الانتقال إلى الجامعة السعودية الالكترونية

[Ameerah 14]

المشاركة الأصلية كتبت بواسطة مـ غ ـترب فـيـ عـذابـكـ

مرفق بخصوص المعادله

ملف مرفق 242440

شكراً جزيلاً على المرفق بس من وين جايب المرفق هذا ؟؟ واذا على كذا راح اضطر اني ادرس من جد وجديد عشان اضمن شهادة انتظام

[Ameerah 14]

المشاركة الأصلية كتبت بواسطة لطموحي حكاية

وعليكم السلام ورحمة الله وبركاته

ما ألومك على كل اللي قلتيه ، أنا بصراحه ما أرتحت هنا أو مو هذا طموحي اللي أبيه
يعني أخواني و خواتي خريجين جامعة الملك سعود مهندسين وقانونيين ومحاسبين ، يعني أنا عندهم ولا شي
و أحس العالم تستحقر نظام الإنتساب عموماً و أولهم جامعتنا ، اللي راح يستفيد أكثر الموظفين عشان مو هامه
مسمى الوثيقه أهم شي عنده الترقيه ، بعض العاطلين يفكرون ياخذون ماستر عشان البكالريوس ( إنتساب )
أنا أتكلم في هذا الموضوع مع أهلي ثم أسكت فتره بعدين أرجع أتكلم فيه مره ثانيه أنا كنت بدرس في جامعة زايد في الإمارات
بس الله ما كتب و اللي بيروح معي أنشغل في وظيفته ، واللي يقارن الإنتساب بالإنتظام غلطان ما فيه أي وجه مقارنه بينا
وترا فعلاً أغلب الجامعات ما تقبل الإنتساب الماستر و أولها جامعتنا :( ،
في النهايه أحنا ما ندري أيش نهايتنا قاعدين نطالب لنا كم سنه و الوضع من سيء لأسوء ،

الله يوفقنا جميعاً ،

ويحن القلبُ شوقاً حين اسمع إسمكِ يا امارات الخير

ليتنا نرتقي بالتعليم بهالبلد ونشوف التخصصات المطلوبه مثل ماهي موجوده بره ليه يخلونا نتغرب عشان ندرس وبلدنا مو ناقصها شي

ودي اشوف بس تخصصات الهندسه والطب والادارة حالنا حال بره

والله لو يدرسونا مثل تخصصات بره ما جا ولا واحد اجنبي عندنا وعشعش بالبلد واكل خيرها

[Ameerah 14]

المشاركة الأصلية كتبت بواسطة SSuper CClever

قرارك سليم 100 % ... شهادة الانتساب في السعودية لا تنفع ابدا الا في القطاع الخاص او ترقيات موظفين قدماء في القطاع الحكومي .
علما ان بعض قطاعات القطاع الخاص بدأت لا تحترم شهادة الانتساب اسوة بالقطاع الحكومي لحديثي التخرج .


هذه الشهادة للاسف غير محترمة عندنا برغم انها تصدر من جامعات وطنية

المشكله العويصه بهالبلد ان الحكومة تصدق لك الشهادة وتعتمدها لكن ما تقدر تخدمك لو القطاع الخاص رفض شهادتك وفضل الانتظام عليك يعني ما في قانون بهالخصوص هذا

واذا كانت الحكومة تعتمد الشهادة وبنفس الوقت تهمشها بذات دراسة الماستر شلون تبي القطاع الخاص يفضلنا على الانتظام طبيعي يكون التهميش وارد

واللي مايقدر يتغرب ويترك شغله مثل حلاتي ولا يدفع رسوم جامعات اهليه شلون يعيش ويضمن شهادة تضمن له العمل الراقي ؟؟؟

ولو جينا للواقع مستحيل اللي مثل حالنا ماعنده شهادة بكالوريوس يخلونه في منصب او مشرف والسبب ماعندك شهادة واذا خلوه ما يعطونه راتب زين

انا هنا اتكمل عن الوظايف الادارية

والقهر انهم وعدونا ان الشهادة راح ينلغي منها كلمة انتساب وتكون حالها حال الانتظام وللحين ما طبقوا النظام هذا

يعني المتخرجين حالياً كلهم يصيحون ما استفادوا شي من الشهادة غير التهميش من الجامعات والقطاع الخاص وبالطبع جدارة ما تقبلنا

[مـ غ ـترب فـيـ عـذابـكـ]

المشاركة الأصلية كتبت بواسطة Ameerah 14

شكراً جزيلاً على المرفق بس من وين جايب المرفق هذا ؟؟ واذا على كذا راح اضطر اني ادرس من جد وجديد عشان اضمن شهادة انتظام

اول رد لي حطيت لك

https://www.seu.edu.sa/sites/ar/dean...ges/About.aspx

الرابط حق الموقع الخاص بالجامعه شكلك مادخلتي وشفتيه

ادخلي الرابط واللوائح والانظمه بتحصلينها

الله يعينك دامك تبيها مالك الا كذا

موفقه

[ساكن طيبة]

ماعندي اي معلومات عنها و للامانة افكر جديا بالتعليم عن بعد في جامعة الملك فيصل بحول الله وقوته

بالتوفيق للجميع

[سمر الحسن]

مرحبا

قريبتي تدرس بالجامعه الالكترونيه سنه تحضيريه تقوول انها صعبه الدراسه

وكلها انجليزي وحتى فيه اختبار انجليزي بالنهايه ماتقدرين تتخصصين الا اذا اجتزتيه

وكمان رياضيات وكل المواد بالانجليزي

مع انها ممتازه ماشاء الله عليها تداوم مرتين بالأسبوع غالبا بس على حساب المحاضرات

اللي تاخذها

بس ماعندي فكره عن الرسوم

موفقه عزيزتي ربي يكتب لك اللي فيه الخير

[فهد 2012]

الجامعة الالكترونية صحيح صعبه بس مستقبلها افضل من جامعة فيصل . جامعة فيصل دراستهم بالعربي بس ما تتوظفون . ما الفائدة من الراحة في الدراسة وبالاخير تبروز الشهادة وتعلقها بالمتحف . خلك تتعب شوي وبالأخير تحصل ثمر تعبك .

[جومبير]

والله ما انصحك فيها واذ ع الوظائف الرزق ع الله ويمكن تتغير الامور الى الافضل