[ موضوع عام ] o.O فضفضة خريج .. ||| لدفعة المتهورين . ||| o.O

[ثلاثيني منتسب]

مواقف صارت خلال دراستنا مضحكه :


اذا دخلت القاعة ههههههههههههههههههه يسالوني وش مادتك : هنا يشتغل الزهايمر هههههههههههههه
طيب رقمك الجامعي : هنا أقلب فؤاد حق طاش ما طاش (كييييف) ؟؟؟


ناس غيروا فيكم شي خلال مسيرتنا :


الناس اللي خلوني اصبر وأكمل الجامعة والا كنت ناوي امسك الباب


شخصيه تتمنوا تقابلوها :
صراحة اتمنى اقابل الجميع وبالمقام الأول أم جهاد


شخصيه فقدتوها :
ياجعلنا مانفقد حبيب أو غالي


شخصيه تغيرت عليكم:
لم اواجه أي تغيير من أي شخص


أو اعتراف حابين تقولونه :
احبـــكم جيعاً بلا استثناء


سؤال حابين توجهونه لـ أحد :
سؤالي لهنادي خالد : يوم كتبتي الموضوع وش كنتي تآكلي هههههههههههههههههه


لا تنسونا من دعائكم لنا بالحد الجنوبي .... نجران

[alamoona]

الحمدلله وصلنا لنهاية المطاف يارب تعدي الاختبارات على خير..

ابي اقولها كلمة كل واحد عنده حلم لازم يتعب عليه عشان يحس بحلاوته..

انتظر بفارغ الصبر اخر يوم اقول لبوابة الطالبات 2 في جامعة فيصل باي باي

واتمنى على عجل احمل شهادة البكالوريوس في ايدي واكمل الماستر

[هجوووله]

موضوع جميل جداً ... لي عوده بإذن الله

[amani30]

موضوع جدآ جميل وماابالغ لو أقول مسكتني العبره
مو متصورة كيف مشت الأيام بهالسرعه صحيح نشاطي قليل واجزم مااحد يعرفني بس انا اعرف الكثير واولهم ام جهاد وهنادي ومنادي وطموح شايب وشي اخر وشخصية مجهولة
بمسيرتي الدراسية حصلت لي مواقف صعبه جدا اسرية وكانت تصير أيام الاختبارات سبحان الله والغريب اني انجح بتفوق
بمسيرتي حصل لي حدثين انفصال & وعملية تبرع اخوي للوالد بكليته والحمدلله على كل حال

[هنادي خالد]

المشاركة الأصلية كتبت بواسطة طموح شايب

الشاهي جاهز بس بقي الفصفص باروح اجيبه وارجع

ماقصرت شواقه جابت شاهي

المشاركة الأصلية كتبت بواسطة صدى الأمل

وجبنا الشاي

هههههههه لوسمحتي قهوهه

المشاركة الأصلية كتبت بواسطة Reem.93

يازينك زيناه يا هنادي الله يبلغنا بهالوثيقة

طبعاً انا جدّتكم اللي المفروض اتخرج الترم الماضي

عشان كذا انا صديقتكم هالترم .. وصديقة كل الدفعات بالسراء والضراء

وعلى طاري الشاهي قاعدة اشرب شاهي تأنيب الضمير


.....


شقول شخلّي بس .. يعني مرحلة مو بسيطة من عمري لكن نادر المواقف اللي تعلّم بذاكرتي

لله سبحانه الفضل ثم إحدى البطلات بهالملتقى بأني اشغل وقتي بموهبة شبه كانت مدفونة عندي
لو اسطّر كل الصفحات والله ثم والله ما أوفّيها جزء من حقها

.....

من افضل المواد اللي حبيتهم جداً جداً

العامة :

فقه السيرة

التخصص :

أساسيات المحاسبة الإدارية والتكاليف
إقتصاد كلّي


.....

أسوأ مادة مرّت علي :

إدارة العمليّات


.....

أفضل شرح دكتور :
أسامة حنفي الله يذكره بالخير + ملفي

أسوأ شرح دكتور :
عيسى حيرش

.....



