لكل المستجدات .. نبذة عن كلية الحاسب ..

[!..قلب أنثى..!]

المشاركة الأصلية كتبت بواسطة DeEmA ~

[align=center]
يعطيـــــــك العـآفييه كفيتي ووفيتي بصصـرآحه
مـرآ رآئع التقرير وكل ششي حلووو = )
الله يجعله في ميزآن حسسناتك
والله يووفقك ويسسعدك يـآرب . .

انا رششحوني للقبول عندكم ووالحمدلله داخله للقسسم عن رغبه مع ان الكل يقولي طب و و و
بس انا حطيت الرغبه الأولى لي حـآسسب ^_^

الحـين بسألكـ عن اختبار تحديد المسستوى وش طبيعته صعب و لآ سسهل ؟!
يعني اللي مو ذآك الزود فيه يقدر يمشي؟!
والمستويات في الأنجلش تستمر طول السنه ولا بس بالبدايه ؟!؟

طيب انا ابي الحين بعد مانقبلت اطور نفسسي شوي قبل ماادخل الجامعه
كيف اقدر اطور نفسي خلال هالشهرين؟!

اممممم وش بعد الحين يعني الدوام مرا متعب هذا بس في السنه التحضيريه ولا بعد كل السسنوات ؟!

اممم انا خآيفه كثير من الأنجلش همي الوحيد هووو = (


وبسسس يعطيك العـآفيه مآقصصرتي مووفقه يالغلاا :g8:
[/align]

الله يعطيها العافية فوفا رجعت لي ذكريات بهالتقرير خخخخ

انا بعد الكل قال لي طب وحرام التعب والنسبة ومدري ايش بس ماسمعت لاحد

والحمد لله ما ندمت ولا حتى 1% على اختياري .. اهم شي الشغف والحب للكلية والتخصص عشان الابداع ^^

اختبار تحديد المستوى مااذكره بالضبط بس يعني فيه اسئلة سهلة متوسطة صعبه .. يعني تشمل جميع المستويات حسب رأيي .. الاختبار ما فيه رسوب .. ماحليتي اوك أبد بتكوني ليفيل 1 ببساطة

تستمر الليفيلات تقريباً ترم كامل .. بعدها حسب أدائك في الفاينل يتم التوزيع يعني A ليفيل 5 .. B ليفيل 4 .. وهكذا

عدا ليفيل 1 هذول عالم خاص لحالهم .. وغير كذه على اخر شهر شهرين يصير الكل مع بعض لان بتكون الدراسة توفل وترمونولوجي <--- وبالنسبة لي هالشي غلط

كيف تقدري تطوري نفسك؟ .. في عدة أمور تطوري منها نفسك

اول شي اختي انتي شو نقاط قوتك بالانجلش وضعفك؟ يعني ريدينق لسننق رايتنق قرامر

وهل تبي تطوري نفسك بنفسك أو معاهد؟ مشان اقدر افيدك ^^


على حسب كلام عميدة الكلية انو بس السنة التحضيرية متعب وصدقوني مع الوقت تتعودوا .. ولو يوم رجعتوا 3 بتحسوا الوقت طويل ومو راضي يخلص

ان شاء الله الي بعد التحضيرية يكون الدوام الى 2 او 2 ونص

بهالحدود


لاتشيلي هم شي أختي ..

واي استفسارات ثانية احنا موجودين

[fofa]

الله يعطيها العافية قلب انثى ردت على استفساراتكم
بس الي حابة اضيفه بالنسبة لك يا ديما اذا حابة تطوري نفسك عن طريق معاهد في معاهد واجد تدريسهم حلو
مثل معهد العالمية ..
واذا حابة تطوري نفسك عن طريق الانترنت في مواقع كثير ممكن تفيدك ..

هذا للسننق ..

http://www.esl-lab.com/

هذا الموقع بعد مره مفيد ..

http://www.english4arab.net/

ومبرووووووووك للكل المقبولين .. بالتوفيق ^^

[Lolia]

يعطيكم آلعآآفيه ,,

ربي يعينآآ بس @@

[Ms.amool]

المشاركة الأصلية كتبت بواسطة !..قلب أنثى..!

