كل الطلاب يدخلون احنا طلاب كلية الدراسات التطبيقية مظلومين

[H>A]

الأعضاء كانت ردودهم وافيه يعطيهم العافيه بس بعلق على شي من هم الناس اللي استنقصو من كلية الدراسات وش سوو وش انجازاتهم هم بس حقين مظاهر لو قلت لهم هندسه وتدرس بالإنجليزي وانت حامل المواد انت كذا شي واو هندسة او طب وانجليزي .... العبره بالمعدل ادخل بالعربي واطور نفسي واجيب معدل عالي ولا ادرس بالانجليزي ويكون همي بس النجاح.. نقطة المكافأة صح كلامك بس يردون ويقولون مكرمه ... بنوه ع شغله جامعة الدمام الطلاب اللي مستواهم المادي تصرف لهم مبلغ مادي كمساعده لهم ... وبالتوفيق للجميع وانظر لناحية الإيجابية دائما

[إحسآس ألشريف]

انا م قريت الردود لكن اتوقع ان زميلاتي وزملائي كفوا ووفوا ..

المشكله مو فالكليه .. المشكله فيك ..

لا تسمع للناس خلي عندك شخصيه :) .. الكليه مامر علي احد ذمها بالعكس تخصصاتها ممتازه ومطلوبه بسوق العمل


واذا ع المكافأه انا معاك .. شي يضايق انو اول سنتين م ناخذ مكافأه ونقعد نصرف ع الكتب والملابس كاننا قاعدين ع بنك وباقي الكليات افضل مننا من هالناحيه ..

وشي ثاني الانقلش كورسات ودبلومات تفيدك وتوظفك ع فكره ..


ونصيحتي لك مرا ثانيه قوي شخصيتك وخلي عندك ثقه بنفسك اكثر من كذت وتثقف بمجال التخصصات والتوظيف قبل تسمع لاحد ^_^


مادري كلامي مكرر او لا ، بس ماحبيت اقرا واطلع بدون اعلق

[.Lotus]

اوافقك الرأي من ناحيه المكافأه

اما بقيه الامور فآحس كلمه ظلم كبيره ع الكليه

بالعكس اداره متعاونه وأساتذه ودكاتره جدا متعاونين واسلوبهم راقي في التعامل

اما بالنسبه ان الدراسه بالعربي فهذا اكثر شيئ عجبني بالكليه بالعكس احسها ميزه

ولو كنت تبغى تدرس بالانقلش كان دخلت كليه اداره الاعمال يدرسون نفس موادنا بس بالانقلش

كليتنا من افضل الكليات وانا اقول لك عن تجربه لان عندي اخوان وخوات في نفس الجامعه وبكليات مختلفه ويعانون

دائما انظر من الناحيه الايجابيه

وابتعد عن الناس السلبيه

بالتوفيق للجميع

[isaroon22]

😭😭😭

[mohammedz]

الله يوفق الجميع

[بسووومي]

من ناحية المكافاه معك حق وكلنا معك ومو عذر ولاسبب مقنع ان الكليه كانت بفلوس وصارت مكرمه ابدا موعذر لعدم صرف المكافاه

بالنسبه للانقليزي عجبني كلام بعضهم انجح بشي انا فاهمته وامشي فيه ولا اني ادف نفسي دف وانجح ع الحفه وبمعدلات نازله
والانقليزي يمديك تاخذ دورات زي ماقالو حتى من اليوتيوب يمديك تتعلمه

اما من ناحية الوظايف هي ارزاق من الله سبحانه ماله دخل انت متخرج من اي كليه ولا من اي جامعه معك بكااريوس يبونك وبالاخير هي رزق
بعدين انتو الرجال فرصتكم اكثر واكبر بالوظايف سهل تكون نفسك وتزيد دخلك من الصفر لين االحد اللي تبيه

الكليه ماعليها كلام غير بخوص المكافاه فقط والله ييسر الامور ويوفق الجميع

[FTSH]

موضوع المكافأة فعلاً ظلم ,لكن انا تقبلت الامر الواقع وانو اول سنتين مافي مكافاة
بس المفروض هالسنتين ع الاقل يجمعون لنا مكافئتهم ويعطونا اياها دفعة وحدة اذا تخصصنا يعني يعوضونا


وبالنسبة للدراسة احلى شيء انها بالعربي واذا تبي تطور نفسك ادخل معهد انجليزي او تعلم من السيديات
انا بصراحة انجليزيتي متوسطة يعني افهم بس اني اتكلم بشكل كويس لا
وكثير ناس مثلي اعتقد , فالدراسة بالعربي اتاحت لهم فرصة كبيرة للنجاح بها المجال .

شفت ناس دراستهم انجليزي اللي هم ادارة اعمال واللي كمان يدخلون معاهد والله صعبة مرة مصطلحات البزنس ماتخش العقل .!
حتى الناس اللي لغتها الانجليزية كويسة رح تلاقي صعوبة بها المجال اذا كان انجليزي
فما بالك فينا احنا !
احمد ربك ع دراستك و لاتتذمر انا كنت كذا بالبداية بس تقبلت الموضوع و بالنسبة للوظايف شهاداتنا مطلوبة فكل مكان فلا تشيل هم

[ممحمممد]

لو تجمع شهادات الكون ووتكلم كل اللغات اذا الله ماكتب لك تتتوظف ماراح تتوظف
لو اجتمعت امه الجن والانس ان ينفعوك لن ينفعوك بشيء كتبة الله وان اجتمعوان يضروك لن يضروك بشي كتبة الله )) فمعنا الحديث’’

والظانين بالله ظن السؤ عليهم دائرة السؤ ,, معنى الاية )) يعني انت ظنيت بسؤ بيصيرلك سؤ
ثق بالله

بالخصوص المكافأة من حقك