تنبيه تنبيه تنبيه من دكتور الصحه واللياقه اليوم

[صِـمِـتُ]

طيب اطبع ملخص طموح شايب
ولا
ملخص الدكتور

[ana ~♪]

تولين .. والله هذا القرار يرجع لك


عني انا .. طبعت ملزمة الدكتور ...

ما ادري عن ملخص شايب يمكن يكون تمام....
بس انا طبعت وخلصت ماابي انغث واطبع مره ثانيه كفايه الملازم اللي عندي متراكمه .. تقول دكتوراه وماجستير .. مو انتساب ومستوى اول بعد !!!!!

[ســــلآف]

ووووووووووووربي صدعت ودي أصيح
الحين وش أذاكر وش أذاكر " ابو موزه ولا ملزمة الدكتور ؟؟

*
*
ولا وش رأيكم ما أذاكرها بالمره وحمل الماده
حتى واشوووف وش مصيركم " أبو موزه ولا ملزمة الدكتور ؟؟

[totah talal]

طيب بسألكم هتان نزل الملزمه الجديده حقت الدكتور يعني اقصد .؟

[ام لجين 2009]

والله احترنا بوموزه والا الدكتور
عني ماشفت المحاضره بس اقتنعت بكلام فارس
ونفس الوقت محتاره
سبب لنا قلق هالدكتور

[Ana sasaa]

انا عن نفسسسسسسسسي حذآككر ملزمةة ابوموزه وبسسسسسسس بتوكل ع ربي

ايوا بس ابا انجحح انا داخللهه تخصص انجلشش مو صحه ولياقه هبببببببببل قال محتوى وملزمه ولا باقي

يقول ذاكرو المحاضره المباششره واحففظو كل وحده ايش اسمها وايش سسسوالها اووووووووف بسسسس

الله يوفقنا ويسهلنا ويفتح علييينا

[Ana sasaa]

المشاركة الأصلية كتبت بواسطة فارس الرومانسيه

أنتي شفتي ملزمة (( أبو موزة ))؟؟؟

هل قارنتي بين ملزمة (( الدكتور )) وملزمة (( أبو موزة ))؟؟؟

هل شفتي الرد التابع لي هذا:





أخيراً أقولها وأكررها:

ترى شفت ملزمة الدكتور وأبو موزة

الدكتور مايعرف يرتب ملزمة

حكي متلاصق مع بعض

أبو موزة مرتبها بالالوان ومنسقها عدل

وبالاضافة على ذلك أثناء المذاكرة

نشوف ملزمة الدكتور وش الاشياء المطلوبة

نحددها بالقلم الرصاص في ملزمة أبو موزة

والاشياء الغير موجودة نضيفها بالقلم في ملزمة أبو موزة

برغم لاحظت المعلومات الكاملة في أبو موزة

والدكتور حاذف أشياء من بعض النقاط

اللي حاذفها الدكتور مانحددها بالقلم في ملزمة أبو موزة

وعلشان هيك نمشي بالمذاكرة بحاجه مرتبه ومنسقه

وتبغي الصراحه أكثر وأكثر


(( أنا طبعت ملزمة أبو موزة ))

وفتحت الملزمة حق أبو موزة

وفي نفس الوقت جلست على لاب توب حقي

وقمت أقارن المعلومات مابين أبو موزة والدكتور

وحصلت المعلومات الكاملة في أبو موزة

والاشياء المحذوفه من ملزمة الدكتور

معناتها نستنتج >>> الدكتور أختار متطلبات

هذه المتطلبات اللي هي بالاساس

(( الاشياء اللي معانا وطلبها الدكتور ))

نعمل لها تحديد بالقلم في ملزمة أبو موزة

ونترك النقاط أو الاشياء الغير مطلوبه من الدكتور

يعني نختار ملزمة أبو موزة مع تحديد الاشياء

اللي طلبها منا الدكتور.


