[ المستوى الرابع ] : تجمع للاختبار النهائي قواعد البيانات للشعبتين

[بنت الشرقية19]

في واحدة اعرفها رسلت الواجب للدكتورة الثاني وعطتها صفر من 5 بس عشان ما فتح عندها

ويوم أسالتها قالت خلاص انا رصدتنا الدرجات وان شاء الله تعوضينها بالفاينل


وقالت لها ان الاسئلة سهلة

بس والله ما ينعرف لها

[.~Hanan]

ياليت اللي يقدر يشرحلي الواجب الاول
الجدول الثاني ماعرفت كيف اسويه

[بنت الشرقية19]

المشاركة الأصلية كتبت بواسطة dnoy

بنسبه للوجابات بشيك اذا موجودين برسلهااااا



وبنسبه لاي فقره مو عارفينها بشرحهااا

اضافة الملاحظة التاليةٌ ف أسفل التقرير
اضافة الوقت في أسفل التقرير بحيثٌ تظٌهر فقط ف آخر صفحة مطبوعة فقط.


هذي الوحيدة اللي مافهمتها

[❤ الــملكــه ❤]

بسم الله الرحمن الرحيم
المحاضرة الثانيه

اول شي راح اعلمكم شلون تفتحون برنامج الاكسس << للي مايعرفها

الطريقة الاولى نبدأ تشغيلها من قائمة ابد وبعدين all programs او جميع البرامج
بعدين تفتح ايقونة microsoft offic بعدين microsoft access 2010

بكذا عرفتو شلون تفتحون البرنامج

لإنشاء قاعدة بيانات جديده
1- بعد ما فتحنا البرنامج نروح لملف (file) وبعدين نضغظ على جديد (new)
'2- طبعا مايحتاج انكم تروحون للملف او جديد لانو اول مره تفتحون الرنامج بيكون ع طول مفتوح جديد
بعدين ع اليسار بيكون مكتوب قاعدة بيانات فارغة وتحتها بيكون مكتوب الملف.. تكتبون اسم الملف الجديد بالاسم الي راح يكون موجود بورقة العمل
يعني لو قالت انشئو قاعدة البيانات باسم طلاب الجامعه
ماعليكم الا انكم تكتبون عند الملف الاسم الي طلبته وهو >> طلاب الجامعه

بعدين تضغطون ايقونة انشاء
وبكذا انشأنا الملف قاعدة بيانات جديده

طريقة حفظ القاعده الي سويتوها << للي مايعرف
نروح لملف (file) بعدين حفظ الكائن باسم او حفظ باسم
وبس

لإغلاق قاعدة البانات
نروح لملف (file) بعدين اغلاق قاعدة البنات
وبس

لفتح قاعدة لبيانات الي حفظتوها
طبعا انتو سكرتو البرنامج بعد ما حفظتو
بعد ماتفتحون البرنامج مره ثانيه تروحوون لملف وبعدين فتح وتختارون اسم الملف الي حفظتوه
بس

طريقة انشاء جدول جديد
نروح لقائمة انشاء وبعدين نختار جدول (table) وبكذا انتو فتحتو جدول جديد باسم (table2)
بس

لإظهار علامات تبويب الكائنات أو اخفائها
نروح لملف بعدين نروح لخيارات تلاقونها اخر شي بعدين تفتح لنا قائمة مربعه راح تلاقون من الجهه اليمين مكتوب قاعدة البيانات الحاليه نظغط عليها بعدين مكتوب عرض علامات تبويب المستندات جمبها علامه مربع تحطون علامة صح عشان نظهرها ولإخفاء علامة تبويب الكائنات نشيل علامة الصح
بس

لإضافة حقول أو اعادة تسمية الحقول
اول شي نروح للجدول الجديد الي ماستعملنا منه شي
ونضخط على كلمة انقر للإضافة وننقر مرتين راح يكون عندك انواع البيانت الي هي التالي:
1- نص text
2-مذكرة memo
3- رقم number
4-تاريخ /الوقت date\time
5- العملة currency
6- ترقيم تلقائي auto number
7- نعم / لا yes\ no
8- كائن ole object
9- معالج البحث look up wizard
'
طبعا تختارون على حسب اذا بتكتبون اسم تحطون نص او اذا بتحطون رقم تختارون رقم وهكذا..


