التعليم عن بعد غير معترف فيه

[عممار]

كملوو كملوو الله يهداكم كل شوي ناطين بنفس المضوع

[فهد كول]

كل فاشل يحاول يلقاله شماعه يعلق عليها فشله
اخواني المجال مفتوح والقطاع الخاص ماد يديه لكم ، واتركوا العينات الفاشله خلفكم
انتم راح تتخرجوا وهم راح يكرروا نفس المواضيع
انتم راح تتوظفوا بنسبه اعلى من خريج الثانوي
انتم معاكم بكالوريوس وهم ثانوي

اتمنى من اداره المنتدى يثبتون موضوح بعنوان حوار فاشل يتجمعون فيه ويتعاونون في احباط بعضهم البعض

[مزنة عطاء]

شيئ غريب للحين في ناس موراضيه تستوعب
ان الشههاده معترف فيها :/

معليييش
من متى ويتردد ان المشكله فقط في وزارة التربيه والتعليم
ومشكلتهم مايوضفونا معلمين او معلمات
حتى لو درست دبلوم تربوي بعد التخرج :) !!

اما الباقي بيوظفوووووون

خلاص تكفووون طئت تسودبناااا

[عبـدـآلـلـه]

ههههههههههههههههههههه يالليل ..
كل بدايه ترم زي كذا ..
هذولي ناس والله تبي تخوفكم ..
الله يرفع عنهم ولا يبلانا ..
أنتم مهبل هذي جامعه حكوميه تعرفون أيش معنى حكوميه ..
يكفي حتى في جدارة موجود الأنتساب المطور الي هو التعليم عن بعد ..
ياناس لاتسمعون لهالعينات وبس ..
من أول مادخلت الجامعه من الترم الأول وانا كل بدايه ترم وفي الأختبارت أسمع الكلام هذا وهذا انا في المستوى الخامس لازلت أسمع الكلام هذا واضحك بعد ماتأكدد من كل المصادر

[مـ غ ـترب فـيـ عـذابـكـ]

انا بالنسبه لي عارف مو معتمده

وقاصد ادخله فاضي يعني وش المشكله

[mo7ammed2011]

تحية طيبة اخي الكريم .....
انا من ضمن الطلاب في الجامعة بس اقول كلمه حق واهي احسن شيء ان خريج الانتساب ما يصير مدرس ، والسبب كل الدراسة صح وخطاء عكس المنتظم اللي يحضر المحاضرات مع تطبيق الميداني ،

[TT03]

يبدوا لي أن أغلب الربع هنا داخل يدرس والهدف الراتب المريح "مدرس"...

[دايم الشووق]

قبل ثمان سنوات دخلت انتظام أحد الأقسام وكل من قابلني حطمني لين كرهوني ابو الجامعة كلها طبعان ماسمعت لكلامهم لكن حصلت عندي ظروف صحيه وتركت الجامعة العجيب في الأمر جميع الي معاي تعينو اول ماتخرجو واحد الأشخاص بحكم القربه كان هو اكثر شخص يزززن على راسي ان هالقسم ماله مستقبل وان قسمه افضل قسم اخذ 6 سنوات بين المدارس الأهلية وبعدين تعين ...

خلاصة الموضوع الأرزاق بيد الحي القيوم ولا تحط لك حجر وتقول الطريق مغلق خل لك هدف وطموح توصل

[C l a s s i c]

لا تزعل من ردود افعالنا لكن حاول انك تكون شخص ايجابي.. ما ادري وش الحكمه تكتب موضوع زي هالموضوع وبعدين حتى وإن افترضنا ان التربية والتعليم مهي معترفه بالانتساب مهو نهاية المطاف ولا فيه وزارة او جهه حكومية او خاصة ترفض توظيف خريجين الانتساب وبمجتمعاتنا أمثلة كثيرة.. صدقني فيه ناس حتى وإن كنت محبط من موضوع معين بايجابيتهم ممكن يغيرون نظرتك لهالموضوع وتتبدل نضرة التشاؤم لتفاؤل.. وفيه ناس لو كنت متفائل بأي شي يخلي الدنيا سودا بوجهك. وهالعينة بالذات تكره الناس مجالستهم. . ابعد عن السلبية وخلك ايجابي.. وموفق خير وإن شاء الله نلقالك موضوع تبشرنا فيه بوظيفتك

دمت بود

[المدى البعيد 10]

ماهو صحيح

معترف فيها بكل مكان
وفية امثلة كثير لاعضاء توظفو بشهادة الانتساب وكتبوا مواضيع هنا بالمنتدى ومن فترة قريبة

وحتى بالوظائف التعليمية الحكومية يقبل
بشرط تدرس دبلوم تربوي اعتقد سنة بعد التخرج حتى تكون تربوي
وتقدم عادي ويقبلونك بدون اي مشاكل

وهذي مصدري

http://www.ckfu.org/vb/t566496.html

لذلك قفلوا على هالمواضيع ماهو وقتها