‏تعـال و خبّني من الدنيا بصدرك...‏هناك ما تقـدر الدنيا تضايقني❤

[Dark Chocolate]

*



كيف نظامكم الرمضاني ؟
يعني تحسون انكم برمضان تتغير فيكم اشياء و الا نفس الشهور الباقيه ؟



-

[Dark Chocolate]

*




http://66.media.tumblr.com/789b2253e...ez8o1_1280.jpg





-

[Dark Chocolate]

*



في تويتر وحده كاتبه انهم في عائلتهم ( ينبذون ) البنت اللي ماتوظفت و اهلها يصرفون عليها !!!!
يعني مادري و الله لوين وصلنا !! يعني انت اللي تصرفين عليها ؟ وش دخلك فيها تتوظف و الا تموت و الا تحترق ؟
مادري متى نعيش و نخلي الخلق يعيشون على كيفهم ؟ ياخي ادميه مرتاحه ماتبي تتوظف ! او تبي تتوظف بس بوظيفة تحبها ماتبي تتوظف اي شيء ؟ كلمة ننبذ ذي استفزتني مثلها مثل اللي ما توظفت و تتهزأ على اللي متوظفات و انهم مهيتات عيالهم و مهملات بيوتهم .. تحس كل فريق يقتص من الثاني ..
شيء ثاني اللي متزوجة و اللي ماتزوجت او ماتبي تتزوج تجي تتفلسف فلانة مسكينة مالها هدف في الحياة بس همها تتزوج و رابطه سعادتها بالزواج .. ياختي فيه ناس شخصياتهم كذا تكوينهم كذا فيه بشر ما تقدر تعيش لحالها تحب معها احد يكملها كذا ربي خلقها انت خلقك تحبين الوحده تكرهين الرجال همهك شهادة وظيفة هي ربي خلقها تحب الجو الاسري تحب يكون لها زوج عيال هنا تلقى نفسها وش حارق رزك انت بالمقابل اللي تقول عانس ما تزوجت تكسر الخاطر هالكه نفسها بالشغل ماوراها احد يدورها و يفقدها ! طيب هي مرتاحه كذا هذا جوها ما تحب احد يقيدها ماتبي تلتزم بمسؤوليات و زوج و بيت وش تبين انت ؟

سوالف ذا الحريم تجيب للواحد حموضه و حرقان ..

يعنني طالعه منها


-

[Dark Chocolate]

*



ابي تركش كوفي + حلقوم + بقلاوة و شكراً
مره مره مافي وقت في رمضان للاكل و لا للقهوه مادري كذا ع الفطور ازغط مويه و تنسد نفسي كالعاده بس هالسنه الوقت قصير مايمدي اكل بين السحور و الفطور و لا اتقهوى و لا انام و لا شيء
يعني كل سنه انزل 4-3 كيلو في رمضان مو عمداً لا لان المويه تسد نفسي و اكل الساعه 10 او 11 لكن هالسنه زود على المويه ما فيه وقت للبلع يعني مادري شبيصير هالسنه
بس لا تخافون اول 3 ايام للعيد ارجعهم


-

[Dark Chocolate]

*



http://67.media.tumblr.com/d967fdb26...ez8o1_1280.jpg


و لكل من يقرأ و من قال آمين




-

[Dark Chocolate]

*


احد الاشخاص هنا احترمه جداً جداً مع انه اسلوبه ناشف مع الاعضاء و مو كلهم يتقبلون مزحه و لا طقطقته .. حتى دفش معي احياناً بس لما اشوف ذكاءه و فصله بين هنا و حياته الواقعيه احترمه جداً احب الشخص الغامض اكثر من اللي الخلق عارفين كل شيء عنه مو كشخصيه او معلومات عاديه اسمه عمره متزوج لا اقصد التفاصيل ماتدري هو مرتاح بحياته او مهموم حتى طاري زوجته ما يجيبه و انا احترم هالنوع من الرجال لا يتكلم عنها لا بخير و لا بشر لا يحبها و لا يكرهها شيء خاص ما جاب سيرته في اي رد له و ذا شيء قليل اشوفه الاغلب يا يستهزأ يا يتمنى يتزوج الثانيه يا يعلن عن حبه و عشقه طبعاً كل واحد حر وكل واحد راسم له خط ماشي عليه و اشياء انا اعتبرها ما تنقال هم عادي عندهم يعني ما اقلل من احد لما اتكلم كذا بس انا كـ دارك ما احب احد يتكلم عن شريك حياته و لا يدخل الخلق في هالعلاقه بالذات تكلم عن امك اختك بنتك بس زوجتك لا تكلمي عن ابوك اخوك ولدك عمك خالك بس زوجك لا .. نقطة


-

[Dark Chocolate]

*




على طاري الانجليزي > ترى انا كنت اكتب انقليزي بس راشد كل ما شافني كاتبه انقليزي قال غلط تنكتب انگليزي او انجليزي و انا رافضه هالتعقيد بس بعدها صرت اكتبها زي ما يقول
المهم قالوا لي تابعي افلام و تقوي لغتك بس الكارثه اني اذا تابعت الفلم اسحب على ام الفلم و اركز بالترجمة يعني ما استفدت شيء
اللي يخليني اركز اذا كانت الترجمة ابو كلب تخليك غصب ترجع تعيد المقطع عشان تعتمد على نفسك .. زي فلم وحده تقرأ قصص للاطفال في المكتبه و كانت تقول قصة سندريلا و بعدين فصلت و تتكلم انه مافيه امير بيجيك لا تحطين اكستينشن بشعرك و تمعط شعرها لان اميرك بيجي يوم و تاخذة ( سيدة الخوخ ) و تفصخ ملابسها و تقول لا تلبسين مشد لان بيجي يوم و تجي ( سيدة الخوخ ) و تاخذ زوجك المقطع مجنون و يضحك بس انا تنحت على سيدة الخوخ افكر من هي سيدة الخوخ ع بالي وحده لها قصة زي سندريلا و بطلات القصص رجعت عدت المشهد و ركزت بكلامها طلع اللي تقصده شيء ثاني
الله ياخذ هالترجمة اللي فرت مخي عاد اقول لاختي انت و هالترجمة قالت كنت محمله لك ترجمة ثانيه مترجمينه ( فتاة الشاطيء ) ماركزت بذي يوم حملتها لك
المهم من قبل رمضان ابيها تنزل لي فلم و ساحبه علي تقول نص وقتي يضيع ادور ترجمة راكبه عالفلم صح اذا بدون ترجمة احمل لك عادي
اااااه عطوني رقم حقوق الانسان

-

[Dark Chocolate]

المشاركة الأصلية كتبت بواسطة Dark Chocolate

*



كيف نظامكم الرمضاني ؟
يعني تحسون انكم برمضان تتغير فيكم اشياء و الا نفس الشهور الباقيه ؟



-

انا بالنسبة لي اكتشفت اني شيطانه دام الشياطين مصفده هالوقت ..
لان مافيه اشياء تغيرت فيني مره ..
او اني طول ايام السنه ملاك اصلاً فعشان كذا ما فرقت معي


-

[Dark Chocolate]

*





http://65.media.tumblr.com/3323b6afe...ez8o1_1280.jpg









-

[Dark Chocolate]

*


بدنا نتجوز ع العيد .. و بدنا نعمر بيت جديد



-