|
ملتقى المواضيع العامة منتدى المواضيع العامة والنقاش الهادف |
|
أدوات الموضوع |
2012- 11- 3 | #21 |
متميز بالمستوى الخامس - إدارة أعمال
|
رد: ......البوم فالنبدأ معا مشاريعنا الصغيرة ......( مشغل نسائي )
هــ - جهات الدعم
بنك التسليف---عبداللطيف جميل(باب رزق)—صندوق المؤيه .............................. ........... مكانه في الرياض اسمه صندوق المئويه وفروعهم تلقينها تبع الغرفه التجاريه الي في منطقتكم .............جيبي الشهاده بس وقولي ابي افتح واحد او اي مشروعثاني في بالك او اذا زوجك مو متوظف يقدر يأخذ منهم .......يعطونك من 50 الى 200 حسب شغلك وطبعا هذا كله حسب دراسه جدوى انتي تقدمينها .............اياحد معه شهادة خبره تكفي ........ انا ما قلت لهم ابي افتح فرع انا قلت اني تركتمشغل ا بوي والحين ابي شغل خاص فيني وهم حمسوني زياده لما عرفوا عندي خبره 8سنوات ........... بدوره الي مامعه شهاده او سجين سابق او من ذويالاحتياجات الخاصه لهم الاولويه وكمان تعاملي طول الوقت يكون مع الفرع النسائي الي في الريااض ........... ام المده فهي لما كنت حامل في شهري الثالثوجاتالموافقه لما صار عمر ولدي 8 .............................. ............. تروح موقع الصندوق وتعبي الطلب بعدها يوصلك مسج على جوالك انوه تعبي دراسة الجدويالخاصه بالمشروع وترسليها على الايميل الموضح لك بالمسج وموجود في الموقع ايضا بعدها يتصلو عليكي ويبلغوكي بالموافقه المبدئيه وانوه لازم تحضري لمقرهم عشانالمقابله الشخصيه تسوى المقابله البنات هناك قمه بالاخلاق والاحترام بالتعاملتروحي وبعد فتره تتفاوت من شخص لشخص ممكن شهر وممكن سنه يبلغوكي بالقبول او الرفضطبعا الموضوع اخذ معاي شهر الحمدالله طبعا السداد يتم بعد 6 شهور من تشغيل المشروع على اقساط ميسره نزلت شيكات المئويه المبدئيه ب85 الف ريال والباقي مع الفواتير الباقيه وانصدمت انا طلبت من الصندوق 200الف ونزل لي 170 الف ولما رحت استلم الشيكات قالوالازم يكون فيه شيك باسم صندوق المئويه ب30 الف ريالخدمات يعني ورطوني مانزللي المبلغ الي طلبته و نزل اقل منه وكمان اخذوا منه رسوم وخدمات والله اني انقهرت على هذي الطريقه ليش ما خبروني من قبل.. .............................. .............. لازم اللي ماخذ القرض هو اللي رح يكون بأسمه الترخيص علشان يعطونه القرض وايضايعطونه على دفعات ................. بفتح مشغل خياطة وبقدم ع صندوق المئوية بس عمري 36 والشروط العمر من 18 الى 35تضنون بيوافقون ما راح يوافقون انا قدمت عليهم يجي 1000مررة ويرفض ولما اتصلت عليهم قالو السبب انكفوق 35اخخخخ قلت ياولد مافيه استثنائات ولا اي طريقة منىولا منى قاللا .............................. ........ |
2012- 11- 3 | #22 |
متميز بالمستوى الخامس - إدارة أعمال
|
رد: ......البوم فالنبدأ معا مشاريعنا الصغيرة ......( مشغل نسائي )
و- اسعار الاجاروالبيع
