‏تعـال و خبّني من الدنيا بصدرك...‏هناك ما تقـدر الدنيا تضايقني❤

[Dark Chocolate]

*



امنيتي في الحياة البس عدسات و الله جد ماعمري لبستها اخاف من اني ادخل شيء في عيوني ما اتجرأ ابداً و لا حتى رموش
المهم انه فيه مثل يقول ( من خاف من علتن مات بها ) و انا من زود خوفي لا يصير بعيوني شيء جاء مره فايروس فيها و دخل داخل القرنيه و سبب لي خدش فيها المهم اول دكتور مصري قال بتعيشين طول عمرك كذا تعرفون كان فيه ضباب في عيونكم انا كانت وحده من عيوني كذا كان احد صاب فيها زيت ما اشوف بسبب هالخدوش و اروح لمستشفى و دكتور ثاني استشاري عيون باكستاني قال ابد مالك الا عملية و نكشط لك القرنيه و نزيل الغشاء المتضرر شيء كذا ماادري كيف تكنيك العمليه المهم قال عملية و كشط انا مسكت الباب و رحت لاستشاري هندي سيخي هههههههههههههههه استغفر الله يا انه عزر فيني عطاني قطر مو قطر اسيد تحرقني حرق و مستمر الا هي علاجك و كل مراجعه يقول فيه تحسن كبير و انا ما احس تغير شيء الا ان عيوني تسلخت حتى تحت عيني انسلخ صار احمر من قطره و اللي زود الطين بله يوم قلت له عطاني مرهم كرتزون لتحت عيني !! و انا للامانه كنت فدغاء ما اشوف و لا اقرا اللي بوصفات الادويه و ذاك اليوم انخفض هرمون الفداغه و قريت الا القطر كلها مكتوب اقصى استخدام 6 ايام و انا لي شهرين لاعبه بعمري و اروح لقوقل و ادور افضل دكتور و كانوا كاتبين اسم مركز خلاص مقرره ادق احجز و كلهم استشاريين سعوديين و اقول لامي قالت اختي عندنا في مستشفانا بروفيسور و ممتاز و و و بحجز لك عنده قلت طيب وحجزت لي و اروح له و معي ادويتي كشف علي قال اولاً و لا شيء من ذولا علاج لك ثاني شيء ضغط العين مرتفع بسبب هالقطر لان ما تستخدم لفترة طويلة ذي بس نستخدمها كحد اقصى ل6 ايام عشان الاشاعه و و و ثالث شيء ماتحتاجين عمليه هي لحالها الخدوش تتسكر بس يبي لها وقت و ترطيب للعين فقط و علاجك هالمرهم مرطب وفيه فيتامين أ يقوي عينك و كل اللي قبل ارميه ..
مايستفاد من القصه كل اللي رحت لهم خاص و على طبولوجيا للعين و ادويه و مراجعات و زخ فلوس اخر واحد بعد كان خاص بس كان سعودي و عنده ذمه و المرهم ماتعدى 17 ريال فقط من بعدها ماعاد اروح الا لدكتور سعودي فقط اي جنسية ثانيه لا و الف لا
و الحمدلله ما فيني شيء الحين
-

[Dark Chocolate]

*




http://67.media.tumblr.com/0693adebf...ei6lo1_540.png




-

[Dark Chocolate]

*



تبي تعرف بقلبي وش مكانك
تبي تعرف وش اعمل كل ليله
عزيز الدمع ذليته عشانك
وعزة نفس لك صارت ذليلة


وقلبي غلطته حبك وصانك
مشى في درب مادله دليلة
وضاع وتاه في دنيا حنانك
ومن دنيا حنانك من يشيله


تبي تعرف ولو يسمح زمانك
تشوف الهم في نفسي العليله
أجامل ناس واكرهم عشانك
وهي غايه تبي احسن وسيله





-

[Dark Chocolate]

*



لو قلت أحبك تكفي ؟
و لو سقت دموعي كفي يكفي ؟

[Dark Chocolate]

*


حالتي متقدمة لا حول و لا قوة الا بالله صرت افك ريقي بقطعة شقليطه


-

[Dark Chocolate]

*



http://66.media.tumblr.com/42579f95d...g6do1_1280.jpg




خاطري اعرف وش الموضوع ذاك




-

[Dark Chocolate]

*


ودي اجرب اسوي هالديتوكس
ناس يمدحونه و ناس يذمونه و خاطري اجربه بنفسي و احكم عليه
او يمكن ابي اعيش جو التغيير يعني يمكن ما تطلع منه باي فايده الا انك تعيش فترة تغيير حتى نفسيتك تتغير معها
بس بكره فيه عشاء و دق مفاطيح بعد بكره بحاول ابدأ فيه و يارب اصمل اسبوع
طبعاً يبي لها تقضي بعد المهم اذا بديت علمتكمم يالله ناموا وراكم دوامات

-

-

[Dark Chocolate]

