[ استفسار ] للجميع .. رأيكم في تقديم شكوى ؟

[ابوتالا1402]

اخوي وليد اتمنى يكون رأيك وليس راي الاخريين
انا مع الشكوى

[ملآمح]

المشاركة الأصلية كتبت بواسطة waleid

صراحه 95% من الاسئلة من المحتوى ليه الشكوى ممكن الشكوى تكون على الشرح لاكن الاسئله كلها من المحتوى

+1

أنا ماتابعت ولا محاضره مع الدكتور
مذاكرتي اعتمدت على ملخص المحتوى والإختبارات والكويزات

صحيح ماكانت اسئله مباشره مثل ماذكر الدكتور
ولكنها مو بهذا السوء

أكبر إعتراض هو عدم الإهتمام بالماده ووضع ايئله شامله عن المقرر
هذا أكبر إجحاف في حق الطالب ومذاكرته
وللأسف ماهو الدكتور الوحيد اللي يعاملنا كذا


لهالسببين راح ارفع شكوى معاكم

[Luck]

الاختبار متوسط الى سهل

طبعا الدكتور حاطن كمن سوال للفاهمين والحمدلله جاوبتها
ارسلت له شكر على ايميله

[ابو عزام]

انا ماراجعت زين ومدري انجح بالماده او لا .

بس اشوف ان الشكوى ما تفيد بشي ولاراح تجيب نتيجه .

يعني نقدم شكوى ونطالب بطرد الدكتور!!!!!!
والا نطالب بإعادة الاختبار !!!!

مااردى من الاولى الا الثانيه .

اذكروا الله واسئلوه التوفيق.

وهالماده هم وانزاح ان عديناها توفيق من رب العالمين وان حملناها قدر الله ومؤمنين فيه .

لاحد يتضايق من ردي بس هذا واقعنا ولازم نرضى فيه .

[العمدة10]

سؤال بسيط هل جاب اسئلة من خارج المحتوى؟؟
اذا ليش الشكوى

وليش التذمر لا تحمل غيرك غلطك
من جد وجد

[rsnasser]

السلام عليكم اولا- يوجد اخطاء املائيه وحسب السياسه في الجامعه نمنح الدرجه
ثانيا الطرح للشرح ماهو وقت المحاضرة من الفترض 40 دقيقه وهو 3 محاضرات 40 دقيقه مجمعوهم
ثالثا الاسئله ومدى التشتت
المحتوي لو تركزون فيه ليس منظم ابدا والشكر يعود للزملاء من صحح بعده
دكتور محتواه واختباره كله اخطاء املائيه
اسئله لف ودوران وبعضها خارج المحتوي

[عاشق الترحال]

اخر واحد طلع من القاعه انا فيه مراقب خواااااااااف المهم ما استفدت منه شي وجلس لاخر الوقت بس طلعت اطيب منه وسلمته الورقه قبل نهاية الوقت بدقيقة خخخخخخخ

[مذوبه الورد]

صح الاسئله فيها شوية صعوبه واول ماشفتها تنحت بس 6 اسئله من خارج المحتوى والباقي من اعماق المحتوى العام جاب لهم 16 سؤال من خارج المحتوى هالمره خفف وانا اشوف هالنقطه حلووه

[saif88]

يوجد أسئلة كثيرة من خارج المحتوى
وأسئلة ما غطت المواضيع الرئيسية بالموضوع وذهب إلى أسئلة جانبية
أنا ماني عارف كيف صار دكتور لا شرح وحتى القراءة ما يعرف يقرأ عدل
الدكتور إذا استمر بالجامعة فهو عار كبير على إدارة الجامعة بسماحهم له بالتدريس وليس لديه أي إمكانيات
حتى الأسئلة ملخبط فيهم
اليوم حدث موقف طريف لي وهذه من بركات الدكتور
كلمني واحد من الزملاء ومسجل نفس موادي وقالي ايش اسم المادة اللي نختبرها اليوم قلتله استراتيجية وكنت متوقع رسوبه 100 % وبعد ما تحطمت من الاختبار وكانت المفاجأة يوم فتحت جوالي ويقولي بسرعة ارسلي الحل ولقيته مصور الاختبار ويبغى الحل وتمكنت من مساعدته بحل جميع الاختبار
والنتيجة أنه يأخذ a وانا يمكن أرسب وأنا اللي قاعد اذاكر مدة أسبوعين وكله من بركات الدكتور حسبي الله عليه
المضحك أن كذا سؤال حاولت أدور حلها ما لقيتها حتى قوقل ما عرفها

[فهد.عبدالعزيز]

يا اخوان
من راح النجار
وانا اشوف اسلوب الدكاتره وعلى راسهم العميد
استقعاااد وتعقيد..

الله يذكرك بالخير يانجاار