[ جميع التخصصات ] تجمع السنه التحضيريه ..

[Liza phantomhive]

ايه والله خلونا نتكلم عن الدراسه شوي حبيت اسال اللي درسو فيزياء ورياضيات للسنه التحضريه
سهل ولا صعب
لاني ميح بالفيزياء ومااطيقه بعيشة الله فالله يستر

شوفي الفيزياء مو صعب.. انا اخذته مع دكتور اسمو فتحي..كنت اكتب معه وكذا..

صح انو الله يهديه آخر السنه نكبنا واكتشفنا انو حاذف لنا نص المنهج والأسئلة طبعاً كانت موحدة فضعنا ولاحلينا شي..

لكن الحمدلله..كنت جايبه عنده بالشهري مرا زين فنجحني على أساسه..

اما بقية الدكتورات والله مدري عنهم لكن نصيحه,,

جمعي اكبر قدر من الدرجات بالشهري..لنك ماتضمني النهائي ..يصير فيه ظلم كثير..

المعمل.. شوي يبي لها تركيز التجارب.. ولما ماتفهمي اطلبي المعيدة تعيد لك ترا مرا حبوبات ولا بيرفضوا.. اهم شي تحضري كل المعامل ..لنو الاختبار النهائي بتسحبي وعشوائي بتطلع لك التجربه ..فلازم تفهمي كل المعامل وتحضريها كلها.. (حطيته بالأحمر لني أضفته بعدين :) )
-----------

الرياضيات..

اممم المنهج برضو مو صعب..لنو اعادة للثانوي نفسه..

لكن دكتورات الرياضيات الله يهديهم لهم طرق محترفه في النذاله.

انا اخذت هالمادة عند نهى الملا..كانت تعطينا اختبارات دورية وعليها درجات كثير..

وكلها صعبه الله يصلحها..يعني تحسبي بتنسخ لك التمارين وتجيبها؟ لأ.. تبتكر وتحور..

عالعموم مابي اخوفكم بس شدوا حيلكم وحاولوا تعوضوا بالتمارين قد ماتقدروا..

ونفس الشي.. جمعوا درجات بالشهري اكبر قدر ممكن..لنو النهائي عادة نتاج لنذالة كل الدكتورات ..

ملاحظه: ( انا حاملة المادة وبأخذها مع الدكتوره منال العوهلي هالستمستر ان شاء الله.. يعني يمكن اقابلكم :p(

ووبس هذي تجربتي ولا ادري عن الباقيات بس هذا بشكل عام..

[فـڷڛفـۃمبَدξـهـ]

المشاركة الأصلية كتبت بواسطة ياسمين باش

مرحبا بنات عيدكم مبارك مقدما امممم حبيت استفسر من اخواتنا الكبار كيف كانت برايكم السنه التحضيريه ودراستها وموادها صعبه,متوسطه,سهله اتمنى تجاوبوني وايش كانت اصعب ماده فيها؟؟
ولبنوتات السنه التحضيريه كيف تتوقعون السنه التحضيريه سهله ولا صعبه

يتبارك علينا وعليج حبيبتي

بالنسسبه للدراسه اكيد كانت في صعووبه بالبدايه

وبقوولك لكل مااده كم محاضرة ::-

مادةالرياضيات
لها محاضرتين ساعتين الاساسيه
ساعه للتمارين


ماده الفيزياء
ساعتين محاضره
ساعه تمارين للمحاضره
ساعتين معمل

ماده الثقافه الصحيه
ساعتين فقط بالاسبوع

مادة الكيمياء
ساعتين محاضره
ساعتين عملي

مادة الاحيا ء
تدرسوون حيوان ونبات
الحيوان لها محاضره ساعتين
ومعمل ساعتين

والنبات ساعتين محاضره
وساعتين معمل


واهم شششي تضمنين درجه زينه باعمال السنه من ستين
والنهاىي يكون من اربعين
ويكوون مجموعهم 100


