[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[2COOL]

لاجاء من الطيّب خطا ... ماأتحيّر

أصمت وصمتي ماهو إلا شرف لي

أسامحه مادام وجهه ... تغيّر

حتى لو إنّه بالخطا ماأعترف لي

[2COOL]

لاجيت يمّك لقيت الحب ينطرني

وإن غبت عنّك عرفت الهمّ وأسبابه

أثرك دواء خاطري من يوم تذكرني

لاصار قلبك يبوح لشوفة أحبابه

تدري وش اللّي على بُعدي مصبّرني

أنّك في داخل خفوقي وقافلاً بابه

[2COOL]

في لمّة الأحباب تطري طواريك

وينتابني شوقٍ يهز العظامي

في داخالي شوقٍ عظيمٍ يناديك

وقلبي وعيني من بعادك ضوامي

هذا شعور إنسان بالحيل يغليك

ومعه المحبة والغلا والسلامي

[Abo Rahma]

ليت المشاعر تنتقل

للقلوب بسكات

وليت الرسايل وصفها

للشوق كافي

[Abo Rahma]

وينك ؟؟


تجاوب صرختي بسكرة الموت..


وينك??

تشيل أطلال خلك بتابوت..



تعال وانقلني على القبر بسكوت..

تعال حقق في مماتي مناتي..

ما أبيك تبكي ولا ترفع الصوت..

لي الشرف لو جيت تحضر وفاتي..

[2COOL]

جيتني مثل السحاب وجيت لك مثل الضما

جيت لك مثل الضما لا لمح وجه السحاب

من يلوم الضامي اللّي بحضن هالغيم أرتمى

راح عمره ياسحابه قبلك بطرد السراب

[мάђяά ♥]

_


الذنوب كثار ،، والغفلات واجد
والبشر محدن على الذنب يغصبها

ودّي يحين الوعد ،، والراس ساجد
وغير هاذي والله إني ما أحتسبها

[мάђяά ♥]

_



لا قام صدرك بالهواجيس يكتظ
سبح و هلل و اذكر الله و ترتاح

لاتشتكي وتقول انا مامعي حظ
الله هو اللي يرفع الحظ لا طاح

[Abo Rahma]

ياشينها لا صرت معجـب و خجـلان
خوف المصـارح لا يجيـب المطمّـه

اخاف اصـارح بالغـلا ذاك الإنسـان
و ينقلـب جـوو المصـارح مـذمّـه

ويا شينها لا صرت مغرم و زعـلان
محد ٍ يراضـي قلبـك و محـدً يلمـه

وان رحت محد ٍ قال لك:وين يافـلان؟
روحتك مع جيّتـك .. ماهـي مهمّـه

[H-a]

من غدا به ربيع العمر مني
حسبي الله على وقتٍ غدا به
إلتوى به رجاء قلبٍ يونِ
ويل قلب تعلق وإلتوى به