‏تعـال و خبّني من الدنيا بصدرك...‏هناك ما تقـدر الدنيا تضايقني❤

[Dark Chocolate]

*


مبسوطة بس




-

[Dark Chocolate]

http://36.media.tumblr.com/f66368d0b...mm8o1_1280.jpg

[Dark Chocolate]

*


http://40.media.tumblr.com/a7dd8fbb6...h3zo1_1280.jpg






-

[Dark Chocolate]

*,


اول مره اجي مكه و هي زحمه كذا دايم نروح في وقت تكون فاضيه بس الحمدلله تيسرت العمره و تممها ربي


المهم شرايكم اتفلسف عليكم شوي او لا ؟

كان ذابحني النوم و طار و قلت ادخل المدونه هههههههههههههه

المهم رضيت على النت في بيتنا يوم شفت سرعة النت هنا :)



-

[Dark Chocolate]

^



سلامو عليكو

و خلصت رحلتنا و كان و ما كان ودي ارجع .. ياخي راحة نفسية و شيء يجنن مع اننا ما كنا نصلي كثير في الحرم يا في التوسعه يا في مسجد البرج بس مع الحرم .. التوسعة ذي متى تخلص على خير و يرجع الوضع زي قبل .. المهم الفترة ذي زحمة زحمة زحمة زحمة .. سبحان الله كنت ابيهم يقدمونها و نروح قبل هالوقت بس هالشغل و الاجازات تخرب ع الواحد احياناً .. لكن كل شيء فيه خير و صح اني تضايقت انه رحنا في عز الزحمة بس تحققت امنيتي ذي
http://www.ckfu.org/vb/11558369-post2688.html

قبل سنه كتبت هالكلام و الحمدلله امس و اليوم مكة مطر .. صح اني مادري عنه الا اذا بدا يخف و يكون رش .. هذا عيب السكن في هالفنادق تنعزل عن العالم لا صوت و لا شيء و لا تدري امطرت و الا لا يازين شنكو بيتنا بس هههههههههههههههههههههه ..

هذه الصوره بعد المطر قعدت في اقرب مكان فاضي عشان انتظر صلاة المغرب و رفعت راسي و الا القى هالجميلات



طقتني ام الركب و اوريها اللي معي كلهن جبانات رجعوا قالوا نصلي في المسجد فوق ههههههههههههههههههههععه و يهاوشوني ليه تذكرينا .. الا انا سويت القويه و امي طبعاً ما همها الموضوع و جلست معها و انا لا خشوع في صلاة و لا في دعاء مل شوي اناظر فيها خاصة انه جاء هواء قوي بعد المطر بس للامانه وقفوا الشغل على طول و وجهوها للجهة الثانيه اللي مافيها اودام لانهم يبنونها و حاطين عالمبنى 3 لوحات خضراء كبيرة مكتوب عليها ( السلامة اولاً ) و رقم جوال اتوقع عشان البلاغات مادري ليه هالرقم ..

المهم اني قلت لامي خلينا نبيع بيتنا و نروح نشتري بيت في مكة و نرتاح هناك بس

بس الحمدلله لما اشوف الاجانب اللي جايين يعتمرون و كم اعمارهم و وشلون مشاعرهم و هم يناظرون للكعبه يعني كم سنه قعد يجمع عشان يقدر يجي لهالمكان و بعد ما راح عمره و قوته و حنا في شهر او اقل نقرر و اكبر همنا ما نلقى طيارة و الا فندق و الا ما يعطونا اجازة ..!

و الله اننا في نعمه و للاسف مو مقدرينها .. الله يحفظ لنا هالبلد و يديم علينا نعمة الاسلام و الامن و الامان و لا يولي علينا ظالم و يحفظ لنا ملكنا و يعز الاسلام به و يعزه بالاسلام


-

-

[Dark Chocolate]

*


‏شفتك معه واقفيت عنكم وصديت
‏اخاف اموت من القهر في مكاني
‏مبعد ولا بك ياهوى البال ضنيت
‏انك تعاشر بالهوى خل ثاني


أعظم ماقيل في الخيانة


-

[Dark Chocolate]

*,



http://41.media.tumblr.com/e9f62338f...1reo1_1280.jpg


صباح الخير ..

فيه اشخاص عادي عندهم يتغيرون و تتغير قناعاتهم و فيه اشخاص لا ...

