‏تعـال و خبّني من الدنيا بصدرك...‏هناك ما تقـدر الدنيا تضايقني❤

[Dark Chocolate]

*



سالخير شلونكم شخباركم

لي يومين انام 12-13 ساعه
و الله يا حبوب الحساسيه ذي مو طبيعيه كذا تخمدني و اذا صحيت راسي ثقيل مره و احس اذا مشيت كأني امشي على هلام هههههههههههههه و الله خايفه اطيح و انصفق على خشتي
اللي عندهم مشاكل في النوم جربوها بس ترى اكثر من 7 ايام ممنوع لانه ممكن تسبب ادمان + اكلوها بالليل اذا خلاص ماوراكم شغل و لا شيء
و انعموا بنومة طويلة المدى



-

[Dark Chocolate]

*











-

[Dark Chocolate]

*


دايم ما يكسرك الا القريب او اللي تحبه للاسف .. ما ياثر فينا شيء من الناس البعاد او اللي يكرهونا يمكن لاننا حاطين حاجز يرد هالاشياء بانهم يكرهونا حاقدين فما نصدق كلامهم عنا او تعليقاتهم ..
احياناً تحس نفسك قوي يعني مره كذا ما يهمك انتقاد الخلق لك او كلماتهم الملفوفه لك .. بس بلحظة ! و قدام اقرب شخص لك لو الكلمه اقل حده و الصفه اللي نعتك بها الطف من اللي انقالت من غيره تنكسر !! حرفياً تنكسر من داخل !! تتهشم مره مره ..
كأنك تقول الا انت لا تجرحني .. الا انت لا تكسرني .. الا انت لا تتركني
مرت علي ايام اذا سلمت من صلاتي احط يدي على قلبي و ادعي يارب انزل علي سكينتك .. لاني حسيت اني بنجن و بموت من الحزن اللي صابني كنت ما ابكي الا في السنه حسنه ذا الايام على اتفه شيء تخر دموعي .. عرفت فيها لما يقولون لا تنام زعلان لا تنام و انت تبكي .. نمت مره بعد حفله بكائيه قسم بالله ماقدرت ارفع راسي من المخده ابي اصحى ماقدرت عيوني وجبهتي صداع ما اقدر حتى اشوف حسيت اني بموت هاللحظه اخر دقايق لي في هالحياه بس اخبط بيدي ادور جوالي بدق على اهلي بدق على اي احد اي احد يجيني ما ابي اموت لحالي ..
كنت اغير نفسيتي قبل اكل كاكاو تتغير نفسيتي او اشرب قهوه اطالع فلم احط سماعاتي اشغل قران بس في هالفتره و لا شي غير نفسيتي و لا شيء عادي تمر 12 ساعه نايمه و اصحى يا متنحه على سريري يا ابكي يا كذا بس مغمضه كاني نايمه .. طبعاً و لا اكل و لا شرب لين تلويني معدتي من الالم اكل تمره و ارجع لصومعتي

يمكن اللي تعلمته من هالفترة ان حزنك و آلمك ما احد يطلعك منه او يداويك الا نفسك بس اذا قررت انك ترجع لحياتك بترجع و لو استسلمت لو ايش من ايش ما احد بيغير نفسيتك و لا يداوي جرحك ..




-



-

[Dark Chocolate]

'




أغمضْتُها كي لا تفيض فأمطرتْ
أيقنتُ أني لست أملك أدمعي
ورأيت حلما أنني ودعتهم
فبكيت من ألم الحنين وهم معي
مُرٌ علي بأن أودع زائراً
كيف الذين حملتهم في أضلعي



-

[Dark Chocolate]

*







اللهمّ افتح لي بابًا من واسع فضلك، تبلّغني به ما أريد، وتغنيني به عمّن سواك.


-

[Dark Chocolate]

*











-

[Dark Chocolate]

*








الحمدلله الحمدلله


-

[Dark Chocolate]

*







الحمدلله على جميل ستره و عفوه



-

[Dark Chocolate]

*




مره خمتني عنزتي و حذفت كل حساباتي بكل البرامج و حذفت التطبيقات بعد ..
و ما تحسفت ابد الا على حسابي بالتمبلر لان التمبلر عالم جميل و لان مدونتي هناك كانت متنفس لي و للاسف انه الغى للابد .. و حتى التطبيق لما بحمله يرفض لانه ماهو موجود بالستور السعودي ... و مالي خلق للتعديل و التبديل ...
يالله نتعلم درس جديد يا دنيا ..




-

[Dark Chocolate]

*




كيفك

قال عم بيقولوا صار عندك اولاد ؟




-