اي استفسار عن كليه التصاميم - طالبه سنه ثانيه

[النـوـن]

المشاركة الأصلية كتبت بواسطة انتيكا

السلام عليكم
النون ؛( يختي الله يسعدك ويوفقك فكيتي ازمه
ابا اسال عن التخصص لاني حصل 3 خيارات بالموقع
تصميم داخلي و تصاميم المطبوعات و تصميم عام
اش هوا التصميم العام ؛( ؟

عليك السلام عزيزتي
اتوقع تصميم عام يعني سنه تحضيري
والله اعلم

[Alaam]

السلام عليكم
كيف نظام الجامعة باللبس ؟ -سنة تحضيرية -
التنانير
والتيشيرتات

وعادي جوال بكاميرا ؟
فيه باصات ؟
فيه لوكرات ؟
وفيه بنات يلبسون عباياتهم داخل ؟
واحتاج نظارة شمسية ؟ او مانطلع برا
وكيف ع الشنط المويلات ؟ فيه بنات يلبسون باك باق ؟
و وين بالضبط الكلية ؟
تعبتكم وياي مشكورين

[النـوـن]

المشاركة الأصلية كتبت بواسطة alaam

السلام عليكم
كيف نظام الجامعة باللبس ؟ -سنة تحضيرية -
التنانير
والتيشيرتات

وعادي جوال بكاميرا ؟
فيه باصات ؟
فيه لوكرات ؟
وفيه بنات يلبسون عباياتهم داخل ؟
واحتاج نظارة شمسية ؟ او مانطلع برا
وكيف ع الشنط المويلات ؟ فيه بنات يلبسون باك باق ؟
و وين بالضبط الكلية ؟
تعبتكم وياي مشكورين

اهلا، عليكم السلام

تكلمت عن اللبس قبل ، تنانير عادي اي شي بس الطول ميدي مو اقصر
التيشيرتات في جميع الكليات ـ الا المجتمع ـ نص كم اقصر شي ، المجتمع لازم يغطي الكوع

المكان حرم جامعي يعني مساحات خضراء ، شوارع، ممشى والمباني
عشان تتخيلين معاي ، التحضيري لهم مبنى ، الطب مبنى، التمريض ، الاسلاميك، الحاسب ، المجتمع ومباني اخرى
يعني فيه مشي وفيه شمس وبعض الاحيان مشي واجد

الجوالات برضوا حسب المبنى، بعض الاحيان يسوون تفتيش عند المدخل الرئيسي، احتياط خلي دايم بالشنطه جوال بدون كاميرا

باصات مافيه انت توفرين المواصلات

فيه لوكرات، تاجير ،العبايات ايضا حسب المبنى بعض المباني عادي بالعبايه وبعضهم لا يلاحقونك لين تشيلينها
الشنط جميع الاشكال والالوان موجوده ، حتى شنط السفر عاده بنات التصميم

انت سنه تحضيري يعني تدرسين بجامعه الدمام مو كليه التصاميم لانهم مكانين مختلفين ، حطي بخرايط قوقل جامعه الدمام ويطلع لك مكانها

بالتوفيق عزيزتي

[Alaam]

يعني الحين جامعة الدمام بعيدة عن كلية التصاميم ؟
وفيه لوكرات ف جامعة الدمام ؟
وكيف كتب التحضيري كثيرة والا ؟
حابة اعرف وش اشتري شنطة مررة محتارة بالحجم

[النـوـن]

المشاركة الأصلية كتبت بواسطة Alaam

يعني الحين جامعة الدمام بعيدة عن كلية التصاميم ؟
وفيه لوكرات ف جامعة الدمام ؟
وكيف كتب التحضيري كثيرة والا ؟
حابة اعرف وش اشتري شنطة مررة محتارة بالحجم

لا مو بعيده اشارتين، بس اقصد مو زي باقي الكليات تروحين لها مشي لا ، لازم سياره
فيه لوكرات ، بالنسبه للكتب حتى لو كثيره ما بتاخذين كل الكتب معك كل يوم ، يعني كتابين ونوت بالكثير + حطي ببالك العبايه اذا فصختيها يعني مو شنطه صغيره مره اهم شي

[النـوـن]

السلام عليكم
هذا الاسك حقي ، للاشخاص غير المفعلين بالمنتدى

[sokayna hussain]

يا جمال تعاونك .. الله يوفقك بكل خطوة يا رب .

انا من خريجات هالسنه بس بقدم على الهندسة السنه الجاية - في فرصه ولا بس حديثين التخرج ؟
و ممكن تقولين ايس الفرق بين التصميم الداخلي والجرافيك ؟
و غالباً شركات التوظيف لمثل هالتخصصات وين موقعها ؟

[النـوـن]

المشاركة الأصلية كتبت بواسطة sokayna hussain

يا جمال تعاونك .. الله يوفقك بكل خطوة يا رب .

انا من خريجات هالسنه بس بقدم على الهندسة السنه الجاية - في فرصه ولا بس حديثين التخرج ؟
و ممكن تقولين ايس الفرق بين التصميم الداخلي والجرافيك ؟
و غالباً شركات التوظيف لمثل هالتخصصات وين موقعها ؟

اهلا عزيزتي
هندسه والا تصميم ، ماعرف اذا فيه قسم هندسه اصلا
التصميم الداخلي كان هندسه سابقا بس تغير الاسم من مهندسه الى مصممه ، يشمل تصميم المباني من الصفر البلانات اختيار مواد البناء الى تصميم الاثاث واختيار الالوان
الجرافيك او تصميم المطبوعات والوسائط المتعدده ، من اسمه مطبوعات يعني مجلات ، كتب ، جرايد، تصميم شعارات وهويه شركات ، تصميم اعلانات ، فيديو ، تطبيقات جوال ، مواقع الانترنت وغيره

شركات موجوده بكل مكان ، شركات الدعايا والاعلان

بالتوفيق لك ، اذا حبيتي اشرحي لي اكثر عن رغبتك بتقديم للهندسه عشان افهم واجاوب لك بالضبط

[ولاءة]

تقدري تقدمي على مسار هندسي حتى لو ما كنتي حديثة تخرج

[النـوـن]

المشاركة الأصلية كتبت بواسطة ولاءة

تقدري تقدمي على مسار هندسي حتى لو ما كنتي حديثة تخرج

ايوه تقدرين تحولين من قسم ثاني بالنسبه للتقديم مباشره ماعرف والله