لولا الله ثم جهود الأعضاء ومصورين الأسئلة ومن يجهد نفسه في ايجاد الحل
ومن يجهد نفسه في جمع النماذج وتبويبها .. ماكنت وصلت لهالمستوى اللهم لك الحمد حمداً كثيراً


.....

كسبت معرفة ناس أفاضل كثير وناس افادونا بملخصاتهم وشروحاتهم

كان لله الفضل ثم لـ :

فهد الحجاز بالمقارنات للمواد
حفيد الملوك بالملخصات الخفيفة
مربّع نون للمحاسبة
تبويبات أم جهاد


.....

العمل الجماعي كان له أثره بدفعتي الجميلة والتعاون كان ملحوظ جدا جدا فيها

.....

يارب اتخرّج يارب

بعد قلبي انتي والله ي اني احبك حب مو طبيعي


عساني ما افقدك يارب


مافي مره كلمتك بشي الا قلتي امري


واسلوبك غضب يخلي الوحدة تحترمك

المشاركة الأصلية كتبت بواسطة عزوز الروقى

موضوعك جميل وأتمني يستمر الى بعد التخرج ..؛

اكيد بيبقى ان شاء الله

المشاركة الأصلية كتبت بواسطة saudi-com

السلام عليكم جميعاً .كانت سنوات جميله , اسأل الله ان تكون شاهده لنا لا علينا .


الجامعه كانت بها ايام جميله و ايام عسيره . و الحمد لله على كل حال .


باقي ترم و بأذن الله يعدي على خير و يكون احلى و اجمل ترم علي و عليكم.


فيه شخصيات بالمنتدى يسوقني الفضول إلى اكتشاف شخصياتهم .


- ام جهاد
-طموح شايب


و فيه شخصيات لها جهود يشعر بها القاصي قبل الداني
- هنادي خالد
-المنادي
-جنون الحياه


وفقكم الله وسدد خطاكم.

وعليكم السلام


ربي يسعدك


يلا دام طموح شايب جاب الشاهي ابدء امسكه واستلمه ب الاستكشاف

[هنادي خالد]

المشاركة الأصلية كتبت بواسطة moubark

موضوع جميل اختي هنادي بارك الله فيك

وانا من الي انصدمو في العمليات

الله المستعان

شكراً لك

المشاركة الأصلية كتبت بواسطة مـالـي حـل

صراحه انا نفسي اشوفك ياهنادي عندي فضول عاد انا وانتي نختبر في نفس المنطقه

ههههههه بعد جبدي لايذبحك الفضول ولا شيء
نطي خاص واتواصل معك
وبعدين نلتقي





ويمكن تصدف ونختبر هالترم مع بعض

المشاركة الأصلية كتبت بواسطة صدى الأمل

الشخصيات اللي اتمنى اقابلها كثيرهـ بصراحهـ لو اكتب اساميهم ماراح احصيهم
على أني شفت بعضهم بس ابشوف البقية
شخصيات فقدتها
شوكلاته ذايبه / بحر الكلام / توني مشترك <<< اتوقع اسمها كذا


الاعترافات مو الحين بنعترف ايامنا طويلهـ


اما من ناحية سؤال ودي أسأله
وبصراحهـ نفسي أعرف اجابته


ليه بكل محاضره مباشرهـ يتكرر سؤال
الاسئله موضوعيه او مقاليه

هههههههههه ماله جواب طال عمرك

المشاركة الأصلية كتبت بواسطة abo-reema

اشكرك اخت هنادي على الموضوع

بالنسبه لي كانت مسيره جداً شاقه ومتعبه لظروف العمل
والحمدلله وصلنا الى ما وصلنا اليه بفضل الله ثم بفضل الاعضاء جميعاً جزاهم الله عنّا الف خير

إعتراف
والله اني قصرت كثير معكم ودايماً والله الوم نفسي لاني كنت ادخل أخذ الملخصات بعد ما تتعبون فيها دون ادنى جهد مني
فـ والله ان لكم الفضل بعد الله في مسيرتي الجامعيه ربي يوفقكم ويسعدكم


