صفحات من حياتي

[ξـبد»βrines«الرζـمن]

صباح الصيام كنت افكر المحششين عقلو بس للأسف القرد قرد نرجع لهم يخرب بيتهم
____________

شريط طاح من فوق عماره وما انكسر ليش؟؟
عشانه فلم هندي ..

___________________________

محشش سمع ان الشيطان شاطر راح يدرس معاه
__________________

محشش صايم اتصل على ما يطلبة المستمعون قالو له شو بتحب تسمع قلهم مقطع من اذان المغرب (خاص برمضان)
__________________

محشش دخل البيت لقى امه تحترق قال""ماشالله الوالده منوره اليوم
_______________

محشش فتح محل سماه (منجرة الأقمشة الكهربائية لحلاقة الأحذية الغذائية)
________________

محشش اتصل على المطعم قال عندكم عشا قالو: نعم قال ليش ما تعزمونى!!!!!!

____________

محشش رايح يعالج في أمريكا، سأله الطبيب عن الكوي اللي في بطنه: وات إز ذس ؟ ... قال المحشش: ذس إز ... تش ... أح

______________

واحد سافر يدرس كلم ابوه وقاله انا نزوجت وجاني ايدز قاله ابوه ورا ماسميته على جدك يا حمار
________________

محشش نذل عرف رقم جوال جني قام كل شوى يرسله بسم الله الرحمن الرحيم (عاجبني هذ المحشش تحس ان فيه خير)

+++++++
يخرب بيتكم محششين حتى رمضان ما سلمنى منكم

للجميع

[ξـبد»βrines«الرζـمن]

حياكم يابني البشر ويابني البشرات

اليوم حسيت الامام بيدخل على قسم النساء ويخلي العقال يرقص على ظهورهم
السبب من كم يوم وقسم الحريم يشتكون مره يشتكون من ازعاج الصغار ومره يشتكون من ان بعض النساء كل مجموعة تصلي لحالها بدون ما يكملون الصفوف كل فترة طالعين بمشكلة

بغيت اقوله ياخي قفل المصلى عليهم ولا كل وحدة تجيب ولي امرها ولا دخل عليهم قطو اسود وصك الباب عاد تخيل كل وحدة منحاشه بالشارع وعبايتها طايره كنها (سوبر مان)

استغفر الله بس

للجميع

[ξـبد»βrines«الرζـمن]

كل من سجل اعجاب او ارسل تقييم شاكر لكم
واتمنى قضاء امتع الاوقات في مدونتي (حشى صارت خطوط طيران مو مودونة)

للجميع

[ξـبد»βrines«الرζـمن]

صباح الخيرات والليالي الملاح

قبل كم سنة طلعنى شباب تخييم تقريبا كنى 10 اشخاص بس احس الجن الي خيمنا عندهم يقولون وش جاب هذولى العاهات عندنا طبعا مقسمين الاعمال على بعض ... مجموعة للتنظيف ومجموعة لتجهيز مقادير الطبخ يعني تقطيع البصل والطماط ومشتقاته وشخص ومساعد له للطبخ بس المشكلة والمصيبة اذا كان معك ناس ما تاكل اي شي يعني كنك جالس بمستشفى نقاهة (استغفر الله ) واحد فيه حساسية من البيض والثاني ما يحب الطماط بس يا كل كتشب هذا قاهرني من جد والثالث يحب الرز احمر وهكذا كل واحد عنده طبع ....والي يقهر اكثر الي ما ياكل سمك بس يحب التونة
عاد قلت لهم شوفو دلعكم حطوه عند امهاتكم المهم وجاء اليوم الثاني وقال واحد من الشباب انا بطبخ العشاء انا اعرف انه ما يعرف يطبخ بس قلت خله يتعلم وجاك الرجال ويطبخ لنا مكرونة تخيلو ساعتين يطبخ مكرونة يخرب بيتك المكرونة ما تتعدى تقريبا عشر دقائق والله ان المكرونة صارت (سيريلاك) تبع الاطفال انا اذكر المكرونة عيدان بقدرة قادر صارت سيريلاك والمصيبة العظمى جالس كل شوي يفتح القدر ويصب مويه عليها من بريق الوضوء الي نتوضاء فيه يالله يسد نفسك
انا شفته بس ما علمت الشباب ولا كلت معهم الشوربة قصدي المكرونة والله بعد الفجر صارو الشباب كل واحد رايح في مكان من الاسهال (اكرمكم الله) والمصيبة اتهموني اني حاط لهم (حلة ) في الاكل قلت لهم القصة قالو نصاب الرجال ما قصر طبخ لنا بس انت حاط لنى شي في الاكل ليش انت الوحيد ما جاك شي

امحق طلعة كلها تسمم وامراض

للجميع

[ξـبد»βrines«الرζـمن]

