تجمع المتقدمين لماجستير تربية الموهبين

[يآرب وفقني]

طيب اختي هل التوفل ضروري بتربية الموهبين

:(

[حلم ميت]

المشاركة الأصلية كتبت بواسطة غيم تايه

الارشاد التوجيه والارشاد النفسي كم يوم دراسته ،، ومواعيدها اللي عنده خلفيه ياليت يفيدني ..

لو اعرف وفيه امكانيه كان اخترت الموهوبين المواعيد اللي ذكرتها الاخت حلوه ورهيبه ...

مثل ماقالت فراشة
التوجيه والارشاد النفسي يومين في الاسبوع ونفس الشي تبدء المحاضرات الساعة 3
الارشاد بيكون فيه تدريب ميداني في المدارس والمراكز والمستشفيات يعني قمة الاكشن
هالتخصص حلم حياتي مع الاسف الاولوية للموظفات والمتخرجات من علم النفس

[حلم ميت]

المشاركة الأصلية كتبت بواسطة يآرب وفقني

طيب اختي هل التوفل ضروري بتربية الموهبين

:(

ماادري هل هو ضروري او مجرد شرط على الورق

[واحة الخير]

بنات بما انكم بتدخلون ماجستير خاص وبتدفعون مبلغ مب هين دفعوه على تخصص يستحق
دخلوا ادارة اعمال بدل تربية الموهبين المستقبل لاادارة اعمال في الشركات الكبيرة مثل ارامكوا وسابك والبنوك والدوائر الحكومية هالتخصص له مستقبل كبير
الدولة تبعث لدارسة هالتخصص في امريكا واوربا وكندا اما تربية الموهبين حتى وحبيتوا تكملون في المستقبل مافيه مجال للابتعاث لان مهوب مدرج في قائمة التخصصات
نصيحة لوجه الله
انتوا بتدفعون فلوسكم ادفعوها على شي يستحق بدل ماتحطونها في تخصص غامض وماله مجالات كثيرة للدراسة او الوظيفة
نصحتكم وانتوا بكيفكم

[maryaa]

حبيبتي تخصص ادراة اعمال شروطه
1- توفر مستوى مناسب في اللغة الإنجليزية (اجتياز اختبار اللغة الإنجليزية والحصول على مجموع pbt500 أو cbt200 أو اجتياز اختبار اللغة الإنجليزية ielts بمعدل لا يقل عن 5 أو ما يعادلها ) .
2- خبرة لا تقل عن ثلاث سنوات ويستثنى من هذا الشرط المتقدمين من الإناث حيث يمكن قبول شهادات خبرة أقل من ثلاث سنوات شريطة أن لا يزيد عدد الطالبات عن 20% من مجموعة الطلبة المتقدمين .
من وين اجيبهم هذا عن نفسي اتكلم يعني اذاسجلت اكيد ماراح انقبل وبالنسبة لتخصصي لايوجد له غير توجيه وارشاد وموهوبين وشفت اقل شروط حاطينها رعاية موهوبين واحتمال قبولي فيها 1%

[maryaa]

وثانيا رعاية موهوبين ارخص من ادارة اعمل بالنص

[فراشه]

^
واحة الخير صح كلامك بـس المشكله بشروطهم المعقده ,,,
بالنسبه لي كنت ابي فيزياء بس التوفل حاجز
والتخصصين المناسبين اما موهوبين او توجيه وارشاد احترت بينهم بس بعد الاستشاره والاستخاره اخترت توجيه وارشاد ثم تربية الموهوبين رغم اني مو مقتنعه كثير لان الاولويه زي ماقالت اخت حلم ميت للموظفين وخريجات علم نفس بس اخترته لانه الوحيد الي شروطهم مقبوله ’’’يعني الشروط حاجز امامنا

عاد ادارة اعمال شوفي اولا بكم ؟! لا وبعد شارطين خبره وتوفل مو يكفي 95 الف !!!
وحتى مستقبله مو مره زين بالنسبه للبنات ها الشركات الكبرى الي تقولي عنها الاناث فيها اعدادهم محدوده
اعتذر للاخت حلم ميت غيرنا مسار الموضوع

[واحة الخير]

maryaa

مهوب ارخص بواجد ادارة اعمال حسب الكلام الي وصلني من بنت درست تقول ان الجامعة قللت الرسوم صار ب63 الف ريال الفرق 3 الالاف ريال فقط لاغير
هذا انسخ لك كلام احد المشرفين من منتديات النقاش بجامعة الملك فيصل

وإدارة الاعمال تم تخفيض الرسوم لبرنامج ماجستير إدارة الأعمال إلى 63,000 ريال

لو عندك توفل مافي اي صعوبة ادارة اعمال شروطها ماهي تعجيزية نفس شروط تربية الموهبين (التوفل واتقان الانجليزي)
والخبرة تجاوزا عنها للبنات

فراشة
ياقلبي يافراشة تربية الموهبين برضو مشترطين توفل مثل الفيزياء
لو تخصصك فيزياء كان قدمتي عليه لان بيكون عدد المتقدمين قليل وبالعادة التخصصات العلمية شروطها حبر على ورق لان مهوب الكل يحب يكمل فيها
الشركات والبنوك تقبل موظفات وبعدد لابأس فيه عندك ارامكوا مثلا عدد الموظفات مهوب قليل
والمستقبل لاادارة اعمال والدولة انتبهت لهذا الشي وقامت تبتعث اعداد كبيرة للخارج علشان يدرسون ادارة اعمال في امريكا وكندا
كل وحده لها حرية تحديد مستقبلها الي خلاني اكتب ردي انو فيه بنات يدخلون اي تخصص قدامهم مع ان فيه غيره افضل منه وبنفس الشروط
حرام والله تدفعون فلوس اهلكم وانتوا عندكم خيار افضل لكم ولمستقبلكم
الله يوفقكم بنات وترفعون راس اهلكم وبلدكم

[maryaa]

حبيبتي الخبرة ماتجاوزوها خففوها للبنات بحيث تكون اقل من ثلاث سنوات اعرف بنات السنة الماضية قدمو ولاانقبلو

[ROO7 AL MAR7]

بنات تتوقعوا دراسة الماجستير بالجامعة يوميا او 3 ايام بالاسبوع ؟؟؟؟