[ السنة التحضيــرية ] : استفسارات بخصوص الجامعه

[&برستيج بنوته&]

يعطيكم الف عافيه بنات وماقصرتو كلكم ومشكوره كثير على الافاده بس بما انو احنا بكليه وحده وش رايكم لو نسوي قروب ونتجمع بيوم نتفق عليه

[&برستيج بنوته&]

المشاركة الأصلية كتبت بواسطة 3BO0OO0R

مساء النور ..
و ألف مبروك القبول

بخصوص الأنظمه وكذا ..
اللبس / - التنوره .. هو الأصل طويله بس الحين الوضع عادي بس ما تكون مره قصيره يعني ميدي تقريبًا , ولا تكون ضيقه -زي بعض البنات الله يهديهم لابسه تنوره و كأنها موب لابسه يعني لازم تبرز جسمها غصب- :)
- التيشيرت .. اهم شي ما يكون كت يعني الكم حقه موب مره قصير , و ما عليه رسومات-مره الامن كتبت بنت تعهد ولبستها العبايه طول اليوم-

- بخصوص المحاضرات .. هو أول اسبوع دوامات مافي محاضرات و الأفضل تستغلي ذا الأسبوع ب معرفة اماكان القاعات -عشان ما تتوهقين وقت المحاضره وين مكانها- و ثاني اسبوع تبدأ المحاضرات 95 بالمئه ما يكون محاضرات -تعريف بالمقرر و الارشادات- و المحاضرات تبدأ 8-9:40 , 10-11:40 , 12-1:40 .. و بيدك تختاري متى وقت المحاضره ..
و ايش بعد .... ايوه , الأوف بيدك تختارين الأوف , و موب اجباري كل ترم 9 مواد , حتى لو تختاري 4 مواد عادي جدَا بس يطول سنوات التحضيري , 9 مواد يعني عشان تخلصي التحضيري في سنه وحده ..

*من ناحيت تجربتي باختيار المواد*
اول ترم لي ب الجامعه ما كان عندي احد يفيدني بخصوص المواد و كذا , ف اخذت 9 مواد بس ليتني ما اخذت .. كان ضغغط علي المواد الكثير و كل ماده دسمه , المخ ابد ما يرتاح و ضغط بالمحاضرات ولاكان عندي أوف , و حملت 3 مواد
ثاني ترم اخذت 6 مواد .. الله ي الراحه النفسيه , مواد قليله ولا في ضغط علي , و التركيز مستمر , و عندي أوف ..
اللي استفدته من ناحيتي موب شرط اخلص الجامعه بدري اذا مافي راحه نفسيه ..
ولا اني اخذ مواد كثير و احمل منها و ينزل معدلي ع الفاضي ..
اخذ مواد قليله اكون مرتاحه فيها و بالعكس المعدل ارتفع ولا حملت المواد بفضل ربي ..

المكافأه ..
اول ترم تنزل الكافأه و اول شهر لك تنزل دبل -دفعتنا صارت معهم كذا , الدفعات اللي قبل ما ادري وش وضعهم- , عشان المكافأه تستمر معك لا تجيبي معدل أقل من 2 , لان معدل اقل من 2 توقف المكافأه عنك ..

الدراسه ..
بجد بجد لا تستهتروا كثير -استهرت- اول ترم الجامعه تكون روتين جديد للبنت و ما تعرف شي وقتها , و تكون مبسوطه انها انقبلت و كذا لدرجة تسحب ع المحاضره و تفلها مع البنات , تدخل المحاضره متأخر , تحرم من الماده يكون عندها عادي
بس لا جت وقت الاختبارات وقتها تحس بتأنيب الضمير , ودها ترجع أول الدراسه و تشد حيلها ..
احرصوا الدفتر و القلم معكم دايم .. سجلوا الاشياء المهمه , خططوا ع الكتاب باللي مهم , لا صعب عليك شي اسالي الدكتوره الين ما تفهمين , انشطتك سلميها بوقتها , واجباتك لا تقصري فيها . .
بعض الدكاترته شرحهم يجيب النوم و مدري شلون ف البنت وقتها *وينك ي البي بي * -تسويها- ف اتركوا ذا الشي عنكم و ركزوا بالشرح >> اسألوا مجرب ..