وبالتوفيق يا قلبي

[Liza phantomhive]

المشاركة الأصلية كتبت بواسطة ياسمين باش

مرحبا بنات عيدكم مبارك مقدما امممم حبيت استفسر من اخواتنا الكبار كيف كانت برايكم السنه التحضيريه ودراستها وموادها صعبه,متوسطه,سهله اتمنى تجاوبوني وايش كانت اصعب ماده فيها؟؟
ولبنوتات السنه التحضيريه كيف تتوقعون السنه التحضيريه سهله ولا صعبه

مبارك علينا وعليك يارب ق1..

اممم بما اني بردي اللي قبل قلت عن الفيزياء والرياضيات راح اكلمك عن الباقي..

وطبعاً اعيد وازيد المواد جملةً ماهي صعبة أبداً لكن على حسب الدكتور او الدكتورة..

الكيمياء..

جداً جداً كاان المنهج ممتع.. أخذته مع الدكتور حسين جلال..وشرحة لايعلى عليه..الله يذكره بالخير واسئلته معقوله جداً ومن شرحه..

المعمل برضو سهل جداً وكله احماض وقواعد جداً سخيفه ومارة عليكم بالثانوي ..

+ مسلي مرا..أحسن معمل تقريباً..

نفس الشي أعيد وأزيد جمعوا درجات قد ماتقدروا بالشهري..لنو النهائي مو مضمون..

السنة اللي راح كان مرا مرا سهل الحمدلله النهائي..وماتوقع حملها كثير ..

-----------

الأحياء..

علم الحيوان..

دسم لكن مرا حلو..يعني اذا انتي شاطرة بالحفظ تعدي بإذن الله..واذا مو شاطرة..جمعي درجات بالاختبارت القصيره لنو الجزيئه بتكون صغيره ويسهل عليك تذاكيرها..

انا اخذت هالمادة مع د.هالة الطنطاوي..

كانت تشرح على عروض باوربوينت..

نفس الكتاب بس بنقاط..

كان الكتاب كبير بشكل..والخبر الحلو انكم بتدرسونه كله بالنهائي والخبر الاحلى انو النهائي بيكون آلي وسهل بإذن الله..

معمله حلو ومو صعب .. بس يبي لك تحضري كل المعامل وترسمي كل المجاهر وتفهمي وتكتبي..لنك بتذاكري من دفترك..

------

علم النبات..

ممل شوي لكن سهل.. ومنهجه قصير..

معمله نفس الشي يجيب النوم ههههههه لكن سههههل وحركات الجزر والخلايا في البصل وكذا..

سخافه اقلكم بس هم يستهبلون شوي..

والنهائي طبعاً بيكون مدموج مع الحيوان بنفس الاختبار.. لككن آلي بيكون..فبيكون أسهل بإذن الله..

ويالبى الأحياء ياخي< ماحد يمدح قسمة أبد xP

------

الصحة واللياقة..

مادة أسخف منها مافي

احنا ماجابوا لنا لها دكتور الا قبل الاختبارات بشهر ظني ..وحشرنا كذا حشره محترمه ..

لكن حدد لنا ونذاكر من الملزمه.. والنهائي آلي كان.. سهلل مرا ..تجيبوا A او B بالراحة بإذن الله..

--------

بالنهاية كلامي هذا جروح قالته تقريباً من قبل وماجبت شي جديد لكن ماحبيت اردك ياحلوه :)

الله يوفقكم ويسهل عليكم

ونصيحة..

استمتعي بالدراسة حتى لو صعبة تسهل عليك..اقري اشياء اضافيه تعلمي اشياء برا المناهج ابحثي بالنت عن فيدوهات اشياء تسهل عليك وتوصل لك الفكره بأبسط صورة..

اكتبوا ولخصوا ترا الكتابة مهممممممممه جداً جداً جداً ..مافي زي لما تكتبي بدفترك وتسجلي ملاحظاتك وكل شي ..

