[ موضوع عام ] أبنآئي قبل الأنتقآل لمستوى خآمس مشآركتكم ( لرأيكم عن موآد مستوى رآبع )

[عباسي]

بسم الله الرحمن الرحيم

اولا الحمدلله الذي وفقني للفهم والمذاكرة في هذا الترم بالنسبة لي افضل ترم مر علي

بالنسبة للمواد فبشكل عام مواد المستوى الرابع اسهل من المستويات اللي قبلها

ولو نتكلم عن كل مادة على حدة فاقول :

1- الموارد البشرية :

مادة سهلة ما تحتاج متابعة الدكتور حاول تقرا وتفهم من الملخص مع حفظ النقاط المهة بس المادة طويلة وعريضة واصعب شئ في المادة اسئلة دوغان ماادري كيف جاية

2- الاساليب الكمية :

تعتبر مادة صعبة وتعتمد على الفهم بس دكتور المادة الله يجزيه الخير خلها من اسهل المواد
وهذه تحتاج الى متابعة الدكتور اول باول ولا تخافون من اسئلة الاختبار

3- مهارات البحث والتفكير :

من اسهل المواد في المستوى الرابع لا تحتاج الى متابعة الدكتور اقرا وركز على الملخص

4- مالية 2:

مادة دسمة وصعبة وتحتاج الى متابعة الدكتور اول باول بس اسئلة الدكتور تعتبر سهلة

5- التسويق .

مادة نظرية بحتة ودسمة وتتميز بتشابه المعلومات مع كثرة فروعها واصولها لا تحتاج الى متابعة الدكتور

بس حذاري من اسئلة الدكتور تعتبر اصعب من المادة !


6 - التحليل الاحصائي :

من اصعب المواد اللي مرت علي في هذا المستوى لان الدكتور الله يجزيه الخير ما يعرف يشرح
لازم تتابعون الدكتور اول باول لان المادة طويلة وتعتمد على الفهم بس اذا الدكتور عرف يشرح تفهمون المادة زي السلام عليكم
وابشركم الدكتور جاب نفس اسئلة السنوات الماضية فعدت على خير

اتمنى اني قد افدتكم اخواني واخواتي وتقبلوا تحياتي

[naif 1982]

الف شكر على هالمجهود وكثر الله من امثالك وجعله في ميزان حسناتك

[Ajmal]

كتبت رايي بموضوع اخر لكن بعيده مع ذكر تفاصيل باقي المواد
مع العلم اني مااتابع شرح اي دكتور بعد الله اعتمد ع الملخصات
واسئلة الاعوام السابقه والواجب عشان اعرف طريقة الدكتور بوضع الاسئله



اصعب اختبار

ادارة الموارد البشريه
الماده ماتعتبر صعبه بالمذاكره ابداً
يبي لها حفظ بتركيز انا حبيت الماده ولو اني مو مره مع النظري
بس اللي كرهني فيها الدوغان


الاصعب بالمذاكره
التحليل الاحصائي
لكن النجار ماعرفنا له بصراحه
تعبنا بالماده واخر شي جاب الاسئله مويه
هالماده مهما درستها ماتقدر تجمع يعني تحل وتفهم زي الحلاوه
لكن تفاصيل كثير وحوسه تحس نفسك مندوش يبي لك من اول السمستر تمشي فيها
تابعت شرح الدكتور سلطان بجامعة الامام ممتاز جدا وسلكت معاه
جيت عند ملزمة التحليل تبعنا خرب جوي
عموماً ركزوا على اسئلة العام بصراحه هو مامعه الا انه يعيد
هذا اللي لاحظته بجميع السمسترات اللي راحت
يعني البعض عطاني انطباع انه يجيب خارج المنهج او يشطح بآسئله غريبه
لكن من وجهة نظري واللي شفته باسئلة الاعوام السابقه
يجيب نسخه من امثلة الملزمه ماقد طلع منها ابد
لكن ممكن يفاجآك بسؤال من مبادى الاحصاء
وهو اساسا معانا بنفس المنهج تبع المعاملات
يعني بليز لاحد يتخوف وتعطون الماده اكبر من حجمها
لكل اللي متخوفين خذوها مني توكلوا على الله وصدقوني
بإذن الله تعدونها بمعدل ممتاز


ادارة التسويق
دكتور البلالي
دسمه نوعا ما والدكتور دقيق بالاسئله
لكن يجيبها نصاً من الملخص من بين السطور
من غير تحريف او اسئله خارجيه هذا احسن شي
يعني بوجه عام بالنسبه لي الماده
ماهي صعبه يبي لها تركيز وفهم اكثر من الحفظ نصاً
لان في سؤالين تقريباً يعتبر ذكاء لفهمك بالماده