اممممم و ايش بعد الزبده احس كل شي كتبته بس في شغله رافعه ضفطي ..
يرحم امكم بما انتوا باقي تحضيري , تكفون تكفون مكياج الزواجات ما نبيها يرحم امكككم
و شسمه حركات التميلح و يعنني ألفت النظر ترا موب حلوه

و بس ..
و بالاخير ربي يوفققققكم دوم , و تجيبو اعلى النسب , و يحقق مطالبكم يارب

^ و بخصوص كل كلمه كتبتها ذي اللي اشوفه من ناحيتي انا ما جبت ذا الكلام من الاداره و كذا , بس اللي متاكده منه الكلام الي كتبته هو اللي اشوفه و صح

و متأسفين طولنا عليككم

ماشاءالله عليك الله يعطيك العافيه كفيتي وففيتي بس ماقلتي شنو الالوان ومن ناحية المكياج تطمني انا اكره مكياج الالوان يعني من ناحيتي مارح اخرش احد بل الوان وبلختام الله يوفقك ويوفقنا ملاحظه السنه التحضيريه فيها اوف ولا بعد التخصص وشكرا

[&برستيج بنوته&]

المشاركة الأصلية كتبت بواسطة Toofa

اهلين بنات حتى انا إن شالله السنه ذي تحضيري في كلية الاداب ومو عارفه شي مادري احس بضيع. اول يوم
اذا شفتو وحده ضايعه اعرفو انه انا

لا ي الطيبه وانا معاك

[toni]

تحضيري السنه اللي راحت اول سمستر بما انه شعب وكذا ماكان عندهم اوف... يمكن ع حظكم تتغير لان بوقتي كان فيه اوف.... كل شوي مغيرين ذا الكليه:)... شي مهم معدلكم اللي بتاخذونه بتحضيري يعتبر اساس تمشين عليه باقي السنوات كل ماكان مرتفع ساعدك اكثر ، شدو حيلكم❤️

[R.R]

للي حاب من التحضيري يستفيد وما يضيع :

اول ما تدخلين الكلية تلقون عند الباب الأمن ، بعدين بتشوفون مبنى اللواكر قدامكم
اول ما تدخلين بتلقين فيه بوابتين وحدة يمين وحدة يسار ، اليمين حق العلوم واليسار حق الاداب
طبعا انتوا اداب اول ما تدخلون تلفون يسار

كليتنا الجميلة فيها ثلاث أدوار ؛

الدور الأرضي : فيه قسم الانجليزي ، قسم المعامل ، وفيه قسم للموظفات >> وأتوقع اتوقع علم اجتماع
الدور الاول : فيه قسم الدراسات الاسلاميه ، قسم الجغرافيا ، مبنى للموظفات والمصلى
الدور الثاني : فيه قسم التاريخ ، قسم العربي والإعلام ، معامل الحاسب
وقدام كل مبنى برج 68 , 67 الخ ، مواد الشبكة تكون بالبرج يعني اذا اخذتي مواد عند دكتور بتكون فيه
هذا اللي اذكره ...

اول ما تدخلون من باب الكلية الداخلية تلفون يسار تلقون مبنى هذا المبنى داخله مكاتب ، فيه مكتب من المكاتب تطلعون فيه البطاقة الجامعية
أنتو اسألوا وين مكتب اللي نطلع منه البطاقة ويقولون لكم

وبما انكم تحضيري أماكن محاضراتكم كل محاضرة بقسم الله يعينكم
وين تشوفون أماكن القاعات ؟ تشوفونها داخل القسم مثلا مواد العربي قسم العربي ، الاحصاء وعلم اجتماع قسم التاريخ ، لان قسم علم اجتماع حق مواد التخصص اتوقع ، مواد الانجليزي قسم الانجليزي وكذا


واللي حابه تأخذ لوكر السنه 100 ريال
من وين احجز لي لوكر ؟ انتي اول ما تدخلين باب الكلية تلقين مبنى هذا مبنى اللواكر مشترك بين العلوم والاداب
اول ما تدخلين المبنى تلفين يمين تلقين اخر شي مكتب صغير فيه موظفات هم المسؤولين عن اللواكر ، تدفعين مية ريال تعطيك ورقة تعبينها بعدين تعطيك المفتاح بس انتبهوا لا يضيع المفتاح لان اذا ضاع لازم تدفعين خمسين ريال او عشرين ما اذكر كم كان بس تدفعين عشان تطلعين جديد . يكتبون لكم الشروط بالورقة >> لما يعطونكم مفتاح بيعطونكم اكثر من واحد

هذا عشان ما تضيعين ، والاحسن تروحون اول اسبوع عشان تتعرفون ع الكلية وتحفظون أماكن القاعات

موفقين يارب ❤️

[Toofa]

الله يعطيگ العافيه ماقصرتي على كذا مابنضيع
واعجبتني فكرة برستيج بنوته انو نسوي قروب واحد ونكون مع بعض اول يوم عشان مانضيع ونجيب العيد

[Toofa]

الله يعطيگ العافيه ماقصرتي على كذا مابنضيع
واعجبتني فكرة برستيج بنوته انو نسوي قروب واحد ونكون مع بعض اول يوم عشان مانضيع ونجيب العيد

[3BO0OO0R]

