[ جميع التخصصات ] : إلى كل من تريد الإلتحاق بقسم ( المكتبات ونظم المعلومات)

[يطول الانتظار]

الحيين التخصص عن المكتبه ماله دخل ب الحاسب !!
و في دفعات تخرجت ولا ..!
و في مواد صعبه ..! و في شي يتدهل ب الرياضيات .!

[zσσz яαsнιd]

احين صدق عدد الساعات لمواد التخصص 3

[شجن الروح]

المشاركة الأصلية كتبت بواسطة يطول الانتظار

الحيين التخصص عن المكتبه ماله دخل ب الحاسب !!
و في دفعات تخرجت ولا ..!
و في مواد صعبه ..! و في شي يتدهل ب الرياضيات .!

عندنا مواد عن الحاسب .. وهذي السنة بتتخرج اول دفعة .. مافي شي عن الرياضيات ..
وفي مواد صعبه ومواد عادي ..
لابد من الصعوبة بأي تخصص ..

المشاركة الأصلية كتبت بواسطة ro7i fdak

احين صدق عدد الساعات لمواد التخصص 3 :looking_anim:

مو كلها بس الاغلب
واللي ثلاث ساعات تكون
محاضراتها
من 8 الى 10 ونص
او من 10 الى 12 ونص
او من 11 الى 1 ونص

بالتوفيق ..

[juju4]

في ناس نسيتيهم

المعيدة امل الغامدي

المعيدة احلام القحطاني

المعيدة جوزاء المطيري

و دكتور عثمان

[mareoma]

المشاركة الأصلية كتبت بواسطة joooori

بسم الله الرحمن الرحيم

السلام عليكم ورحمة الله وبركاته ..

اكمل ما بدأت به دروب هوني ، وحتى يكون مرجع للي يبون يتخصصون مكتبات ..

المعدل
على دفعتنا كان 3 ونص وفيه بنات اقل من كذا ودخلوا ~> على حسب المقاعد يعني يقبلون الآعلى من معدلات الراغبات في دخول القسم ثم الأقل حتى تمتلي المقاعد ، اظن دفعتنا 200 طالبة ..

تقسيم الدرجات عند ككككل دكاترة القسم مووووحد تقريباً
( 25 > شهري / 40 > نهائي والباقي يتصرفون فيهم بين واجبات وابحاث ومشاركة )

الدكاترة > مو من كثرهم ..

عددهم 4 بالاضافة إلى 2 معيدات والقسم بحاجة إلى اعضاء هيئة تدريس فاللي داخلته على هالأساس قدامها فرصة كبييييييييرة .. :58545:

د. عماد عبد الحليم > هذا الدكتور ، يعطي المنهج كاااامل بدون مايحذف شي واذا حذف صفحتين يحفظ ارقامهم ويرددهم كل شوي ( يذلنا فيهم ) ، اسئلته الشهري كللله مقالي ( عددي ، اشرحي ، تحدثي ، عددي مع الشرح ، فراغات ( بس للأمانه اسئلته واضحححة ، يعني باين انها موضع سؤال ، اشرحي وتحدثي اكثثثر شي 7 اسطر ، حححاولي قد ماتقدرين ماتعتذرين عن الامتحان لأن امتحاان المعتذرات عنده صععععععععب ( فرق بينه وبين الامتحان الأصلي ) > حلوة الأصلي ، النهائي داااااائما تقسيم الدرجة عنده وااحد 24 > مقالي 16 > موضوعي

د . حنان فرج > هذي الدكتورة حليوة ، تشرح من العروض وتحدد المهم وتقول عنه مهم ركزوا عليه وتجيب اسئلة في بعض العروض تبين ان هذي الفقرة مهمة ، صراااحة يمديك في مادتها تجيبين a ، بس واجباتها تقههههر مدري وش تبي لكن اسئلتها عموما النهائي والشهري حلووة واقعدي قدام عشان صوتها شوي واطي > بسسس سمعت انها آخر سنه لها بالسعودية ..

