 |
|
||||||
| ملتقى الفنون الأدبية شعر,نثر,خواطر,قصص,روايات وجميع الفنون الادبية |
 |
|
|
أدوات الموضوع |
2013- 11- 4
|
#3741 |
|
أكـاديـمـي ألـمـاسـي
|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
الورد ياخذ له من اوصافك ، وصوف
والعطر ياخذ له من انفاسك عطر واللي قدر يجمع وصايفك بـ حروف ! مثل : الذي يقدر على ( جمع المطر )" |
|
2013- 11- 4
|
#3742 |
|
أكـاديـمـي ألـمـاسـي
|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
هذا البيت دايم ابوي يردده لم اطفش من الناس
لو الفقر ضيفٍ وحنا معازيب .. يامرحبا ، بالفقر دقه . وجـلـه !! الفقر ماهو عيب تدري وش العيب ؟؟ إنك غني والبيت محد(ن) يدلـه !!" |
|
2013- 11- 4
|
#3743 |
|
أكـاديـمـي ألـمـاسـي
|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
اخذي ضلوعي على جالك حطب
كن هذا البوح محتاج لـ دفاي اشتكيني لـ الغياب ولـ التعب واشتريك بكل دمعه من جفاي وتصبحون على خير  جميعنا
|
|
2013- 11- 4
|
#3744 |
|
أكـاديـمـي ألـمـاسـي
|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
في أخر اللـيل دورني وتلقــــاني
بين الدفاتر اسولف عنك لحروفي ومع طلة النور كني واحدً ثــاني اشغلت نفسي عن العشاق بظروفي |
|
2013- 11- 4
|
#3745 |
|
متميز بملتقى الفنون الادبية
|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
البارحه راسي تصافق طواريه والنوم ماله يمة العين حروه يلعب راسي صوت صلف المشاريه ذيب عوى يبغى عشى أمه الجروه وأنا على الدنيا من الهاه للهيه ماهمني شهرة ولا جمع ثروه همي وغمي واحد(ن) يوم القيه كني عليل وشوفته محو قروه تل قلبي في الهوى من عروايه رشاد الون ثلاثين عروه يتله الي حامي القيض حاديه يسقيه هبل مارعاه كروه عشر شريده كثرها من غواليه أقفن كما يقفى مع الجمع مروه والي يبقى عشر وصاته من أبيه من دونه لو يصيح الصدر ثروه قلته وكلي ماء ينضح بما فيه وفي العمر يوم لو يبلغ العز ذروه واليوم هذا يا أوله وين تاليه والنوم ماله يمة العين حروه |
|
التعديل الأخير تم بواسطة رحال 2626 ; 2013- 11- 4 الساعة 11:57 PM |
|
|
2013- 11- 4
|
#3746 |
|
مشرف عام سابقاً
|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
،،،
ميت ظما والعد صعب المواريـد وبذلت من شانه جميع الوسايل والشربة اللي من حياض الاجاويد تقطع ظما هدف الضلوع النحايل |
|
2013- 11- 5
|
#3747 |
|
متميز بملتقى الفنون الادبية
|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
لا إله الا انت يارحمن ياواحد أحد
واهب ٍ نور الهداية عن دروب ٍ مظلمه باسط ٍِ سبع ٍ وسبع ٍ فوقها بليا عمد فارض ٍ خمس ٍ عليها العبد نفسه مسلمه أشهد أن وحدك إلهي ربنا الفرد الصمد وأشهد محمد رسولك والكذوب مسيلمه استجير برحمتك يالله من ضيق اللحد والتجيبك من عذاب القبر واهل المشأمه واستعيذك يا إله الكون من حاسد حسد ومن نفث في عقدته من بعد ذيك الطلسمه ثم أببديبك إلَهي راجي ٍ منك الرشد الشعر يغوي وأنا غاويه لاجيت انظمه دام بي فيض المعاني كثر طفَاح الزبد الخطا وارد وانا عبدك ولا أقدر اعصمه اجتهد وادري بأن ما كل من يجهد ورد للمصاب اللي يبي من بعد شدت محزمه يعني لو صح المثال ان كل من جد َ وجد كان ماخسر الفتي وخطته كانت محكمه وكان ماشفنا من اللي فزعته تسوا بلد نكس ارقبته والا يادوب يجتٌرإنسمه وقتنا فيه التضاد اشكال وأكثرهم نكد الجلم فيه اذكيا .. ولا الذكي فيه جلمه فوضويه عارمه لاما حصوها في عدد والحقايق خايبه والزيف يِرتٌف علمه مثل ما شفنا البخيل اليوم للعليا صعد بكره انشوف الكريم ان مر ذكره نشتمه البخل ماهو ببخل المال لا شح المدد البخل باللي تكاثر ضحكة ٍ من مبسمه والجبان اسوأ صوره الذل والأسوأ بعد قذف عرض المحصنه