وانتبهوا على دفاتركم ترا تنسرق ..خصوصاً أيام الاختبارات النهائيه..

واللعب والسحب على المحاضرات أبد ما انصحكم فيه..احضروا ترا لاتحسبي انو بس لو تقري المحاضره بتفهمي..

الدكاتره اغلب شي يعتمدوا على شرحهم بالاأسئلة..

ركزي كذا والبسي نظارة واقعدي قدام وافهمي وشاركي..

اي شي اي سؤال انا حاضره..

ولاتقولوا اني اختكم الكبيره ترا مافي فرق كبير..

انا اقرب للصديقة :) ق1

[huda-gh]

المشاركة الأصلية كتبت بواسطة ياسمين باش

مرحبا بنات عيدكم مبارك مقدما امممم حبيت استفسر من اخواتنا الكبار كيف كانت برايكم السنه التحضيريه ودراستها وموادها صعبه,متوسطه,سهله اتمنى تجاوبوني وايش كانت اصعب ماده فيها؟؟
ولبنوتات السنه التحضيريه كيف تتوقعون السنه التحضيريه سهله ولا صعبه

علينا وعليك يا سكره ^^
الدراسة بالتحضيري تختلف من مادة لمادة .. بس بقولك

الرياضيات :
سخييييييييييف جددددددداً ، واغلب دكتوراته اخلاااااق ( ترى السالفة مايبغالها شرح لان المنهج حق ابتدائي )
بس لان دراسته بالانقليزي بتصعب المسأله عليكم ، انتو لا تهتمون حاولو تترجمون ..
ترى سبب إن اللي يقولك المادة صعبة هو إنه ماتخطى الانقليزي واعتبره شيء عظيم!!! انتِ خذي راس السؤال ورح تفهمين كيف تحلينه .... > ترى انا انسانة فاشلة بالانقليزي بس ماحطيته عقبة :p

-

الكيمياء :
سهلللللل مررررررره بس دايم بالشهري والنهائي يجيبون اسئلة دقيقة ، فانتِ لا تلتزمين باللي تعطيك اياه الدكتورة حاولي تذاكرين المنهج كامل ومافي مانع إذا اخذتي المبسطات للمرحلة الجامعية لانها مفيييييدة مرره ...
والمنهج عموماً سهل تبع الذرة والمدارات والتهجين الخ الخ الخ

-

الفيزياء :
اخذته مع دكتوووور الله لااااااا يسساااااامحه :( دكتور اسمه *فتحي* اي وحدة بيدرسها هذا الشخص تنتبه زييين ولاتهمل بمحاضراااته :( ... بالفيزياء بالعادة اسئلة الشهري تكون سهلة لانها من الدكتور نفسه ، بس المصيبة بالنهائي ...
عموماً انا حسيت إن منهج الفيزياء كثير !! بعضة ماخذينه والبعض الثاني تنحت عنده :p

-

الأحياء :
بالاحياء يعطونك مادتين ( أحياء حيوان + احياء نبات ) لكل وحدة محاضرة خاصة ... الاحياء مو صعبب !! بس معلوماته كثيييييييررررررة !! صحيح بعضها مكرر بالثانوي مثل احياء النبات ، بس ترى المنهج طووووووويل !!!!
يعني بالذات هالمادة يبغالك اول باول فيها !!


-
بالمناسبة ، اللي تحس بصعوبة في أمر معين مافهمته من الدكتورة تقدر تروح لها ( بساعاتها المكتبية ) مررره مفيدة الحركة وتفك أزمةة .. واذا كنتِ تستحين من الدكتورة او اللي يدرسك دكتور .. تواصلي مع المعيدة ومارح يقصرووون ()
وخصوصاً بالرياضيات إذا مافهمتي على الدكتورة طيران عند المعيدة ...
للتوضيح :
( الدكتورة هي اللي تعطيك المحاضرة ، المعيدة هي اللي تعطيك التمارين > بالرياضيات
أما بالكيمياء والفيزياء والاحياء > الدكتورة تعطيك المحاضرة والمعيدة تعطيك المعمل ) ...

