•·.·´¯`·.·• احاسيس سلطان •·.·´¯`·.·•

[سلطان //]

مسموح كل إنسان يقرا المعاني
لكن شعور القلب يا ناس محفوظ /‘
ما قلت من حظَّه لأنه لقاني
أقول أنا من يوم ألاقيه [ محظوظ ]

[سلطان //]

الوقت قرب علـى اخـر العـام
وابي اتجهز للحيـاه الجديـده

ابنسفـ الماضي واحكمه بالأعدام
إلا غلاكـ انا اشهد انـي بزيـده

عساكـ طيب وبخير عاما ورا عام
وعسى ايامكـ كلها يالغالي سعيده
***************

[سلطان //]

طالت ليالي غربتـي وامتحانـي
وصار السهر والنوح فيني طبيعة
سبت وليفٍ راح عني وجفانـي
وخلى حياتي في إيدينـه وديعـة
حبه سكن قلبي وزعزع كيانـي
وخلاني أسبح في بحوره خديعة
هذي ثلاث سنين منـه أعانـي
فر وبلانـي بالجفـا والقطيعـة
غصب علي طعته ولكن عصاني
وهدم حصون الحب وهي منيعـة
الله حسيبه كـان قلبـه نسانـي
بصبر أعزي فيه نفـسٍ رفيعـة

[سلطان //]

لا تقول واحشني ماهي سالفة شوق
ما هو انت كلمات شوقك عذابي
حتي لو انك قلتها بمنتهي الذوق
رديت عن ذكرى لياليك بابي ...............!!!

[سلطان //]

تقول هات الحب واقول لك جاك
وتقول أخذ الشوق وخذ ودادي
الله عطاني حبك اليوم وأعطاك
وخلا وجودك في خريطة بلادي
أنساك !!
هذا حكي ..؟
وشلون بنساك؟
ختمت لك ختم الغلا واعتمادي


:

[سلطان //]

ماتقبلت الفراق ولاليدي فيه حيلة
آه لوان الظروف المقبلة تكشف قدرها
لويعرف الشخص منا وش مع الغيب بيجيله
كان جنبنا المشاكل من قبل يوقع ضررها
ماهقيت الليله اللي جابت الفرقا طويلة
لين صارت ليلة امس بعيني اطول من شهرها

[سلطان //]

وأستلهم أذكـار دينـي وأرجـع أقراهـا
وأقـول يـارب جعلـك بالفـرج تآتـي
ومرت دقايـق وعينـي فآضـت بماهـا
وأطلع وأفكر وأراجـع كـل صفحاتـي

[سلطان //]

أضحك حبيبي دام وقتك مسليك....
بكره تموت من القهر لا نسيتك ..!!

راسك علامك رافعه يوم احاكيك

الظاهر اني فوق حجمك عطيتك

لحظه نبي نرجع دقيقه لماضيك

بذكرك في أي حاله لقيتك

كان الضياع ودمعتين تخاويك

منهار وفي عز انهيارك خذيتك

وارخصت عمري لأجل احبك واداريك

هدمت قصر الذل فيك وبنيتك

كان الغلا شمعه تنور لياليك

لو اظلمت دنياك جيت وضويتك

يا للأسف كنت امدحك وافتخر فيك

رفعت من شانك وعليت صيتك

كنت عندي غير وما أقدر أخليك

وأموت واحيا ان قلت سم و فديتك

اليوم اشوفك خنت حتى مباديك

صغرت في عيني أنا اللي هويتك

الضيف لو انه عدو معاديك

غصب عليك تقدره وسط بيتك

يا صاحبي بتموت ماني براجيك

واشره علي ّان كان حتى طريتك

لاصار ذل النفس في قلب يغليك

يلعنك يا قلب عشقك وشريتك

اضحك حبيبي دام وقتك مسليك

بكره تموت من القهر لانسيتك

[سلطان //]

سوف اغلق باب مدونتي
الا بعد الاختبارات انشاء الله
اجيب معدل نفس المستوي الماضي
دعواتكم لي
اخوكم / سلطان //

[سلطان //]

وهذي هدية قبل الاختبارات

احضّـرك واتلـوا عليـك البسملـه
والفاتحـه والغاشـيـه والزلـزلـه



واعلّمـك وش الحديـث المنطقـي
من شان تعرف كل شـي ٍ تجهلـه


خدمه .. بقدمها بـلا شـرط وثمـن
يا صاحب آفـاق الخيـال الممحلـه


وماهيب من بـاب المـوّده والغـلا
لكّن من بـاب احتـواء البلبلـه !!


كنت احسب ان سود الليالي ربّتـك
واثرك على نفـس العلـوم الاولـه



موّسـوس وحالتـك حالـه مزريـه
الحلـم قدامـك وعاجـز تاصـلـه


على مدار العام مـن قـل الثقـه :
بينك وبين الشـك والريبـه صلـه


ذكائك المزعوم حاجـه مؤسفـه !!
تضحك علـى تفكيـرك وتستغفلـه


سويت نفسك فاهم الوضـع وذكـي
وكليتها يا بـو الشبـاب مفلفلـه !!


ما احد ٍ جبرك تضيع وسط المعمعه
وتستصعب الموقـف ولا تستسهلـه


القصد واضـح والمعانـي واضحـه
ليه اتمادى فـي الحكـي وتؤّلـه ؟


طويق ثابت والجبـل يبقـى جبـل
فلنعتبـر هــذا ســؤال وعلله ؟!


شفت ان مالك بالثقـه موطـأ قـدم
كـب الغـرور المفتعـل ولاّ اقتلـه


وان عوّدت نهـج وقناعـات وفكـر
الاجوبه ترضـي غـرور الاسألـه


المسأله لا صارت هايـط بشـر
مـا عـاد ابيهـا لعنبوهـا مسأله


وان كانهـا مواقـف وقـول وفعـل
ماعندي الا : تـم وابشـر وازهلـه


خذ لك نصيحه كانت تسـام بجمـل
يا مسيلمه او بالاصح يا عبهلـه !!


لا عاد تخطب في شبـاب المجتمـع
ريّح .. وخل الدين والنصـح لهلـه


ولا عاد تشهد زور فارجـاء البلـد
وتبقى كذا مـن مرحلـه لا مرحلـه


حتى ابليس بيستحي من كذبتـك !!
من كبرها ما هيب من ضمن عملـه


واليا بغيـت الجـد سجّـل مايلـي
واستحملـه واستوعـبـه واتقبـلـه


ماهوب عيب انـك تغيّـر منهجـك
العيـب وانـواع الخطـا والمهزلـه


انـك تجـي كلـك وتستنقـد فئـه
على فعل وانت اول اللـي يفعلـه !!


راجـع حساباتـك وفكّـر واتعـض
واضرب على نفسك جميع الامثلـه


ان كان ما انت بكلهـا مثَـل مثَـل
مـاوالله اقـول الشعـر واسترسلـه


خلاصة الموضوع كله ( من - إلى )
بيت ٍ يوضح لك غموض المسألـه :


أنا .. لو اني مـا لعبـت بحسبتـك
ما كان يسبب لك قصيدي مشكله !!