تكلمي بصراحه هل تفعلينها لو طلبها منك في ليلة الدخله

[P e a c e]

ما أتوقع الزوجة في العادة عندها مانع تخرب رومنسية ليلة الدخلة, خاصة إذا كان المقابل 100 ألف, غير أن ليلة الدخلة مو مثل الأول, الأول كان لها طعم ثاني, هالأيام ليلة الدخلة ما فيها شي مميز غير التعب والإنهاك, والزوجة يبي لها ثلاث ساعات بس علشان تشيل الشباصات, وهي أصلا ما تطلع من الصالة إلا قريب صلاة الفجر

بس مو الرهان حرام؟

[Heart story]

المشاركة الأصلية كتبت بواسطة SaD HeArT

مرحبــا ..


ليلة الدخلـه تعتبر من أصعب الـليالي في حياة أي زوجيـن , لأن من الممكن أن تحدد أمور كثيره ,

صحيح الحياه طويلة , و لكن ياما أزواج كانت ليلة دخلتهم هي الأولى و الأخيرة في حياتهم الزوجية !!


بـــصراحه ..

في مثل هـالليلة المفروض يراعي شعور عروسته , و قلقهـا , و خوفهـا , و توتـّرهـا ,

و يحاول يخفّـف عليها , و يسمّعها كلام يهدي بالهـا , و يحسّسها بــ الراحه ,

أغلب العرايس في هالموقف لا تفارقهن الرجفه , و لا الإرتباك , و لا الصمت ,

و من الواجب على الرجل أن يتفهـّم كل ذلك , و يسأل من يثق به من أهله حول كيفية التعامل المناسب في هالموقف ,

مو يروح يراهن , و يمارس " طاووسيته " على بنت غلبانه مشكلتها إنها إبتلشت لها في واحد تفكيره " على قدّه " !!



عمومـا ..

مدري شنو الغايه اللي كان يبحث عنهـا هذا " المراهن المهايطجي " !!

هل قمة الرجولـه أن " يتفشخر " أمام أصحابه أن عروسته طبخت له عشاء في ليلة دخلتهـا ؟!!

طيب ..

ما حطّ في باله أن العروس في حالة نفسيه صعبة , و تعيش تحت ضغط في الفترة اللي تسبق العرس !!

ما فكّر إن البنت اللي راح تعيش معاه ممكن من الإرتباك و هي تجهّز العشاء تجرح نفسها بدون قصد !!

ما حسب حساب أي أمر سيء ممكن يصير للبنت اللي حطـّوها أهلهـا أمانه عنده !!


لــ نفرض جدلا إن الزوجه ما نجحت في " الرهـان " , و فشلت و فشـّلت زوجها " المهايطجي " ..

من ناحيه .. راح يمسكها عليها طول عمرهـا , لأنها ما " رفعت راسه " أمام أصحابه ,

و من ناحية ثانيه .. أصحابه راح " يعايرونه " , و يتمسخرون عليه بــ أي شكل من الأشكال !!

أعتبر موقف الزوج موقف أناني جدا , و يدل على " سطحيه " كبيره في التفكير !!

و من " التفاهـه " أن يبدأ الإنسان حياة جديده بـ هذا الشكل السامج .



ــــــــــــــــــــــــــــــــــــــــ



لم ينجح احد


تسلم ع الموضوع ,

و معلش ع المداخله .










http://www.ckfu.org/vb/images/icons/ei28.gif

اخوي القلب الحزين

معاك في ردك ونادرا ماتلاقي رجال يفكر نفس تفكيرك يعني من ناحية مشاعرها او كيف يكسب قلبها ويثبت بعقلها انه انسان يستاهلها وشاريها وانه ممكن يستوي المستحيل عشان يسعدها
المراه بطبيعتها عاطفيه وتحب تسمع كلام حلو يحسسها بان لها مكانه في قلب من تحب
لكن اغلب الرجال هداهن الله لا يفكرون الا في انفسهم في راحتهم وفي فرض شخصيته عليها مهما كلفه المهم انه مايبن ضعفه قدامها وهو موعارف ان هذه المراه ستره وغطاه وحافضة اسراره هي من تستطيع ان تقف بجانبه وتمسح عنه هموم وتعب الايام
الرجل لا يعلم ان المرأه اذا احبت شخص وفت واخلصت وضحت من اجل رضاه فلماذا هو لا يبادلها نفس المشاعر ويقسو عليها
اذا افرطت في حبها له ومشاعرها واهتمامها به وخوفها عليه اتهمها بضعف الشخصيه او بالعاميه (ماهي ثقيله) يبادلها هو بالامبالاه وقلة الاهتمام والتهاون بمشاعرها الا ان يموت الحب الذي تكنه له شيئا فشيئا ....