اصعب ماده

كانت موارد بشريه الله يسامح الدوغان لعب بحسبتي



تحياتي ،،،

الله يسعدك
والله ما ألومكم اذا انا با البيت وشغل بيت وملتقى احس مو ملحقه


بس الشي الحلو تبقى لكم اثر حلو
ولما تستلم الشهاده تنسى الايام اللي راحت وتنبسط
الله يوفقك يارب ويسعدك

المشاركة الأصلية كتبت بواسطة قـورجـس ♛

صباح الخير

سبحان الله الدنيا سريعه والايام تركض والحمدلله على ما وصلنا له
مرت علينا ايام صعبه وبعض صعوبات الاختبارات بس نقول بالأخيرة الحمدالله

الكل م قصر معنا سو كان في الملخصات او حل الاسئله
ودي اذكر الأسماء بس اخاف أنسى احد
كان لكم فضل بعد الله في مسيرتي الجامعية .. شكر لكم بحجم السماء وربي يكتب لكم اجركم

ما اعرف اعبر شعوري ولكن
الشي الوحيدة الذي اتمنى حتى الان ان ربي يحقق لي الحلم وأخذ الوثيقة ان شاء الله
سنين انتظر هذا اليوم 🎓❤.. اسال الله ان لا يضيع لي ولكم تعب ولاجهد

اللهم سهل لي دربا انطوى معظمه وهب لي من توفيقك مايبلغني طموحي وإجعل نهايه جهدي فرح

يسعد مساك


بعد قلبي قورجس
ربي يبلغك الوثيقه وتفرحين فيها ويوفقك ربي بحياتك ويسعدك

[هنادي خالد]

المشاركة الأصلية كتبت بواسطة طموح شايب

جبنا الفصفص ونبدا
................
في مشواري الجامعي وصلت لعدة امور




لا تحسبن الخبز حب انت آكله
لن تأكل الخبز حتى تطحن الحب


لا احد يدقق
.................
شوي حلطمات على اخرالليل
.........


هذا الترم غريب
رغم ان هالترم مدري اش اسمه لكن النفسية مدري كيف
بس تساهيل


برضه لا احد يدقق
...........
اربع سنوات مرت عبدالله تسلم عليكم

قلنا لكم لا احد يدقق
...........

الوقت يمضي مسرعا وياخذ الحيطة والحذر من ساهر


...........


لا تكن كالارنب مسرعا ولا كالسلحفاة بطيئا
ولكن خلك على جنب الين تشوف من اللي يفوز وسو مثله


...........



اذا رأيت قطرات المطر تجتمع في سيل عرم
رح اجلس في بيكم ولا تطلع


...........



اذا وجدت المصباح السحري متسخا ونظفته فخرج المارد
وقال شبيك لبيك فقل له
صلح نومتك ازعجتنا بشخيرك


...........



اذا تدلى شعر شاربك على فمك فهذا دليل على
انك مارحت الحلاق من 3 شهور


...........


اذا اكملت القراءة الى هنا فهذا دليل على انه اعجبك المحتوى وما يحتاج تلخيص


قلنا لكم لا احد يدقق
يا حبكم للفضايح


تصبحون على خير

هههههههههههههه

المشاركة الأصلية كتبت بواسطة Dr.roqan

الله الله على اللحظات الفاخره


بصراحه كان ينقصنا جميعاً في هذا الملتقى ( دفعة المتهورين ) اننا نكون تحت سقف واحد واقعياً
ع الاقل الاقي احد اشتكي له وافضفض له عن مبادئ المحاسبه 2 انشب ماده في تاريخي الدراسي
ملتى ودفعة لن تمحى من ذاكرة اي طالب او طالبه عاشوا وضع التكاتف الجبار بين طلابها
وحقيقه ان شريحة كبيره من الطلاب ماكان وصلوا الى هذه المرحله وكتبوا في هذا الموضوع الا بعد توفيق الله ثم جهد الفئة الماسيه ، اتمنى ان يكون هناك تواصل بين اعضاء هذه الدفعه بأي وسيله كانت لان اللي شفناه من اخوه وجهد خساره ان يكون لفترة محدوده وينتهي


