رسالتي للطالبة اللي سرقت جوالي النوت الابيض في الثانوية العاشرة بالدمام

[امونه قرحوش]

اذا تقرين الموضوع ياللي اخذتي الجوال لاتخليني ألغيه وترجعينه لانه برضه بانغبن ارقام صاحباتي وصور بابا وسفر أمي وقهوتها واشياء كثبرة بتاخذ مني وقت ارجعها لكن بالغيه... وانتي استفيدي منه قطع غيار اعطي القلم احط عنده سامسونج يمكن يرسل رساله دينيه وينكتب لي اجر بسبب هالقلم يدخلني الجنة والبطاريه بعد اعطيها احد يعز عليك واذا تبغين الشاحن باتركه عند الامن ههههه باشتري جوال جديد واذا تبغين الجوال الجديد قولي لي ايش تبغين لونه ما ابغى اخلي شي بخاطرك هههههههههه

[امونه قرحوش]

الحمد لله اللي عافانا مما ابتلاها وفضلنا تفضيلا. ..

[امونه قرحوش]

المشاركة الأصلية كتبت بواسطة 7amood

https://findmymobile.samsung.com/
هذا رابط سامسونغ دخلي الأيميل المسجل في جوالك

وامسحي اللي فيه وقفليه وخليها تشررب مويه فيه ماراح يفتح

هنا الوهقة ما اذكر الحساب ياليت اذا طويلة العمر تقرا وفتحت جوالي تفيدني عشان اقفله عليها هههههه

[شرقيه وبس]

يالله ايش هالحركات سرقه ايام الاختبارات جايه تختبر ولا تسرق لاحول ولا قوه الا بالله

الله يعوضك وحسبي الله ونعم الوكيل

[abshameri]

الله يعوضك خييييييييييييير يارب

[mqamrh]

حسبي الله ونعم الوكيل

الله يعوضك باللي احسن منه

[حجاب الوريك]

تنبيه اختي

اول شيء الله يعوضك خير إن شاء الله

بقولك طريقه
اذا عندك الرقم التسلسلي حق الجهاز والكرتون اخذيه وروحي لاقرب مركز شرطه عند مكان الحادثه او السرقه فيه قسم عند الشرطه البحث الجنائي راح بإذن الله يجيك جهازك وتستلمينه
اقولك طريقتي انا مره تجملت برجل وصلته وضحك علي انه رجل نظره ضعيف ومايقدر يسوق المهم اني نزلته بالمكان على اني بوصله للمطار هو وعائلته يقول من الرياض المهم نزل من عندي علشان يجيب زوجته وبناته يقول انا ماعندي اعيال وعمره 60 سنه ياناس ولحيته بيضاء رجع لي قال ياحجاب معك 300انا وقتها ماكان بجيبي هالمبلغ كان بالصراف قلت لا والله قال بحاسب راعي الشقه المهم قال عطني الجوال وكان ايامها معي جهازين واحد ابو كشاف والثاني سامسونج اس 2 عاايامها وخذا الجهاز وعلى انه يضغط بالارقام واسمعه يقول الو وابعدت انا عنه لحسن نيتي المهم الرجل وهو يكلم راح صوب الشقق اللي هو يقول ساكن فيها ومعه الجوال انتظرت مايقارب نصف ساعه انحرجت اني ادق على رقمي المهم تشجعت ودقيت وفجأه اجد جهازي خارج التغطية مغلق وتجهت للمكان اللي هو اتجه صوبه وفجأه اجد نافذ يطلعك على الشارع العام هذا المكان بالدمام حي العمامره المهم انقهرت صراحه لاني راح افقد ارقام كثيره وخصوصيات لي
مريت على شركة الاتصالات وقلت له السالفه قلت ابي احرق الجهاز قال اقولك شيء ماراح تستفيد راح يسوي له سفت وير ويشتغل معه طبيعي الافضل انك تروح للشرطه وتبلغهم وهم يتولون المهمه
ومثل ماقال رحت لهم وجبت الكرتون والضمان معي وسجلو محضر واخذو رقمي للتواصل
المهم بعد يومين دق علي اللي استلم قضيتي وسألني عن الارقام هذي تعرفها طبعآ رقمين فقط واحد قلت له هذا رقمي والثاني ماعرفه قال ممتاز خلاص لاتدق عليه ولا شيء هذي مهمتنا قلت طيب طبعآ نظامهم البحث الجنائي يرسلون خطاب اول شيء لشركة الاتصالات افيدونا بالشرائح اللي اشتغلت على الجهاز رقم كذا وكذا والاتصالات يشعرونهم بالارقام اللي استخدمت الجهاز المهم خاطبو الاتصالات مره اخرى بخصوص الرقم اللي استخدم جهازي واخذو بياناته وتحديد موقعه واتصلو عليه البحث ورد عليهم واطلبو منه الحضور لمقر الشرطه اتجه لهم الشخص وسألوه عن الجهاز وقال هذا انا توني شاريه قالو الجهاز مسروق وفيه بلاغ عليه عندنا من صاحب الجهاز المهم قال انا شاريه من محل بسيكو وراحو معه البحث للمحل اللي اشتراه منهم وتفاجأو انه مسكر طبعآ محل صغير حق بنقاليه حسب كلامهم وراقبو المحل لمدة اسبوع مافتح المهم كلموني البحث قال جهازك عندنا بس حنا نبي ننتظر المحل هذا اللي باعه علشان نتأكد منه هل هوو اخذ صورة بطاقة البايع الحرامي او لا اذا هم ماخين بياناته يجيبونه بطريقتهم تقريبآ جلست حول 15 يوم وبعدها دقو علي قال تعال جيتهم وقالو هذا جهازك والشخص اللي شراء الجهاز موجود بالتوقيف لازم تشوفه يمكن هو الحرامي وجابوه لي ماطلع هو
عطوني الجهاز وشيكت عليه لاباس كويس مافيه شيء بس مفرمت من الى وقالو تبي من الرجال هذا شيء قلت ابي اسألك بالله تعرفه ولا لا قال والله اني ماعرفه ولا شيء قلت خلاص اطلقو سراحه مابي منه شيء واخذت جهازي

والان صرت مرشد لاي شخص ينسرق جهازه يدق علي دايم ويسأل عن طريقة الاجراء كيف الطريقه

طبعآ انا سردت قصتي عشان مو كل واحد نثق فيه شوفوا هذا شايب والله كبر ابوي عمره 60 تقريبآ او اقل شوي سراق ولعاب حسبي الله عليه

يعني يا اختي لا تحرقينه الجاز ولا شيء سوي نفس طريقتي اللي قلت لك وإن شاء الله يرجع لك جهازك
اتمنى اني افدتك وإن شاء الله راح تفتحين موضوع انك حصلتي جهازك وتدعين لي

تحياتي الاخويه

[HELLO~ KITTY]

الله يعوضك ي رب
بس حابه استفسر منك كيف سرقتو يعني من الشنطه ولا كيف ،،،لاني دايما اقول للمشرفات ابغى جوالي معايا م يرضو الا لازم ف الشنطه وبعيد عني

[المسا أ أ أ فر]

يا دفع البلاء تره جوال عادي اشتري غيره ودعوه سهلات

[Mr English]

المشاركة الأصلية كتبت بواسطة المسا أ أ أ فر

يا دفع البلاء تره جوال عادي اشتري غيره ودعوه سهلات

أحياناً مايكون الموضوع موضوع جهاز جوال وبس ، القهر والغبنة هي اللي تذبح.
وخصوصاً اذا كان في الجهاز أشياء شخصيه من صور وملاحظات ورسائل.