قررت الانسحاب من البرنامج

[القداح]

المشاركة الأصلية كتبت بواسطة بينك بانثر

الله يرحم اول نتمنى ندخل الجامعه لا كن الحين تسهلت الامور علينا
صدق بالبداية مش كنا عارفين شي عن الانتساب و هذا السبب
الي جعلنا نرسب لان المفروض فيه تعليمات شامله عن الدراسة
الشي الي ما كنا نعرفه اهو درجة النجاح بالامتحان و الكتب
لاكن مع مساعدته الاعضاء بالمنتدى سهل امور كثيرة جزاهم الله خير

هلا فيك اختي ويازين ايام اول ليتها ترجع المشكله انا ما استفدنا من التطور الي حاصل

وفعلاً الاعضاء هناء جداً متعاونين وهذه النقطه الايجابيه الوحيده فقط

وشكراً

[القداح]

المشاركة الأصلية كتبت بواسطة dloo

..

روق يَ اخوي بس
مافي شيء بالحياه صعب يَ اخي !
مافي شيء يجي بالساهل
كل شيء يجي بَ تعب
انا ماقولك الجامعه ماغثتنا وطلعت روحنا !
بس وش نسويّ مالنا الا الشهاده !
لاتقول ماني محتاج الشهاده , قاعد تزين طريقك انت على اساس تبي تطلع من الجامعه
بالعكس خل عندك اصرار ومافي احد يوقف بطريقك !
والمشاكل الي بالجامعه على كثرها مثل ماقالت ترف لها حلول ان شاءالله
كمل معانا !
ومراح تحس بَ صعوبه ان شاءالله
كل اللي بالملتقى متعاونين لأبعد درجه ممكن تتخيلها !
عقبال ماتتخرج قل آمين
و اهجد مافي طلعه
بالتوفيق يارب

..

اهلين اختي انا لي اسبوع صدق ما ني مروق من هالجامعه رافعه ضعطي احس اني وهقت نفسي والله اني كنت مبسوط ومرتاح ياربي لك الحمد لين قدمت على هالجامعه احس واحد صاقعني عين مدري

ماني خايف من اختبارات ولا صعوبه بالعكس تراني شاطر مره صدق والله بس ما احب هالنظام في الجامعه صراحه نظام فاشل الله يعينكم عليه حنا داخلين في الاسبوع الثاني وما بعد صلح يارباااااااااااااه وين حنا عايشين فيه
يا اخوان انتم تقولن اصبر تحمل ما فيه شيئ يجي بالساهل الجامعه قاعده تستهتر فينا هي وخدماتها التعبانه ابي واحد بس يرد علينا يعني بالله شايفين انفسهم على ايش هذا مو تعليم هذا ولا بلاش اقول احس اني بديت انفعل صدق امسك اعصابك ياولد

نقطه مهمه هذى وجهة نظري

[الزير سالمـ]

ترا جايين ندرس بفلوسنا مال احد فضل علينا

يا حبني لك يا ابو سعود عز الله ما تتغير يا غالي
يا اخي احمد ربك اولا انك قادر تردس فلوسك
ثانيا يا غالي وش تسوي انت مجبور
و اذا منت مجبور لا تحطم غيرك لو سحمت يا الامير
محد دخل هنا الا له هدف
و المثل يقول اذا لك حاجه عند ... قله يا سيدي
اتمنى فهمت هلحكي يا غالي

[القداح]

المشاركة الأصلية كتبت بواسطة الزير سالمـ

يا حبني لك يا ابو سعود عز الله ما تتغير يا غالي
يا اخي احمد ربك اولا انك قادر تردس فلوسك
ثانيا يا غالي وش تسوي انت مجبور
و اذا منت مجبور لا تحطم غيرك لو سحمت يا الامير
محد دخل هنا الا له هدف
و المثل يقول اذا لك حاجه عند ... قله يا سيدي
اتمنى فهمت هلحكي يا غالي

حياك الله يالزير سالم

الله يعين بس انا ما احطم احد بالعكس اقولهم شدوا حيلكم والله معاكم

هذي وجهة نظري

بعدين انت مين اعترف لا تخليني اوسوس

[>> Ł3ўőőη Ďƒ2 <<]