للحديث بقيه اجيب قهوه واجي واللي يبغى شي ع الطريق يكلمني

اي والله لحظات فاخره
من جد
كان نجيب ملعب صابوني وهات ي لعب
هههههههههههههه الحمد لله مادة عدت بخيرها وشرها
صدقت بكل مستوى عشنا شي
ولنا فيه ذكره صعب اننا ننساها
الحمد لله الله ييسر لنا اخر ترم
عني انا ببلط هنا وبكل البرامج مبلطه

اي قهوه ومعك حلى

المشاركة الأصلية كتبت بواسطة اميرهـ الورد

دفعتي المتهوره انا فخوووره جدا بكم

هنادي خالد

المنادي

طموح شايب

وشي اخر عاد ذا مدري هو من دفعتنا ولالا

المهم كلكم مشكوووورين والله يسعدكم دنيا واخره

حياتي انتي

اي قلبي
شيء اخر من دفعتنا بس مختفي هالفترة

المشاركة الأصلية كتبت بواسطة غـــريب الدار

شكرا اخت هنادي على الموضوع ,,

واسف لتاخري عن الرد منذ 15 ساعة كنت نايم ,,

عموما ,, 4 سنوات عدت على خير .. والترم هذا ان شاء الله ييسرها الله ونعدي المواد الباقية

في مجمل الحياة العملية والعلمية ,, اولا كنت موظف في القطاع الخاص قبل ما اقرر تكملة دراستي
وبعد ذلك في الترم الثاني قررت استقيل ,, ايه نعم استقيل ,,
فاما حياة تسر الصديق ,, المهم ,مالها دخل ,

استقلت وجاني عرض في شركة تعتبر المركز الثاني على مستوى الشركات , قالو بنخليك مساعد مدير,
قلت اوك مافيه مشاكل , وين المدير عشان اساعده هههه .
المهم جلست في الوظيفه سنه وبعدها اكتشفت اني سكرتير , ولست مساعد للمدير , بالعربي باقي شوي واوصل عياله من المدرسة ,

المهم قلت فاما حياة تسر الصديق واما ممات يغيض العداء .. وتركتها , وجلست احك شوشتي 3 شهور لا شغل ولا مشغله ,
وفي يوم من الايام كنت جالس عند حق اللي يبيع مساويك في يوم الجمعه وجاني واحد وقال والله ان شغلة المساويك ذي تدخل ذهب المهم قلت ياخي وين ذهب , ريال وريالين وزين ان شروو منك
قال لي هذي الشغله يبي لها واحد فاضي.. قلت انا لي 3 شهور عاطل ,
قال عندي لك شغل ,
قلت انا كنت مدير وجلست اشرح له وضايفي اللي قبل وش كنت , قال اسمع .. هذي الوضيفه انت مدير نفسك .
قلت طيب وين .

قال خذ رقمي , وكلمني العصر . .. .... طبعا بعد الجمعه ما قيلت عشان ما يروح وقت العصر واسحب على الرجال
دقيت عليه وقال تعال في مكتبي وعطاني الوصف حقه , وجيته في المكتب ,
وقال اسمع الوضيفه هذي ادارت ممتلكات , وانت تدير ممتلكات الشركه نيابة عني , وشرح لي الشغل .
صراحة ,
هي ارزاق ,, وقلت في نفسي الحين باقي الترم هذا , واخذ الشهادة وبعدين , انا الحين وصلت , راتب وسكن وسيارة ليش ادرس ,.؟؟

رحت لواحد من اصدقاء السوء . عشان نشوف الجانب المظلم من القصة , قلت له وش رايك اترك الدرسه قال لي كم باقي لك قلت 4 مواد واتخرج .. قال لا كمل الدراسة اصلا ما عاد الا خير . وانت استمر مع الشيخ يمكن يوم من الايام تنقلب الاية و يطردك .

قلت اوك ..

