|..بنت الطب لا أريدها ..|

[اينشتاين]

والله هذي فكرة في المجتمع
والسبب الاول والاخير ان المراءة عندما تكون طبيبه واممرضه تختلط بالرجال
وهذا اللي معذب السعوديات الاحتكار وان اهلهم يخافوا عليهم حتى من نسمة هوى
مايندرى هل هو حب لهم
والا خوف من العار والفضيحه وان هذا الشيء عيييييييييييييييييييب
وان في نضري البنت الطبيبه او الممرضه ماتفرق عن مدرسه او مديره
لان كلهم جنس واحد اللي يختلط بالمستشفى على قولتهم مايختلط بالسوق؟؟؟؟؟؟
والا بس ماسكين السوق ياحرااااااااااااااام مافي شيء""""""""""""

يحتاج المجتمع السعودي الى وعي اكثر وادراكللتطور
وان شاء الله يكون قريب

وان في وحده سمعت انها ممرضه في اول سنه تمريض
مشاء الله وخاطبينها 3 الله يوفقها
ومشكوره ع الموضوع

[فيونكهـ ورديهـ]

هذي النظره كانت مو جوده
بس الحين ومع الوعي قل اصحاب هذي النظره
اعرف وحده تزوجة دكتور بس الناس مرحموها
قالوا ان كان بينهم علاقه و....و... الخ
بالنقيض وحده ((طبيبه)) ومتزوجه
نعني الزواج قسمه ونصيب

[minds eye]

الحين مافي شي اسمه التخصصات الطبية فيها اختلاط والثانية لا
صحيح كثير تخصصات دراساتها مالها علاقة بالاختلاط بس في وقت التوظيف من يظمن وين الله يحطهم مكان معزول ولا مختلط ؟
يعني ترى اللي بالمستشفى مو بس الطبيبة والممرضة هم اللي يتعرضون للاختلاط
الموظفات اللي في قسم الاستقبال واللي يجلسون على الحاسب لحجز المواعد لو نفرض واللي في قسم الترجمة والملفات كلهم يختلط بهم
مع ان من المعروف ان دراسة علوم الحاسب واللغة على سبيل المثال ليس المعروف بها انها اختلاط
بس مثل ماقلت ماتدري وين الله يحطك
وماشاء الله الحين افتحت الشركات بجميع انواعها واجناسها والمجالات الغير حكومية وجميعها اختلاط
بس حتى انا اقوول هالنظرة ووجهة النظر هذي قديمة والحين الناس تفتحت
بس عااد حدهم هنا لايمصخونها في الانفتاح
بس في ناس للحين حارمه بناتها من هالمجالات :no2:
اجل شيقولون عن اللي يخلون بناتهم يدرسون بره

[جنة العشاق]

الندى ..

بداية احب ان اشكركـ على طرحك الرائع والمتميز بذاته ..

وانا سوف ابدي رأيي كوني أدرس في هذا المجال وسوف اطرح اراء من حولي ..

طبعاً الناس تتعدد آرائهم حول هذا الموضوع وذلك يرجع إلى طبيعة بيئتهم وتمسكهم الشديد بالحرص على الفتاة ..

ولكن الشريف شريف سواء امتهن تلك المهنة ام غيرها ..

ولكن انا ارى إن المجتمع الذي يرى ان تلك الفتاة الممرضه او الطبيبه انها سيئه كون طبيعة عملها تجبرها على الأحتكاك بالرجال بأنه مجتمع غير متفتح وغير قابل لتطور الفكر والثقافه ..

الى متى هذا الجهل ..؟!!

من حولنا وصل الى القمر ونحن بافكارنا البدائية لم نرتق ..

ولكن لا انكر بان المجتمع بدأ يتفهم ويتقبل هذا الموضوع بل على العكس بدأ ينظر اليها بنظرة تلك الفتاة المكافحه المثقفه والمتعلمه ..

ولاننسى بان نحن في عصر التطور لاندع تلك الأفكار تسيطر على عقولنا ..

والشاب في الوقت الحاضر يريد ام مثقفة لأبنائه وانسانة تكافح من اجل زوجها ..

لاسيما بان تلك المهنة شرفها الله ورسوله عليه الصلاة والسلام ..

واصبحت الممرضة تُنعَت بملاك الرحمة ..

فكم من طبيبة سعودية نقذت ارواح تكاد تُفقد ..

وكم من ممرضة سعودية تألقت في عملها ..

ولكن تبقى الكلمة الأولى والأخيرة لرأي الشاب في الفتاة نفسها لا في طبيعة عملها ..


وشووكــراًَ ..


مجرد وجهة نظر اتمنى تقبلها ..