[ مذاكرة جماعية ] : (( مجــلس مذاكــرة مــهارات التحــدُّث - الاثنين 10 / 3 / 1437هـ)) ..

[DrE]

السلام عليكم ورحمة اللهجزاكم الله خير على الموضوع


بس عندي سؤال صغير


هل فيه احد صور اسئلة اختبار الترم الماضي؟؟.. لأنه والله اعلم الدكتور فهد اللي كتب أسئلتهم..

[Areejo]

سؤال محيرني /
heat هل لها comparative ؟ اذا ايوه ايش هو؟ واذا لا ليش؟

[DrE]

المشاركة الأصلية كتبت بواسطة Areejo

سؤال محيرني /
heat هل لها comparative ؟ اذا ايوه ايش هو؟ واذا لا ليش؟

شوفي هذا الرابط
http://www.ckfu.org/vb/t402674.html

[memo__om]

لو سمحتوا الفقره الاخيره من المحاااضرة11 مافهمتها تبدأ من عند A programm
احد يوضح لي هالنقطه وهل مهمه ولا لا

[mema.m]

المشاركة الأصلية كتبت بواسطة Tawah

طبعًا فيه تمارين تعتمد كليًا على الصوتيات في هذي الحاله أعتبروا الفقرة ملغيّة وروحوا للي بعدها - أتكلّم عن اللي يبغون المهم من الآخر أما اللي حابين يستفيدون أكثر بإمكانهم يستمعون للمقاطع ويحلّون التمارين طبعًا ..يعني مثلًا في المحاضرة الأولى , فيه تمرين من هو المعلم الأفضل حسب كلام المتحدّث ؟! وقتها لازم نسمع الصوت علشان نعرف شنو راي المتحدث والتمرين اللي عن صديقة المعلمة هذي تعتمد تمامًا عالإستماع معناتها مارح يجيب منها شي في الإختبار ..
بس علشان لايصير الموضوع " ثرثرة " انتبهوا لهذي النقطه المهمة :
لما يكون في الجملة can وقتها نشدّد الـ verb + object لكن مانشدّد على can نفسها
بينما لو كان في الجملة can't وقتها نشدّد على can't + verb + object
مثلًا : I can drive a car

نشدد عالكلمتين اللي لونهم بالأحمر , لماذا ؟! لأن الأولى verb والثانية obj
نفس المثال لكن هالمرّة مع can't :
I can't drive a car
بالإضافة للتشديد على الـ verb + obj شدّدنا على can't ..
- أقصد بالتشديد إنا ننطقهم واضحين وكذا , تراه جاب سؤال عليهم في الإختبار ..

اش المقصود بالتشديد هنا
مافهمت كيف ننطقهم واضحين؟
ممكن تمرين مثال على هالنقطة

[Tawah]

المشاركة الأصلية كتبت بواسطة Areejo

سؤال محيرني /
heat هل لها comparative ؟ اذا ايوه ايش هو؟ واذا لا ليش؟

لا مالها , أما ليه ما أدري .. يمكن فيه سبب و يمكن مافيه !!
بعض الأشياء مالها سبب , هي كذا وبس غير قابلة للتفسير - بغض النظر عن هذي الكلمة -
مثل : he has a dog إذا نفيناها تكون he doesn't have a dog ! وهالشغلة حيّرتني أبغي اعرف ليه مو doesn't has وكان الجواب ( بس كذا بدون سبب ) ..

[Tawah]

المشاركة الأصلية كتبت بواسطة dre

السلام عليكم ورحمة اللهجزاكم الله خير على الموضوع


بس عندي سؤال صغير


هل فيه احد صور اسئلة اختبار الترم الماضي؟؟.. لأنه والله اعلم الدكتور فهد اللي كتب أسئلتهم..

وعليكم السلام ورحمة الله ..
اللي في الموضوع هي " أحدث " أسئلة لقيتها ..
يقولون أسئلة د. فهد أسهل من أسئلة د. عمّار ..

[Tawah]

المشاركة الأصلية كتبت بواسطة mema.m

اش المقصود بالتشديد هنا
مافهمت كيف ننطقهم واضحين؟
ممكن تمرين مثال على هالنقطة

تنطقينهم واضحين يعني تنطقينهم واضحين
إزاي أوضّح لك أكثر ؟! مهو اللي الكلام اللي كتبته فيه مثال ..
أمممم مثلًا : I can ride a bike >> هنا مانشدّد على نطق can , نشدّد فقط على ride + bike
لكن لو بقول I can't ride a bike تُنطق can't واضحه تشددين عليها بالإضافة للتشديد على ride + bike..
تدرين كيف ؟! شوفي نطق الكلمات من المحاضرات المسجلة علشان توضح لك الفكره ,
رح تثبت في راسك لو سمعتي كيفية النطق ..

شوفي المحاضرة الخامسة , الدقيقة 14 بالتحديد - علشان أختصر عليك الوقت -
بالتوفيق إن شاء الله ..

[Tawah]

المشاركة الأصلية كتبت بواسطة memo__om

لو سمحتوا الفقره الاخيره من المحاااضرة11 مافهمتها تبدأ من عند A programm
احد يوضح لي هالنقطه وهل مهمه ولا لا

هذا ياطويلة العمر تمرين , تحطين السافيكس المناسب للكلمة ..
في الفقرة الأولى : program برنامج , نحطّ معاها السافيكس er تصير programmer بمعنى مبرمج ..
في الفقرة الرابعة : program برنامج , نحطّ معاها السافيكس able تصير programmable بمعنى قابل للبرمجة .. هذا التمرين يعتمد على فهمك للجملة وقتها تعرفين شنو يناسبها ..
- إذا وضحت لك سالفة الـ can - can't قولي لي علشان أرتاح نفسيًا ..

[Tawah]

فيه بعض العبارات اللي نستخدمها علشان نبدأ المحادثة مع " الغرباء " , مثل :It's cold today , isn't it ?!
أو لما نكون في السوبر ماركت مثلًا :These tomatoes look terrible , don't they ?!
الأمثله اللي فوق تعتبر polite way لبدأ المحادثه مع الغرباء ..


لكن فيه عبارات تُعتبر impolite way والمفروض نتجنبها , زي شنو ؟!
مثل : can you lend me some money ? شنو هالجرأة واحد أوّل مره تشوفه ويشوفك , ماتعرفه ولايعرفك تجي على طول تبغي منه سلف , عيب صراحة ..
بعد من الأمثلة على impolite way :
Are you married ?! شنو هاللقافة شخص غريب مثل ماقلنا مابينك وبينه ميانة وش يدخلّك بخصوصياته ..
ومن هالكلام يعني ..
أسعد بمشاركاتكم وأسئلتكم وملاحظاتكم وكل شي تكتبونه , الموضوع موضوعكم ..