الحين الحمد لله .. الوضع المادي حلووو . وكل الامور تمام ,,
بس من دخلت الجامعه. وش خسرت , وش استفدت,,

خسرت خلال 3 سنوات ونصف
- وفاة احد المقربين الي
-استقلت من العمل مرتين
-امور مادية ونفسية مترتبه علي من ديون وقروض بحكم الوضيفة
-سيارتي خسرتها بعدما تعرضت الى تلف المكينة اضطررت لبيعها تشليح
-امي تعبت وضعف بصرها .

استفدت من الجامعة ,
-العلم فتح لي مجال من اللباقة في الكلام والاسترسال في الحديث
-الجامعة عرفتني على اشخاص ما كنت ادري انهم يدرسون الا بعدما قابلتهم في المدارس ايام الاختبارات
-فتحت لي باب رزق . وهو كلما تقفل باب فتح الاخر ,
-المنتدى اعطاني المجال للفضفض والسوالف بعيدا عن الاحراجات والاذى , يعني سولف براحتك بس لا تضر غيرك

اتمنى اني ما طولت عليكم
-

ربي يسعدك
صح النوم متأخر


كلامك عطاني جانب كبير من الايجابيه
والحمد لله شي مره حلو اللي وصلت له الان
وربي يغفر لمن مات ويخلي لك كل غالي
ويشفي والدتك ويطول بعمرها ويخليها لك
والخساير الثانية بيجي اليوم اللي تعوضها
ومافي انسان بالحياه يوصل لراحه بطريق سهل لازم من العقبات حتى تحس ان الراحه ماتجي بالساهل


ربي يسعدك ويرزقك


وهانت فتره وتتخرج وترتاح

[هنادي خالد]

المشاركة الأصلية كتبت بواسطة هنووويي

انابصراحه الجامعه حلم حياااتي كنت اتمنى ادخلهابس لاني يمنيه اهلي من الصعب يسفروني وادرس مختلط وهنافي السعوديه مايقبلو ندخل وعنده الوالد مبداءالبنت يكفيهاثانويه وبس <div>المهم بعد عشر سنوات من التخرج من الثانويه كنت خلالها اشتغل في مجمع نسائي وبعدهامحاسبه في كافي وللحين وانافي نفس الوظيفه المهم بعدعشرسنوات فيه بنات يشتغلو مع اختي سجلو في جا معه الملك فيصل شجعو اختي على الدراسه وهي شجعتني ودامهابفلوس يمدي نشتغل وندفع فلوس الجامعه في نفس الوقت والحمدلله مرت السنين وقدرنانجمع مبالغ الجامعه والحين ماشاءالله قدنابنتخرج
ادري طولت استفدت بصراحه اني حققت حلم حياااااااتي
امااللي ماعجبني ان المواد مواضيعهاتتكرراحسهم احيانابس يسوووماده علشان ندفع يجمعومواضيعهامن الموادالسابقه
ثاني شي توقعت اتخرج وانااعرف انجليزي بس تفاجات اننامادرسناغيرماده وحده وكانت كمراجعه<br>
الحين لوبشتغل بشهاده الجامعه اول طلب اللغه ماراح اقدر اتوظف في اي مكان وانامااعرف انجليزي





اماشي بخاطري ودي نسوولناحفله تخرج كل اللي بمنطقه يتفقووامع بعض ياريت توافقو على الفكره نحجز استراحه وقط قطيات</div>اماالمنتدى فله الشكر الكثير ساعدناكثير في المذاكره جزاهم الله كل كاو كانهم اخوان قلوبهم على بعض الله يسعدهم ويوفقهم ويحقق لهم كل اللي يتمنوووو وينجهم باعلى الدرجات ويستفيدومن شهاداتهم





وش باقي مافلت اممممم

ياعمري انتي حبيت كفاحك واصرارك
بقولك شي عن اللغه
اللغه مو دراسه ابد اللغه ممارسه
كل ماعودتي لسانك
كل ماحفظتي وفهمتي
وبتحبيها مره