د. عواطف المكاوي > هذي الأراء متضاربة حولها .. انا اشوفها حليوووه ، تشرح من العروض بعد وتركز على الشي المهم وماتحاسب على الحضور والغياب ابددد وتقوله هي بنفسها ، تعطي واجبات ككثييرة ولو تقدمين بعضها عطتك الدرجة كاااملة ( اهم شي انك قدمتي شي ) قدااام عيني سلمت لها الواجب بدون ماتشوفه حطت صح ولكل البنات مو بس أنا ، اسئلتها اغلبها موضوعي والاختيارات شوي دقيقة ، وسؤال مقالي سهل >> هي تدرس تحضيري اكيد بعضكم جربها

د. ايمان نسيت عايلتها .. > درستني الترم الأول بسس ، الترم الثاني ماسجلت عندها والحممدلله اني ماسجلت لأن الترم الأول كانت حامل ومالها خلق تمخمخ على الأسئلة وهي قالته بنفسها قالت هذي مو اسئلتي ولا طريقتي بعد بس عشاني احامل ، والترم الثاني يقولون البنات تغيييرت في التخطيط والأسئلة تبي البنت المتمكنة من القسم واحنا دوبنا تخصصنا ، المهم انا ماكنت مرتاحة لها من الأول بس تشششرح زين ..

م. منى الشمري > حليوة ، مبتدئة شوي شوي وتتمكن ان شاء الله ..

المواد
السمستر الأول
(4 مواد تخصص / 2 مواد عامة )

1- مقدمة في علم المعلومات > عماد عبد الحليم / تتكلم عن دور المعلومات في خدمة المجتمع والباحثين وعلاقتها بالعلوم الأخرى ومصادر المعلومات وانواعها ومؤسسات المعلومات ودورها .. الخ

2- نظم المعلومات والحاسب الإلكتروني > حنان فرج / تتكلم عن الانظمة التي تختزن المعلومات وكيفية أدائها ومعالجتها للمعلومات و كيفية تصميم هذه النظم > مع حنان حلووة المادة وواضحة

3- مصادر المعلومات > ايمان أن شاء الله تحمل بوقتكم .. / تتكلم عن مصادر المعلومات انواعها التقليدية والغير تقليدية ( الكتب ، الدوريات ومميزاتها ...الخ ,مصادر المعلومات الإلكترونية وكيفية تقييمها اذا تنفع القراء أو لآ )

4- اسس تنظيم المعلومات > عواطف / حلوووة هالمادة فيها رموز لآزم تتعرفين عليها عشان تسوين بطاقة فهرسة لمصادر المعلومات ، تتكلم عن الفهرسة والتصنيف )

(عمووووماً الترم الأول سههههههل بكثيييير عن الترم الثاني)

السمستر الثاني
( 5 مواد تخصص / 2 مواد عامة )
1- خدمات المعلومات في ظل البيئة الإلكترونية > عماد عبد الحليم / من اسمها تتكلم عن الخدمات اللي تقدمها المكتبات ومؤسسات المعلومات من خلال الحاسب الآلي بشكل مفصل وكيفية جذب القراء من خلال عملية التسويق والانتاج والتوزيع والترويج > عموما المادة دسسممة ويبيلها أول بأول .

2- استرجاع المعلومات > نظري مقسومة بين د.عماد ود. عواطف والعملي مع م . منى الشمري / شوي معقدة المادة تتكلم عن انشاء نظام لآسترجاع المعلومات وكيفية البحث في النظام بشكل جيد يضمن لك الحصول على المعلومات المناسبة بدون تضييع وقت وجهد ، ( العملي )فيه شوي من علوم الحاسب مثل : الرموز اللي نستخدمها عند البحث في قوقل مثل علامة التنصيص والرابط (و / أو ) وتكشيف الوثائق وانواعه بععد يبيلها هذي المادة ..

3- ادارة وتنمية المجموعات المكتبية > حنان / تتكلم عن كيف المكتبة تختار الكتب والدوريات والطرق التي تزود فيها مجموعتها عن طريق الشراء ولآ التبادل ولآ الإهداء ولآ الإيداع ..الخ ، و اختيار الكتب العربية والاجنبية .. الخ

4- الوعي المعلوماتي > عواطف / تتكلم عن الإنترنت وكيفية البحث فيه وأمثلة لمواقع عربية واجنبية مررررره حلوووة هالمادة اصلآ كتابها كأنه مجلة ( احس فيها كثيييير من اتصالات وانترنت )

وعموماً ترى اغلب المواااااد فيها إعادة ، يعني المعلومات في هذي المادة تشبه معلومات المادة الثانية ..

