ايش قصة اللي يسلم الورقة بعد نص الوقت ؟

[اكاديمي 2]

هذولا الدوافير الله يسلمك توهم متخرجين من الثانوية ماهو زينا 15 سنة ماشفت شكل الكتاب وجاي اختبر يبي لي افكر في الاجابة مليون مرة والالة امس تكسرت من الضرب ولا فيه فايدة مير المخ مهوب لمك خلاص خارج الخدمة الله يستر بس والمصيبة حاطين علينا واحد مطوع مصري مراقب كل دقيقة يطل في ورقتي بغيت اقول له ياخوي ضف وجهك انا بالحالي رايح فيها لا تكملها علي وكل خمس دقايق يقول باقي عشر دئايئ بغيت اقوم واذبحه ضيع القوانين من مخي ربنا يهده ،،،،

[رهين جامعي]

مساء الخير
عااااااااااااااااااادي جدا لاني واحد منهم اول واحد اسلم الورقه لاني اعتمد على الله سبحانه وعلى الحظ فقط
لا اذاكر ولا ادري اي شي بس ادخل اختبر كذا على ان الاجوبه كلها تضليل واختيارات احلى شي يعني من دون تعب ومن دون مذاكره
يعني ناس لنا عشرات السنين من المذاكره صعب شوي ومشاغل الدنيا وهموم الناس مو كل الناس فاضين للمذاكره بس يبون يحصلون على الشهاده الجامعيه تطوير لهم وفايده لحياتهم العمليه والعلميه والله يوفق الجميع

[ايموو]

لااا اناه احس الرياضيات مداااني عاتي كان سهل
اما الاقتصاد من العد هع

[ولد حبيل]

الله يرحم ابوك لاتذكرني في الرياضيات
من امسس ونا مهموم من هم الرياضيات

[خالدوسري]

المسئلة بسيطة مو عارف الاجابات فحط الاجابات حظ نصيب

يعني أ ب ج د

وبكذا يكون حل الاجابات قبل منتصف الوقت ينتظر متى يقلون سلم الورق

[»றōōҜā«]

والله بصراحـه لاحظت اختبار الرياضياات كثير ناس طلعت بعد نص الوقت على طوووووووووووووول

ومابقى الاكم وحده معي بالقـاعه

واحنـا مامدانـا الوقت وبالمووت خلصنـا صحيح سهـل بس ماكفانا الووقت

وهم مشـاء الله خلصوا بدررررري

الله يوفق الجمـيع بس

[نيتشـــه]

كنت اشك في نفسي
واقول " بليد "
الآن تأكدت أن بعضهم أو كثير منهم
" خبط لزق "
لا يربكونكم ولا تستعجلون والوعد بعد اسبوعين لما تظهر النتايج

[@الشمالي@]

الاجابة سهله اخوي

الناس قدراتهم تختلف

-------
يغلق الموضوع

[Ranoooosh]

اصبر خلني ارد قبل ماتقفل الموضوع بالنسبه لي اجلس لين نهايه الوقت حتى لو ماعرفت اجاوب شي نفسي اريح ضميري عشان بكره ماقول المفروض ماطلع بدري

[*كادي*]

انا خلصت في ساعة



سهل ومو محتاج زيادة وقت ابد