النقود والبنوك الله ياهي ثقيلة دم

[عزيز مجد]

أشوفكم تتحصروون من هالمادة

وانا باقي مافتحتهاا ياويلنااا منها على كلام الشباب الله يستر

[Munaa]

المشاركة الأصلية كتبت بواسطة زارع الورد

أنا أشهد إنك صادز ياحذيفه
أغلب الي يدهرون وينزلون كويزات وشرح للمناهج بنات .... فيه شباب لهم بصمات حلوه بس نادرين ...

بس ماينلاموون الشباب
الا البنت وش عنها
منعفطه بالبيت وتذاكر وتدفر وهي لا موظفه ولا عندها شغل ولا مشغله ... وبنات هالوقت حتى بالطبخ من جنبها ..
بس الشاب تلقاه موظف وسيارته محقوطه في الورشه وبعضهم عنده زوجه زانطته وعيال ..
كل هذا وتبي الشاب ينزل ملخصات ... كثر الله خيره الي كلف على نفسه وسجل بالجامعه

ايوووووا وبعدين ماكنكم طبيتو فيني ولا الامور طيبه ياازارع الورد انا بخليك تحصد الحين <محد مصحصح داخل يحارش



بعدين مين قالك كل البنات متعفطااات بالبيت هههههه مدري وش حسستني الكلمة فيه

ترا حتى إحنا يالبنات عندنا بيوت ودوامات وبزارين ورجال مثلك يجون يتشكون من الدوام والزحمه عشان مايودي ولا يجيب أحس قلب الموضوع اسري





بس عن نفسي ماعندي الا الدجه ههههههه ماغير اكل ومرعى وقل دفره

بس مايمنع أنكم تدعولي اصير دافوره



المهممممم استعدوووو لآخر اختبار والله يسهلها علينا < كيفني وانا أسوي متحمسه للمذاكرة



التووووفيق للجميع

[دمعة رحيـل]

متضامنة معاكم في هذه المادة
<< من المستوى السادس



ايه والله تراكم تخرعون وعشان ازيد خرعتكم ترى هالمادة حوسة ولخبطة..

الثلاثاء اللي راح كان عندي اختبار إدارة المعرفة لا عادها الله من مادة.. وبنفس اليوم بدال ما أذاكر هالمادة قعدت أذاكر النقود والبنوك
والسبت عندي مادة التوريد وباقي أهوجس بالنقود :(
بدليل اني جايتكم هنا أشوف وش وضعكم



امممم.. اليوم جمعة.. اللي يقدر يروح جرير يجيب الكتاب يطقطق عليه يكون أحسن.. يعني يمدي ان شاء الله من اليوم لين الاثنين تكونون فاهمين المادة..
الكتاب يساعد والدكتور أشوف ان شرحه كويّس.. بس افهموا أكثر من الحفظ..

موفقين..

[تسآهيل]

وصلت للمحاضره الرابعه

والوضع مزري جدا

بالعربي ماده تلحس المخ ويبي لها فهم يعني واحد يشرح لك اما بتقعد تقرأ من راسك بتبطي عظم انك تفهم

مااقول الا الله يجيب العواقب سليمه بس

[ابو عزام]

اقراو كل شي .............ماهو لازم حفظ

الاسئله خيارات

كثرة القراءه مع شوية تركيز تنفعنا

والله لايخيب لنا رجاء

[زارع الورد]

ياجماعة الخير
المادة ذي ذاكرتها قبل ثلاث أسابيع تقريبا وخلصت المنهج في ذيك الأيام وأحس نفسي أحسن واحد في العالم

وبدت الاختبارات قبل أسبوعين ..
والمواد الي اختبرتها طيرت كل معلومات النقود والبنوك

وآلحين أذاكر النقود والبنوك وأحس أني اول مره أقرا هالمنهج ( وياقلبي لا تحزن )

كنت مسوي نفسي دافور على غفله اني بااذاكر من بدري
بس إضاهر المذاكره قبل الاختبار هي أحسن طريقة للي مخه يتفتف مثلي

يعني طريقة أنك تسبق لمذاكرة المادة بفترة طويلة
وبنفس الوقت تكون هالمادة هي آخر مادة عندك بجدول الإختبارات
هالطريقة ماتصلح للناس الي مايصحصحون الا قبل الإختبارات مثل حضرت جناب كاتب هذه السطور