اخي القلب الحزين
الموقف صعب جدا عندما تكتشف الزوجه ليلة زفافها ان من امامها انساني اناني ؟
في هذه الحاله المرأه ماذا تفعل في موقف كهذا هل تقابل موقفه بعناد وصراخ وتخرب ليلتها عشان انانيته؟
المراه الذكيه هي من تحسن التفكير في مثل هذه الامور ولا تجعل العاطفه تؤثر عليها مهما كانت تتألم صح !!
بس تحاول تكسب رضى ربها قبل كل شي ثم كسب قلبه
لو كان بينت حزنها كان بيتهمها بانه اراد اختبارها ولكنها للاسف لم تنجح في الاختبار وليست الزوجه المناسبه لكي تقاسمه امور الحياه واخذ عنها فكره طول العمر بانه امرأه غير صالحه

اسفه للاطاله

[لوجي الشرقية]

احم احم اسمعوووا
هو سحيف تتعب زوجتك عشان تتفرعن قدام خوياك ايش هذا
بس انا بمكانها عادي وبكل صدر رحب بطبخ لو اني اعرف اطبخ ولا عادي اتصل ع مامي اسالها
خلاص هو الحين ولي امري مابية يتفشل قدام خويااة والامر صار مثلالا رفضت واش استفدت
بيزعل وتصير بداية مشاكل ولو ان الحق معي ..... وبعدين ان دل دل ع انة حاتمي حتئ بليلة زواجة يقلط ,,, بس لما اكتشف بعدها انو هدفة يتفرعن قدام خوياة وانوة مش كرم ,,,, اورية العين الحمرآآآآ ,,,,, وفلوسه يحطهاا ع قلبة ...وماراح اطلب الطلالاق عسئئ ماشرر وبعدين احسسن عشان ابعد عني احراج اول يوم ,,,,,, بعدين لحظة هي الغبية تبي تكسر خاطرة مثلالا نزلي الفستان ,,,,, عشاان تريحين ’’’’’’

[DewDrop]

صدق هالرجااااااااااال ما عندهم أحساس

ولوووو انا مكانها لسوي أحسن عشاء .. على عيني ورأسي
يفرحتي يوم يطلع زوجي قريب لحاتم الطائي


بس لا أحد يلومني على اللي باسويه بعدين لما أكتشف انه المسأله رهان

وقتها خله ينام عند أمه ثلاث شهور

[Amani Alsinan]

السالفه قديمه حبتين

بس والله لو طلبها مني بسويها يامر امر حبيب البي

بس هاه .. شهر كامل ينام بصاله

[Amani Alsinan]

المشاركة الأصلية كتبت بواسطة رضوان

والزوجة يبي لها ثلاث ساعات بس علشان تشيل الشباصات,

[تشتيتي مركز]

احس اني ابفزع له وميخالف .. بس عليه غسل المواعين ..

.........

[¬»ģє6άř●●]

مآفيه إششكال ..عادي وتجنب انو تصير مشاكل اول يوم الحيآه سهله من دون تعقيدات ..
وأحسسه عادي يعني ..

[βỈťнΌ]

عني أنا أوكي أسوي له ويبشر ماطلب شي
بس لو جاب الفلووس أقووله خذهآ مااسويت لك عشان الفلووس ولا عشان الرهان
أنآ سويته عشانك أنت عشآني أقدرك بس
أصلآهييك أحس الرجال بيقدر زوجته ويحترمهآآآ
يسلمووو على الموضووع

[هدوء البنفسج]

حقيقة كم مرة قريت هالقصة
طبعا كل مرة اقرأ اختلافات في الردود من معارض لمؤيد

المهم نرجع لصلب الموضوع
في الحقيقة انا من اول ماقريت هالموضوع لما كان عمري 17 مدري اصغر
وجا على بالي اني اطبخ له بس بعدين كيف بتكون مشاعري مدري
بروح اشيل الشباصات اللي في شعري على قولتكم وعلى ماابدل واسبح وانام يمكن
عشان تخفف علي الازمة وبعدها مب مكلمته لبعد كم يوم
وبعدين باخذ 100الف اللي عطاني اياهم وبلوحها في وجهه وبقوله هذا رهان صديقاتي
اني اقدر ما اكلمك لمدة كم يوم << تعادل 1-1

لكن الحين لما صار عمري 19
رجع لي نفس الاحساس اني بطبخ بس بصيح وبظل شهر كامل وانا بصيح << مشكلتي حدي حساسة
طبعا مرح اخلي يمشي الموضوع كذا وبجلس طول هالشهر اللي اكب فيه دموعي
كيف ارد له نفس الموقف او طريقة تخليني اتناساه وجا على بالي شي ثاااااااني

حقيقة الموقف بدون فلوس او مراهنة بفلوس تكون اهون
لكن بما انها بفلوس هنا المشكلة
الثقة والحب والمششاعر ماتشتريهم او تكتسبهم بفلووس

وحتى لو الامرأة تصرفت وطبخت وبعدها عدلت الموضوع
اتوقع بيكون جرح فيه قلبها حتى لو الرجال فرح انه كسب الرهان وكبرت الزوجة بعينه
وحاول يرضيها
المرأة بتظل تتحسس من هالموقف
<< ترى كرهت الرجال اللي سوى هالموقف

مشكور اخوي
ربنا يوفقك في دنياك واخرتك
تحيتي