور يعطيني حقي ولا دكتور يظلمني صح ولا لا :011:

اخت نجد ..

والله ما اقول إلا يا عزتي لك بس ..

وعسا الله يوفقك ويفتحها بوجهك انتي وزميلاتك وين ما رحتي ..

ودام أن ما بقالك شي استعيني بالله وشدي حيلك ..

هانت .. خلصي وكملي ماجستير لا تقعدين ..

وعسا الله يوفقك يا بنت الأجواد ..


أخوك جلكسي .:011:

[مآشيه بالمعكوس]

:011:












:011:







:011:
الله يعين

[عاشقة البحر]

الله يعينكم ويعينااااااااااااااااااااااااا:Cry 111:

[نجد العرب]

أسعد الله مساءكم بكل خير...

شكرا لكم على هالنخوة وهالشهامة وتفاعلكم معي بكلماتكم التي والله إنها جعلتني أستجمع قواي ,,,
(pure soul ) الشي الي إنتي مريتي فيه ما يحس فيه إلا اللي بشوفك,, يشوف بعيونك التعب والألم والإرهاق..الوضع مره سئي عندنا وعندكم والأنظمة كل مالها تسؤ وتعقد أمور الطلبة..لكن ما نقول غير ربي يسهل علينا ..لي تواصل معك آخر بإذن الله وإنتي قدها وقدود أدري إنه إثنين مجروحين من نفس السهم محد يقدر يداوي الثاني لكن يد بيد ونناضل لأجل مستقبلنا.

[نجد العرب]

(سلاش أزرق _عاشقة البحر )
كلماتكم ومروركم عطر جراحاتي ورفع لي من معنوياتي .
دمتم بود وخالص حب.:praying:

[نجد العرب]

(galxy_sa )

والله إنك قد هالنخوة.. ولو ماكنت قدها ما كان إنتخيت فيكم يالرجال المناعير..
أخي الفاضل الفرق اللي بيننا وبينكم وهذا السبب الرئيسي لعنواني وخلاني أنتخي فيكم. إنه معاملة الرجل بشكل عام هي معاملة تنبني على القيم والمبادئي وأخلاقيات وأهم من كذا على مبداء الرأفة والرحمة..
يا عزيزي الرجل لما يتعامل مع رجل أو مع حتى المرأه عنده ثوابت يلتزم فيها ولا يمكن الأمور الشخصيه والمشاكل تأثر على إتخاذه القرار ..
وبعطيك مثال ...الدكاترة اللي درسونا والله قمة بالعلم وقمة بالأخلاقيات إنسان يراعي الله بتعامله ويشرح من قلب وإذا أخطاءنا بإمتحان ممكن يضيع محاضرة كامله عشان يصحح جميع المصايب اللي سويناها..
الترم الأول كان عندنا دكاترة(رجال) رائعين ويقيمون الطالبه على مجهودها كامل من حضور وواجبات ومشاركة وبالنهاية والله حققنا معهم أعلى الدرجات..
لكن تدري يا أخي وش صار؟؟؟
تم إستبعاد جميع الدكاترة من قسمنا وقالوا إن الدكاترة متساهلين معانا..والله والله إنهم ماكانوا متساهلين بس لأنهم رجال بمعنى كلمة الرجولة لايمكن ينزاحون لصف أحد ولايمكن يرضون إن أحد يفرض عليهم أشياء غلط بحق الطالبات عشان كذا بهالزمن الإنسان اللي عنده ذمة وضمير يتم إنهاء وجوده ..
لا أمدح الرجال نقص بشقائقهم النساء ولكن مثل ما أوضحت ما عمرنا تبهذلنا من سنة أولى إلى رابع مع أي دكتور رجل ومصايبنا مع الدكتورات فقط لا أعلم هل الدكتورة بالتاء المؤنثه تريد تحقيق ذاتها من خلال تمردها على الذمة والضمير ..(ليس كل الدكتورات فهناك سيدات المثل والقيم ولكن أتكلم عن من لا يخاف الله .

عذرا للإطالة وشكرا للإستجابه

[بنت الشوق]

والله كلامك اثر فيني مررة:011:
الله يصبركم ياقلبي
وماتشوفين شر
وحسبــــــــــــي اللــــــــــه عليــــــــــــهم

[موون]

الله يعينك ويشفيك يارب..

للأسف معاك حق في انه اللي عنده ضمير في هالزمن يبعد من طريقهم .....

ما أعرف أعزيك ولا أعزي نفسي...مشكلتي مختلفة عنك بأمور لكن متشابهه من ناحية تقليل قيمة الفرد والاستهانة بحقوقه....
الله يرحمنا ويخفف عنا مصايب هالزمن و يبعدنا عن هالناس اللي ماتخاف ربها..
:011:

[موون]

لا تنسي تبشرينا بنتايج التحقيق...

الله ينصر كل مظلوم