[ جامعة اخرى ] : برنامج التجسير ( البكالويوس التكميلي ) حاملين مؤهل الدبلومات .. هام تحديث للموضوع + صورة من الوثيقة

[Joej]

جزآك الله خير
ما قصرت و الله
رآح أرسل لهم رسالة ثانية و تعتبر ثالث رسالة مني , الله يستر لا يلغون إسمي من التسجيل بسبب إعادة أرسال التسجيل كم مره
و ياليت تسأل عن سالفة شهادة الثانوية , في جامعة شقراء فقط !
أغلب الجامعات إللي فاتحه قسم التجسير واضعه هذا الشرط , و المهم بالموضوع ( جامعة شقراء ) ..
راح أشيك على الموضوع بشكل يومي علشان أشوف المستجدات ..

أنتظرك ..

[Joej]

المشاركة الأصلية كتبت بواسطة بيري لو

السلام عليكم
اختي joej أنا مثل تخصصك
انتي ذكرتي ان الجامعة اتصلوا عليك!!! هل هذا دليل ع القبول المبدئي؟
أنا قدمت من اول يوم ولحد الان لم يتصل بي احد..مالسبب؟

و عليكم السلام و الرحمة ..
الكلية أختارات المعدلات المرتفعة ( ممتاز + جيد جدا و كلما كان المعدل أرفع كان له الأفضلية و الأسبقية ) ..
و هم بالأصل واضعين عدد محدد لتسجيل الطالبات .. و الصراحة ما أدري كم لكن الموظفة إللي ماسكه التسجيل قالت الجامعة طالبة عدد معين لفتح برنامج التجسير في كليتهم ..
و ثلاثه من صديقاتي ما أتصلو عليهم .. لأن معدلاتهم ماهي كويسه على آخر شيء من الجيد ..
و وكيلة الشؤون أتصلت على جوالي و قالت " حبيت أقول لك إن أفتتح برنامج التجسير عندنا روحي كملي تسجيل بياناتك في موقع الجامعة " .. و ما كنت أدري إنهم أتصلو على بعض البنات و الباقين لا .. و ما قالت لي لا قبول مبدئي و لا شيء ..
أتمنى إني أفدتك .. و آسسفه تو آشوف كلامك و آرد عليه ..

[afnan 3bdullah]

السلام علييكم

انا خريجة دبلوم محاسبة ماليه مدة سنتين مع التدريب من جامعة ام القرى

الحمد الله أكملت دراستي بكالوريوس بنفس الجامعة وتمت معادله المواد

سوالي انا بحول لجامعة الدمام او جامعة الملك فيصل تقبلني يعني تعادل لي المواد اللي درستها ولا لا ؟

مع العلم شهادتي الثانوية علمي

[Joej]

بيري لو ..

اليوم أتصلت الكلية على صديقاتي ..
ما أتصلو عليك ؟
و قالو لهم نفس إللي قالوه لي .. فقط تتم تعبئة الأستمارة و تكتبين في الخيار الأخير كلية التربية للبنات و المنطقة المزاحمية و إرفاقها مع الوثائق المطلوبة .. و ترسل على إيميلهم ..

وبس

[للّوش]

المشاركة الأصلية كتبت بواسطة الـ ح ـسـآم

أتفق معاك جملة وتفصيلاً بوضعك الشخصي
لكن للأسف حاولت أكثر من مرة أعرف دوام الطالبات تبع التجسير
بعضهم يقولون 2 أو 3 الظهر لكن معلومة متناقلة ومش صحيحة

حريملاء قريبة أقل من ساعة كيف صارت 180 كيلو إلا إذا حسبتيها
من عند باب بيتكم

ليش برنامج التجسير لم يفتح بالرياض سببين

الأول : الجامعات بالرياض مكتفة بمعنى طلاب الصباحي والموازي والأنتساب
وغير برامج الدراسات العليا يسبب ضغط على الجامعة وعلى كوادرها
وممكن يعتبر الأكيد أن جامعات بالرياض لم تخاطب أو تجاهلت هالبرنامج
مثال سمعت وشفت أن طلاب الدبلومات لما يروحون للجامعة وتقول عادلوا
يقولك أبدا من جديد فمستحيل تتنازل شهادة وتدرس 4 سنوات إلا قلة من الناس

الثاني : وهو الأهم الرياض مليااااااااااااانة يبون الناس تطلع من الرياض و
تروح لمحافظات الرياض وأقرب مثال إذا بتروحين للدوام كم تقعدين < بيضيق صدرك