لكن اللي عنده المقدره ياخذها
او نصيحه لاتضغط نفسك بمادتين ورا بعض
يعتمد ع الجدول


اداره ماليه

شو احكي لآآحكي عن هالماده :
جميله واللي مجملها نور الدين خبابه الله يسعده
نمط اسئلته ماتتغير ابد يعني بالعربي خلك على اسئلة الاعوام السابقه
والله يسعد العضو د كيجل لاحد يدخل الاختبار الا هو قاري موضوعه وفاله A+



اساليب كميه وه وه

آجمل واسهل ماده بالنسبه لي لانها عملي
ملخص عبد الله الحمادي الله يجزاه الجنه وارفعوا يدكم
+ اسئلة الاعوام السابقه
والدكتور الله يجزاه الجنه وينوله مراده تحسه يطبطب ع الطالب
من بعيد لبعيد وتغريداته بالتويتر تجيب العافيه



البحث والتفكير

يعني عيب اتكلم عن هالماده واقول سهله
لانها جميله وتافهه بنفس الوقت وشي احنا نمارسه
والدكتور مصدق حسن الله يسعده ماقصر



بوجه عام اجمل سمستر مدري ليه


موفقين جميعاً

[@راقي@]

السلام عليكم

اول شي حاب اشكر جنون الحياه على جهودها الي تبذلها معنا والله لايحرمها الاجر

اما بالنسبه للمواد فانا راح اقيم الملخص والدكتور ومستوى صعوبه الاختبار

إداره الموارد البشريه

الملخص كان ممتاز جدا نفس المحتوى والماده سهله بشكل عام انا بالنسبه لي ماشفت المحاضرات الاختبار كان متوسط الصعوبه لانه هذا نظام الدوغان الماده سهله وشرحه كويس للي يشوف المحاضرات بس الاسئله يصعبها شوي

الاساليب الكميه في الاداره

الملخص للحمادي ممتاز جدا والماده سهله بس لازم متابعه ونشوف المحاضرات اول باول وشرح الدكتور واضح ومفيد والاسئله كانت سهله بالنسبه لي في البدايه يتخوف الواحد منها بس ماده سهله اذا تابعت مع الدكتور

مهارات البحث والتفكير

الملخص نفس المحتوى الماده نظريه بحته ولاتحتاج شرح وانا ماشفت المحاضرات الدكتور بلالي زي ماقلت ماتابعت معه بس الاسئله كانت سهله

اداره ماليه 2

الماده متوسطه الصعوبه الملخص لجاكلي ممتاز لازم لها متابعه مع الدكتور شرحه ممتاز بس كلامه كثير شوي وحاول تتمرن على التمارين الي يشرحها الاسئله كانت سهله بالنسبه لي

اداره التسويق

الملخص للطموح نفس المحتوى الماده نظريه بحته وسهله انا ماشفت محاضراتها الدكتور بلالي الاسئله كانت صعبه مدري ليش تغير في الماده هذي عشان كذا انصح الي ياخذها الترم الجاي يشوف محاضراتها

التحليل الاحصائي

آآآه بس

الملخص للاخت ورود شامل للمنهج بس مافيه طريقه استخدام الحاسبه هذا الي ناقصه فقط عشان كذا انصح ان يكون عندك طريقه استخدام الحاسبه من الاول او الملخص بكون فائدته اقل بالنسبه لك

الدكتور النجار شرحه مخيس انا مااقلل منه لانه بس مايبذل مجهود لتوصيل المعلومه يقرا المحتوى فقط والمسائل يحلها بس يغلط فيها ويظيع في الارقام ومحاضراته طوييييييله ميزته مايغير الاسئله كثير عشان كذا الناس ماشين

لكن الي يبي يستفيد ويفهم الماده لا يتابعه يقولون فيه مدرس نسيت اسمه تبع الامام شرحه ممتاز وواضح افضل منه

وفي النهايه ملاحظه مهمه جدا جدا من واقع تجربه الاسئله القديمه حاول تحمل اسئله الترم السابق تكون اهم وحده ولامانع من الاترام الي قبل بس تكون زياده مراجعه

ولازم تحلها انت بنفسك مهم جدا لاني ولا اسئله في جميع المواد الا لقيت فيها اخطاء وهذا ممتاز لانه يختبر فهمك للماده خلها بعد المذاكره وراح تحلها بنفسك وتكتشف الاخطاء نصيحه لا تعتمد على الحل الموجود

وسلامتكم

[ام وجدان]

بسم الله

صراحه هالترم اعتبره انجاز لانها اول ترم اخذ ست مواد


وعديته بشق الانفس والحمد لله


مع ظروف مرت علي نهاييتها انكسرت بنتي قبل اخر اختبار وفكرت اأجله بس اللي حولي قالو خلصي دامه اخر شي <<<< تحس طولت :d