المهم انا انسانه كنت اكره شيء اسمه مسلسل تركي .. يعني اذكر بدت ثورة هالمسلسلات من كنت في المتوسط او الثانوي .. و اكره احد يتكلم عنها يعني حتى ما احب احد يسولف عنها قدامي
بس قبل شهر طحت في مسلسل و اللي عجبني فيه انه كوميدي و يونس و تغيرت نظرتي لهالمسلسلات و بديت اتابع واحد ثاني و بس يعني اكتشفت اني ما اتنح و ممكن اسوي اشياء كان مستحيل اسويها



-

[Dark Chocolate]

*,


و الله صدقوا يوم قالوا ما يحس بقيمة العافية الا اللي فقدها


-

[Dark Chocolate]

*,


قاعده اشوف مدونتي مالها مله لاني مع اللي يكتبون باقلامهم على طول و لاني من اللي يقتبسون و لا من اللي يزرفون ...
مره هيك و مره هيك و مره هيك ...
لذلك ودي اغير اسم المدونة ل ( خنبقات دارك ) مالقيت اسم ابلغ منه ...
فيه سالفه صارت لواحد مادري من هو بس امي علمتني عنها المهم انها تررررررفع الضغط بس لاني خلقه مرتفعه حرارتي مابي اتنرفز و اصير شعلة منسدحه ع السرير هههههههههههههههههههه
فانتظروا بعد اسبوع اعلمكم اياه ( تشويق صح ؟! )

-

[Dark Chocolate]

^

كسرتوا خاطري ما قدرت اصبر اسبوع > الا يدها تحكها الا تبي تعلم
الموهيم يا طوال الاعمار ... فيه شاب يبي يتزوج بس شرطه ان البنت تكون من قريه مالها في حياتنا يعني يبي وحده بسيطه ماتطلب ما تعرف نت ما تعرف اي شيء يبي وحده مغمضه بالعربي .. ليه ؟ الله اعلم بالنيات هل هو اساساً لعاب و لا عاد يضمن اي بنت مفتحه و الا يبي يشوف نفسه عليها و يكسر خشمها مالنا بالطويله ..
خطبوا له اهله بناءاً على طلبه وحده من قرية مو قرية شيسمونها المهم من المدن ذي الصغيره التابعه للرياض اعرفها بس نسيت اسمها الحين المهم البنت مو مثلنا يعني للحين على نظام برقع و تستحي و تتغطى و الخ ..
ما تعرف شيء عن الاسره الا اللي تشوف امها تسويه لابوها بس ..
تطبخ له ينبسط تقهويه ينبسط ذا مفهومها لاسعاد الزوج ..
تزوجت هالادمي و العرس مختصر و بسيط كم ذبيحه و قرابتهم و السلام ..
جاوا للرياض ما اخذ فندق لان عارف انها بترضى انه يوديها لشقتهم على طول .. المهم صحوا ع الظهر قال جوعان بنطلع نتغدى قالت لا و الله ما تطلع في هالحر عشان الاكل انا بطبخ غداء انبسط انها سنعه و هبة ريح و ماهيب دلوعه قامت طويلة العمر ترق له مرقوق و جايبها عزبتها من بيت اهلها - عزتي لها بس - بلعها اول يوم هو طبعاً متعود ع البرجر و الباستا و الخ ما ياكل هالاشياء جاء ثاني يوم قال طلعنا حلفت و اقسمت و لا و رقت له مرقوق المهم على هالحاله 5 ايام تملى بطنه من ذا العجين
عاد ما تحمل شالها و اغراضها و رجعها لاهلها ليه وش فيه وش صار ما يدري وش يقول الادميه ما غلطت سوت اللي تعرفه يعني لو يقول مابيها عشان تغديني مرقوق و ترفض تطلع معي للمطعم ناكل فيها الغلط راكبه راكبه قدام اهلها قال ما نصلح لبعض ليه يا ولد قال بس سلام و يرجع لاهله و خلاص ما ابيها ليه طيب لانها ما تبي تطلع معي و تتمشى و تسوي مرقوق غداء السبب غبي و هو غبي يعني سبحان الله على نياتكم ترزقون ليه تارك كل البنات اللي من نفس بيئتك و رايح تاخذ وحده من بيئه ثانيه ؟ رحمتها لان هي اللي خسرت في هالسالفه كلها .. اقصى عرفها ان اسهل طريق لقلب الرجل معدته و تحشي هالمعده و نحشته

انا مادري ليه ارتفع ضغطي و ضحكت حسيت نيته وصخه و عشان كذا طاح في وحده خربت كل جوه بس في نفس الوقت رحمتها


هذه هي السالفه و بس


-