ياصاحبات المشاغل اناعندي مشغل ابغى ابيعه باللي فيه وش احسن طريقه للاعلانعنه جريده المبوبه الي في الرياض تتوزع مجانا في كل مكان 500 الف نسخه...... تلفون 2170099تحويله 400 ...................... التثمين يجي من موقع المحل وكثرة زباينه وهل عليه شغل او لا واخر شي على الاشياءالي فيه يعني لو كل اغراضك فخمه ومافيه زباين احمدي ربك لا جاك نص الليخسرتي اما لو عليه شغل حتى لو ادواتك اي كلام يكون سعره فوق .............................. .. ................... فيه مشاغل للبيع تجي رخيصه في حدود 30000 الف ريال .............................. .............................. .............. انا اخترت موقع للمحل جدا تجاري تقريبا احسن شارع في المدينة لاحتوائه علي اهمالاسواق بس الاجار شوي غالي مساحة المحل 50 متر الدور الاول والثاني 20 متر سعره 30الف ريال الكل يقول غالي بس انا اشوف بالنسبة لمكانه رائع وبصراحة انا خايفه اني مااقدر ادخل 2500 اجار طبعا ان شاء الله راح اعمل عروض في للخياطة واسعار حلوهوراح اعمل بوتيك اصمم فيه ملابس للمنزل او اطقم للسهرة بسيطه زي البلايز الفخمهوراح اخيط بجامات وقمصان نوم وان شاء الله راح اعمل دعاية قوية فهل برايكماستمر في هذا التفكير ؟ ثانيا بالنسبة للعمالة الفلبنية هل التعامل معهم صعبوكيف اقدر اسيطر علي مشاكلهم مع العلم اني راح اخليهم ينامو في نفس المحل في الدورالثاني ؟ اتمني منكم تساعدوني جعل الجنة من نصيب من ترد علي ؟ طبعا الاسئلةكثيرة بس خفت اطول عليكم وشكرا أما من ناحية الايجاربالعكس يعتير مررره رخيص بالمقارنه مع مساحته تصوري انا لقيت محل مساحته 60م وموقعهمو ذاك الزود وبيأجره علي بـ 36ألف , وواحد ثاني بيأجرني محل لا بمعنى اصح مخزن وفيعماره قديمه ومررره صغير بس موقعه حلو بـ 19 الف ,,, فعلشان كذا أنا أحس محلكبالعكس لقطه ماشاء الله تبارك الله ما يتفوت ,,, بس عندي تعقيب على موضوع الخياطهترا الشيخ بن باز حرررم خياطة الفساتين العاريه للنساء حتى وأن كانت لن تلبسها عندالرجال بمعنى أصح ممكن مالك يخالط مال حراام وأنا حبيت ابلغك بهذا الشي علشان ابريذمتي ,, .............................. ......... لمشروع متعب وكلف جدا ولازم ميزانيه انصحكلوجه الله بعمل جدوى اقتصاديه .............................. .......... أنا بدي افتح مشغل بخليه بس خياطه تتوقعون بربح كذا ايجاري في السنه 60.000والعاملات الخياطه اربع وعلي قرض 100.000 ايش رايكم ابدئى بالخياطه احسن ولاتندمين بكره انا والله ندمت لوخيطتى في الشهر الأول 4فساتينمن 500 بألفين ريال يعنى طلعتى راتب الخياطه اول شهر والثاني طلعتى بزياده والثالثاحتمال يكون دبل * ,,,,,,,,,,,,,,,,,,, ن -التكاليف ممكن الخمسين تفتح مشغل بس على حسب اجار الشقه اذاكان بس 10او15 حلواستقدامالكوافيره اذا بتجيبين وحده بس تقريبا يكلف 10واذاكانت الشقه صغيره وموقديمه يمكنيكلف ديكورها من بويه وسيراميك وسباكه واضاءه ووو10والاثاث والادوات واللوحهوالرخصه تقريبا15.... بالنسبة للمشغل والسجلالتجاري من البداية ............................. واللي عندها مشغل خياطة ياليتتقول كم كلفها المشغل من ايجار وديكور واستقدام ورواتب؟ يعني كم يكفي راسمال؟ بحدود 100000 إذا كان التشطيب عليك>>>تدبست بمحل بدون تشطيبحتى البلاط والسقف سويته ومتى طلع راس ماله وايش هي الصعوبات اللي واجهتهافي البداية؟ يالله بعد 4 سنوات كرف وتقريبا كم اجار المشغل اذاكان بشمال الرياض؟ شمال الرياض غير العليا غيرالورود....الخ يعني بالورود والعلياء بيكون في حدود 20 وطالع...ممكن شقه او فتحة .. والديكورات كم تكلف اذا كانتبسيطة؟ ديكور فقط...بحدود 10000 بسيط ........................ وكم تكلفة المشروع الاجمالية ؟ انا قومته80 الف ريال قرض .............................. .. انا لو اغير ديكور المشغل والسيراميك والالوان والكهربا وكاكسر الدنيا ماتعدى 10الاف وعامل الكهربا حده300 ريال والبويه عالغرفه 100 .............................. ................... تكلفة المشغل تبداء من 100000 الى 20000 مابين تراخيص وديكور وفيز .............................. ........ دورات للتجميل حقيقية عند الغرف التجاريه في جدة اوالرياض لأن لو رحتيللكوافيره راح تطلب منك مبلغ مالي كبير وكمان المعاهد الخاصة بس الغرف التجاريةتنظم دورات حلوة واحيانا مجانيه او التحقي بمعهد حكومي .............................. ..... عندي غرفة خياطه وابي اأجرها تقريبا كم اطلب اجار وبرضو عندي زاويه للبيع بكماعرضها لأجارر ياليت تردون بأسرع وقت انا منالرياض على حسب شهره المحل اناماجره غرفه للمسيرات كبيره مره ب300 ريال اول مافتحت المشغل لان احنا في بلد ماحديستاجر بمشغل يعني مافي طلب لكن رحت لمشاغل بالقريات وسكاكا ياجرون الزاويه ب500اش لون الغرف اكيد فوق 700 ....................... اسالكم اذا كان اجار المشغل عشر الاف وحده تبغى تستاجر مني ركن يمكن 3م×1م كم ممكنااجره عليها ؟؟ وهل بيكون على حسب النشاط الي بتستخدمه فيه او على حسبالمساحه؟؟ وكمان عندي سؤال انا بشغل بنات عندي بالنسب كم ممكن تكون نسبةالسعوديه اذا كانت متخصصه في مكياج فقط او سشوار فقط؟ وكذلك كم نسبة الاجنبيه اذابتشتغل بس سشوار؟؟ ارجو افادتي .. اعرفكمماتقصرون انصحك تاجريه بما لايقل عن 1500 ريال المكياج يكون 40 % والاستشوار بيكون 30-35% .................... فيه كوافيره مشهوره في المنطقه اللي انا فيها بس ماعندها محل فتبغى تستأجر مني قسمالتجميل وماني عارفه بكم أأجرها وكيف طريقة الايجار هل تكون ايجار شهري والانسبة ولازم تعرفون قبل ماتجاوبوني انو محلي جديد ولسه بادي يشتغل وهيا لهازباينها عشان ما اظلمها ولا اظلم نفسي كمان ,, وما ابغاها تضحك عليا لأنهاارسلتلي وحده تقول تبغى تاخذه بلاش على اساس انها راح تجيبلي زباين ورفضتطبعا قلت اذا تبغاه ايجار الله يحييها غير كذا لا .. انا ماسبق واجرت على احد بس حسب خبرتي انك لازم تعرفين ان راح تدفعين فواتيرالكهرباء وانك مقدمه لها موقع المشغل وكمان ديمور وزباين جدد ولو اخذتيها بالنصفمعناها في كل شيء من راي لو اجرتي حطي مبلغ وسط 300 الآف لو القسم كبير وكمان لوزاد الشغل وحبيت تزودين بما يرضي الله زودي بس الخوف انها لما تجمع زباين وخصوصااذا كانت اجنبيه تاخذهم لها زي مايصير في لغالب المشاغل المتعاملين بالنسبه كونيحازمه ابدا لا تعطين قسم مجانا ولطالما ان اهي اللي جات معناها هي حسبتها صح وعارفهانها مستفيده ثقي في نفسك وتعاملي مكعها بما يرضي الله ورسوله ,,,,,,,,,,,,,,,,,,,,,,,,,,, اسأل وين ممكن الاقي احد يسوي لي دراسة مضبوطة ؟ لو عندك غرفة تجاريه نسائيه روحى لهم وهم مهمتهم يدلونك او وليامرك يروح للغرفه التجاريه الرجاليه لأنهم قالوا لي بجده فيه مختص يقوم بدراسهالجدوى الأقتصاديه اتمنى لك التوفيق .............................. .. المشغل تبعي بسم قريبتي عشان انا موظفة والان هي تبحث عن وظيفة يصير انقل الترخيصباسم ليش ما تنقلين ملكية المشغل عليك شخصيا لأني بسب ظروف معينه بغيت انقل ملكيةالمشغل للأختي الموظفه وما كان هناك سوى انه بيتم نقل الكفالات من 2000 ريال وتصيرباسمك العاملات زكذلك نقل الملكية واذا كان انت حابه تنقلينه على رجل فاكيدمسموح على حد خبرتي بشرط ما يكون موظف عسكري اما اذا كان صاحب وظيفة مدنيةفيمكن نقله بسهوله .............................. .............................. .............................. .............................. ...... ماحك جلدك مثل ظفرك استاجر غرفه او ركن بمشغل واعرضي تصاميمك اما الناسيبيعون لك وانتي بس تاخذي فلوس ماعمرها صارت بس المفروض تاخذ اكثر شي نسبه 30 % وليس 50% ............................ |
2012- 11- 3 | #23 |
متميز بالمستوى الخامس - إدارة أعمال
|
رد: ......البوم فالنبدأ معا مشاريعنا الصغيرة ......( مشغل نسائي )
ي _تصديق الشهادات
بنات انا حابه اعمل دورات مكياج وشعر عنديفالمشغل كيف اجيب شهادات وهل لازم تكون مصدقه او عليها ختم للمشغل لانو اناماعندي ختم ايوه اختي الشهادات تكونمصدقه من ختم المشغل افضل يعني لازم تعملي ختم طبعا الختم تعمليه عند اي محل يعملطباعه يعني المطابع ايلي تعمل كروت الأفراح والمستندات تجبيلهم صوره من تصريحالمشغل وصوره من كرت العائله وبرضه الشهادات تطبعها لك المطابع او المحلاتايلي تلاقي عندها طبع كمبيوتر وتعطيهم الصيغه ايلي تبغيها والأوراق يانتي تجيبها منالمكاتب او تلاقيها عندهم وتكون مطبوعه بأطار وفي الوسط فاضي عشان ينطبع عليهاالنموذج ايلي تبغيه ............................ اذا انتي مسجله بالغرفه التجاريه وحابه انك تصدقي منها قدمي طلبك عليهم بالتصريحوهم طبعا يصدروها لك وعليها ختمهم وطبعا الناس ترغب ان شهاداتهم كل ماكانت مصرحهبختم حكومي هذا يعطيك ميزه اكثر بالشهاده او انك فقط تعتمدي على ختم المشغلتبعك ولا يلزمك انك تاخذي اذن من البلديه لأن لو طلبتي راح يقولولك مافيه النظاممايسمح انا اعمل دورات بهالنظام والحين بسجل بالغرفه التجاريه بأذن الله ويصير اخذالتصريح منهم عشان مصداقيه اكثر وتجنا للمشاكل لو حصل من ناحية البلديه .............................. ....... لخدمة الاجتماعة هية الي تدي الشهادات المعتمدة هية وعبداللطيف انا سالت في الرياضاعتقد المؤسسه العامه لالتدريب المهني قسم رجال مافيه نساء قالوا تعطنى 75000ريالاذا كانت الدوره ماتزيد عن شهر و150000ريال كثر من شهر الى سنه و250000ريال سنتانوفيه رسوم ثانيه على كل شهاده |
2012- 11- 3 | #24 |
متميزه بإدارة أعمال
|
رد: ......البوم فالنبدأ معا مشاريعنا الصغيرة ......( مشغل نسائي )
طرح رائع غلاتي
مووفق اخوي بحر العطاء بصراحه افكر افتح لي مشغل وراح يفيدني هالموضوع : متابعه |
2012- 11- 4 | #25 |
أكـاديـمـي مـشـارك
|
رد: ......البوم فالنبدأ معا مشاريعنا الصغيرة ......( مشغل نسائي )
اممم فكرة المشغل ماعجبتني