وعليكم السلام والرحمة

مسموح لي اجاوب؟

اختبار تحديد المستوى ماله دخل بالقبول .. اساساً بكون خلال الأسبوع الأول من الدراسة

كل الموضوع انو بكون له دخل بتقسيم جروبات الانجلش .. احنا كنا 5 ليفيلز

5 اعلى ليفيل و 1 اقل ليفيل

مع ان المناهج الي تدرس نفسها بس يختلف

يعني احنا حسينا بهالاختلاف لما دمجوا كل الليفلات مع بعض ع نهاية السنة

صراحة احنا الي كنا ليفيل 5 حسينا انو نضيع وقت كثير مو مثل قبل

عموماً .. ماتفرق بالقبول ولا شي .. وحتى لو انحطيتي ليفيل وماتطورتي ولا جبتي A ممكن ينزلوك لليفيل اقل .. او تكوني مثلا ليفيل 4 وتجيبي A+ تروحي ليفيل 5 على بداية الترم الثاني =)

احنا على بداية الترم الثاني نص البنات نزلوا ليفيلات اقل .. والي كانوا ليفيل 4 بجدهم صاروا معنا ليفيل 5

<------- كأن طولت السوالف خخخخ

اتمنى افدتك ^^

ههههه لا عآدي قلبو :)

آهـآ الحين فهمت .. آحس نفس نظآم آرآمكـو ..

طيب بصرآحه آستفدتـوآ منهم من ناحية الللغه بـ السنه التحضيريه .. والا لازم ادخل معآهد الحين :) لإنـي ( مش ولآ بد بالانجلش :P ) ؟

معليه ثقلت عليكـم :)

الله يوفقـك مآقصرتـي والله :) ..

[fofa]

المشاركة الأصلية كتبت بواسطة ms.amool

ههههه لا عآدي قلبو :)

آهـآ الحين فهمت .. آحس نفس نظآم آرآمكـو ..

طيب بصرآحه آستفدتـوآ منهم من ناحية الللغه بـ السنه التحضيريه .. والا لازم ادخل معآهد الحين :) لإنـي ( مش ولآ بد بالانجلش :p ) ؟

معليه ثقلت عليكـم :)

الله يوفقـك مآقصرتـي والله :) ..

يعني بصراحة استفدنا بس ما اقلك تعتمدين عليها .. احسن شي تطورين نفسك بنفسك ..
لانهم عندهم السبيكنق ميح موب مركزين عليه ابد .. انا انصحك اقل شي لو ما بتدخلين معهد هالاجازة حاولي تطورين لغتك عن طريق الانترنت .. حاولي تحفظين كلمات ...
غير كدا ترا رح تتعبين واجد اذا ما حسنتي لغتك و استغليتي هالاجازة خصوصا السمستر الثاني لانه الفيزياء بالانجليزي .. يضيع الوقت في الترجمة ..
الله يوفقك .. ولا ثقلتي علينا ولا شي .. الناس للناس و الكل بالله

[!..قلب أنثى..!]

انا احس استفدت كثيييييييير

المس الي كانت تدرسنا كانت تعطينا اشياء خارجية مرة حلوة وممتعه واسلوبها حلو

وحتى لما تتكلمين تصحح لك النطق والجرامر وكل شي .. رح توحشني كثيييييييييييير :(

وكانت دايم تقول لا تظنوا انتوا ليفل 5 واحسن من الكل يعني تعرفون كل شي .. كانت تجيب لنا مقالات علمية وكتب علمية نقرأهم ونناقشهم .. تخلينا نكتب بوقت معين عن اي امور تخيليه ولازم نكتب لحد ماتقول ستوب وتختار عشوائي بنت تقرأ الي كتبته والكل يصحح لها

يعني كنا نسوي امور كثيييييييييرة برى المنهج .. لان المنهج بصراحة سخيف ع الاخر ولو عليه ماتطورنا ابد =)


انا تكلمت عن الليفل حقي ويختلف من تيتشر لثانية ومن ليفل لثاني .. يعني هي كانت تقول حرام اعطيكم طول الوقت امور انتوا اولريدي تعرفوها

وبس

[!..قلب أنثى..!]

