[ اللغة الانجليزية ] : مناقشة مشروع التخرج لقسم اللغة الانجليزية

[سرااااااااااااب]

النقاط الرئيسية اللي قالها الدكتور بالمحاضرة المباشرة الاولى:
1- البروبوزال يرسل خلال الاسبوع هذا والاسبوع الجاي قبل تاريخ 8/14
2- البروبوزال ما يتكون من صفحتين فقط
3- في المقدمة تكتب في موضوعك بالضبط عن ايش تتكلم تكون اكثر تحديدا مثال بتكتب عن التعليم في السعودية زي طلبة جامعة فيصل حدد اكثر قول طلبة السنة الاولى (لازم تكون محدد عشان ما تضيع بالبحث)
4- في البراجراف تكتب الخطة (planning)اللي بتمشي فيها بالبحث مالك والنتائج المتوقعة (expected result) ومخططك للبحث( scheme) وتلخيصك للموضوع (summery)
5- ويقول الخطا اللي وقعوا فيه الطلبة يكتبون مقاطع من مصادر من غير ما يحطونها بين quotation مع كتابة اسم الكاتب عشان ما تحسب عليك سرقة ادبية.
6-وبالنسبة اذا بتضيفون من المصادر فيها اسم جامعة مع اسم الدكتور لازم تاخذون الاذن من الجامعة والدكتور اللي كاتب البحث لان وقع الطلاب بهذا الخطأ .
7-سالته عن المصادر اذا يحتاج تكون كثيرة والا لا لان البحث بيكون قصير بس 5 صفحات قال نحتاج مصادر طبعا مو بس واحد قال 5-6 article طبعا انتم تاكدوا بعد من هالنقطة تاكدوا من الدكتور تقدرون تزيدون
8- قال ركزوا بالمحاضرة التمهيدية والاولى راح تعرفون تمشون بالخطوات صح الطلوب منكم.
9- قال بالنسبة للايميل لما ترسلون له البروبوزال ويرد عليكم وتبون تسالونه مرة ثانية نفس الايميل سوو له reply عشان يعرف شنو المشكلة الاساسية اللي هو قاللكم تعدلونها من اول وما يضيع هو بعد
10- قال لما ترسلون له ايميل اكتبوا اسمكم ويا رقمكم الاكاديمي حتى لو كان من الايميل الجامعي وهذا ايميلة للتواصل malhilal@kfu.edu.sa ويقول لللاسف ما عنده رقم جوال للتواصل فقط الايميل .
11- واخيرا تسليم النهائي للبحث بتاريخ 8/25 بعد عشر ايام من ارسالك للبروبوزال المسودة الاولية ويعيد ويزيد فقط 5 صفحات بالكثير واقل شي 3 صفحات وهذا الخطا اللي وقع فيه الطلاب لان ما عندنا وقت نقرا فيها كل اللي كاتبينه .
هذا اللي في جعبتي من المحاضرة المباشرة للاسف محد حضرها عشان اذا كان في نقص في كلامي احد يكملة او اذا في شي فهمته خطا احد يصحح لي
اتمنى اكون افدتكم بملاحظاتي وتستفيدون منها

[سرااااااااااااب]

المشاركة الأصلية كتبت بواسطة فضيل

اها، أجل كتبوا عشرين صفحة وهذا هو الخطأ

نورتينا الله ينور عليك

اخ فضيل كم صفحة كتبت اذا ما فيها احراج بهالسؤال وبالنسبة للموقع اللي قلتلي عن انه يبين البحث مسروق اذا ما عليك امر تنزله لنا هنا نكون شاكرين

[h1sep]

شكرا سراب ربي يعطيك العافيه انا ببدا اليوم اختار موضوع

طيب اخر موعد قالكم لتسليم المسوده الاسبوع الجاي ..... احس مايمدي
وتسليم البحث في 28 شعبان والله قصير الوقت مره

طيب المسوده بس صفحتين يبغى ولا اكثر

[فضيل]

المشاركة الأصلية كتبت بواسطة سرااااااااااااب

اخ فضيل كم صفحة كتبت اذا ما فيها احراج بهالسؤال وبالنسبة للموقع اللي قلتلي عن انه يبين البحث مسروق اذا ما عليك امر تنزله لنا هنا نكون شاكرين

الصراحة، انا اقل واحد كتب البحث في اعتقادي

كتبت فقط 3 صفحات ولاهي كاملة بالضبط يعني جعلت بين الفقرات فراغات كبيرة وبين السطور فراغات ايضاً

لكن النص لو يتم ضغطه ما كمل نصف صفحة ( لأني حسيت انهم متضايقين من كثر البحوث و كثافتها) فقلت في نفسي

خليني اسهل عليهم!!

بالنسبة للموقع اللي يكتشف التزوير ( ماهو موقع، هو برنامج) ولا اعرفه والله، لكن سمعت الدكتور يلمح عليه في المباشرة

وايضاً يقول تم استبعاد 95 % بحث وذلك لل (( البليجيريزم )) يعني السرقة الأدبية أو plagiarism

وكم مره كرروها وعادوها وزادوها، حتى الفريدان في مقرر تصميم الابحاث افرد لها محاضرة

[jennifer]

المشاركة الأصلية كتبت بواسطة h1sep

شكرا سراب ربي يعطيك العافيه انا ببدا اليوم اختار موضوع

طيب اخر موعد قالكم لتسليم المسوده الاسبوع الجاي ..... احس مايمدي
وتسليم البحث في 28 شعبان والله قصير الوقت مره

طيب المسوده بس صفحتين يبغى ولا اكثر

انا لسى أدور موضوع

[أمل النور]

يارب نعديها على خير

[h1sep]

سراب الرابط للماحضرات حاولت احمل المحاضرات المسجله ماتتفتح يطلع خطا فيه رابط ثاني

[سرااااااااااااب]

المشاركة الأصلية كتبت بواسطة h1sep

سراب الرابط للماحضرات حاولت احمل المحاضرات المسجله ماتتفتح يطلع خطا فيه رابط ثاني

شوفي الرابط هذا يفتح وياج
http://echo.kfu.edu.sa:8080/ess/port...5-c41c9e9d74ac

المشاركة الأصلية كتبت بواسطة h1sep

شكرا سراب ربي يعطيك العافيه انا ببدا اليوم اختار موضوع

طيب اخر موعد قالكم لتسليم المسوده الاسبوع الجاي ..... احس مايمدي
وتسليم البحث في 28 شعبان والله قصير الوقت مره

طيب المسوده بس صفحتين يبغى ولا اكثر

العفو عيوني قال صفحتين بس المسودة اخر موعد قبل 8/14 اذا بديتي فيه راح تنطلقين بكتابته لانها كلها 5 صفحات بالكثير واقل شي ثلاث صفحات .
بصراحة لساتني حايسة ادور لي موضوع مادري عن شنو اكتب
اطبعي المحاضرات المسجلة واقريها على الاقل تاخذين فكرة.

[الوافي عبدالله]

ياشباب كم صفحة البروبوزال يبي

[سرااااااااااااب]

المشاركة الأصلية كتبت بواسطة الوافي عبدالله

ياشباب كم صفحة البروبوزال يبي

حاليا اللي بترسلة له البروبوزال صفحتين بس
النهائي بيكون خمس صفحات