مافي شي زيآده اقووله على كلآم االاعضااء الا اني اقولك اقضب اررضكـ واقعد معنآ

هو صح نظآمهم برفع الضغط ويجيب المرض وابصم لك بالعشره منت طالع من هنا الا والشيب معبي رآسك << خوووش والله وتبين الولد يقعد

بس صدز ترى يسآعدوون بالدرجات يعني وين تلقى جأمعه تعطيك 30 درجه هديه صح انت تحل وكذا بس هذي تعتبر هديه

والـ 70 الي عالورقه بمجهودك ولو ناقصك كم درجه يزيدك الدكتور اما اذا كان نذل زي وشسمه هذاك شي ثاني < ماتقصد آحد

هو عليك انك تصبببر وانت اي شي ماتفهمه ماعليك الا انت تسدحه هنآ وبتشوف الكل معك قلبا وقالبا وبيسآعدونكـ وبتحب الجآمعه من الاعضااء < محد مصبرني عليها الا هم

ونصيييييحه آخويه شد حيلك من البدايه خلك مركز ومنتبه وان شاء الله بتنجح بالفل مآرك

واتمنى بعد هالكلآآم تقعد < من زين كلآمتس الحيين

[ابو عبدالعزيز2]

السلام عليكم ورحمة الله وبركاتة

أخوي القداح ترى قصتك نفس قصتي سأسردها و بشكل نقاط :

1) قبل التسجيل في هذة الجامعة العريقة قمت و زميلي في المكتب بالسؤال عن بعض أنظمة الجامعات لنظام الأنتساب في حدود الموقع الجغرافي للمملكة و منها ( جامعة أم القرى ) لكن جامعة الأمام بالرياض و جامعة الملك عبدالعزيز أخذنا معلومات من زملاء أخرين في العمل . ووجدنا بأن جامعة المغفورله بأذن الله الملك فيصل هي الأنسب لسببين..
أولا": هي الجامعة الوحيدة مطبق لديها 30 درجه مشاركة وواجبات مضمونة في يدك . والباقي 70 درجة على أسئلة الأختبار.. والنجاح من 60درجة ..
ثانيا": جامعة الملك عبدالعزيز مراكز الأختبارات لديها في مناطق المملكة هي للسنة الأولى فقط وباقي أختبارات السنوات التي تليها تكون في المقر الرئيسي بجدة و هاكذا لبقية الجامعات ما عدا جامعة الملك فيصل فأن جميع مراكز الأختبارات للسنوات السابقة واللاحقة تكون في مناطق المملكة وهذه نقطة ثانية أيجابية تحسب للجامعة والدليل بعض المنتسبين في الجامعات الأخرى قامو بالتحويل والبعض الآخر يفكر و في الطريق للتحويل ..
2) قبل بداية الأختبارات لهذا الفصل السابق أصيب زميلي في المكتب والجامعة بأنزلاق في الفقرة الأخيرة من الظهر ولم يستطيع التقديم على الأختبار وأرفق تقرير في ملف وأرسلة للجامعة وينتظر قبول العذر ليؤدي الأختبارات في نهاية الترم الجاي وأنا واصلت وأختبرت والحمدلله نجحت في جميع المواد ولله الحمد و ذهبت للمستوى الثاني .. وحتى لو لم يصب زميلي وقرر الأنسحاب فهذا قرارة ولكن سأعمل على ثنية والعدول عن فكرة ترك الجامعة ولابد أن يكون الأنسان مصيرة في يدة وليس في يد الآخرين .. وحتى لو لديك دبلوم سنتين من معهد الأدارة و وصلت لدرجة الوظيفة التي ترغبها .. فشهادة البكالوريس لا تقارن بالدبلوم و ستكون حافزا" لأبنائك عندما يشاهدون قدوتهم في الحياة ( الأب أو الأم ) يدرسون بعد أنقطاع طويل عن الدراسة وينجح ويتخرج أن شاء الله بعد 4 سنوات ..
3) صدقني أنا وأنت ومعظم المنتسبين مستائين من جميع الأنظمة الألكترونية للجامعة و ما يفعلة بنا لدرجة ((و دك تشب فية وتطفية بنعال ))... وأنا أيضا" أقراء بعض المشاركات سواء في هذا الملتقى أو ملتقى المناقشة ((بتاع الدكاترة)) بالتوسل و الرجاء وأنواع الخنوع في سبيل النظر في تظلماتهم الكثير منها تجانب الصواب...
-------------------------------------------------------------------------------
ختاما" آمل تقبل مروري وطرح مالدي في هذا الموضوع والله الموفق لمايحب ويرضى... انتهىاااا