لاعادة تسمية الحقول
اول شي نحدد الحقل الي نبي نغيره بعدين نروح لشريط الادوات لأيقونة الحقول بعدين راح نلاقي نص ورقم وهذي الاشياء عاد انتو غيرو الي تبون

لحفظ الجدول
نروح لملف بعدين حفظ (save) بعدين نكتب اسم الجدول بعدين موافق (ok)

طريقة العرض
نرروح للصفحه الرئيسية بعدين عرض بعدين عرض ورقة البيانات

طريقة عرض التصميم
نرروح للصفحه الرئيسية بعدين عرض بعدين طريقة عرض التصميم.

اضافة حقول في طريقة عرض التصميم
نرروح للصفحه الرئيسية بعدين عرض بعدين طريقة عرض التصميم.
نكتب في اول خانه الي هي خانة اسم الحقل نكتب >> الرقم الجامعي وبعدين نضغط بالزر الي بالكيبورد Tapyعشان ننتقل للخانه الي بعدها
بيروح دايركت ع خانة نوع البينات وراح نختار رقم عشان اسم الحقل مطلوب رقم
بعدين نضغط زر Tap بينتقل لنا ع خانة الوصف طبعا هذي الخانه اذا ماتبون تعبونها عادي لانو اختياري
وبعدها ندخل خصائص الحقل >> طبعا ع حسب الحقل الي حطيناه رقم ام نص ام وقت وغيرها ..
بعدين ننتقل لعرض ورق البيانات مثل ما علمتكم من عرض
بعديين بيطلع لك هال تريد الحفظ ونحط نعم او ok

استخدام نوع البيانات المرفق
طبعا فيه نوع من انواع البيانات الي هي المرفق وهو يمكننا من ارفاق صور ام جداول او ملفات وغيرها
نروح للجدوول وبعدين نضغط مرتين ع اخر مربع وبيطلع لنا حقل جديد ونختار مرفق
بيطلع لنا مربع الارفاق ونضغط عليه وبعدين يطلع لنا انو نختار الملف او الصور الي نبيها وبس

لفتح الملف المرفق من الجدول
الحين بعد ما ارفقنا الصوره نظغط رايت كلك مرتين ونحط فتح وبكذا يفتح الصور المرفقه

[ALansari.92]

تم وضع الخطوات + الحل بالاكسس

[ALansari.92]

بنت الشرقيه


ممكن تقولين لي بأي محاضره لاني م فتحت المحاضرات

[بنت الشرقية19]

المشاركة الأصلية كتبت بواسطة dnoy

بنت الشرقيه


ممكن تقولين لي بأي محاضره لاني م فتحت المحاضرات

المحاضرة 11 اخر شيء

[ALansari.92]

اوك بشوف لك ي قلبي

[تموم]

بسم الله


انا مو مره مع الاكسس لان ماقد تعاملت معاه من قبل

بس ان شاء الله ماراح اقصر معاكم

الاختبار ماادري كيف بيكون بضبط بس معروف العملي بالحاسب زي الثانوي

تعطيك ورقه فيها اوامر تسونها في البرنامج ولازم تطبق كل نقطه
على كل حركه درجه ^.^

يعني زي واجبات اعمال السنه .

راح ابدا من محاضره 2 لان الاولى تعريفات وتعداد مافيها عملي


اول شي نفتح البرنامج


لتشغيل برنامج الأكسس :-
ابدأ (start) - > كافة البرامج (all programs) >

microsoft access 2010

http://egylearn.com/wp-content/uploa...ccess-2007.jpg


بعد كذا راح بيكون عندنا

أنواع قواعد البيانات الممكن انشاءها من واجهة برنامج الأكسس:

قاعدة بيانات قالب -> لزيادة سرعة انشاء قاعدة البيانات

قاعدة بيانات فارغة

الشغل بيكون كله على قاعدة بيانات الفارغه

لانشاء قاعدة بيانات جديدة

http://www.ckfu.org/pic4u/uploads/ckfu1431451536551.png


نختار قاعدة بيانات فارغه

بعدها بيطلع لنا على الجنب كذا

http://www.ckfu.org/pic4u/uploads/ckfu1431451830251.png

اسم الملف نسميه على حسب الدكتوره ايش طالبه منا .. يعني زي الواجب الثاني كاتبه نسميه مستشفى الجامعه

صورة الملف الي على جنب .. هذا بيكون اختيار مكان الحفظ هو تلقاي بيكون مع المستندات
بس تقدرين تغيرين يكون على سطح المكتب او بملف معين


احتمال كبير تتشرط تقولك احفظيه على سطح المكتب ويكون عليه درجه .