عموماً بالتحضيري شددّي حيلك لان المعدل اللي بتجيبينه هو اللي بيمشي معاك لحد ماتتخرجين على خير ^^

إن شاءالله ماتواجهين أي صعوبة ، وفالك الـتوفييق ... اهم شيء لا تهملين حتى لو شوي!! :)

[ياسمين باش]

شوووووكرا جزيييييييلآ واتمنى من بقية الاعضاء يحطو جوابهم

[huda-gh]

واللي يجيب درجات باعمال السنة زينه ..... يضمن النجاح بالمادة ;)

[ياسمين باش]

مشكووووره اخت ليــــــــزا على المعلومات اكثر من مفيده جزاك الله الف خير وعموما انا متخرجه قبل سنه يعني تقريبا في نفس عمرك
شكرا كتييييير يا اخت هـــــدى وما قصرتي من المعلومات المفيده
بس بنات!! يدرسنا رجال؟؟ توني ادري احس ما باخذ راحتي في الاسئله مو متعوده!! تحسون عادي ولا في فرق بين الدكتور والدكتوره.. ثانيا توني ادري الرياضيات بالانقليزي الله يعيني ويعينكم يا بنات التحضيري ثالثا في كتب تبسيط للجامعه؟؟ ونااااااسه نلاقيها في كل مكتبه ولا لازم جرير والعبيكان

[ياسمين باش]

المشاركة الأصلية كتبت بواسطة huda-gh

واللي يجيب درجات باعمال السنة زينه ..... يضمن النجاح بالمادة ;)

بشد حيلي في اعمال السنه بصير دفره وببحلق عيني في الكتب 24/24
الله يعيننا والله مو سهله معليش ثقلت عليكم بالاسئله انا سمعت عشان اكمل مثلا ماجستير ادرس 4 سنين بعد البكالوريوس صحيح؟؟ طيب كم سنه دراسة الدكتوراه؟

[Liza phantomhive]

مشكووووره اخت ليــــــــزا على المعلومات اكثر من مفيده جزاك الله الف خير وعموما انا متخرجه قبل سنه يعني تقريبا في نفس عمرك
شكرا كتييييير يا اخت هـــــدى وما قصرتي من المعلومات المفيده
بس بنات!! يدرسنا رجال؟؟ توني ادري احس ما باخذ راحتي في الاسئله مو متعوده!! تحسون عادي ولا في فرق بين الدكتور والدكتوره.. ثانيا توني ادري الرياضيات بالانقليزي الله يعيني ويعينكم يا بنات التحضيري ثالثا في كتب تبسيط للجامعه؟؟ ونااااااسه نلاقيها في كل مكتبه ولا لازم جرير والعبيكان

العفو حبيبتي ماسويت شي..

اي انا اقوله..لنو في بنات تو انقبلوا وكلنا اخوات وصديقات عموماً :)

اي يدرسونا رجال..يا اما شبكة ( تي في ) او مرئي ( قدامك بس بينك وبينه قزاز )..

صح ماتاخذي راحتك بس عاتي انتي اسألي بإحترام وأدب ولايردونك إن شاء الله..واذا مرا مستحيه اسألي المعيدة اللي تعطيك المعمل..

عموماً هي يا الكيمياء او الفيزياء الي فيها دكاتره..

احياء ماتوقع يعطيكم عالتحضيري دكتور..

والرياضيات مافي غير 3 دكاتره أعتقد ومراح يعطونكم برضو..

التبسيطات اتوقع تلاقيها بالمكاتب العادية حتى ..

[ياسمين باش]

شكككككرآآ يا عمري اسفه ادري اني تعبتك من كثر اسألتي
آخر سؤال لبنات ما بعد التحضيري بتداومون اول اسبوع معانا ولا لا