ابوعبدالعزيز2

[Ola]

تعوذ من ابليس واقعد ذاكر لمدة اسبوع ان شفت ان الوضع جاز لك فهذا شي طيب ..... اما اذا ماعجبك تقدر تنسحب بالوقت المحدد اللي بالتقويم الزمني وراح يرجعون لك 100% من الرسوم

وباين عليك انك منقهر لانهم ماردوا عليك عشان كذا بتنسحب

شف ماعليك منهم...... اذا عندك سؤال اسئله هنا وتلقى اصحاب الخبره يردون عليك

وثانيا بما انك قلت ماتحتاج لهذي الشهاده هذا يدل على معنيين اما انك عندك بكلوريا او انك موظف

اذا عندك بكلوريا كمل ماجستير واختصر الوقت اما اذا ماعندك ادرس حتى تاخذ هذي الشهادة وتكمل عليها من شهادات

وبعدين نظام الانتساب المطور مريح للموظفين بحيث انك مو مقيد بوقت ولا انت ملزم بالحضور بشكل يومي

استخر و شف وين مصلحتك فيه لانك انت ادرى مني ومن غيري بمصلحتك

[قناعتي تكفيني]

مراحبـ ,,,
مانحس بـ طعم النجــــــاح الا اذا تعبنــا..
وشعور جميل اذا ينادونك بخريج جامعه والاجمل من هذا
كله انك تخرجت بتعبك ومجهودك..
وبـ مساندت احبابك واصدقاءك,,

ي الـــــــــــلـــــــــــــه التوفيق

[najw1n]

صباح الخير
يالقداح انت زعلان من اللي تترجى الدكتور عشان يرد على استفسارها وتنتقد نظام الجامعة وانك ما تحتاج الشهادة وانت تسوي نفس الشي جميع الاعضاء ولا هان احدهم كلهم يترجونك تواصل وتستمر ومع هذا انت مقرر انك تتراجع يا خوي هذا مستقبلك وما اظنك تحتاج نصيحة فيه وبأقولك شي عن المستقبل
انا كنت موظفة لمدة 8 سنوات قمت بجميع الاعمال احيانا وماقصرت في عملي وهذا مو مدح لكن في كل مرة كنت اواجة مشاكل مع زميلاتي بسبب الشهادة لاني ثانوي وهم بكالوريوس
والفرق بينا انهم ما يبون يجتهدون في العمل ولا همهم الا متى بينزل الراتب وما عندهم أي اهتمام في العمل وأعاني منهم الأمرين حتى انهم شاركوا في شكوى كيديه عشان يفصلوني من العمل وخاصة لما رشحوني قائمة بأعمال مديرة وبما ان شهادتي أقل منهم كنت اجهد نفسي حتى في الاجازات والعطل الأسبوعية عشان احصل على اداء وظيفي ممتاز والحمد لله حصلت على هالاداء لكن القهر ان ادارتي شكرتني بإلغاء عقد عملي ومفاجأتي بهالقرار الواسطة لها دور ولما استفسرت قالوا ان شهادتي العذر هي السبب عشان كذا كل واحد منا لا زم يشوف مستقبله لا صديق ولا اخ بينفع احد الشهادة ثم الشهادة ثم الشهادة

[هبوب نجد]

المهم الرغبه وانت اسمح لي اقول لك واضح انه ماعندك رغبه في الدراسه
مجرد انك سجلت عشان صديقك

الله يكتب لك اللي فيه خير لك يارب