وعلى فكرة ترى شفت ملزمة الدكتور القديمة

اللي نزلها في البلاك بورد

وشفت الملزمة الجديدة اللي نزلها في البلاك بورد

يعني شايف كل شي وعارف

علشان هيك وضحناها لكم وأنتم أحرار

عن نفسي بعتمد على أبو موزة

مع تحديد بالقلم الرصاص لمتطلبات

الدكتور لانه كل متطلباته موجودة في

ملزمة أبو موزة حتى الشرح والمحتوى والملزمة

دمجهم في كتاب واحد

وحقيقة ملزمة أبو موزة قديمه الا انها روعه

واللي سبقونا جربوها ومشوا فيها

ويوم ركزت عليها بالمقارنه بين الملازم ومع الدكتور التابعه له

حصلتها فعلاً كامله ومرتبه الا وهي أبو موزة.


قولي حق الدكتور يقولك فارس:

فارس وماأدراك مافارس


كل المعلومات هي نفس المعلومات لانها نفس المادة

اللهم قلنها لكم من زمان

هناك إختلاف بالترتيب والتنسيق فقط

لانه تتواجد ملازم بــ أنواعها وهي كالتالي:

1- ملزمة كاملة >>> (( أبو موزة ))

2- ملزمة مختصرة >>> أ- (( المعتقل )) + ب- (( الدكتور ))

3- ملزمة ناقصة >>> (( طموح شايب ))



ملاحظة هامة :

ملزمة (( أم سعاد ))

هي نفسها ماخذتها من ملزمة (( الدكتور )) بالضبط

فالأفضل تحميلها من البلاك بورد علشان تكون ضمان للدرجات على الاقل

لانه كل شي يبين عندهم في النظام

مين اللي حمل ومين اللي ماحمل

وهذا احدى مواضيعي تم طرحها في السابق:


########################

مرحبا

يسعد الله أوقاتكم جميعاً


طبعاً لاحظت الاغلبيه ضايعيين

من أي ملزمة نذاكر فيها

هل حق (( أبو موزة )) أو حق (( المعتقل ))؟؟؟

وظهرت في الاوان الاخيرة عدة ملازم جميلة

الا وهي

ملزمة (( أم سعاد )) و ملزمة (( طموح شايب ))


اليوم تفرغت وأكتشفت أشياء كثيرة

وتمت المقارنة بين كل هالملازم

والنتيجة كانت كالتالي:

المركز الأول (( أبو موزة )) يوجد بها جميع المعلومات بدون استثناء

المركز الثاني (( المعتقل )) حذف التعاريف حق النقاط يعني حق عشاق الاختصارات

المركز الاخير (( طموح شايب )) حاذف أشياء كثيرة وبعضها نقاط مهمه ومحذوفه في ملزمة

وهل تبغوا بنت عمتها والا الصراحه؟؟؟

بنت عمتها تقول >>> اللي يفكر بالنجاح بدون التفكير بالتقدير فاليستخدمها

الصراحه تقول >>> ملزمة طموح شايب ماأنصحكم تطبعونها


يافارس ايش اللي نطبع طيب؟؟؟

تطبعوا على حسب رغباتكم بين (( أبو موزة )) و (( المعتقل )) فقط لا غير

كيف يافارس ممكن توضيح أكثر؟؟؟

اللي خايف على درجاته ويطمح للتقدير الممتاز يختار بدون تردد

ملزمة (( أبو موزة )) ويريح باله لانها كامله وشفتها وكل شي فيها

والكمال لله سبحانه وتعالى

أما بخصوص ملزمة (( المعتقل )) من يعشق الاختصارات بدون تفاصيلها

فاليستخدمها وليبدأ بها بدون خوف وبدون قلق أن كان تفكيره الحصول

على المختصر المفيد.