أمول <--- اسمك على اسمي

انتي قولي لي في شنو ضعيفة في الانجلش اكثر شي وشنو اقوى شي عندك وانا بساعدك بشنو تسوي

^^

[DeEmA ~]

المشاركة الأصلية كتبت بواسطة !..قلب أنثى..!

الله يعطيها العافية فوفا رجعت لي ذكريات بهالتقرير خخخخ

انا بعد الكل قال لي طب وحرام التعب والنسبة ومدري ايش بس ماسمعت لاحد

والحمد لله ما ندمت ولا حتى 1% على اختياري .. اهم شي الشغف والحب للكلية والتخصص عشان الابداع ^^

اختبار تحديد المستوى مااذكره بالضبط بس يعني فيه اسئلة سهلة متوسطة صعبه .. يعني تشمل جميع المستويات حسب رأيي .. الاختبار ما فيه رسوب .. ماحليتي اوك أبد بتكوني ليفيل 1 ببساطة

تستمر الليفيلات تقريباً ترم كامل .. بعدها حسب أدائك في الفاينل يتم التوزيع يعني A ليفيل 5 .. B ليفيل 4 .. وهكذا

عدا ليفيل 1 هذول عالم خاص لحالهم .. وغير كذه على اخر شهر شهرين يصير الكل مع بعض لان بتكون الدراسة توفل وترمونولوجي <--- وبالنسبة لي هالشي غلط

كيف تقدري تطوري نفسك؟ .. في عدة أمور تطوري منها نفسك

اول شي اختي انتي شو نقاط قوتك بالانجلش وضعفك؟ يعني ريدينق لسننق رايتنق قرامر

وهل تبي تطوري نفسك بنفسك أو معاهد؟ مشان اقدر افيدك ^^


على حسب كلام عميدة الكلية انو بس السنة التحضيرية متعب وصدقوني مع الوقت تتعودوا .. ولو يوم رجعتوا 3 بتحسوا الوقت طويل ومو راضي يخلص

ان شاء الله الي بعد التحضيرية يكون الدوام الى 2 او 2 ونص

بهالحدود


لاتشيلي هم شي أختي ..

واي استفسارات ثانية احنا موجودين

فهمت الحين اختبار تحديد المستوى صح. . تسسلمووووون افدتونا واااااااااجد واااااااااااجد


متحمسسه لها ومتحمسسه للكلية الجامعية بالجبيل قدمت عليها بس يقولون مايقبلون خارج الجبيل هع

بس شكلي بتوكل على الله وبدخل هذي ^_^
الأمور تيسسرت والحمدلله مع ان التسجيل لك عليه
عذبنااا صصراحه الموقع :103: >>هههههه حلو الفيس

انا حابة اطور نفسي بنفسسي لأنه احسس احسن من معاهد وهيك
انا قد مرا اختبرت اختبار تحديد مستوى بس الله يفشلني ليفل 3 اخاف هذا اصعب اصير ليفل 1

بحاول ان شاءالله بعد ماارجع من السسفر ان اطور نفسي بالإنجلش خصوصا بدينا انا وصديقاتي ان نتكلم بالمسسن انجلشش على امل نتطور
بس طبعا كل وحده راحت جامعه
انا عندي سبيكنغ يعني اخاف اخطأ ههههههههه فمااتكلم
ولا عندي فوكاب
بس قرامر شاطره فيه ريدنق ها اقدر اقولك امشي فيه

وبسسس
انا بكرا مسسافره مدري اذا يمديني اشوف ردك او لا بكون صصاحيه للصباح
اذا ماشفته لآرجعت ان شاءالله ^_^

فوفااااااا دخلت موقع اللي حاطته من قبل اللي انجلش فور عرب وخليته عندي اذا رجعت قلت باخذ لي جوله فيه اشششوفه
وشكل الليسننق الموقع اللي حاطته مرا ممتاز لاااااازم اششوفه


يسسلموووو من كل قلبي تعبتكم معاي
الله يوفقكم ووتتخصصون اللي تبوون ان شاءالله:praying:

في حفظ الرحمــــــــن

[Ms.amool]

فوفآ ..

