[ التجمع الخاص قبل الإعلان عن النتائج النهائية ] إستفسارات .. نقاش .. حوآر

[فواكهه]

اللهم توفيقك يارب

[WALEID]

ليه مستعجلين على النتائج يا اخوان كل واحد يشوف اشغاله والنتائج بتطلع في الوقت اللي يخلصون منها وحنا ما نحتاج النتائج إلى عشان نسوي الجداول ترا كبرنا ما عاد حنا صغار نجلس نشوف ناجحين ولا راسبين الماده اللي ناجح فيها خير وبركه والماده اللي راسب فيها ناخذها مره ثانيه وان شاء الله ننجح فيها

وكلو اموركم كلها لله عز وجل

[صقر الجبال]

السلام عليكم هذه ابيات مني حبيت اغير الجو شوي لاني شايف الوضع متوتر احكي فيها عن حالي وما اشاهده قبل ظهور النتايج لكم عليها شوي لانكم تستاهلون اكثر من كذا لكن الجود من الموجود.

بسم الله الواحد ابدا كلامي وصلاتي وسلامي على النبي الهمامي

سلامي لطالبين العلم الكرامي ياللي تحديتوا الظروف وذللتوا الصعابي

بذلتوا الجهد والمال لاجل شهادة انتسابي في كل عام وفي كل ترم نفس السؤالي

النتايج طولت والمشكلة بدون اسبابي متوتر ومتلهف على شوفة كتابي

قريت موضوع ابو يزن للمشاركة والحواري والا انا اول بخير ما علي خلافي

شفت من المشاركات حتى زاد انفعالي شئٍ صحيح وشئٍ من ضرب الخيالي

وتحليلي تصرف طبيعي لطول الانتظاري وجهة نظر انا إداري ماني علم اجتماعي

في جامعة التقنية لهذا الزماني اصدروا تقويم قيد التنفيذ والالتزامي

والتاجيل وارد واخذت احتياطي بالملتقى وتويتر والجامعة خارج الحسابي

يا جامعتنا تبون الحقيقة والا كلامٍ خداعي المدخلات واجد والمخرجات ما تساوي

للاسف واقع واعيشه ماني لحالي التطور بطي ماغير كاني ارواح مكاني

ونصيحتي للملتقى اهل الوفاء والالماسي النتيجة مقياس جهدك ما هي مصابي

رسوبك يعني إعلان التحدي ورفع الشعاري فداء راسك ويسلم راسك على التضحية والليالي

والا غيرك انسحب وهايم بالتجوالي واما انت شامخ ما يهزك يا جبل كثر الرياحي

وان كان نجحت وطاب لك جواب السؤالي فاشكر الله الواحد الاحد رب الاربابي

تستاهل ومبروك على كثر التمعن وكثر الاجتهادي بالفعل تلقى ما قدمت ما هو ضرب اختياري

ماني بشاعر وقلت اشارك بعد غيابي وادعي لكم بالتوفيق والسداد وحسن الختامي

وسلامتكم و يارب انا ننجح كلنا و ما فيه احد راسب

[zenamh]

انا طالبة غير سعودية ولسا مانزلي الرقم الجامعي كيف ممكن اعرف نتائجي ساعدوني

[Sitah.Alotaibi]

الله يطمن الجميع

[طفيل الشهراني]

يالربع انا اطالب بأن النتائج لا تظهر الا مع اختبارات الترم الثاني حتى نحتفل مره وحده


لاننا بصراحه ما نبي نتائج خلونا نكمل بالجامعه بدون نتائج

[rooofy23]

للأسف حتى نتائج المشاركه مانزلووها يعني ليش كذا

[•• شجون ~]

المشاركة الأصلية كتبت بواسطة طفيل الشهراني

يالربع انا اطالب بأن النتائج لا تظهر الا مع اختبارات الترم الثاني حتى نحتفل مره وحده


لاننا بصراحه ما نبي نتائج خلونا نكمل بالجامعه بدون نتائج

كيف بتعرف اذا نجحت بماده او لا
الي ع اساسها بترتب جدولك


بس ضحكني طلبك

[Nsay]

العفو

[روووما]

الله يوفقنا ونجيب اعلى الدرجات في الدارين يارب العالمين