[ قسم التاريخ ] : تكفووون الفزززعه ي بنات التاريخخ تكلمو عن تخصصكم

[FatOmah_g]

ما عندي شي اضيفه على مما سبقوني به ..
ولكن !!
قبل دراستي لتخصص كنت احسبة كله معارك وتواريخ ... << وما احبه ولا ابي ادشة

اكتشفت العكس تماما .. قسم ممتع جدا .. مادرست الا سنه وحده للحين فيه ..
ولكن كل اللي درسوني اخلاقهم رائعه جدا وتعامل من الممتاز الى الجيد عشان نكون واضحين ..

يعطون لطلبة فرص ومجالات كثيره عشان تجمع منها الدرجات .. يوصلون المعلومه بشكل رائع .. كنت ابي احول منه .. لكن الحين متمسكه فية وبقوه .. فهمت فيه اشياء كثير وزادت حصيلة معلوماتي ..

وبالاختبارات ..

ما واجهت من المشاكل الا ما ندر .. يمكن تعود لطريقة المؤلف في السرد ..
ولكن بوجة عام :
مذاكرته جدا سهله وتتخزن بالمخ لو قريتيه مره .. فما بالك لو ركزتي فيه !!

هذا غير انه يرتبط بأشياء ومعلومات كانت عندك .. يعجبني ربط بعض الدكتورات مناهجنا بالمسلسلات التاريخيه والافلام الوثائقية .. ممتع هالشي كثيرا .. ويخليك تفهمين 100 %

بس أولا واخيرا : استخيري وشوفي ميولكك .. الميول له دور .. لو كرهتيه مستحيل تبدعين فية ..
اي شي تحبينه راح يكون له النصيب الاكبر من اهتمامك ..

وقبل لا اختم .. الشهادة لله ان بنات القسم جدا متعاونين .. وما خطت ايدينا في هذا المنتدى دليل ع ذلكك ..
أوجه لهم من هذا المنبر كل الشكر والتقدير والاحترام ..
<< محد تحمسسس
ولكن هذا الصدق

تحيتي :

[ديم2008]

بالنسبه لي اشوف انه من اسهل الاقسام للي تحب تقرا وتزود ثقافتها يعني لاجيتي تذاكرين كنك تقرين قصه
على عكس الجغرافيا خرائط ورسم وحاسب وتدرين عن التضاريس وهالحوسه هالاشياء ماراح تفيدك بالحياه العمليه الواقعيه
اذا سافرتي مكان هل بتصممين خريطه مثلا عنها ولا بتشوفي نوع التربه
بلعكس ودك تشوفي الاشياء الحضاريه والتاريخيه للبلد
وراح تكوني على معرفه اكثر بشعبهم وحضاراتهم


بالنسبه لوحده مو حابه اذكر اسمها اللي تذم قسم التاريخ وموعاجبها شي
ايش حادك تدرسين التاريخ اذا موعاجبك اطلعي وانطقي يالبيت وخلي المجال لغيرك اللي راح يبدعون اكثر وبحاجه لشهاده



بالنسبه لدكاتره والدكتورات
انتي شدي حيلك وقدمي البحوث والواجبات باوقاتها وذاكري زين بالاختبار الشهري وشاركي مع الدكاتره وفالك النجاح
اغلبهم متعاونين الدكاتره وينجحون الا مارحم ربي مثل كاريمان ابراهيم

[أميره بذوقي]

كل قسم فيه إيجابيات وسلبيات ..

بالعكس قسم التاريخ حلووو وممتع فيه الصعب وفيه السهل ..

والدكاتره فيه متعاونين مع الطالبه " بالنسبه لي " ..

الافئه قليله تحسين مالها خلق لشي وذولا ينعدون ع الاصابع ..

أتمنى ربي يوفقتس وييسرلتس الخير ..

ودي

[نجلآء]

المشاركة الأصلية كتبت بواسطة شمعة القحطاني

التاريخ يلوع الكبد والمدرسين استغفر الله محد يساعد عن الدكاترة فهم يقرون من الكتاب ما يتعبون نفسهم ابدن مثل استاذي القدير محمد الشحري اتوقع كذا اسمة حسن الخضيري نفس السالفة وبعد عبدالله صالح اصلا مافي دكتور ما يقرا من الكتاب ونهاية السنة الكتاب كلة معاكم يعني حرام لا يشرح ولا شي بس يقرا واحنا نحفظ هذا الدكاترة
نجي لحبايب البي الدكتورات :58545:
الكل يمدح اريج والله عكس الي يقولون البنات من جد اتكلم مغرورة وشايفة نفسها والشرح غير الكتاب مختصر وبقوة وما تساعد المحاضرة كلها سوالف واذ هي تدرس المادة مع احد ثاني تقول شغلا ثانية
ومنيرة الهمشيري استغفر الله شخصيتها غريبة شوي تضحك بعدين تغلب 180 درجة في نص المحاضرة تصارخ وتعصب تخليك توترين غصب عنك
بعد مين يدرس