إي والله شكـلي ببدآ آحفظ كلمآت والله يعيـن .. ويعطيك العافيه على الموقع اللي حطيتيه مرهـ حبيته :)

مآقصرتـي يآقلبو .. الله يوفقك وييسر لك أموورك

~~~


قلب آنثى .. سميـتـي

طريقة تدريس أبلتكم مررهـ آعجبتني :)

والله بالنسبة لي اضعف شي عندي بالانجلش القرامر وتكوين الجمـل :(

وأقوى شي .. تقريبآ الفوكاب .. يعني اعرف معآني كلمآت .. بس مو كثير بعد بس آمشي حالي هع .. بس مشكلتي ما اعرف شلون احطها بالجمله

...

مـــآقصرتــي يآقلبوو

[!..قلب أنثى..!]

طيب انا بقول لكم وش كنت اسوي ايام ماكان عمري 7 و 8

خخخ انا هوايتي اتعلم لغات من صغري واعلم نفسي بنفسي

أول شي وأهم شي .. مشاهدة افلام او برامج باللغة الانجليزية تبدأوا مترجمة وبعدها بدون ترجمة

أفضل شي للتعلم بالنسبة لي أفلام الكارتون والبرامج التعليمية للاطفال <--- تتعود اذنكم تسمع لغة انجليزية سهلة مبسطة + الجرامر صحيح والكلمات المستخدمة كلمات فصحى مو سوقية

بعدها للأفلام والمسلسلات والبرامج الوثائقية

انا لما كنت صغيرة اجلس مقابل التلفزيون وبيدي دفتر و ورقة واكتب الكلمة الي اسمعها مع الكلمة المترجمة <-- الاثنين بالعربي وبعدين اشوف السبيلنق بالمترجم الالكتروني خخخ بس خلاص حركات قديمة هذي

اذا تعودتوا ع الليسننق بيسهل تركيب الجمل + الجرامر

نجي للجرامر .. في كتاب لونه اسود للمؤلفة بيتي أزار .. المس مرة مدحته لنا وقالت فيه كل قاعدات الانجلش وأسلوبه سهل ومبسط وعليه تمارين .. الكتاب عندي بس لسه ما فتحته خخخ

الفوكاب .. من الليسننق والريدينق بتتعلموا نيو فوكابز بس في اشياء انصح فيها مثل موقع language guide أو ديكشنري اكسفورد المصور .. يعني كل يوم ركزوا على كلمات شي معين مثل اعضاء جسم الانسان: الترجمة المعنى النطق والسبيلنق للكلمة وخلوا لكم دفتر تكتبوا فيه كل شي

الرايتنق يعتمد على كل المهارات الي فوق .. تعرفي جرامر وعندك فوكابز رح تكتبي اجمل مقالات + معرفة متى استخدام النقطة الفاصلة السيمي كولون ....الخ

السبيكنق تكلمي بأي مكان .. سافري لبلد اجنبي سجلي بمعهد .. وان مالقيتي كلمي نفسك بالانجلش <-- مثلي خخخ


وبالنسبة للمعاهد أنا ارشح البريتش كانسل .. ماجربته بس الكل يمدح فيه وشهادته عالمية .. كنت ناوية قبل الجامعة اروح محادثات مشان اكون اكثر جرأة بالتحدث بس كان مسكر بالصيف ينقلون لأبراج الراشد


دمدم توصلي بالسلامة يا رب وهالله هالله بالهدايا :p

واي ملاحظة او استفسار احنا موجودين