*


الاولين اذا قاموا يسولفون يذكرون الاشياء اللي صارت وقت السالفه مايقولون لك تاريخ لا زي يقولون هيئة جهيمان ، هيئة صدام ( ترى مادري ليه يقولون هيئه لا تحرجوني و تسالوني سلكوا ) و سنة الثلج و اشياء كذا ..
فانا قاعده افكر بعدين حنا وش صار عندنا في البلد عشان اذا قمت احكي الحكايا لاحفادي الكرام بعدين
و الهمني الله بفكرة و هي سنة الكب كيك ،سنة الميلفي ، سنة الكوكيز ، سنة البراونيز ، سنة البرجر .
بس لاننا الان في سنة البرجر ما تمشي 100 متر الا تلقى محل برجر هل ليه ؟؟!!!
بعذرنا اسمن ثالث دوله بالعالم !!! كل السنين الي راحت تطلع موضات اكل بس حتى لو تشتهي كب كيك. الحين قالوا انت مغبر

سؤال وجودي و اقض مضجعي : تسمونه انستقرام و الا استقرام ؟!!

اللي يقول استقرام لا عاد يعتب مدونتي

[Dark Chocolate]

*


“استغرق في روحك، انسحب قليلًا من الآخرين، كي تشعر بخفّة العالم تحف بك، حسب المرء إذا أراد أن يستريح، أن ينطوي على ذاته.”
تصبحون على محبة وسعادة


-

[Dark Chocolate]

*


صباح الصباح و الورد و التفاح


هالحين بامر من مدونتي بالصفحة الثانيه اناااا الملييييكا كيف مدونتي ترجع وراء عطوني المدير

^

طبعاً ما استبعد ابو محمد يطلع لي هالحزه

الموهيم عشينا ضيوفنا و تجملنا و ربي جملنا و هم و طاح ياخي امي فيها صفه اذا عطت تعطي شيء عليه القيمه يعني اللي يبشرها بشيء يا حظه المشكله ماعمري لحقت ابشرها لان انا اخر من يعلم عن اي شيء يصير باستثناء الكوارث انا مادري ليه حظي دايم في النكبات يذكروني في النكبات بس يعني مره جاني اخوي راجع من برا و البسي عباتك و الحقيني للسياره ليه بس بسرعه امي لاتدري ياليل المصايب و اروح معه و الا في راس الحاره عماره ساكن فيها واحد من جماعتنا مو قريب بعيد بس زوجته بنت خال امي و العماره شاب فيها حريقه و زوجها مسافر و قال انزلي يالله قلت وش فيه قال وش يعني روحي شوفيهم صار فيهم شيء سالمين و الا انا كذا قلت طيب و انزل و قبل ما انزل اخذت نفس عميق لان ما اعرف اتعامل مع هالمواقف وحده تصيح و مادري كيف لابسه عباتها من الراعه و يبوني اهديها و اخذها لبيتنا و بزرانها يصيحون
و ندخل بها على امي و تنفجع امي و تقعد تعلمها كيف ولع الحريق و الكارثه ان العصر عند امي قهوة حريم و الادميه تقول انا متفشله و امي تقول عادي و انا كذا و طول القهوه سالفتهم عن الحريق و كيف حصل ايه و عشان امي تسكت عيالها عطتهم كيس كنت طالبه من البقاله راح لهم كله عشان يسكتون
و المصيبه الثانيه مع نفس الاخ جاي مفحط في الدرج و البسي بنطلع ليه بس بسرعه و اروح الا اخوي الثاني مسوي حادث
و ينتظرون مادري وش و يالله اخذي حرمته و ارجعوا لللبيت بس من بعدها كل ماشفت وجهه اخوي ذا و الا دق علي حتى لو ارسل واتس اب اخذ نفس عميق و اقول يالله بأمانك من النكبات تأمنا وش هالمصيبه القادمه


بس مره اللي بشرت فيها يوم حملت اختي و من زود الخبال رايحه ادق على اخواني على الكبار ابشرهم و التفاعل صفر الله وكيلكم بعدين قالت امي عيب و ما يصلح تمشين و تبشرين بحملها طيب في المسلسلات و الافلام اذا دروا ان وحده حامل ما يخلون و لا يبقون و يسوون حفله و يخمونها و كذا كمية مشاعر ما اقدر اوصفها المهم ان جتني صدمة حضاريه ثقافيه و حتى يوم ولدت ما قدرت ابشر احد يمكن عيب بعد حتى اذكر عمي يامال الجنة البارده بس داق الساعه 7 الصبح يسال عنها قلت اي ولدت و زعل ليه ما بشرتيني قلت مادري
طلع كل العربان شايفينها و هم يودونها للمستشفى و انا يعنني ماسكه العلم


المهم ذي اللي اخذتها من الحريقه اثمر فيها المعروف و جت بعد السالفه ب6 سنين تخطبني لولد اختها يالله كيس البقاله ماراح هدر



-