احفظي جمل شوفي افلام اجنبيه
بتلقين نفسك شوي شوي تتقنيها



وفي معاهد ممتازه والحين حسابات كثيره ب الانستقرام تساعدك
والله يوفقك

المشاركة الأصلية كتبت بواسطة الغلاابوي

الله يجمعنا في جنات النعيم. مهم شكرة الاخوة والاخوات اللي ساعدونا في تخليص وتبسيط المواد ما اوفيهم
حقهم منجد. ما قصروا. الله يجزاهم الجنه
وللأسف كانت دراستي تمر بظروف غير مريحه من حياتي ورغم كذا واصلت
للنجاح فقط وللاسف المعدل ماهو مرضي
نظرت. لعدم تفرغي لها وانشغالي ومرضي الحمدلله
وربي يوفق الجميع

امين يارب
ي عممري انتي
وماتدري وين الخيره
ربي يسعدك ويرزقك
وربي مثلك مريت بظروف صعبه ومواقف كسرتني ومواقف قوتني
بس اقول الحمد لله مابعد الضيق الا الفرج

المشاركة الأصلية كتبت بواسطة ثلاثيني منتسب

مواقف صارت خلال دراستنا مضحكه :


اذا دخلت القاعة ههههههههههههههههههه يسالوني وش مادتك : هنا يشتغل الزهايمر هههههههههههههه
طيب رقمك الجامعي : هنا أقلب فؤاد حق طاش ما طاش (كييييف) ؟؟؟


ناس غيروا فيكم شي خلال مسيرتنا :


الناس اللي خلوني اصبر وأكمل الجامعة والا كنت ناوي امسك الباب


شخصيه تتمنوا تقابلوها :
صراحة اتمنى اقابل الجميع وبالمقام الأول أم جهاد


شخصيه فقدتوها :
ياجعلنا مانفقد حبيب أو غالي


شخصيه تغيرت عليكم:
لم اواجه أي تغيير من أي شخص


أو اعتراف حابين تقولونه :
احبـــكم جيعاً بلا استثناء


سؤال حابين توجهونه لـ أحد :
سؤالي لهنادي خالد : يوم كتبتي الموضوع وش كنتي تآكلي هههههههههههههههههه


لا تنسونا من دعائكم لنا بالحد الجنوبي .... نجران

ههههههههههه


اما سالفه اسم المادة والرقم الجامعي
ذي اخوي زيك فيها
قبل يدخل يختبر يتصل عليها وش اختبار اليوم واسم الدكتور


هههههههه ماكنت اكل شي

المشاركة الأصلية كتبت بواسطة alamoona

الحمدلله وصلنا لنهاية المطاف يارب تعدي الاختبارات على خير..

ابي اقولها كلمة كل واحد عنده حلم لازم يتعب عليه عشان يحس بحلاوته..

انتظر بفارغ الصبر اخر يوم اقول لبوابة الطالبات 2 في جامعة فيصل باي باي

واتمنى على عجل احمل شهادة البكالوريوس في ايدي واكمل الماستر

صدقتي كلامك سليم



مافي شي يجي بـ الساهل لازم نتعب شوي لجل نوصل للي نبيه


هههههههه
هانت ياحبي لك



الله يسرها لك يارب ويوفقك

المشاركة الأصلية كتبت بواسطة هجوووله

موضوع جميل جداً ... لي عوده بإذن الله

في انتظارك

[هنادي خالد]

المشاركة الأصلية كتبت بواسطة amani30

موضوع جدآ جميل وماابالغ لو أقول مسكتني العبره
مو متصورة كيف مشت الأيام بهالسرعه صحيح نشاطي قليل واجزم مااحد يعرفني بس انا اعرف الكثير واولهم ام جهاد وهنادي ومنادي وطموح شايب وشي اخر وشخصية مجهولة
بمسيرتي الدراسية حصلت لي مواقف صعبه جدا اسرية وكانت تصير أيام الاختبارات سبحان الله والغريب اني انجح بتفوق
بمسيرتي حصل لي حدثين انفصال & وعملية تبرع اخوي للوالد بكليته والحمدلله على كل حال

ياعممري انتي
ياعمري انتي ربي يععوضك خير ويكون معك
الحمد لله وربي يووفقك ويسعدك ي عمري

[هنادي خالد]

حبيت حماسكم وكلامكم استمرروا