- يعااافيك ي روحي م سويت شيء
- بخصوص ألوان التنوره الأفضل ( الأسود و الرمادي بتدرجه ) لكن في بعض البنات الله يهديهم ما ادري وش قصتهم تلبس تنوره ورديه ولا بنفسجيه ولا كحليه فاتحه يعني مدري شلون الصراحه
- الله يوفققققققققق الجميع يارب
- هو أول ترم يكون شعب صحيح بس اللي اعرفه مو اجباري تختاري كل مواد الشعبه .. يعني اختاري المواد اللي تبينها و نسقي الاوقات و اليوم و حطي لك أوف ..
لأنو بنات كثير اخذوا مواد الشعبه كلها اللي هي 9 مواد و توهقوا و تعبوا من كثرتها منهم اللي حملوها و منهم اللي اسحبوها ومنهم اللي انحرموا منها
و عشان تسحبين المقرر لازم تدخلين 5 او 4 محاضرات للماده نفسها و بعدين تسحبينها ..
يعني السالفه مشوار تقريبا , عشان كذا لو حابه تنسقي موادك و تحطي لك أوف أفضل من البدايه قبل لا تتورطين بكثرة المقررات الددددسمه
و ربي يوفقققققققك و شدوا حيلكم ي ذيابه

[&برستيج بنوته&]

المشاركة الأصلية كتبت بواسطة toni

تحضيري السنه اللي راحت اول سمستر بما انه شعب وكذا ماكان عندهم اوف... يمكن ع حظكم تتغير لان بوقتي كان فيه اوف.... كل شوي مغيرين ذا الكليه:)... شي مهم معدلكم اللي بتاخذونه بتحضيري يعتبر اساس تمشين عليه باقي السنوات كل ماكان مرتفع ساعدك اكثر ، شدو حيلكم❤️

ان شاءالله يارب تتغير لصالحناانا خايفه من الرياضيات ينزل معدلي

[&برستيج بنوته&]

المشاركة الأصلية كتبت بواسطة r.r

للي حاب من التحضيري يستفيد وما يضيع :

اول ما تدخلين الكلية تلقون عند الباب الأمن ، بعدين بتشوفون مبنى اللواكر قدامكم
اول ما تدخلين بتلقين فيه بوابتين وحدة يمين وحدة يسار ، اليمين حق العلوم واليسار حق الاداب
طبعا انتوا اداب اول ما تدخلون تلفون يسار

كليتنا الجميلة فيها ثلاث أدوار ؛

الدور الأرضي : فيه قسم الانجليزي ، قسم المعامل ، وفيه قسم للموظفات >> وأتوقع اتوقع علم اجتماع
الدور الاول : فيه قسم الدراسات الاسلاميه ، قسم الجغرافيا ، مبنى للموظفات والمصلى
الدور الثاني : فيه قسم التاريخ ، قسم العربي والإعلام ، معامل الحاسب
وقدام كل مبنى برج 68 , 67 الخ ، مواد الشبكة تكون بالبرج يعني اذا اخذتي مواد عند دكتور بتكون فيه
هذا اللي اذكره ...

اول ما تدخلون من باب الكلية الداخلية تلفون يسار تلقون مبنى هذا المبنى داخله مكاتب ، فيه مكتب من المكاتب تطلعون فيه البطاقة الجامعية
أنتو اسألوا وين مكتب اللي نطلع منه البطاقة ويقولون لكم

وبما انكم تحضيري أماكن محاضراتكم كل محاضرة بقسم الله يعينكم
وين تشوفون أماكن القاعات ؟ تشوفونها داخل القسم مثلا مواد العربي قسم العربي ، الاحصاء وعلم اجتماع قسم التاريخ ، لان قسم علم اجتماع حق مواد التخصص اتوقع ، مواد الانجليزي قسم الانجليزي وكذا


واللي حابه تأخذ لوكر السنه 100 ريال
من وين احجز لي لوكر ؟ انتي اول ما تدخلين باب الكلية تلقين مبنى هذا مبنى اللواكر مشترك بين العلوم والاداب
اول ما تدخلين المبنى تلفين يمين تلقين اخر شي مكتب صغير فيه موظفات هم المسؤولين عن اللواكر ، تدفعين مية ريال تعطيك ورقة تعبينها بعدين تعطيك المفتاح بس انتبهوا لا يضيع المفتاح لان اذا ضاع لازم تدفعين خمسين ريال او عشرين ما اذكر كم كان بس تدفعين عشان تطلعين جديد . يكتبون لكم الشروط بالورقة >> لما يعطونكم مفتاح بيعطونكم اكثر من واحد

هذا عشان ما تضيعين ، والاحسن تروحون اول اسبوع عشان تتعرفون ع الكلية وتحفظون أماكن القاعات

موفقين يارب ❤️

يعطيك الف عافيه اختي ماقصرتي يعني الحمدالله ان شاءالله مانضيع انا وتوفه والي مثلنا