عآجل : تم آنزال المحاضرات للطلبه المستجدين ..

[دوَدي]

المشاركة الأصلية كتبت بواسطة عفت الغﻻ

دودي هو صحيح ماعاد فيه 30 درجة عالحضور والمناقشات وصااار الاختبار من 100
تاكدي لناا
لاني اشوف بالمحاضره مكتوب الاختبار 100

حبيبتي ، المحاضرات تسجيلها قديم ،
اما موضوع الـ 30 متأكده منه ميه بالميه ،
ويمديتس تتأكدين اكثر من خلال الاتصال على الدكتور الخاص بالماده في الساعات المكتبيه
او انتظري ل المحاضره المباشره واسأليه ،

[هيا بانافع]

حملت المحاضرات وشفت من كل وحده شوي جاني اكتئااااااااااااب
المواد دمها ثقيل وتجيب النوم

[you can do it]

نزلت لي المحاضرات وفيه الاولى وتمهيديه التمهيديه هل هي مهمه وعليها درجات ولا انقز للاولى على طول ؟
وكيف طريقة حساب الدرجات لاني ضغطت على تنزيل المحاضره المسجلة وطلع لي ملف مضغوط اذا فكيت الضغط عنه وفتحت المحاضره تنحسب لي ولا بمجرد اني احمله خلاص ؟ ووش الفرق بين تنزيل محتوى المحاضر وتنزيل المحاضره المسجلة ؟ وهل اقدر انزل واشوف المحاضره المسجله اكثر من مره ؟
وهل فيه برامج مهمه احتاجها غير فك الضغط وينرار وبرنامج تشغيل ميدا بلير ؟

وشكراً .. واسف على كلامي الكثير

[منوووري]

أنزل المحاضره وبعد تنزيلهاماتفتح وأشك ان نزلت مافي طريقه اتأكد بأني نزلتها من شان تنحسب الدرجات

[فروحه الشمري]

تكفون وين المحاضرات المباشره مانزلت....والمناقشه يصير اسوي نسخ ولصق لاني اشوف الاجابات متشابه ياليت تفيدوني

[إيثاار]

شكراً جزيلاً دودي على التفاعل
وأزال الله همك

[دوَدي]

المشاركة الأصلية كتبت بواسطة you can do it

نزلت لي المحاضرات وفيه الاولى وتمهيديه التمهيديه هل هي مهمه وعليها درجات ولا انقز للاولى على طول ؟
وكيف طريقة حساب الدرجات لاني ضغطت على تنزيل المحاضره المسجلة وطلع لي ملف مضغوط اذا فكيت الضغط عنه وفتحت المحاضره تنحسب لي ولا بمجرد اني احمله خلاص ؟ ووش الفرق بين تنزيل محتوى المحاضر وتنزيل المحاضره المسجلة ؟ وهل اقدر انزل واشوف المحاضره المسجله اكثر من مره ؟
وهل فيه برامج مهمه احتاجها غير فك الضغط وينرار وبرنامج تشغيل ميدا بلير ؟

وشكراً .. واسف على كلامي الكثير

التمهيديه ، مثل اول يوم بالمدرسه ـ الدكتور يعرف بنفسه بس ,
وطريقه حساب الدرجات بمجرد تحميلها او مشاهدتها لو دقيقه تحسب لك ,
وبالنسبه لـ المحتوى والمحاضره
المحتوى = الاوراق اللي تطبعها وتذاكر منها وهذا ماعليه درجات
المحاضرات المسجله = عليها درجات وهي شرح الدكتور ،

وتقدر تشوف المحاضره المسجله خمس الاف مره لو تبي ،
وهالبرامج تكفي ، ولو تضيف عليها الجافا عشان تقدر تدخل المحاضره المباشره الشهر الجاي يكون ازين

[دوَدي]

المشاركة الأصلية كتبت بواسطة منوووري

أنزل المحاضره وبعد تنزيلهاماتفتح وأشك ان نزلت مافي طريقه اتأكد بأني نزلتها من شان تنحسب الدرجات:cry111:

بمجرد تحميلك لها تحسب لك الدرجه سواء انفتحت عندك ولالا ،
واذا مره مره شاكه ، افتحي المحاضره مشاهده لمده دقيقه ،

[دوَدي]

المشاركة الأصلية كتبت بواسطة فروحه الشمري

تكفون وين المحاضرات المباشره مانزلت....والمناقشه يصير اسوي نسخ ولصق لاني اشوف الاجابات متشابه ياليت تفيدوني

المحاضرات المباشره بدري عليها ، تبدأ الشهر الجاي ،
والمناقشه تصحيحها الكتروني ، فِ مايفرق / نسخ لصق ولا اجتهاد ، وعادي لو كانت خطأ ترى

[you can do it]

المشاركة الأصلية كتبت بواسطة دوَدي

التمهيديه ، مثل اول يوم بالمدرسه ـ الدكتور يعرف بنفسه بس ,
وطريقه حساب الدرجات بمجرد تحميلها او مشاهدتها لو دقيقه تحسب لك ,
وبالنسبه لـ المحتوى والمحاضره
المحتوى = الاوراق اللي تطبعها وتذاكر منها وهذا ماعليه درجات
المحاضرات المسجله = عليها درجات وهي شرح الدكتور ،

وتقدر تشوف المحاضره المسجله خمس الاف مره لو تبي ،
وهالبرامج تكفي ، ولو تضيف عليها الجافا عشان تقدر تدخل المحاضره المباشره الشهر الجاي يكون ازين

اشكرك على مجهووودك واسمحي لنا بثرنااك بكثر الاسئلة ( :