يمكن اعجبت بعضكم واتمنى تحترموني بوجهة نظري لانو المشغل يبيله دعم لي نفترض اني رحت صندوق المؤيه واعطوني 100000في حالة خسارة المشغل منو بيسددهم كوني مو موظفه انا اقولكم ليش افترضت الخساره مو الربح لانو احنا الحريم مابنروح اي مشغل مابنعرفه والشي الثاني عادي ندفع على مشغل غالي نعرف ان شغله مرتب ونظيف والمشغل يبيل له دعايه قويه وعماله كويسه وولازم تدورين لك فلبينيات او لبنانيات عارفين الشغله وهذا كله لازم تراجعين مكتب العمل وتجيبين لك عماله طيب انا كوني امراءه ماقدر اسوي كل هذول بروحي بالذات لما يكون ماعندي احد يراجع بدالي صحيح اقدر اعتمد على نفسي واراجعهم بس احسه تعب علينا وغير لمما يكون رجال يراجعهم طيب انا بتكلم عن نفسي الحين يوم الخميس كان عندي زواج ولد خالتي رحت المشغل ودفعت 1000 ريال ادري انو المشغل غالي وفيه كثير مشاغل ارخص بس انا دفعت للمشغل هذا بالتحديد لاني اعرف شغله وضامنه اني مابطلع منهم زعلانه مع انو المشغل بحايل وانا بالدمام شنو عرفني بالمشغل طبعا كله من مدح الناس وطبعا جربته وصرت كل مره اروح له ووبس هذا اللي اقصده بكلامي يعني المشغل يبيله شوووية تفكير ودعم اقل شي اول سنتين لين يقوم على رجوله وبس |
2012- 11- 4 | #26 |
متميز بالمستوى الخامس - إدارة أعمال
|
رد: ......البوم فالنبدأ معا مشاريعنا الصغيرة ......( مشغل نسائي )
كلامك صح ميه ميه مملكة
بس مثل ماقلتي انتي على حسب كل واحدة وظروفها وبالنسبه للسنتين هذا شئ طبيعي في كل مشرووع لازم تحط في بالك انو اول سنتين تخليها للمصااريف وغيرها اما الارباح لاتحسبها الا بعد السنتين بعد 3 او 4 سنواات ممكن تحدد اذا كان المشرووع ناجح او خسران وجهة نظر احترمها مملكة ... |
2012- 11- 4 | #27 |
أكـاديـمـي ذهـبـي
|
رد: ......البوم فالنبدأ معا مشاريعنا الصغيرة ......( مشغل نسائي )
معلومات قيمة ومفيدة
|
2012- 11- 4 | #28 |
أكـاديـمـي ألـمـاسـي
|
رد: ......البوم فالنبدأ معا مشاريعنا الصغيرة ......( مشغل نسائي )
المشغل مافيها ربح صدقني كثيرا
الحين كل الناس مشاغل ودوشه الا اذا منطقه اللي بتسوي فيها مافيها مشغل رح يكون ربحك مضمون وبجداره عمتي كانت فاتحه مشغل في محافظه من اول شهر دخله ماشاء الله بس كانوا فلبينيات كلهم وزحمة بشكل ماتتتصور اذا في منطقه مارح تربح ابد افتح لك مشروع ثاني زي نادي رياضي او قهوى نسائيه او ملاعب في حاره عندي كذا فكره بس مادري كيف اقول لها عطني المنطقه وش تبي بظبط انا عندي افكار كثيرا بس لو معي فلوس كان ماكملت في الجامعه اصلن بروح مع جدي اصير زيها اكبر تاجرها في الرياض وغيرها |
2012- 11- 5 | #29 |
متميز بالمستوى الخامس - إدارة أعمال
|
رد: ......البوم فالنبدأ معا مشاريعنا الصغيرة ......( مشغل نسائي )
صح كلامك دلووعة على حسب المنطقة تختار مشروعك
بس اسمحي لي اقوول لك فكرة انو لو عندك فلووس مادرستي جاامعه ماأيدك فيها هل الدراسه مقتصره على اللي ماعندهم فلوس بس ..؟ العلم بس للي ماعندهم فلووس ..؟ لاء الدراسه علم تنتفع فيه والشهادات مطلووبه للي عنده واللي ماعنده فلووس الافضل انك ماتحطين في بالك هالفكرة وكثير نااس تبي تدرس اداارة اعماال ليه لأن يفكرون في مشااريع خااصه وتجاريه مع انهم ممكن يكونون دارسين تخصصات ثاانيه وبعضهم موظفين يعني عندهم فلووس ومع ذلك يدرسون للإستفادة والشهادة والله يوفقك وتحققين حلمك وتصيرين أكبر تاجرة بالخليج العربي بعد مو بس بالرياض ... |
2012- 11- 5 | #30 |
أكـاديـمـي فـعّـال
|
رد: ......البوم فالنبدأ معا مشاريعنا الصغيرة ......( مشغل نسائي )
بارك الله فيك
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
......البوم فالنبدأ معا مشاريعنا الصغيرة ...... | F-fatimah | ملتقى المواضيع العامة | 75 | 2012- 11- 6 07:51 PM |