ام اليوم صار لي موقف في صلاة العشاء انواع الاحراج
كنت اصلي بالصف الثاني وكان قدامي طاولة تبع المصاحف المهم الركعة الثانية كان فيني خمول يوم جيت اسجد وانزل للسجود بسرعة شوي ما دريت الا راسي بالطاولة (طرخخخخخ) بعد الخبطة طار النوم المشكلة صوت الخبطة ما يمديك تصرفه جبهتي راحت صرت اسجد على طرف الجبهة من الألم
يوم خلصو الصلاة العالم فيهم لقافة كلهم يطالعوني والي جنبي يقولي سلامات عساه خير (طلعت مسوي حادث سيارة ) قلتله لا ما وازنة المسافة كويس بين راسي والطاولة
بيني وبينكم بغيت اكذب عليه و اقوله كنت اشوف الطاولة تتحمل الضرب ولا لا بس ما بي اكذب بالمسجد

المهم عدة على خير وبشوف لي مسجد ثاني لين نهاية رمضان خخخخخخ

طلعت كني معلم سياحي كل شوي واحد يطالعني

للجميع الله يكفيكم شر الطاولات بجميع اشكالها

[ξـبد»βrines«الرζـمن]

صباح الألم وحب الوطن (بدينا بكلام المحششين)

لاتواخذوني الضربة الي امس لاعبة لعب براسي نفسي اسال شيخ هل يجوز اصلي على اذني عشان الجبهة متضررة ما فيه فايدة حطية فازلين وديتول بس نفس المشكلة عاد اتخيل شكلي ونا ساجد على اذني كني جالس اسمع الي تحت الارض بليس وشلة الانس الي معه
شكلي بحط ثلج على جبهتي (طلعت كني ببسي ناقص احط لي شفاط وشفط مخي)(يالزيز ياريق)

للجميع

[ξـبد»βrines«الرζـمن]

حياكم

قبل سنتين تقريبا او ثلاث في احد الاماكن ان وواحد من الشباب شفنى الممثل الي بطاش ماطاش يقلد دور (رقية ) الي اسمه المزيني المهم قلت لزميلي تبي نستهبل عليه قال قدام ونجيك ونقوله يا رقيه يا رقيه عند الناس المهم الادمي تفشل واستحى (زين انه يستحي) ومن مسافة بيننا وبينه قلت له يومك تستحي ومنت مقتنع بالي سويته ليش تسويه طبعا مارد علينا متجاهلنا مو عاقل (مايكل اوين) وش دخله
وتركناه ومشينا والله ما يستحي على وجهه هذا كبره ويسوي هذي العمايل

كما قال الرسول الكريم صلى الله علية وسلم (لعن الله المتشبهين من النساء بالرجال ولعن الله المتشبهين من الرجال بنساء) الحديث

كما قال الشاعر (اذا لم تستحي ففعل ما شئت)

يمكن بعضكم يقول حركتك مالها داعي بس انا حبيت ابين له انه مخطئ .
للجميع

[ξـبد»βrines«الرζـمن]

اهلين

الله يهديه واحد من الشباب بغى يذبح عامل نظافة بنقالي


القصة شاف زميلي عامل ينظف الشارع وقف عنده وعطاه (100)ريال البنقالي جلس يقول صديق مافيه صرف قاله زميلي لا شيل كله فلوس رد العامل وقال هذا كله حق انا قاله زميلي ايوه جاك البنقالي واغمى عليه ماصدق ان الفلوس كلها له وقفنا السيارة على جنب وخذنا مويه كانت بجيب البنقالي وصبينا على وجهه وصحصح قلنا له خلاص قم جيب فلوس قام البنقالي رجع اغمى عليه ثانيه صدق اننا بناخذها منه ياليل اليل ان عطيناه اغمى عليه ونا خذناها اغمي عليه وش نسوي المهم ويجيك شايب بالسيارة ويقول وشفيكم عليه هذا الضعيف انتم ما تخافون الله على طول خش عرض ما يدري وش القصة قلنا له احنى نساعده الله يهديك يوم عرف القصة كمل طريقة الشايب
المهم وصحينا البنقالي وجلسناه تحت شجرة جلسنا نهف عليه بسجادة عشان الهواء يجيه (مو عاقل كيلو بترا) وجلسى يتشكر زميلي وخلصنى ومشينى وخلينه ..

قلت لزميلي والله ان عطيت احد فلوس ونت معي لا امسطك بخيزرانه وارميك بالشنطة يا قرد

خلاص تعقدة

تحذير من وزارة الصحة الي بيتصدق يتصدق من (5 ريال - الى عشرين ريال) بس فوق هذا المبلغ تحصل حالات اغماء

للجميع

[ξـبد»βrines«الرζـمن]

مراحب

شوفو وش شايلة يخرب بيتهاشكلها راضعة مع فيل ويصير اخوها من الرضاع انا ونا اشوف المقطع جاني شد عضلي برقبتي

http://www.youtube.com/watch?v=bqm5ZXytVig

للجميع

[ξـبد»βrines«الرζـمن]

خخخخ يخرب بيتهم امحق صلاة يبون يلحقون على القطار ما صارة هذي صلاة طلعة تمارين سويدية تحس الجوازات طبت عليهم ونحاشو

http://www.youtube.com/watch?v=YHvwPeF3MB8

للجميع