هنا نستقبل استفساراتكم عن كلية الطب بالأحساء

[hyuuga faisal]

الله يسلمك و يوفقك و يعينك على سنه رابعة...هي اخر سنه قبل سريرية صح؟؟

و احسن ما في الطب التجديد الدايم ,كل سنه..كل يوم شي جديد ما تملين منه اما حالات جديده او طرق عمليات جراحية جديدة او او او ...


ما اطول عليك بس الله يعيننا جميع و مشكووووووره على المساعدات الي قدمتيها لنا

[هدوء المطر]

السلام عليكم و رحمة الله وبركاته
سؤال عجيب ما حد يسأله إلا إذا معلوماته صفر عن كليه الطب في الأحساء مثلي :c8:
قالت لي وحده أن في كلية الطب اثناء الدراسة في أختلاط صحيح الكلام و إلا لا <<< أن شاء الله لا

[اورجوان]

انا استغرب من هالاشاعات الي يطلعونها علينا يا دارسي الطب !

وين حنا فيه عشان يكون اختلاط !!

اختي ,, الدراسة في الجامعة للمرحلة ما قبل السريرية = قبل دخول المستشفى = انتي في كليتك و الاولاد في كليتهم

يعني لا يوجد اختلاط ,, و حتى الي يدرسونك كلهم دكاترة نساء ,, ما في رجال

في المرحلة السريرية = لما بتكونين في المستشفى ما ادري , لكن ممكن يبدأ يدرسنا دكتور , و في هالحالة كل بنت مستره محد راح يتحرش فيها حد , يعني انتي بكرسيك و هو يشرح , و انتي متنقبه او حتى لو متحجبه و هو ما له دخل فيك !

:no2: استغرب من هالناس الي تطلع اشاعات ,, كل هذا بس عشان يسوون احباط للبعض عشان ما بيغونه يدخل يدرس طب !!

انا سمعت من كذا وحده هالسؤال و ان ناس كثير يتكلمون بهالخصوص

لكن الي ما يدرس و مو عايش في الوضع انصحه لا يتكلم من كيفه عشان ما يسبب احباط لغيره << عصبت

حنا ندرس طب للرقي بالمجتمع و إفادة جميع المرضى بإذن الله و الي يسوي احبط فنقول له الي ما يطول العنب حامض عنه يقول

موفقه عزيزتي ,, انا اقول انك لا تسمعين لكلام حد ,, لانه و ان كان اختلاط ,, البنت المستره محد يتحرش فيها !

انا اشجعك و بقوة للدراسة

و الله الحافظ من كل شر

[هدوء المطر]

مشكورة أختي لأن أبوي و أخواني مشجعيني
أما باقي العائلة فإحباط في أحباط
بس ان شاء الله تطلع النسب لأمتحان القدرات و التحصيلي حلوة عشان ادخل طب :s12:
بسأل
بعد ما تخلص البنت 7 سنوات دراسة في الكلية و يبدأ التخصص في الهيئة الطبية تكون حكومية و إلا تكون التكلفة على الدارس وهل سنوات التخصص كثيرة لو بتدخل عن أمراض الأطفال؟
أسفة على الازعاج بس حبيت استفسر

[اورجوان]

مشكورة أختي لأن أبوي و أخواني مشجعيني
أما باقي العائلة فإحباط في أحباط
بس ان شاء الله تطلع النسب لأمتحان القدرات و التحصيلي حلوة عشان ادخل طب

أهم شي يكون ابوك و اخوانك راضيين ,, باقي العيلة مش اولياء امرك ,, موفقة يا رب , و ان شااااااء الله تجيبين نسب حلوة و تدخلين الطب

بسأل
بعد ما تخلص البنت 7 سنوات دراسة في الكلية و يبدأ التخصص في الهيئة الطبية تكون حكومية و إلا تكون التكلفة على الدارس وهل سنوات التخصص كثيرة لو بتدخل عن أمراض الأطفال؟
أسفة على الازعاج بس حبيت استفسر

الصراحة ما ادري بالضبط
خبري ,, انه على حساب الحكومة
لكن احيان الظروف ما تسمح الا انك تدرسين على حسابك
و بالنسبة للتخصص ,, يختلف من واحد لآخر , البعض 4 سنوات و غيره خمس و غيره 14 سنة حسب دقة التخصص
يعني مثلا الاطفال يمكن 3 او 4 سنوات ! لكن ايضا التخصص يكون بحسب شطارة الشخص لان البعض يجتهد و يخلص بسرعه اما البعض فيحتاج انه يشد حيله اكثر عشان يخلص

-----------------------

نصيحة عامه

الامور ان شاء الله بتكون هينه بعد ما تخلصين ال 7 سنوات

لانك لما تكونين طبيبة عامه و تبدأين تتخصصين بيكون التخصص كنه دوامك العادي << مش بالضبط لكن انتي في نظرك تعتبرينه كذا ,, يعني ان شاء الله ما راح يكون في اي صعوبة

شدي حيلك و خلصي حاليا ال 7 سنوات و ان شاء الله التخصص ملحوق عليه

[هدوء المطر]

مشكورة أختي
أنتي أكبر مشجع للدخول للطب و الله يوفقنا :s12:
الوعد يوم الثلاثاء تطلع النتايج حق التحصيلي و القدرات

[اورجوان]

الله معكم

و يا رب موفقات ان شاء الله

[سراديبـ...]

أختي العزيزه في جامعه فيصل في الدمام اللي يدرسونكي رجال وحريم

غير عن الأحساء

[اورجوان]

أختي العزيزه في جامعه فيصل في الدمام اللي يدرسونكي رجال وحريم

غير عن الأحساء

أختي الكريمة .. سراديب

البنت سألت عن طب الاحساء و ليس الدمام

:mh19: ولا انا غلطانه يا أختي هدوء المطر

[سراديبـ...]

طيب قولي أخي سراديبـ،،

بعدين أنا حطيت معلومه إلا إذا تزعجكي إمسحيها


أنا حبيت أحط الفرق فقط