الله يوفقك أن شاء الله

هههههههه أنت قلت شقرا تبعد 90 كيلو
90 كيلو رايحة , 90 كيلو جايه ... كم يصير ! شفت ليه كتبت 180
يا شيخ أنا سجلت في شقراء لو وقفت في وجهي كل السبل بروح لها و أمري لله
مجبر أخاك لا بطل

الله ياخذ الرياض ما قدمت لنا إلا الفشل عاصمه طول بعرض و ما عندهم تجسير
لو على الأقل يفتحوا برسوم المهم يفكونا من هالمشاوير
محد يحس بأحد أعوذ بالله

ما قلت لي لما اسجل اعبي الاستماره و ارسلها للإيميل اللي حاطينه في الموضوع !
صح علي كذه !

و شكراً لك

[بيري لو]

المشاركة الأصلية كتبت بواسطة joej

بيري لو ..

اليوم أتصلت الكلية على صديقاتي ..
ما أتصلو عليك ؟
و قالو لهم نفس إللي قالوه لي .. فقط تتم تعبئة الأستمارة و تكتبين في الخيار الأخير كلية التربية للبنات و المنطقة المزاحمية و إرفاقها مع الوثائق المطلوبة .. و ترسل على إيميلهم ..

وبس

للاسف لم يتصل احد
أنا قدمت على الكلية اللي في ساجر وايضاً في شقراء يعني ارسلت الاستمارة مرتين .... الله يكتب الخير
اختي كلية التربية اللي في المزاحمية ماهي موجوده من ضمن الكليات اللي متاح فيها التجسير هذا حسب الموجود في موقع جامعة شقراء !!

[Joej]

المشاركة الأصلية كتبت بواسطة بيري لو

للاسف لم يتصل احد
أنا قدمت على الكلية اللي في ساجر وايضاً في شقراء يعني ارسلت الاستمارة مرتين .... الله يكتب الخير
اختي كلية التربية اللي في المزاحمية ماهي موجوده من ضمن الكليات اللي متاح فيها التجسير هذا حسب الموجود في موقع جامعة شقراء !!

اصلاً ما كتبو في الجدول إللي حاطينه كلية المزاحمية ..
و صديقاتي إللي يدرسون بالمزاحمية سوو عندهم إعلان عن برنامج التجسير و طلبو من كل الطالبات يوصلون هالخبر لحاملات الدبلومات حآسب آلي + إنجلش ..

طلبو حضورنا للكلية + صوره من السجل الأكاديمي + صورة من الوثيقة ..
سجلت أسمي و تخصصي و معدلي و رقم هاتفي فقط !!
و هذا لا يعتبر قبول مبدئي و لا شيء ..

و الحمدلله على كل حال , إن كان لي أو لك رزق في هالبرنامج رآح نأخذه , مهما كان الأمر ..

[بيري لو]

المشاركة الأصلية كتبت بواسطة joej

اصلاً ما كتبو في الجدول إللي حاطينه كلية المزاحمية .. :looking_anim:
و صديقاتي إللي يدرسون بالمزاحمية سوو عندهم إعلان عن برنامج التجسير و طلبو من كل الطالبات يوصلون هالخبر لحاملات الدبلومات حآسب آلي + إنجلش ..

طلبو حضورنا للكلية + صوره من السجل الأكاديمي + صورة من الوثيقة ..
سجلت أسمي و تخصصي و معدلي و رقم هاتفي فقط !!
و هذا لا يعتبر قبول مبدئي و لا شيء ..

و الحمدلله على كل حال , إن كان لي أو لك رزق في هالبرنامج رآح نأخذه , مهما كان الأمر ..

الله يوفقك عزيزتي
متى ينتهي التسجيل في كلية التربية اللي في المزاحمية ؟

[Joej]

المشاركة الأصلية كتبت بواسطة بيري لو

الله يوفقك عزيزتي
متى ينتهي التسجيل في كلية التربية اللي في المزاحمية ؟

اللهم آمين ..
التسجيل مع آخر يوم محددينه .. و إللي هو 27 - 4 .. يعني اليوم ..
و يمديك التسجيل إنك ترسلين وثائقك مره ثانية عن طريق الإيميل و تكتبين في الخانات الأخيره إللي أستمارة الإلتحاق كلية التربية للبنات و المنطقة المزاحمية ..
و إن شاء الله يقبولونك

[قنفه]

لاحول ولاقوه الا بالله اليوم توني ادري انه فتح تجسير فاتحني التسجيل ولا باقي وفتح بحريملاء اخ حسام ياليت تفيديني بالمعلومات