لما نكتب الاسم و ونختار مكان الحفظ

نختار كلمة انشاء

http://www.ckfu.org/pic4u/uploads/ckfu1431452195231.png

بكذا نكون فتحنا قاعدة بيانات جديده

نتعرف مكونات البرنامج


شريط العنوان (Title Bar):- فيه تظهر اسم قاعدة بيانات الحالية , ويحتوي على ايقونات اغلاق وتكبير وتصغير النافذة

شريط أدوات الوصول السريع :- يحتوي على الأوامر التي تستخدم بكثرة


الشريط(Ribbon):- يعتبر بديل عن شريط القوائم وأشرطة الأدوات الموجودة سابقا.
علامات التبويب (Tabs)
المجموعات (groups)
الأوامر (commands)

جزء التنقل (Navigation pane)

F11 لاغلاق جزء التنقل

فيه صور بالمحاضره عن هذي الجزيئه


/

بعدين لما نعبي الجدول

كيف نحفظ القاعده البيانات


يجب اجراء أمر الحفظ على بنية قاعدة البيانات

مثال:- لحفظ جدول بعد انشاءه في قاعدة بيانات -> ملف(file) -> حفظ (save) أو النقر على أيقونة الحفظ

لكن برنامج ال access يقوم بالحفظ التلقائي للبيانات التي يتم وضعها في قاعدة البيانات


يعني برنامج الاكسس هو بذات يحفظ تلقائي الملف الي نشتغل عليه

مو لازم نسوي له حفظ بعد مانخلص منه

عكس الورد و البور بوينت .


لما نسوي اغلاق

ونبغى نرجع نفتح الملف

نروح نفتح البرنامج

على الجنب بيكون زي كذا

http://www.ckfu.org/pic4u/uploads/ckfu1431454854371.png

بعدين من هنا نحصل قاعدات البيانات الي تم فتحها على البرنامج

لو حصل وماحصلت القاعدة البيانات الي سويتها

نضغط كلمة اكثر ..

نروح لمكان الي حفظنا فيه القاعده

نختاره ونسوي له فتح



يارب فهمتو علي

لفتح قاعدة بيانات موجودة ضمن القائمة الأخيرة :-
تشغيل ال access -> ملف(file) ->أخير(recent) -> اختيار قاعدة البيانات المراد فتحها


اذا كانت غير موجودة ضمن القائمة الأخيرة:-
ملف(file)-> فتح (open) ->تحديد مكان وجود قاعدة البيانات -> نقر مزدوج على اسم القاعدة أو اختار القاعدة ثم فتح (open)

بكذا عرفنا كيف نفتح البرنامج و قاعده بيانات فارغه وطريقة التسميه ومكان الحفظ

وكيف نسكرها وكيف نرجع نفتحها


ماننسى ان الكلمات الانقليزيه معانا .. ليه ولماذا .. يمكن برنامجك عربي زيي ويكون برنامج الجامعه انقليزي وتتوهق

كذا ولا كذا الدكتوره حرصت عليهم






كنت بكمل بس بردت بعد ماشفت عهود

اسرع واحسن شرح مني

بتكفي وتوفي

يعطيك العافيه عهوود




خلوني جنب دنوي

اذا فيه نقاط مو فاهمينها

ان شاء الله اساعدكم فيها



والاختباار بيكون ان شاء الله سهل بما انه عملي . يعني كل شي بيكون قدامك

موفقين يارب

والله يسهل عليكم

[❤ الــملكــه ❤]

تموم عادي حبيبت قلبي انا ونتي واحد

اذا فيه شي صعب غلي ببلغ

بالتوفيق جميعا