وهنا بالصور نرى مع بعض الفرق بين الملازم المذكورة وحالة النقص

في ملزمة (( طموح شايب )) والتي أعتبرها ملزمة خطيرة بحالة نقصانها


==============================

هنا ملزمة (( أبو موزة )):



نلاحظ في الصورة (( مكونات الصحة )) فيها النقاط مع تعريف لكل نقطة بالتفصيل

==============================

هنا ملزمة (( المعتقل )):



نلاحظ في الصورة (( مكونات الصحة )) فيها النقاط فقط ، بدون تعريف لكل نقطة

==============================

هنا ملزمة (( طموح شايب )):



نلاحظ في الصورة >>> لاتوجد (( مكونات الصحة )) خير شر ، وهل يعقل هذا؟؟؟

==============================

نستنتج من هذا الكلام:

نستخدم ملزمة (( أبو موزة )) حق اللي يحبوا التفاصيل والتقدير الممتاز

نستخدم ملزمة (( المعتقل )) حق اللي يحبوا الاختصارات وزبدة الحكي وأهم شي النجاح



ملاحظة هامة:

ملزمة أم سعاد ماشفتها

ولكن الكلام المطروح في هالموضوع يكفي

لإثباتها مع الصور لا نجد غير (( أبو موزة والمعتقل ))

واللي راح يستخدم غيرهم أتوقع بيروح فيها

الشرح واضح وضوح الشمس والشرح مع الصور مافي أحلى منها

ويفضل أن نبدأ بها بالمذاكرة لـ ملزمة (( أبو موزة )) أو ملزمة (( المعتقل ))

والانتظار لملزمة (( هتان اللي يخلي القلب مليان ))

لانه متابع جيد ومنسق مبدع وصاحب قلم مبهر بالكتابات

فـــلا يوجد أي مشاكل حينما نبدأ في ملزمة (( أبو موزة )) أو (( المعتقل ))

حينما ينتهي منها (( ملزمة هتان )) نضيف على ملزمة (( أبو موزة ))

الاشياء الغير موجودة في ملزمة (( أبو موزة )) وماأتوقع يحتاج لها إضافة

لانه ملزمة (( أبو موزة )) كامله والكمال لله سبحانه وتعالى



نشكر كل من عمل ملزمة تابعه لهذه المادة

ونحترم جهودهم المبذولة

ويجب على (( طلاب / طالبات )) كلية الاداب-مستوى أول

أخذ الحذر من الملازم المطروحه فلا يجب الاعتماد على ملزمة

لم يسبق لها من أحدى الطلاب أو الطالبات بمشاهدتها ومعرفة

الفرق بين تلك الملازم لكي نكون في بر الامان وننطلق بكل ثقه


(( الوقت حرج ولايتحمل المجاملات ))


دعواتكم لي بالتوفيق والنجاح الدائم في الدنيا والاخره


مع تحياتي لكم
أخوكم / فارس

########################

ي شيييييخ الله يريييح قلبكك وقسسسسسسسم كل الكلام اللي ف قلبي انكتتب

وانا عن نفسسي حذذآكر ابو موززه ابو موزه ابو موزه وبسسسسسس

[رنيم الشهري]

وش نذاكر هالحين

انا مو فاهمه شئ
نذاكر لبو موزه وين اشوف ملزمة الدكتور
اقلقنا هالدكتور

[ana ~♪]

قلت لكم ملزمة الدكتور اللي بالبلاك بورد

انتوا مو مقتنعين بالكلام اللي اقولكم اياه ... انصحكم ومافي فايده

يعني ايش تبون اكثر من الدكتور بنفسه يقولكم وش تذاكروا

خلاااااااص ملزمته وبس للي يبي ينجح


انا بعد كذا ماني بناصحه احد بخصوص الملزمه ... وكلن براحته ....
لاني وضحت لكم وش قالي الدكتور وقلت افيدكم
لكن انتوا مصريين على ابو موزه مع ان ملزمته قديمه ولاغيه !!!


عموما .. موفقين

[Dreams.!]

اما تذكرون من الملزمه 300 صفحه سلامات !!
الترم الاول اعتمدت على ملخص ابو موزه +اسئلةالاعوام السابقه والحمدلله الاختبار حلو
الله يعينكم على هالماده تجيب المرض !!