[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[2COOL]

بيني وبينك حتى شكلك نسيته

ماعاد لك بالقلب تأثير وإحساس

خلاص كنّك شخص توني لقيته

مثلك مثل غيرك مثل باقي الناس

أنت مثل حرفٍ كتبته ومحيته

من صفحة أحلامي ولاعاد حسّاس

[2COOL]

من لايعرفك مايقدّر مقامك

من لايميّز ف البشر ماعرفها

اليا أحترمت الناس زاد إحترامك

الناس عزّ نفوسها من شرفها

[الــغـــدراء]

،،

أحلم وحرك فضول العالم الساكن ... الناس لولا الخيال يموت واقعها
إلا المحبة .كثير أحلامها . لكن ... ما فيه أحد قال : أحققها . وحققها


.

[قمر طارق]

هَبت نَسايم غِيبتك
وبداخلي مَشهد أخير
سُؤال مَات مِن الظما يُطرد سَراب الأجُوبه*
مِن قّطع أورَاق الهَوى ؟
وأخفَى مَلفَاتِ الضَمير
ومِن هو سَرق عَهد اللِقا !
قبِل الحَقِيقَة تِكتِبه . .

[قمر طارق]

*الناس للناس يوم الناس كانوا نظاف
واليوم عقب اختلاف الوقت محدن لاحد
ماهو بس القوي يجحد حقوق الضعاف
اليوم حتى الضعيف اليا تقوّى جحد

[قمر طارق]

تسمي حآجتي لـقربك (طمع)
تسمي صورتي بعينك حرآم*
ياخي حس
إذكر إني كنت أحب!
وكنت تطعن فيني بس
*من هو مثلي في غيابك
*لملم أحزآن ووجع

[2COOL]

جرّبت حظّي فوق مليون مرّه

مافاز لو مرّه بتقدير مقبول

حظّي ردي لاشكّ مابه مسرّه

بالحيل يتعبني على غير محصول

يا لايمي ياللّي عليّه يتشرّه

لو ذقت ماجرّبت صدّقت ماأقول

نكسات حظّي دايمٍ مستمرّه

لاميّتٍ يرثى ولا حيّ مأمول

[قمر طارق]

فمان الله ي ذكرى الغرام وما مضى يطوى*
• طويته مثل ماتطوى سفينة حزني شراعي/~

[ونين الروح]

انا " حياتي " مالها إلا لون " واحد " واجهله
........ خليط من لون الهواء والنار والماء والتراب
طرد السراب لِ من يحسبه ماء ماهي مشكله
........ المشكله طرد السراب لِ آلي يعرف انه سراب

[قمر طارق]

ان صابت الهقوات طيب على طيب
وان خابت الهقوات حيل الله اقوى