اية نسيت سامية عامر وملخصتها الي ما تخلص فاضين لها في نص الاسبوع تقول ملخصات واجبات ملها داعي
وتشرح بي لهجتها يعني باالمصري وتفرق بين البنات حسبي الله عليها م
قسم بالله اي كنت مذاكرة المادة 3 ايام وتجي تسال بنت وتسالني احسها مااعطني فرصة كل ما اقول حرف تقول انتي مش مزكرة صفر حسبي الله عليها
بعد مين هذولا المميزين يعني
والبنات ما يسعدون ابدن اللهم ما ندر
والقسم يلوع الجبد ناس ماتوا وشبعوا موت نجي الحين نحش فيهم وش سووا ما سوو اقول الجغرافيا ارحم لنو واقعي اكثر وقدام عينك شغلات تشوفينها كل يوم طبيعة ما طبيعة
اية اكثر البنات معدلتهم نازلة يعني قسم فاشل ما ندري متي بنطور
وما اوصي المشرفات كل ماجيت افضفض حذفوا مشركتي
وبتوفيق يااختي ان شاء الله بعيدن عن التاريخ

ههههههههههههههههههههههههههههههه ضحكتينيييي والله انك صادقه حسبي الله عليهم

[M.JO]

والله مدري ايش اقوول .. تاااريخ آآآآآآه والله لما دريت اني دخلته شووي واصييح

لان كان رغبتي مكتبات .. بسس قلت خيييره وقدر لازم تتقبلين الامر

والله انه احسسن من جغرافيا بملييون مررة مدري احس كذا لان بالثانوي وكل المراحل كنت ماأبلع حصة الجفرافيا عكس التاريخ مممممممتع

بصرراحه اكتشفت انه تخصص حلووو وممتع من القصص والاحدااث وتصيرين فيلسوفة بعدد يعني تعرفيين اشياء وااجد واحداث مسستحيل لو تسألين احد يجاوبك >> اهم شي

خاصة انا من عشااااااق الافلام الاجنبية التاريخية واستفدت منها وااجد >> ماتقصر MBC2

مثلا : فيلم الاسكندر رووووعه .. هنري الثامن .. مسلسل حريم السلطان ( السلطان سليمان والدولة العثمانية )
كثييير وربي

وكثير مصطلحات بالافلام التاريخية صرت اعرفها مو مثل أول والله .. الزبده تخصص روعه من بعد انقلش ومكتبات وعلم اجتماع .. وكل تخصص له صعووووبته صح ممتع بس فييه اشياء لازم تشديين حيلك خلاص الى متى يعني جامعيات انتم لاتنسوون

ومن ناحية الدكاترة والدكتورات الى اللحين الامور طيبة هم عملوا اللي عليهم وانتي الباقي

عندي نصيحتين 1) لاتأخذين مواد فووق طاقتك حاولت مره وفشلت وبوحده من المواد لانه بصراحه ضغط على نفسك 2) حااااولي لا خلصتوا درس او درسين بالكثير ثلاثة ترجعيين لهم وتذااااكرينهم لان هذا الشي بصالحك
3) إي وااجب بحث ورقة عمل إي شي حاولي تسلمينه بوقتة وبيكون بصالحك بعددد

وبس واللي يقوول جفرافيا له مستقبل وتاريخ لا .. ككلنا سوووا ماعندكم شي زوود

والله يوووووفقكم ويين مارحتوووووا



وتحيياتي لبنات قسمي العزيزات

[Ďσα'α♔]

لا الجغرافيا بعد ماصار فيه نظم معلومات صار له مستقبل

وع فكره ترى اللي لهآ نصيب تشتغل بتشتغل

[احسساس]

الله يوفقكم ي بنات

[نوف التميمي]

انا اشوف علم الاجتماع معقد
تاريخ انا اخر سنه فيه والله ممتع بس بشرط تكونين جاده وتحبين التاريخ اذا شديتي على نفسك مرره تمشين فيه
مواده ممتعه والله
ع العموم كل الاقسام فاشله بس هذا اهونهم بالنسبه لي

[نوف التميمي]

والبنات الي يقولون انا دكاترتنا بس يقرون من الكتاب
طيب اذا هو قصه وش يشرحون فيها؟
انتي لاذاكرتي فيها برضوا بتقرينها
واحنا وصلنا مرحله نعرف كيف نوصل المعلومه لنفسنا بس للامانه الي فيها صعوبه يلخصونها ويختصرونها زي مملكه
الللهم كم ماده بتواجهك فيها صعوبه بس تمشين فيها لاشديتي شوي
رايي الشخصي