يالله لاتبري دمه والأدب ماهو رزانه قاف للي به نشد كم وكم شاعر يخالف مايدونه اقلمه ما سلمت ولا غيري ولو انه جحد اغلب الشعار تخطي والخطا فينا سمه كن عيني عن طريق الحق حاديها الرمد لو بفكر بالإجابه الإجابه مبهمه ان تجاهلت الحقايق داخلي شي ٍ وقد ما قوا صدري يطيقه ونفسي عيت تهضمه ان مشت رجلي تبعها وان قعدت يمي قعد مدري هو باقي الضمير الحي وأزريت اكتمه رحمتك يامن ملكت الكون وإلهمني الرشد دام يغويني الشعر وأغويه لاجيت انظمه ودام بي فيض المعاني كثر طفاح الزبد الخطا وارد وانا عبدك ولا أقدر أعصمه |
|
2013- 11- 5
|
#3748 |
|
متميزة في قسم حواء
|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
الكون موحش والمسا فاقد احساس والهم ينسج مـن خيالـي قصيـده اكتب همومي بالقلم قوق قرطـاس وارسم معاناة الجـروح الجديـده القلب وش خلاه مخنوق الانفـاس بين الضلوع العوج ينزف وريـده الا الفراق وغربة النـاس للنـاس وبعض السوالف والعلوم المكيـده ياقلب لاتحـزن ولايغلبـك يـاس ارتاح واستبشر بلحظـه سعيـده
اقولهـا ياقلـب لابـاس لابـاس لاتقهرك سـود الليالـي العنيـده اللي ذكر طيبي على العين والراس واللي تجاهلنـي تجاهلـت سيـده ماهمني من باعنـي دون مقيـاس عزيت نفسـي والامانـي بعيـده انا كذا طبعي مع كـل الأجنـاس القلـب عزيتـه وشديـت قـيـده حوله من الاضلاع حطيت حراس تحميه من غدر الليالـي الشديـده اللي يذوق الغدر صافي من الكاس لابـد يتعلـم وعلـمـه يفـيـده ضويت لي في سود الايام نبـراس يهدي حياتـي للـدروب الرشيـده موحش فكري عن تفاكير الادناس نفسي عن الهفوات دايـم زهيـده واللي يحاول يسرق اللول والماس ماطالته عينـه ولا طالـت أيـده يبطي ويشهر للبشر ذل الافـلاس لا بدد اموالـه بيفلـس رصيـده ماكل صيد يجيبه الحـر قرنـاس يموت بالرمضا ولا هـو يصيـده واللي يحاول يكسر الراس بالفاس مثل الـذي بيـده يكسـر حديـده كتبتها جمله انـا بيـن الاقـوا (لاتقرب النيران جسمـك تبيـده) اعوذ بالرحمن مـن كـل خنـاس من الوسـاوس والحيـاة البليـده ياوجد حالي كل ماهـب نسنـاس سافـرت بافكـاري لدنيـا بعيـده اتذكر اللي غاب من خيرة النـاس اللي وصوفه فـي خيالـي فريـده محشوم وافي طيب العرق والساس بين البشر مافيه شخـص نديـده نسله من الاحرار والعرق دسـاس رحل عن الدنيـا بساعـه نكيـده الله يكسي جسمه الغـض بلبـاس من سندس الفردوس حله جديـده بصبر على فرقاه والقلب حسـاس حياتنـا ماجـت علـى مانريـده هذي النهايه تنكتب فوق قرطـاس ارسلتها عبـر الاثيـر القصيده أسأل الله ان يرحمه برحمته   |
|
2013- 11- 5
|
#3749 |
|
أكـاديـمـي مـشـارك
|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
الوقت غيرني .. و تحدّيت الاشواق
واللي قريّب !! صار ماهو قريّب ابشرك عقب المطر .. عاشت اوراق ( وابشرك عقب التعب .. قمت طيب ) , |
|
2013- 11- 5
|
#3750 |
|
متميز بملتقى الفنون الادبية
|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
آخر عباراتي وداع ،وآخر مشاويري رحيل
" جيتك وبي لفحة ضما واقفيت كبدي ناشفه اصعب كلام أصعب خبر صرخه عقب صمت طويل " " مثل الهدوء اللي سبق لحظة هبوب العاصفه وأنتي بمتناول يدي ، تبدين مثل المستحيل" " في عشرتك صوت العقل يقتل طموح العاطفه الحب ماهو كل شي إليا وقف حظٍ بخيل" " قلوبنا مثل العسل بس الظروف مصالفه لاللندم ،لاللعتب ، أوشي من هذا القبيل" " وانتي ماجا منك خطا حتى تقولي اسفه من غير ليه ، استسلمي ،واستلهمي صبرٍجميل" " ولاتسأليني وش جرى مالك بطول السالفه قولي لهم ياعزوتي ماعابنا موت النخيل" " اللي يوافيها الأجل وتموت لكن واقفه آخر عباراتي وداع آخر مشاويري رحيل" " جيتك وكبدي ناشفه واقفيت كبدي ناشفه |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
