حذاري من تصوير وارسال الاسئلة بالوات ساب ( تم سحب الاسئله)

[azooozi8]

لا وراني خطاب من اداره الجامعه

[بن عيده]

البعض ما يقتنع بالحقيقة
ورقة الأسئلة فيها كود ارقام واضح يعني لو صورت الورقة وأنتشرت بدون ما تغطي الكود، من السهولة إنهم يخلونك تحمل المادة وسبق وصارت العام الماضي،
وأنتوا تلاحظون الملخصات اللي معها اسئلة اختبارات تكون أجزاء من ورقة الإجابة ممسوحة

[salemsaud]

المشاركة الأصلية كتبت بواسطة !.صقر العروبة.!

عليكم السلام

هذي السالفه اعرفها بالتفصيل

هم صادو واحد في احد مراكز مدينه الرياض

والغبي ماقفل جواله خلاهم يفتحون القروب

واخذ المركز اكثر من رقم في القروب

وارسلت للجامعه

واللي مسجل في الجامعه بنفس الرقم اللي داخل القروب طلعوه وطلعو وين مركزه

وجاء ثاني يوم سحبو جوالاتهم بالاسم

للعلم مافي اي اثبات عليهم اللي سحبو جوالهم لأن ممنوع تفتح جوال اي شخص

راحو عطوهم تحذير وشددو على الجوالات بكل المراكز

للعلم ترا قروب الواتس له سنين ^_^

اي مادة ؟

[الصدقي]

صحيح الكلام بس الفكره غير ..

في طلاب في المستوى الثالث في ادارة الاعمال مسوين قروب ويحطون الاسئله وفيه احد يحلها لهم ويرسلها ..

المهم المادة اللي يوم الاحد او الاثنين ناسي بالضبط ..

صورو الاسئله وحطوها بالقروب وفيه واحد جاب بهم العيد وارسل الصور لاادرة الجامعه وقت الاختبار ..

وطلع المركز كان بشرق الرياض وثلاثه تقريبا من نفس المركز عطوهم ايقاف عن الاختبارات كلها ..

طبعا الكلام هذا من شخص كان معهم في القروب وامس مقابلة وعلمني الموضوع وقال انه اللي ارسل لهم ارسل بعض الارقام ..

ونفس الرجال اليوم عنده اختبار محاسبة التكاليف ويقول الله يستر لايصير شي وانحرم من الاختبارات ..

وعشان كذا صار في تشديد مو طبيعي على الجولات ..

[عجمي الرياض]

للاسف هاذ خرب على جميع طلبه،،،، الله يصلحه

من جهازي MHA-L29 بواسطة تطبيق ملتقى فيصل