سجل حضورك اليومي بكتابة بيت من الشعر

[اكورد]

قولي لهم ياعزوتي ما عابنا مـــــوت / النخيل .. !
اللي يوافيها الأجل و ( تمــــوت ) لكن واقفه..|

[راقي الفكر]

الجرح خلّه لاجل الايام ذكرى
......... بس لاتجي في يوم وتقول نادم .."

خابرك تفهم بالأحاسيس وادرى
......... يوم ٍ[ أخلّي القلب] لرضاك خادم .."

يوم ٍ أجي ملهوف وتقول بكرى
......... وبكرى أخاف الموت يابن الأوادم .."

[برق الحيا]

وش حيلة الَّلي صابته رميـة الهدَّيـف

خويَّك صويبٍ طايحٍ تِنـزف طعونـه

مِما جرى له يطلب النَّجدِ والتَّسعيـف

عيونه تِخونـه ليـن مابـاحِ مكنونـه

صويب الغزال الَّلي رعى عاليات النَّيف

في مرتعٍ عسرٍ علـى الَّلـي يرودونـه

غريرٍ حسين الوصف ومكمَّل التَّوصيف

نذيرٍ يصون العرض وأهلـه يدارونـه

تبعَّد يميل الصَّيد شمَّ الهـوى طرَّيـف

وأرموا مكانه ويـن كانـوا يحيدونـه

لو كان رمايٍ علـى شارتـه هدَّيـف

على الشلش وإلا تركَّد علـى هونـه

[اكورد]

ولا ضاقت الدنيا وعلى الكيف ما جات
اطلق احجاجك ثـم توكـل علـى الله

[اكورد]

تدري وش اللي يقتل الحـب بسكـات
لاصرت فـي بوحـك تحـس بمذلـه


وتدري وش اللي يكسر الظهر حزات
لامن عطيت احسـاس ماهـو محلـه


وتدري متى تستاهل الطعـن مـرات
لا من خطيت الـدرب وانتـه تدلـه

[اكورد]

كان لك قلبي مدينه ولاحظ إني قلت : ((كان))
يعني إنتَ الحين واحد ((خارج حـدود المدينه))

[اكورد]

لولا الخطا محدن عرف قيمة الصح *** ولولا الصحيح يصح جات الفضايح
شي طبيعي يـوم نـنـصح ونـنـْصح *** النـاس كـانـو يـشـتـرون الـنـصـايح

[رحال 2626]

بعض العرب ما ينعطي وجه بالحيل *** وليا عطيته وجه صار لك علة

[رحال 2626]

بعض العرب حبة يوردك الجنون
ولا يوصف لة غلاة احكاك لة

ما يقنعة وصف الغلا وش يكون
لو كل حرف بالحرير يحاك لة

الموت جاك وهو تقبلة الظنون
ولا لك الا الصبر ....وش وداك لة

ان قلت ضاق ..قال..هونها تهون
مايدري ان ضيقتك لة ..وبكاك لة

تقعد تحبة وانت ساكت ومغبون
يمكن بيوم يقال لة ما اوفاك لة

وكانك مشكك هو يمون ..او ما يمون
تخيل ان عفت الصبر فرقاك لة

غلاة من فوق الغلا ماهو بدون
وحكاة سمعك يجبرك بارخاك لة

ودك تحطة فالعيون من العيون
وتبسط على رمضى الثرا يمناك لة

وتظلة من الشمس في ظل الجفون
ولا يمر اذنة سوا لباك لة

وتسج من غيرة لونهم يذكرون
ومنين ما سجت القدم ممشاك لة

فلو يميلة الترف ميل الغصون
غصن ليان ومكرمة بسقاك لة

جديلة الى اقفي ستر منة المتون
كني بريحة لا لتفت لدعاك لة

يزها الملابس ..اي لبس..واي لون
وفالليل وجهة لا ظهر قداك لة

كيك وعسل لكن ما هو في صحون
ودعاك من عين الحسود اغطاك لة

اللة لا يعطية ناس ينضلون
ويستر علية من النحل لا ياكلة

والوصف والتعبير في وصفة يخون
غير اطلب الله يستجيب ادعاك لة

وهذال قلبك في محبتة يجسون
سكينهم عن قطع حبلة حاكلة

اللي من لحوم الاوادم ياكلون
وحلوقهم دافع البلا متواكلة

ناس عن اعراض العرب ما يعرضون
ودايم على نفس الشكل والشاكلة

في سلمهم او لا بالاكل الاقربون
واطيبهم اللي صيدتة شكواك لة

يدعيهم الشيطان للذيب ويجون
هذا يقطع لة وذاك يواكلة

من جاك منهم لا تبين لة سنون
واضرب يمينة لا بغى يسراك لة

يا جعلهم فدوة ثر الغض الفتون
اللي على درب الطويل اخطاك لة

طيفة الى نام البشر زادك بهون
وطيفك الى نام البشر سراك لة

حبة دفان ومقبرة خضر الطعون
بين العظام العوج كنك ناكلة

فلو غلاة يوردك حوض الجنون
ولا يوصف لة غلاة احكاك له

[اكورد]

يحسب اني يوم سلم ماسمعته
سامعه بس اني اتغلى عليه
قلت ابثقل بس ثقلي مااستطعته
ابتسمت وجيت لمعانق يديه
يحسب اني يوم مارديت بعته
مادرى اني بكل عمري مشتريه
والصراحه يوم سلم ماسمعته
كنت افكر كيف انا اسلم عليه