المهم بالنسبه للمواد

اول شي الاساليب الكميه ماده حلوه وفيها تفرعات وشروحات بس اختبارها كان سهل ونفس العام

كان معي ماده محاسبه تكاليف وجدا جميله ودكتورها متعاون الله يجزاه خير الدكتور ملفي واغلب الاسئله من الععام وبااذن الله نعدي

ثاالث ماده هي موارد بشريه وفيها تعريفات كثييير وفلسفه واجد وتشبه الاداره واجد ومدرسها الدوغان

رابع ماده اداره ماليه 2 والله يسعده خبابه شرحه حلو واسئلته حلوه ومادته جميله رغم صعوبتها شوي بس هو متعاون وماليه واحد عطتنا عنه انطباع يطمن وماقصر الله يجزاه خير وكل من شرح لنا او لخص

خامس ماده التسويق لمدرسها احمد بلالي وبصراحه الماده رغم انها حفظ الا انها صعبه الي حد ما لانها فيها تشابه وتداخل بس الحمد الله عليكل حال والاسئله فيها صعوبه شوي

السادسه هي الاحصاء وصعبه بصراحه تفر المخ واختبارها كان اكثره اكثره مسائل وجداول ورسومات وحالات عمليه ثمان او تسع وعلي كل وحده خمس ست اسئله المجمل لازم تعرف تطبق علي القانون وتمشي تمام


وفي النهايه نتمنى النجاح دون تكبد ادنى خسائر في الوقت والمال والجهد والمعنويه


شكرا لك جنون الحياه

[وليد القحطاني]

والله رحت فيها :(

[Om Shahad]

ماعندي شئ اقوله اكثر من اللي قالوه اخواتي واخواني اللي قبل

بس للاسف عندي مادتين من مستوى رابع للحين مااخذتهم الموارد البشرية ومهارات البحث والتفكير

والحين رايحة مستوى سادس وافكر اخذ هالمادتين وافتك منهم بس طفلي بيصير عمره شهرين وقت الاختبارات ولا افكر اجل الترم

اخاف اكسل بعدين عن الدراسة

[aas3000]

الحمدلله

[Tofi Sam]

ويسعد ايامك

يبارك فيك و عقبال النتايج الحلوه

ويعطيك العافيه ع الموضوع

للاسف ماقدرت اشارك بالاستطلاع لان فيه مواد سهله بس الدكاتره مع احترامي لهم صعبوها

.

.

و رايي بالمواد

***

.

..[التحليل الاحصائي]..

ماده حلوه لكنها دسسسمه و طوووويله لازم مذاكره اول باول

و الدكتور شرحه للاسف مو مناسب للماده

و اسئلة الاختبار مره تكون مكرره و مره لا و الحمدلله صادف ان اسئلتنا فيها مكرر

.

..[موارد بشريه]..

ماده سهله لكن معلوماتها كثيره و يبي لها حفظ و تركيز

لكن للاسف الدكتور خلاها صعععبه مع اسئلته اللي مدري شتبي

.

..[ادارة ماليه2]..

اللي يفهم ماليه1 بيفهم ماليه2 و بتكون سهله لانها مكمله لها

المحتوى لا يعتمد عليه لان اغلبه اخطاء لكن بعض الاخوان و الخوات ماقصروا بالملخصات المنقحه من اخطاء المحتوى

و اسئلة الاختبار مررررره سهله و الدكتور يحب التكرار بالاسئله

.

..[ادارة تسويق]..

مؤجله بالنسبه لي

ومن حسن حظي اني اجلتها حسب ماسمعت عن اسئلة الاختبار

.

..[اساليب كميه]..

اخذتها و انا بمستوى ثالث بس مازلت اتذكر سهولة الاسئله و تقديمي بالاختبار

الماده يبي لها فهم و متابعه للمحاضرات

و الدكتور شرحه واضح و حلو و يخلي الماده سهله بالمتابعه و التدريب ع المسائل

.

..[مهارات البحث و تفكير]..

ماده سسسهله و من الحياه تحتاج حفظ

و الدكتور اسئلته واضحه و سهله

.

.

.

هذا رايي بالمواد و ان شاءالله اكون افدت فيه

و بالتوفيق للجميع

[العلم نور نور]

مرحبا بالجميع

مستوى رابع بالنسبة لي نقلة كبيرة لاني انهيت منتصف الطريق

وكان رائع في كل المواد رائع رائع

اعشق المسائل والحسابات

وكل مقرر فيه بالنسبة لي كان ممتع وخصوصا الموارد البشرية مرة ممتعة وتفيدني في عملي الكثير

ادارة التسويق ما درستها الترم القادم بإذن الله

والله الموفق ويسهل امرنا

والى الامام دائما