الوظايف

اذا كملتي دراسات عليا > معيدة في الجامعة > وهذا المطلوب .
مدرسة مكتبة ، أمينة مكتبة ، اخصائية معلومات في الأرشيفات بمستشفى + بمؤسسات ادارية .. الخ > هذا اللي اعرفه ..

حاليا الشهادة مو تربوية ، لكن الطلب عليها جااااااري لأن القسم تربوي ..

وفي هذا الموضوع الخطة الدراية للقسم ..

http://www.ckfu.org/vb/t339923.html


وهذي طريقة الأستخارة ..

http://www.ckfu.org/vb/t339917.html

واهلآ وسهلآ بكم روحاً وجسد > استغفر الله يعني بيدرسون روح بس > يممممه ..

وأوجه خطاااااب للشعب العربي
نحن قاااااااادمون أيها الشعب العربي ياللي ماتقرأ ولآ كلمة ولآ نقطة حرف .. > امحق خطااب

وتذكروا مادخلنا هالقسم إلآ انه المعلومات اصبحت في العصر الحالي هي قوة المجتمعات و قياس رقيّها ..

والله يووووفقكم يااارب وين ماكنتوا ، ويكتب اللي فيه خير وصلاح لكم ..

سوف اكون بالقرب ان شاء الله ..

ماقصرتي الله يعطيك العافية

بس حبيت اصحح لك بعض المعلومات

القسم فيه خمس دكاترة و 6معيدات

الدكاترة نسيتي منهم الدكتور عماد /دكتور جديد السمستر الي راح اول سمستر يدرس فيه عموماا بالنسبة له الدراسة عنده تحتاج صبر لانه دكتور ومؤلف كتب بالتخصص وفاهم كثير ويبي كل البنات يكونون نفس مستواه بس الصراحة يعطي كل بنت حقها مايزيد ولا تنقص


اما بالنسبة للمعيدات :
استاذة امل الغامدي /استاذة احلام القحطاني / والاستاذة جوزاء المطيري /والاستاذة غالية البشري / الاستاذة نوف المعجل ادارية في القسم وفي نفس الوقت تعطي محاضرات /والاستاذة منى الشمري

عموما كلهم حليوين بعضهم متمكن وتحسين انهم يساعدون كثير بس الي يخرب عليهم انهم يدرسون المواد مع دكتور يعني بعض الشعب عندهم والبعض عند الدكتور وطبعا تكون الاسئلة موحده والغالب يكون الدكتور هو الي يحط الاسئلة فهي تكون مضطرة انها ماتحدد ولا تختصر
لان تخاف تحدد شي ويجي شي ثاني
وبس

[طالبة الادبي]

كم المعدل المطلوب لهذا القسم

[Girl aware]

الله يجزاكم خير joooori ~ mareoma ووفيتوا هالقسم من جميع نواحيه .,.

طيب التخصص هذاا فيه شهادة دكتوراة ؟!

اذا بغيت اخذ شهادة دكتوراة فيه

!!

[mareoma]

المشاركة الأصلية كتبت بواسطة girl aware

الله يجزاكم خير joooori ~ mareoma ووفيتوا هالقسم من جميع نواحيه .,.

طيب التخصص هذاا فيه شهادة دكتوراة ؟!

اذا بغيت اخذ شهادة دكتوراة فيه

!!

اي في شهادة دكتوراه بس مو عندنا بالجامعة لان القسم توه جديد بالشرقية اتوقع فيه بمناطق المملكة الاخرى
او في الخارج بعض معيداتنا راح يروحون يكملون دراسات عليا في الخارج اتوقع ان الجامعة ترسلهم
لان قسمنا جديد ويحتاج دكاترة بالتخصص

[Mss.ice]

يعطيك العافيه

[قيثارة حب]

مشكوره اختي كفيتي ووفيتي

جزاك الله خير